,,,,حـــــــــــــــــركات رومانسيـــــــــــــــــه,,,,

حللللللللللللوة يا مرمر انا بجربها قبلج انشالله :) لاهي خيالية ولا بسيطة .... واذا تسمحيلي بزيد عليها شوية ( اشتغل الخيال عندي ) :)

بدل ماتحطين ورد طبيعي ويذبل ويروح تعبج كله تقدرين تحطين الورد الصغار الصناعي اللي يحطونه في اكسسوارات الشعر وفي تغليف الهدايا وهذا مو غالي يعني ماراح يكلفج تحصلينه في محلات 100 فلس ( اكيد في منها بدول الخليج بأسماء اخرى ) وتنثرين لج جم وردة طبيعية على الفراش بيكون رووووووووووووووووعة ... وغير جذي تقدرين تسوين مفارش للكمادينات او اي شي ثاني بحيث يتماشى مع ديكور السرير ويكون ديكور الغرفة كلها بنفس الفكرة ...



ترى والله مو مجاملة ......... عجبتني الفكرة وهذا الورد عندي منه وايد فراح أبدي اشتغل فيها من الحين واخشها حق عيد ميلاد زوجي :) بس انا ماراح احطها على السرير ........... راح اعلقها بالسقف والا شرايكم ؟؟؟؟

الله يغربل بليسج يا نجدية ما طلعين الا المستحيل ... مستحيل ما افدر اسويها همسة والله حسافة ...دانة الكويت هاي فكرتي بسويها لريلي في عيد ميلاده الياي بس بزيد شي عن اللي قلته رح احط دباديب صغار في الممر وفي ايد كل دبدوب بطاقة فيها كلام رومانسي ... وفكرتج يا مرمر وايد حلوة تسلمون على مشاركاتكم ....:)

السلام


ما عندي فكرة بس حبيت اثني على فكرة الأخت مرمر اتصور بتطلع واايد


حلوة اذا طبقت وممكن نضيف لها فكرة الأخت دانة بليتات الصغار


يعني نحط التول والورد ونضيف الليتات على التول بيطلع شكلهم واااايد

حلووووووو....

يعطيكم العافية خواتي وياريت الي عنده فكرة ما يبخل علينا....

مرحبااااااااااااااااااا

مشكووووره اختي نجديه علي موضوعج الحلو
وجميع اخواااااااااتي مشكورين علي الحركاااااااااااات الحلوة
وانشالله بسويهاااااا بالمستقبل

وفي حركه اتسويهاااااااااا رفيجتي وايد حلوه
واهي بيوم عيد زفافهم تلبس ثوب ابيض مثل ثوب العروس يكون عااااري
وجذاااااااب واتسوي تسريحه حلوووووووه ومكيااااااااج حلو وتلبس عدسات عسليات
وطبعااااااا الجو راح يكون رومانسي ومجهزه كيكه وتقول لمه شافهااااااا زوجها
انصدم ماصدق عينه


تحيااااااااتي

حوراااااااااء

الله يعطيكن الف عافيه يا بنات ..

و اخص بالشكر عروس قديمة و عروس دبي ... ما شاء الله عليكن افكاركن رهيبه و حلووووه وايد...

عروس قديمه .. ما شاء الله .. صراحه احنا استانسنا بها الافكار .. اشقايل عاد بو العيال ;) .. عسى الله لا يفرقكم و يهنيكم يا رب ..

اختي نجديه .. على فكره انا بعدني مب متزوجه !! يعني انتظري لين ما اعرس ان شاء الله .. و عقب بعطيج فكرتي !! ههههههههههههه ..

بس الفكره الي عندي اليوم هي :

انه ممكن في عيد ميلاده و لا في مناسبه خاصه .. تطلبين من محل الورد يسويلج باقة .. بشرط ها الباقه تكون في سله فضيه ( يعني تكون من معدن مصنوعه السله ) .. و ينسق لج فيها ورد ( يفضل يكون لونين بس ) .. في السله هاي تحطين بعض الهدايا الي شريتيها .. لو تكون الهدايا صغيرة بحيث انج تخبينها وراء الورد بيكون حلو .. بس كيف بيعرف زوجج انه فيه هدايا تنتظره ورا الورود !! :rolleyes: ..

ببساطه .. تحطين مثل الشريطه الملونه و يكون لونها شوي مخالف عن لون الورد .. و هذي الشريطه تكون مربوطه بالهديه !

و شوفي عقبها شو بيصير !! بيتم الريال يدور اشرطه ملونه في الباقه !! :D ...

