,,,,حـــــــــــــــــركات رومانسيـــــــــــــــــه,,,,

شكرا للجميع على التعاون والردود

انا الصراحه بعطي نفسي وسام احسن موضوع وفكره مشاء الله علي الله يخليني لعيون ترجيني
:)

كرزة الحلوه
عزيزتي شكراُ على الافكار وعادي اختي خذي راحتك قولي الي بخاطرك ولا يردك إلا الكي بورد

بس يسءلك أختي من وين اجيب الي قلتي عنه شريط وكتاب الدكتور الكويتي صلاح الراشد؟؟؟

انا عجبي كيف تكسب محبوبتك للرجال
:)

بشتريه وبوزعها على كل رجال عائلتنا الي تزوجو وإلي ما تزوجو حتى لسواقنا بعطيه علشان يدعونلي حريمهم
:)

من حقك تاخذين الوسام لاحلا موضوع ,, تستااهيلن ترى ..

وهذي هديه مني لك (f) (f) (f) (f) (f) (f) (f) (f) (f) (f) (f) (f)
وتستاهلين اكثر ...

بخصوص طلبك .. راح تلقين الشريط في محل التسجيلات ..
اذا كنتي من اهل الرياض .. ( تلقينه في محل أحد للتسجلات // وكنتبه جرير انا جبته منها )
وانشالله تنتفعين فيه .. ( بس وبدون مجامله ماراح تخسرين انشالله لانه صدق اكثر من رااااائع

هلا خواتي ..

انا حابة اشاركم افكاركم .. بقولكم كم حركة سويتها بخطيبي ..

انا وهو نشتغل في نفس المكان .. يوم من الأيام خذت عنا مفتاح سيارته وكنت شارتله (قلم ، قلب من القطن ، سلسلة للسيارة مكتوب فيها آية الكرسي ، وردة) حطيت لغراض بسيارة .. حطيت القلب والقلم بالكرسي اللي يمه .. وعلقت السلسلة .. وحطيت الوردة جدام صوب السكان .. صادف ذاك اليوم ان شي ضايقه بالدوام لدرجة انه استأذن وطلع .. وعقب ماشاف الأغراض اتصل فيني .. وقالي انه على كثر ما كان طفران ومضايق من شاف الأشياء وااااااااااااااااااايد فرح ورتاح ..

ومرة من المرات كان ماخذ سييارة يديده .. وكنت محتارة شو اخذله .. فخذت علبه صغيره حجمها حجم كف اليد .. وحطيت داخلها ورد مجفف لونه أخضر طبعا عقب ما عطرته وحطيت بالنص مصحف صغيييير لونه اخضر وفيه نقش فضي .. وخذت شريطه فضيه صغييييرة وحطيتها علغطى فوق بزاوية .. وكان شي واااااااااااايد روعة ولين الحين محتفظ فيه بالسيارة.

ومره انا كنت بسافر الكويت .. قبل ما اسلم عليه وسير المطار عطاني مصحف .. وقالي اقريه وخليه دايمن معاج .. عن جد واااااااااااايد فرحت وكان اعظم واحلى عن اي شي ثاني ..

هذه بعض الأفكار وانشاء بخبركم عن اي شي يديد..

بس انشاء الله يعجبونكم..

عروس دبا

هلا حبيباتي

اكيد كلكم محتارين ومبعارفين شو تكون حركتكم للعيد ..

انا بخبركم على الحركة اللي سويتها لخطيبي لأن اليوم آخر يوم اشوفه .. خذت علبة صغيرة على شكل قلب وحطيت فيها لعبة صغيييييرة على الجنب وحواليها ورد مجفف وبالنصف حطيط خمس دراهم عيدية عقب ما كتبت عليها كلام حلو وكتبت عليها (لآنك طفلي المدلل فهذه عيديتك) وقلتله لا تفتحها غير يوم العيد الصبح عقب ما تجهز ..

اتمنى ان تعجبكم الحركة


اختكم عروس دبا

:cool:<CENTER>
<DIV id=cdiv style="BACKGROUND-COLOR: 600000">
.
.
<P align=center><FONT color=#ffffff size=5>
هلاااا عروووس دبا ان شاء الله بسويها يووم العيد وبشوف ردة فعله ومشكووورة</FONT

اختي عروس دبا فكرة العيدية وايد حلوة عجبتني وبسويها انشالله ....

