,,,,حـــــــــــــــــركات رومانسيـــــــــــــــــه,,,,

هلا اختي همسات .... والله شكلها فظيع وايد حلو وهادي ورومانسي وانشالله أحاول اصورها لكم بس اخاف اتأخر لأن ماعندي كاميرا فورية لازم أصور وأحمض ..... بس اهيه معروفة تستعمل للحفلات اعياد الميلاد وحتى الأعراس نفس اللي يزينون فيها البيوت بس اصغر واظنها متوفرة بكل مكان ..... ولو بغيتي وحدة بس قوليلي اي لون تبين واوصلها لج برسم الخدمة من عيوني @@ :) جم همسات عندنا احنا :)

:o يسلم غاليج يالغاليه .. سلمتي والله دندووووووون .. ربي يديمج وماعليج زود الغاليه .. أهم شي أنج ماتحرمين هالصفحه من أفكارج اليديده وكل ماتسوين شي خبرينا ... أوكيه دندووووووووون

وحياج الله

انتي تامرين همسات وجد لو بغيتي منهم عطيني خبر وانا اوصلهم لج بالطريقة اللي تعجبج بشرط انج تدعينلي :)

والبنات مادري ليش محد يشارك مع ان الموضوع وايد حلو ومفيد .....

يالله بنات نبي همتكم عطونا من افكاركم وابتكاراتكم :)

موضوع حلوووو

وأفكار أكثر من رائعة

عيبتني فكرة الأخت دانة (حقوق الطبع محفوظة)اللي هي الليتات الصغيرة (i) ....بنسميها ليتات دانة...

عندي أفكار بسيطة ان شاء الله تعجبكم...

ممكن اذا كان عيد زواجكم تزينين الغرفة طبعا بالشموع او بالورودوتطفين النور وتحطين أغنية العرس او الزفة..:) بيكون شيء حلو وبتعيدون ذكريات العرس..

وممكن مرة في الشهر او حسب الأمكانية تحولين البيت الى لون واحد او غرفة النوم للتسهيل يعني تحاولين تخلينها كلها حمراء بالشموع او الورود ووممكن اذا صعب عليج تاخذين فراش كل شهر تاخذين شيفون
فيه لمعة مثلا وتحطينه على السرير او الكنبة وطبعا بعض الأكسسوارات
اللي تعدل المكان ويكون لبسج ومكياجج ماشي مع الجو العام...وممكن هذي الفكرة تطبق في نهاية الأسبوع او اذا في مناسبة...


وآخر فكرة عندي اذا كان عنده مناسبة مثلا ترقيته في الدوام او عيد
زواجكم تبعثيله ورد في الداوم وايد بيفرح لأنه بتكون مفاجأة حلوة وبين
ربعه واايد بيستانس..هذي الأفكار اللي عندي الحين..
Ihope u will like it

انا عندي افكار وااااايد حلوه....

تدرون في ذكرى زواجي شو سويت؟؟؟؟

اول شي عند الباب..شفتوا اوراق الدعايه مالة المطاعم اللي يعلقونها على مقابض البيبان؟؟؟سويت مثله ولصقت عليها ورد احمر....وكتبت عليها..تمر سنين وانت الحب عسى الله لا يفرقنا....وحطيتها على مقبض الباب برا....مثل الدعايه...طبعا بعد ما تأكدت ان الجيران سافروا؟؟؟


انزين..
على الدخله..في الممر...اشتريت من هالليتات الملونه الصغيره...مالت اعياد الميلاد..(ابو عشر) وحطيتها على امتداد الممر...بحيث الباب اللي مقابله مسكر وعليه لافته فيها كلام حلو...
وعلى طول الممر..معلقه ملصقات...احبك لأن..وسبب...وناسخه منها كذا نسخه..وكل وحده بسبب...كان شكلهم روووووووووعه....


انزين...
بعد ماوصل للباب...فتحه ولقا بالون على شكل قلب كبييييييييييييييييييييييره..يعني طول زوجي تقريبا...وفاتح ايده ومكتوب عليه بالانجليزي احضني....