عسى بس عجبتكم فكرتي ;)

يالله همتكم بنات بالافكار الغريبه ..

السلام عليكم و رحمة الله و بركاته

عندي لكم موقع في أفكااااااااااااااااااااااااااااااار حلوة .. انشاء الله تعجبكم.
بس يا ريت بعد ما تشوفوها .. تردوا اذا عندكم أفكار جديدة.


http://go.3roos.com/XQNWXbG9M2D

ما عندي فكره في بالى حالياً .. تعرفون ليش لأنه الأفكار اللى طرحتوها

صراحه تهبل .. واااايد حلوه:p


استانست وااايد وانا اقرأ افكاركم اللى اكثر من روعه

فعلاً افكار تينن ويستانس الزوج .. الا يتخبل عليها بعد

اشكركم على روح الحماس اللى فيكم .. واتمنى اقرأ افكار حلوه اكثر

[MARQ=UP]اكيد افكار حلوة وموضوع رهيب[/MARQ] :D:D:D

سلام عليكم بصراحة الموضوع عجبني وااايد.. المهم انا بقولكم فكرتي سويتها مع خطيبي في اول عيد ميلاد اكون معاه...في نفس اليوم عزمته عالسينما وعالغدا بس كان في خاطري اعزمه عالعشاء بس تعرفون الاهل في فترة الخطوبة ما يحبون انه انتم لين نص الليالي برع.. المهم بعد ماخلصنا من الغدا سرنا عالبحر والجو رهيب كان جريب المغرب وكنت خاشة وردة في السيارة بدون ماهويدري لانه كنه طالعين بسيارتي.. وكنا نسولف عن ايامنا الحلوة وبعد ما خلصنا قلتله انا تعبت ردني البيت وهو ما كان يبا يرد البيت بعد مالحيت عليه ردني..وصلنا البيت وقلتله انزل شوي ابا اقولك شي وطبعا كنت مجهزتله مفاجئة في المجلس حطيتله شرايط زرق وشموع زرق وسويتله كيكة زرقة وكتبت عليها احبك.. وكنت حاطه عند الكيكة خريطة الهديه ومزينتنها بغلاف ازرق وشرايط زرق يعني كانت ليلة زرقة واللبس اللي كنت لابستنه ازرق؟؟ والهدايا اللي ماخذلته اياه كان محتاجنهم مثل موبايل نوكيا الجديد ومحفظة صغيرة وعطرين وساعة وحطيتله وروود مجففه.. واستانس وااااااايد .. ويقول اول مرة حد يذكره بعيد ميلاده ..ونزلت دمعة من عينه كانت دمعة حب وقالي احبج.. واستانست عليه.. الحمدلله..وانشاءالله احصل على افكار جديدة منكم لمناسبة ثانية لزوجي.. وادعولي بالتوفيق لانه عرسي بعد اسبوعين انشاءالله.. بصراحة ابا منكم افكار حلوة حق ليلة الدخله منكم... ومشكورين...

BintDubai>>>

ماشالله عليكم ..ما قصرتوا..

انا الحين استعد اسويلي كم حركه حق العيد...
بشتريله هديه...وباخذ من افكاركم شوي...

يعطيكم العافية...


;)

سلام مرة ثانية :)

هالحركة مو انا اللي سويتها ... هاذي زوجي سواها فيني يوم تاريخ ميلادي ..... طردني برة البيت طول اليوم هههههههه وداني بيت اهلي المهم لما رجعت اتصلت فيه قبل ما ادخل البيت بناء على طلبه .... ودخلت .... كانت الاضاءة خفيييييييييفه وعلى صوت اغنية كل عام وانت الحب طالعة من الكمبيوتر .... كانت حلوووووة ولها تأثير كبير .... وامنسق بوكيه ورد بحيث ان تكون الهدية بين الورد وكانت مصحف وخاتم ذهب وعطر ..... بس الاغنية كانت احلى شي بهاليوم لأنها فاجأتني ......