وفكرتي هي ...... اخذت برواز حلوووووو وفخم واخذت ورقة شبيهه بأوراق البردي مالوت الفراعنه (وايد متأثرة بدروس المدرسة) وكتبت عليها اهداء حلو وطويل نوعا مع مع كلمة حلوة وحطيته في علبة ستايلها قديم مع ورد مجفف ودهن عود ..... وشكلي راح اضيف عليه العيدية اللي قلتي عنها ... اشرايكم مو فكرة حلوة للعيد ؟؟؟

هلا والله ..
وش اخباااركم مع هالموضوع ؟؟ صراحه انا هبل فيني كل شوي داخله اشوف وش الجدييييييد ..
يالله الهمه يابناااااااات ..

انا عندي فكره بعد حلوه للعيد ..

اشتري سله حلوه وحجمها وسط وتكون شوي غريبه ( على ذوقك ) واشتري كاكاوات بس من حجم صغير( على حسب اللي ودك .. تبينها شكولاته عاديه مثل جلكسي ومن هالطقه او شكولاته كشخه من باتشي وغيره او اي نوع عارفه انك زوجك او خطيبك يحبه يعني متروك لك الخياااار) واشتري ورد مجفف بلون السله او اللون الي ناسب الشكولاته وانت وذوقك واخلطيهم سوا وقبل تحطينهم بالسله اخذي ورقه كشخه وسويها على شكل مطويه واكتبي فيها كلام حلو واربطيها بشريط مناسب وبعدها اخذي اي هديه انت ودك فيها وحطيها في اسفل السله وغطيها بخليط الشكولاته والورد المجفف بحيث تتغطا الهديه ماتبان (ممكن تسوين اضافه انك تشترين لعبه حلوه مثل دبدوب صغير او اي لعبه صغيره وتحطينها بالوسط بين خليط الشكولاته والورد المجفف ) وبعد ماتتغطى اخذي ورق سولفان وغلفي السله واربطيها بشريطه وممكن انك تغلفين السله بتغليف غير السولفان علشان ماتبين السلة .. طبعا السله بتكون على حسب حجم الهديه ونوعها ..
اتمنى وصلتكم فكرتي ..

يالله عاد اتحفونا بافكاركم .. ننتظركم

هلا والله خواتي..

مون لايت و دانة الكويت .. خبروني شو كانت ردة فعلهم ؟؟؟؟

انا بقولكم شو كانت ردة فعله ..

ما كان يقدر يكلمني ذيج الساعة لأنه خوانه كانوا يتريونه عسب يسيرون صلاة العيد.. على طول طرشلي مسج وكان وايد فرحان يقول انه ماتوقع..

و اول ما كلمني تم يسألني عن هالفكرة الحلوة والغريبة يقول ان من زمان محد عطاه عيدية ..


بس والله حسيته وااااااااااااااااااااااااااايد فرحان ..


عروس دبا

بصراحة انا احب اضيف شيء في خاطري اسويه يوم بيي الريل و بيستوي عيدميلاده

تدرون افكر اقولة ياخذ سيارتي و احط في دبة السيارة نفاخات وايد و اخذ له شوية عطور وسوع و شوية دباديب مادري ليش هاي الفكرة في بالي من زمان

شو رايكم

ok
:cool:

عروس دبا وينج ماقال شي بس ضححححححححك وقهقه وكهكه وشكله كان سعيد وعطاني عيديتي وبس .......................... شسوي ريلي صامت ماكو ردة فعل :)

هلا دانة الكويت

ماقلتيلنا شو كانت عيديتج .. فضوووووووووووووووووووووووول ;););)

هلاااا عروس دبا ... :)
انا حطيت العيدية ...على الكنبة وطلعت ... ;)
كانت ويانا عزيمة ... :cool:
ولما شافها وايد استانس ... :D
... ودق لي تلفون ...
وكان صدق مستغرب ... :rolleyes:
اونه اول مرة حد يسويله عيدية بهالشكل .... :eek:
بس تصدقون بعدين استحيت ... :o
تعرفون ليش ؟؟؟
لانه هديتي كانت وايد اغلى ... :p

هلا عروس دبا ..... عيديتي كانت مميزة لأنها دينار بس عملة قديمة تغيرت (انقرضت) بعد الغزو :) ...... اي عطيته عملة قديمة علشان مايصرفها بالغلط وكتبت له عليها اهداء حلو وحطيتها بصندوق شكله قديم وداخله الاشياء اللي ذكرتها قبل دهن عود وورد مجفف وبرواز داخله اهداء كان شكلها وايد حلو وهو بعد مارجع من صلاة العيد وبغى يسلم علي عطيته وانربط لسانه بس ضحك مادري ليش شكلها عجبته حتى من كثر ما استانس نسى يبارك لي بالعيد هههههههههه ......