انزين بعدها تجي غرفة النوم..
طبعا الباب مسكر...لكن معلقه عليها لوحه....تههبببببببببببببببببببببببببببببببببببببل...

اشتريت لوحه مالت المدراس...
شفتوا علبه اشرطة الكاسيت....اللي يثبت عليها الشريط....
لصقت منها 3..وحطيت على كل وحده شمعه...
وفي النص صورة زوجي..
ولصقت على اللوحه ورود حمرا...
صراحه اللوحه طلعت جنااااان..شي خيالي....

بعد مايفتح باب غرفة النوم...يلقى مفاجآت ثانيه....

اشتريت ورود حمار (بو خمس) وقلوب....واعلقتهم بحيث ينزلون من السقف بخيوط..بحيث مع الاضاءه الخافته يبين كأنها معلقه في الهوا....
وفي النص بنفس الطريقه...حاطه صورتي معاه يوم العرس..وملصقتها على ورق سميك(فين) ونازله من السقف..ومكتوب عليها الله لا يحرمني منك....

وحطيت طاوله صغيييره....حطيت عليها شفون احمر..ونثرت عليها لامع....واشتريت كيكه حطيت عليها صورته وجلاسين كوكتيل...بشكل انيق....
وخليته يدور بعدها عالهديه....



شو رايكم..
ان شالله يكون اسلوبي واضح؟؟؟وفهمتوا علي؟

ترى عندي افكار حلوه بعد....

اختي عروس دبي ..... افكارج حلوة ورقيقة ......... راح تاخذ دورها انشالله في التنفيذ .. خاصة فكرة بوكيه الورد اللي ادزه له الدوام صارلي مدة افكر فيها بس مانفذتها بعد .... حسافة عيد ميلاده بيصادف يوم جمعة ماراح يكون عنده دوام :( بس انفذها انشالله في المناسبات الياية ...

عروس قديمة ..... اشهالزين ؟؟ شهالافكار ؟؟ شهالابتكارات ؟؟ بصراحة صكيتي علي ... الله يخليج كملي عطينا باقي افكارج ..... فكرة القلوب المثبته بالهوا وايد حلوة بس يبيلي اوزعه من البيت طول اليوم علشان يمديني اسويها :) والبالون الكبير وين حصلتيه ؟؟ بصراحة انا قاعدة ادور من هالاشياء بس مادري وين احصلها بالكويت .. اذا عندج خبرة فيديني الله يعافيج ......

يالله بنات بعدكم ماتشجعتوا تكتبون ؟؟ نبي ابداعاتكم ..............................

الله يعطيكم عافيه يا بنات

عروس قديمه إعجبتني افكارك جداً وكل وحده اروع من الثانيه

مشاء الله عليك عندك موهبه

ياليت بعد تقولين إذا عندك افكار ...... :) ولك الف شكر

--------------------------------------------------
دانه الكويت عزيزتي اشوفك خلصتي من الافكار؟؟

تسلمين اختي على تفاعلك بالموضوع

الله يعطيكم العافيه بنات افكاركم حلوه وتستاهل التنفيذ بس وش بنسوي ووش نخلي مشاء الله إبداع

عروس قديمه .. مشاء الله .. مشاء الله .. مشاء الله .. مشاء الله .. مشاء الله .. تبارك الرحمن .. إبداااااااااااااااااااااااااااع .. والله حسيت نفسي غبيه ومااعرف اسوي شي وانا اقرا فكرتك .. عيني عليك بارده والله يهنيك ويوفقك ويوفق كل البنات


بصراحه يابنات دخلت بقول افكاري وشفت افكاركم واستحيت :(

عروس 14 هلا والله فيك اختي

لا تستحين ولا شي كلنا في الهوا سوا :)

هاتي ماعندك.... لازم تقولين لنا اقكارك حتى لو صغيره :D

يمكن تقولين الفكره.. واحد ثاني يزيد عليها لين تصير فكره غريبه مكتمله

(إذا فهمتي شي قوليلي علشان انا ما فهمت وش انا قلت ) ;)