حلووووووووووو الموضوع كثير

بالنسبة للالأفكار كثيرة اللي سويتها مع خطيبي وهو اللي سواها معاي

اليوم انا سويت له مفاجأة وعجبته كثيرررررررر كثيرررررر

نحن طبعا قاعدين نتجهز للزواج من تأثيث البيت وغيره من الأمور اللي تسبق الزواج
وهو كان بخاطره يشتري نظام المسرح المنزلي الجديد من باناسونيك لأنه غرامه الإلكترونيات

انا شفت لهفته عليه وقلت بعقلي يا بنت استغلي الفرصة
ورحت البارحة واشتريته لكن الجديد في الموضوع اني دفعت قيمة الجهاز هو صحيح غالي لكن اني اشوف الفرحة في عيون حبيبي نستني كل شيء
المهم واتفقت مع المحل انهم يوصلونه له الى العمل ((( علما ان انا وهو نشتغل بنفس الوزارة لكن بأقسام مختلفة ))) ويكونون مغلفينه بغلاف انا عطيتهم اياه ووردة وبطاقة صغيرة واتفقت معاهم على موعد معين الساعة 10 صباحا

وبالفعل اتصل فيني صاحب المحل وقالي لي انه بيروح الحين بيوصل الطلبية له
وانا قلبي يرقع من ترقب المفاجأة
ووصل الشخص ومعاه صندوق كبيررررررررررر لأان طبعا الجهاز كبير
طبعا هو استغرب من اللي ممكن يبعث له مثل هذه الهدية الكبيرة
لكن لما فتح العلبة وشافها الجهاز اللي هو يريده والله حسيت كأنه طفل من الفرحة اللي بعينه
شايفين كيف الطفل لما تعطيه هدية ايش تكون ردة فعله
لكن خطيبي رجل وطريقة التعبير اختلفت
خطيبي عينه دمعت وقالي ((( هديتك احلى واجمل هدية قدمت لي منذ ولدت )))

*******************
ومفاجأته هو انه لما كان عيد ميلادي في شهر سبتمبر وهو اول عيد ميلاد اكون فيه معاه
انا سكت ما ذكرته قلت بشوف يتذكر او لا
هو تدرون ايش سوى اتصل بأختي ونسق معاها انها تطلعني بره البيت بحجة شراء اغراض وانا بالفعل طلعت والله كنت على نياتي وما توقعت انه بيسوي لي مفاجأة وكنت متضايقة انه حتى ما قالي كل سنة وانتي طيبة
ولما رجعت بعد ساعتين
شفت سيارته عند باب البيت فإستغربت وقلت خير اول مرة يجي بدون ما يقول لي
ولما دخلت شفته واقف مقابل الباب ومعاه وردة وهدية ويقول لي كل عام وانتي بخير
والله قعدت ابكي وقلت له انا كنت افتكرك نسيت
لا والاحلى من كذا جاب لي كيكة كبيرررررررررررة وحاط عليها صورتي
وكليت الكيكة كانت لذيييييييذة جداااااااااا

*******
واذا تذكرت شيء ثاني بكتب لكم

الصراحة افكاركم وااااااااااااااااااااااااااااااااااااااااااااااااااايد خطيرة و وايد

بستفيد منها انشاء الله..

وبغينا المزيد من الأفكار من اخواتنا المتزوجات.

أنا توني يديدة في الموقع و عجبني وايد و أ نا بعدني صغيرة و ماعندي افكار ان شاء الله بعد فترة اني اشارككم المواضيعز

ياهلا وغلا بكل اللي في المنتدى :)..

اول شي احب اهنيكم من قلب (l)على هالمنتدى الراااائع ..صرحه وبدون مجامله مررره مفيد يعني صدق العروس :oبستفيد منه وااااااجد وخاصه اذا ماكان عندها احد تتفاهم معه وتساله ..
يعني صدق الله يجزاكم خير ريحتوا عراايس واجد اكيد .. وانا وحده منهم ادعوا لي بالتوفيق :o..

ثاني شي ..
انا عندي استفسارت كثيررره :confused:يعني بدخل على كل مشاركه وبحط فيها سؤالي اللي يتناسب مع المووضوع ;)..
ودامي الحين عندكم ..
ليتكم تفيدوني .. ولكم مني الف شكر ..
اكيد بتعبكم:confused: بس محتاجه وقفتكم :o..