مون لايت ترى عادي مرة تكون هديتج اغلى ومره هديته اغلى مو هذا المهم المهم المعنى والطريقة اللي تقدمينها فيها .... صح والا لا ؟؟

[MARQ=DOWN]اكيد دانة الكويت وصح لسانج الغالية[/MARQ]

هلا بنات\

موضووع جذاب فعلا

استفدت منه كثر


انا مالكة الحينه وعرسي في فبراير يعني قرب

تعرفون انا في العيد سويت


انت شريت علبه كبيرة من ايكيا

هم علبتين

وحطيت فيهن هدايا مثل شمووووع وبراويز


وصورنا وحنا صغار

وطقم ياباني من لايف ستايل

وخذت له بوك من فيندي وحطيت في البوك صور الملكة وصورنا وحنا صغار.(البوم مب بوك:))

وخذت له نعال ووزرة وغتر و(طاقيه)

وخذت له دبادبيب صغار من تهاني الخليج

وخذت بعد هدايا من لايف ستايل

انترست العلبتين

وغطيتهن بورود مجففه وغلفتهن بلون العلب .( كان احمر وابيض)

وعطيته اياه

استانس وااااااايد فيهن

...........................


اختي عروس قديمة بغيت اسألج عن البالون من وين خذيته.؟؟

عرووووووووس قديمة انا من صدق ناويه اسوي فكرتج

بس

ابي اعرف كيف علقتي الورود والصور والقلووووب على السقف



ما طاح..................؟؟؟؟


يعني كيف علقتيهم باي لصق

والله ابي اعرف

صح عروس قديمة شكايل علكتيهم لأن فكرتج وااااااااااااااااااااااااااااااايد حلوة وعجبتني وايد وانشاء الله يوم بعرس ناوية اسويها ..

هلا بالغاااااليات ..

كان ودي اضيف موضوعي لموضع الحركات الرومانسيه بس شفت ضغغغط عليه وقلت لو بكتب موضوعي ماراح احط يعطيني وجه ..
عاد ودي منكم خدمه خاصه البنات اللي عنهم افكااار حلووووه

انا في بالي اول يوم من زواجي اسوي لزوجي هديه ..
بس محتااااااره مدررررري وش اسووووووووووووووي ابي شي غرررررريب ومب تقليدي يعني شي يبهررر ..
يعني ودي تقولون لي وش ممكن اسوي هديه ووش احطها فيييييه
صدددق محتاااااره ..
انا اللي في بالي اني بعد مااجيب الهديه راح احطها تحت السرير او في وسط الدولااب يعني مكان موب باااين واحط كرت على السرير اقوله عن مكانهااا ..
بس المكشله اني ماادري وش اجيب هديه ولاني عاااارفه وش تحطه فيه ..

اتحفونا بافكاااركم الجديده لا تبخلوون علينا

انتظرررركم لاتطولوووون علي

;)انصحكم بالدخول الى هذه الموقع
www.fekraonline .com

مع أطيب التمنيات

هلا فيج اختي كرزه..

مبروك عليج الزواج مقدماً والله يوفقج..

تدرين أنا بعدني حالي حالج يعني ما عندي خبره عن طريقة تقديم الهديه.. بس انا ما احب اتعب الواحد لين يلقى الهديه.. مثلاً لو كنت مكانج بحطها على السرير أو تحت المخده أو في مكان يكون موجود فيه دايماً وبشرد عشان ما يشوف الهديه جدامي..

وعن مضمون الهديه.. شوفي شو يحب زوجج.. مثلاً إذا يحب اللون الأحمر خلي لون الغلاف أحمر.. وإذا زوجج يحب القراءة حطيله كتاب ممكن يهمه.. وإذا يحب العطور حطيله عطر يديد حلو.. وإذا يحب الالكترونيات ييبيله مذكره الكترونيه أو شي جيه.. بس أهم شي حطي في بالج انج لازم تييبين الشي اللي يحبه هو مب اللي انتي تحبينه
لأن بعض الزوجات تزعل ليش زوجها ما عجبته الهديه وتكون هي اشترتله دبدوب أو شكولاته أو عطور لأنها هي تحب هالاشياء بس طلع انه هو ما يحبها ويعتبرها أشياء سخيفه.. وما نلومهم الأذواق تختلف..

ولا تنسين تحطين هديه للسياره بعد.. محاضره حلوه يسمعها في السياره وتفيدج انتي.. فيها حقوق الزوجه أو كيف تكون زوجاً ناجحاًَ .. إلخ
وبعطيج اسم كم شريط وايد ممتازين (رساله إلى العروسين- لابن مسفر، مقومات السعاده الزوجيه- للدكتور ناصر العمر، بحر الحب- للدويش (وهالشريط موجه للرجال))