هههههههههه

أضحك الله سنك يانجدية ....;)

ماشاء الله تبارك الله عليكم ، بصراحة افكار رائعة ، فوق مستوى تفكيري:cool:

ما شاء الله عليكم يا بنات كل فكره احلى من الثانيه
معها حق عروس 14 صارت افكارنا ولا شي ..
وفي فكره سمعتها من وحده بس هذي زوجها الي سواها
كانت هي رايحه لمناسبه وناسيه يوم زواجهم الله يهديه بعدين رجعت للبيت لقت الممر كله ورد والدرج الى غرفة النوم تخليلو حلو مره صحيح راح تتعب بتنظيفه ولما دخلت غرفة النوم لقت الهدايا على السرير اشكال والغرفه جو رومانسي رائع لما فتحت الهدايا ما لقت شي هديه ورا هديه وهي تفتح في الاخير حصلت ورق بكلام رومانسي وان الهديه الاساسيه هي وجودها بالبيت وبعدين طلع زوجها الهديه لها من التسريه ..................
هي مداعبه لكن حلوه ..
اما افكاري بعدين اجمع الافكار واقولكم مع اني ولا شي بعد كلام البنات

ماشاء الله عليكم ...ما شاء الله عليكم

ابداااع في الحركات الرمنسيه

بس عندي طلب من المشرفه :)

يا ريت لو تثبت هذا الموضوع حتى يكون مرجع لنا دايما ناخذ منه و نظيف عليه


:)

ما شاء الله عليكم ... :) هالحركات والا بلاش .. ابداع غير شكل ;)

ننتظر المزيد منكم ..

يالله يا مرمر نشد حيلنا :)

بصراحة و بدون مجاملة............


مااااااااشاءالله عليكم.. كل وحدة فكرتها أروع من الثانية..

و أنا أأيد راي أختي مرمر ان يكون الموضوع مثبت لانه في غاية الروعه من بناتنا المبدعات.. صكينا على الاجانب;)


بقولكم فكرة مقتبسة من الزوجات الصينيات..

سمعتها أظن من الشيخ جاسم المطوع ..

يقول في دراسه اجريت ان أكثر الزوجات راحة لأزواجهم هم الصينيات :eek:

تدرون ليش؟؟؟؟؟؟؟؟؟؟؟؟؟




لان من أول ما إيي الريال من الدوام اتييبله زوجته الصينية قلاص ماي و يحط صبعه فيه!!



و هذي الحركة من عادات الصينيات لأزواجهم..

ابتتسائلون ليش يحط صبعه بقلاص الماي؟؟!!




هذا الماي علشان يشوف الزوج درجة حرارة الماي اللي في البانيو و تكون الزوجه امحضرته لزوجها من اول ما يدخل البيت بعد الدوام علشان يرتاح فيه..

اذا اعجبته الحراره راح خذا الحمام و اذا ما اعجبته يقولها يا اما تزيد عليه الحرارة او تخففها..و بعدها تعمله مساج..

مووووو بعض الزوجات تنطررر بس ريلها يطلع من الدوام.. شفففففففت ولدك شنو سوا.. ولا شفت شنو صارلي بالدوام من مشاكل..

و تكون امجهزتله طن مشاكل تسمعها اياه :p


يله من اليوم و رايح كل وحده اتجهز قلاص الماي و البانيو.. خلونا نغلب الصينيات ;)

مشكووووورين يا بنات على هالافكار الحلوة :) ... ما شاء الله عليكن معظم الحركات قلتوها ;) ... بس اقووول انا ريلي بسافر قريب :( وراح يظل اربع شهوووور :confused::confused::confused:... ابغي اسويلا حركة ما ينساها خلال هالاربع شهور ... بس مب عارفة شو اسوي ؟؟؟ ياريت تفيدوني .... :s:s:s

MOON LIGHT هلا فيك...

انا اقولك حركه ما ينساها ......

روحي قبله بنفس البلد الي هو بيروح لها وإستقبليه في المطار,,,,,

ماراح ينساها ابد :)

ههههههههه

حلوة منك نجدية.....;)

صدق لو تسوينها يا MOON LIGHT ماراح ينساها أبد ;)

تبين الجد الجد .....