اليكم بسؤالي :
الحين الرومانسيه والحب والحنان(l) شي مطلبو من الزوجه تجاه زوجها صح ؟؟ يعني لازم تفيض عليه من هالمشاعر وتحسسه انه اغلى واحد وانه كل شي بحياتها .. غير كذا عليها انها تعامله كنه طفل بالضبط لان كثيرر رجال ماحسوا بالحنان اللي يبونه خلال فتره رجولتهم ويبون يعوضونه مع زوجاتهم لذلك لا تستغرب اي وحده من انها لازم تعامل زوجها مثل الطفل .. ( على فكره الرجال طفل كبير :eek:)
طيب اظنكم تتفقون معي بهالشي صح ؟؟
اللي ابيه منكم يااخواتي ..
ان كل وحده تكتب لي وش الطرق الحلوه اللي تتوقع انه راح تعجب زوجها :oواللي ممكن تعبر له عن مشاعرها .. ماابي شي تقليدي ابي شي خيالي يعني شي جدييييييد وبنفس الوقت حلوووو
يعني اخواتي اللي مابعد تزوجوا ( عسى ربي يزوجهم كله ويسعدهم وبالذريه الصالحه يملا بيوتهم ) تخيلوا اطلقوا لخيالكم العنان وشوفو وش يطلع معكم ..لا تستهينوا باي شي ترى الحرمه لها دوررر في الابتكار بحكم انوثتها وعاطفتها :)
ترى انا مثلكم اتخيل واشوف وش يناسب :o
واخاوتي المتزوجات ( عسى الله يديم المحبه بينهم وبين ازواجهم وبالطاعه يحلي اوقاتهم ) ودي مكن شي جربتوه ولقيتوا فعلا نتيجه حلو وايجابيه ..
يعني صددق محتاجه اخذ دروس قبل اروح لزوجي .. ان ربي سهل وتمم على خير ..
ومثل ماقلت لكم ودي بشي غريب وفعال في نفس الوقت .. حركات غريبه .. اشيااء جديده ..
وانا انشالله بعد مااقرا ردودكم بقولكم بعد اللي عندي من هالحركات ..

اااسفه طولت عليكم :(..
بس وش اسوي لازم اوضح اللي ابيه بالضبط ..
ولكم مني جزيل الشكر ..

ليتكم تردون علي بسررررعه .. لان زواجي قريب وتعرفون لازم اتهيأ نفسيا قبل اي شي :o..

الله يسعدكم دنيا واخره .. ولطاعته يوفقكم اجمعييييييييين ..
لا تنوسنا بدعواتكم

اختي كرزة انا اللي فهمته انج تبين طرق مبتكرة تحسسين زوجج باهتمامج فيه وبحبج له صح والا لأ ؟؟؟

اهم شي انه ما يكون متوقع هالشي وما يكون بمناسبة معينه لأنه بهالحالة يحس فيها اكثر .... يعني مثلا ترسلين له اهداء على الموبايل بدون مناسبة .. او تحطين له وردة وكرت في مكان يشوفه مثلا داخل الكبت اللي فيه هدومه او داخل سيارته او مثلا تحطين له الكرت داخل كتاب تدرين انه راح يقراه .... تقدرين تكتبين رسالة طويلة عريضة وتبعثينها على ايميله او بالبريد العادي ....

هاذي الافكار اللي عندي وكل وحدة تقدر تزيد او تعلق عليها .... وانشالله تعجبكم وتعجبج يا كرزة خصووووصا ...

هلاا والله ..
صراااحه ابدعتوااااااااا ماشالله عليكم ;)..
صدق يابنات تبردون الكبد:D ..

تدرون انا من الهمتمييين بهالشغلااات الرومانسيه واحببها واحب اسويها ( طبعا بعدي ماجربت اسوي شي لاني مابعد تزوجت بس انشالله زواجي قريب :oلكني ادور الحين افكار واكيد بساعدكم بالافكار اللي عندي .. )
بس بقولكم ملاحظه قبل ابد .. اذا عجبتكم فكره من أي اخت اكتبوها في ورقه علشان ماتنسونها
يعني جمعي الاوراق وعلى حسب المناسبه اختاري الحركه اللي تعجبك .. انا كذا اسوي وحطيتهم في ملف

قبل اقول افكاري ..
ودي اقولك للاخت نجديه مشكووووووره على هالافكار الراااائعه ابدعتي :)..
افكراك حلوه الكنز والاوراق اللي الملصقه الين غرفه النوووم خياليه صراحه اونشالله بسويها وبدعي لك
والاخت همسااات يعطيك العااافيه فكرة الحمام والزيوت مرره حلوه ناويه اسويها بس صدقوني بيكون لها اثر حلووووو :)..
تدرون بسوي نداء للمتزوجات :
ياخاوتي المتزوجات .. وش رايكم جربوا هالفكره وقلو لنا وش رده الفعل:o ..

انا عندي لكم افكار وانشالله تعجبكم ..
( ايه بقولكم شي قبل انسى فيه شريط للدكتور صلاح الراشد ( كويتي ) اسمه كيف تكسبين محبوبك مرررررررررررررررره روووووووعه صراحه خياااااااااااااالي ومفيد مرررره ويعطيك افكر تهبل لايفووووتكم هو يجي شريطين مع دفتر للتمارين .. ايه وفيه بعد اصدار له كيف تكسب محبوبتك هذا للرجال تقدرين تشترينه لزوجك وتغلفينه وتعطينه ايه ترى مافيها شي .. بس صدق نصيحه اخوييييه اشترووووه لايفوتكم وماهو غالي .. واذا سمعتوه بتدعون لي اكيد وابي رايكم )

..الحين بقولكم بعض الافكار (a)..

تقريبا هو مشابه لفكرة الالبوم اللي قالت عنه الاخت دندونه وفيه الصور اللي تجمع الزوجين .. بس يختلف بشي بسيط ،، اشتري ملف كشخه او البوم صور فخم وروحي لمحل الهدايا وخليه يزينه لك بحيث يكون راقي وناسب ذوق زوجك .. وحطيه فيه صوره من يومه صغير الين اللي وصل له الحين وعلقي على كل صوره .. وهالملف ماارح بنتهي لاا بالعكس كل ماسوا انجاز جديد له اكتبي وش سوا ووش ابدع
يعني مثلا يوم زواجكم حطي صورته واكتبي تحتها في يوم كذا تزوج فلان وهذي صورته احلا المعاريس ومازال في عيني احلاهم كلهم ..
وموب شرط تكون موجوده صورته لاا افرضي انه معطيك ورده لاترمينها بالعكس احتفظي فيها وممكن تحطينها داخل الملف وتكتبين تحتها اول ورده اهدانيها الغالي .. ( حاولي ماترمين اي شي يهديك اياه احتفظي فيه مهما كانت قيمته قليله وخليه لها مكان خاص عندك )
وهكذا .. يعني بيني له انك مهتمه بكل صغير وكبيره في حياته وكل انجازاته ..

فيه فكره ثانيه بعد :
طفي انوار غرفه النوم وولعي شموع هاديه والبسي له اللي يحبه :oوحطي خلفيه صوت هدير مويه او شلالات على حسب الديكور حق الغرفه ولون الشموع ..
يعني لو كان مفرش السرير سماوي خلي الشموع سماوي والبسي لبس سماوي وحطي خلفيه للصوت نهر او بحر راح يكون جو خياااالي ..

اخر فكره ( عده افكار بسيطه )بس ماراح تكون الاخيره انشالله :
قبل يطلع من البيت اكتبي له رساله صغيره وحطيها في محفظته ولا ينتبه واكتبي له كلام حلو ..
ارسلي له رساله على جواله تعبرين له عن مشاعرك ..
اشتري له هديه بسيطه وغلفيها بتغيفه بسيطه وماهي مكلفه وحطيه في دولابه بحيث لما يفتحه يلقاها قدامه مباشره ( مثل ان تشترين مداليه غريبه او تذكار صغير وحلو مكتوب عليه بيت شعر ،، او مصحف صغير يذكرك كل ماقرى فيه وبنفس الوقت تكسبين اجر كل ماقرى فيه ،، قلم رسمي ،، لعبه صغيره على شكل قلب ومن هالحركات البسيطه تلقينها في محل الهدايا والمناسبات لا تقللي من قيمه هالاشااء بالعكس له اثر حلوووو )

واذا تبون اقولكم بعض هالمحلات ترى من عيوووووني:)

ممكن بعد تجيبي صندوق باي شكل وحجم تشوفينه ويعجبك ..
وتحطين وسطه هديتك ( مثل تسوين له تذكار صغير بصوره له وهو ولد صغير وتحطين جنبها بيتين من الشعر تتحلين فيها عليه يومه صغير // او أي شي في بالك ثاني ) وغطيها بقش وفوقه حركات غريبه مثل شموع صغار ( راح تكون ديكور حلو وبنفس الوقت تستفيدين منها لما تسكري لمبات الغرفه وتولعي الشموع ) وقلوب بالحجم اللي ودك وباي شي غريب يعجبك والعلبه بعد ماتسكرينها اربطيها بشريطه مناسبه وحطي فوقها كرت وورده ..
( تخيلوا معي .. صندوق بني خشب محدد بلون ذهبي او منقوش بذهبي ومن داخله مخمل احمر وتحطين قش وتذكار بسيط وتغطين التذاكر بقش وورد مجفف بلون احمر وبيج وتنثرين شموع صغيره حمرا وبيج وباي شكل تلقينه حلو وصغير فوقه وبينهم تحطين قلوب صغار حمرا وتربطين الصندوق بخيط من الخيش وتدخلين ورده حمرا بالخيط من فوق والكرت جنبه وتحطينه على السرير من جهته )

يؤؤؤ:eek: طولت بموضوعي سووووري اخذتني الافكار الرومانسيه هههههههه الله يلحقنا خيررر
بس تراي ماخلصت بشوف رياكم اول وبكتب الافكار الباقيه في ورقه ومتى ماشفت ردرودكم بكمل ..