عندك ماشاء الله أفكار البناااات حلوة ،وروووعة ـ إختاري ألي يناسبك...

وسويها له ، خليه ماينسااااااك أبد :cool:

والله والله والله الف ماشالله عليكم ...... وماقصرتوا ثبتوا الموضوع لأنه صج موضوع حلو ومشوووووووق ..

لا افا عليكم انا ماخلصت افكاري .... بس استحيت من افكاركم حسيت ان ماعندي شي ..

بصراحة فكرتي اليوم بسيطة حق الأيام العادية .. بس جربتها وكانت حلللللللللللوة ...

تعرفون الشموع المدورة الصغيرة اللي لها قاعدة صغيرة مثل الصحن ؟؟ اللي تتثبت في الفواحات عرفتوها ؟؟ اي هاذي الشموع سويت فيها ممر من عند باب الشقة (مو انا مسكينة ماعندي بيت قاعدة بشقة) الى غرفة النوم .... واخذت ورد وفككته وبين كل شمعة والثانية حطيت ورقة ورد ... وقصصت اوراق على شكل قلوب وحطيتهم معاهم بعد ...... وشبيت الشموع قبل مايدخل ريلي البيت وطفيت كل الليتات ...... تدرون شنوكان شكلهم حلووووووووووو وقاموا يعطون ظلال عجيبة ... وعند باب الغرفة نثرت باقي الورد .... ولو بتحطون ورد مجفف ومعطر بدال الطبيعي راح يطلع حلو بعد ....... بس اذا بتسوونها ديروا بالكم بعد مايذوب الشمع خففوا منه علشان لما يذوب مايطلع بره ويوسخلكم المكان او يسويلكم لاسمح الله حريجة ........


ها اشرايكم ؟؟؟ انشالله عجبتكم ؟؟؟؟؟؟؟؟

ناطرة اسمع رايكم فيها بعد ماتجربونها .....

هلا بنات

بصراحه الواحد عند ابداعاتكم يخجل و يستحي من افكاره البسيطه ...ما شـــــــــــــــــاء الله عليكم


بس حبيت اشارك وياكم بفكره ...جت في بالي ..لكن ما ادري هل من الممكن تنفيذها ولا انا خياليه

تعرفون التور الى ينحط على السرير ...في ناس يسمونه (الناموسيه) ..الى يكون عباره عن استاند يتثبت بالسرير و ينزل منه التور يغطي السرير كله ...عرفتوه؟؟؟؟

عندي فكرتين يعتمدون على هذا الاستاند (الناموسيه)

الفكره الاولى ان نجيب ورود..نفصله عن الغصن و نحاول ان ما تتقطع معانا الورده و تحافظ على شكلها ..و نثبتهم على التور ..بالصمغ او مسدس الشمع اذا تعرفونه ..يعني ننثرهم فيطلع الشكل من بعيد كان ورود منثره حولين السرير ..و طبعا تلعبون بالاضاءات ..يعني شموع ..اناره خفيفه و غيره انتوا ادرى بالمجال الابداعي

و الفكره الثانيه ...ان نشيل التور من الاستاند ..و نجيب ورود يكونون مرتبطيع مع بعض بحبل ...يعني نعمل حبل من الورود ..(ما ادري ممكن اذا نطلبه من محلات الورود يعملونه لنا ) و نثبت بدايته بالاستاند و نخليه ينزل على السرير ...يعني بدل التور يصير مجموعه من حبال الورود ...يعني يصير الشكل تقريبا مثل ما نشوف في الافلام الهنديه يوم يسونها للعرسان

هذي افكار جت في بالي و ما جربت و لا شي منهم ..

و ان شاء الله تعجبكم

مرمر ... والله الفكرة حلووووووووووووووووووووووة بس كم طن ورد يبالنا؟؟؟؟
:) :)

حركة الشبرية الهندية أحلى.. خاصة اذا سويناها في ليلة العرس..( عرس هندي) :)