بس قبل اختم كلامي ..
بقولكم يااخواتي يالغاليات ..
موب بهالشايااء تلقين السعاده هذي صح تساعد بتجديد الجو واراحه النفس لكن السعاده الحقيقه لما مثل ماجالسين حنا نخطط لهالحركات الرومانسيه المفروض نخطط وشلون اقدر اعاون زوجي على الطاعه واخلي منه رجل يخاف ربه وقوي ايمانه ..
ترة اختي صدق هذي هي السعاااده الحقيقه لما تقدرين تتعاونين انت وزوجك على طاعه اللي رزقك فيه .. هذا هو الاساس اللي لازم نفكر فيه اولا وبعدها نجي للكماليات ومنها موضوعنا الحين ..
كل شي بيزول لو فكرت معي قدمتي هديه وانبسطتوا فيها لكن بعد سنه سنتين عشر راح يروح اثرها صح ؟
لكن لو تعاونتوا على الطاعه الاثر راح يبقىىىىى وراح تلقينه في الدنيا وماراح يضيع في الاخره
انا ماقولكم ان هالشغلات مالها دور بالعكسسس رووووعه دورها وتاثيرها كبير لكن اقولكم تفكيركم في البدايه خوه شلون اقدر اعاون زوجي على الطاعه ( ترى اذا كنتي تحبين زوجك صدق اركزززز تحبينه صددددق اكيد تخافين عليه صح ؟؟ طيب تخافين عليه في الدنيا بس اذا كان هذا خوفك فاسمحي لي انتي ماتحبينه ولا تخافين عليه .. لان الدنيا ماتبقى الاخره هي الباقيه وعلشان كذا المفروض نقول انا اخاف على زوجي علشان كذا بعينه في هالدنيا على الطاعه وابعد عن اي شي يغضب ربي علينا علشان ابي سلامته وسلالمتي في الاخره يووووه لو حكيت بهالمووضوع بطول .. لكن اللبيب بالشارت يفهم )

اااااسفه مره ثانيه طولت عليكم :confused:..
اعذرروني:o
شكلي بعاقب نفسي اسبوع ماادخل المنتدى هههههه;)
( واذا كان فيه اغلاط املائيه فتحملو وش نسوي من العجله الله يكفينا الشر :()
تمنيااتي للجميع بالتوفيق(l)

كرزة ماشالله عليج هذا وانتي ماتزوجتي بعد وعندج كل هالابداعات عيني عليج باردة عيل بعد ما تتزوجين شلون راح تكون ابداعاتج ؟؟

بصراحه انا كل اللي عندي كتبته في الوقت الحالي فيما عدا فكرة فكرت اسويها بس تنفيذها صعب شويه وهو اني احجز حق شاليه او فندق بعطلة نهاية الاسبوع بس لازم اختار وقت مايكون عنده ارتباطات فيه ولا انا ويكون الجو مناسب خاصة اذا كان شاليه على البحر بس ليلحين مالقيت التوقيت المناسب اللي انفذها فيه !!!!!!!!!

دندنونه اباداعاتي هذي بعض ماعندكم ..
الله يسلمتش ( اعرف اتكلم زيكم ههههههه:D ) والله ابداعاتك انتي احلا واحلا ..
انا عندي بعد افكار بس ماارح اكتبها الحين راح اشوف ردود اعضاء المنتدى بالاول وافكارهم الحلوه وبعدها اكتب انشالله ..

حلوه الشاليه مرررره حلو ه .. انصحك تسوينها لانه تغير في كل شي في المكان وفي الجو .. وراح يكون لها اثر حلو على زوجك انشالله .. الليه يسهل عليك وتلقين الوقت المناسب ..

يالله يابنات المنتدى وين افكاااركم عسى بس ماعطيناكم عين ;)

ننتظر ردودكم يالله بسررررعه

يا بنات ارجوكم لا تتوقفو عن افكاركم وا بداعاتكم لاني بدات اكتبها وجزاكم مليون خير