,,,,حـــــــــــــــــركات رومانسيـــــــــــــــــه,,,,

تسلمون على هذي الافكار الحلوة ، اسمحوا لي اطبق بعضها .
حبيت اخبركم عن جو رمانسي سويته ليلة خطوبتي .
كنت اعرف من قبل ان خطيبي يحب الشموع وموسيقى كلاسيكية معينة .
المهم ليلة الخطوبة خليت على باب الغرفة الي راح اجلس فيها مع خطيبي عمودين من بالونات حمراء وبيضاء ، و اسمي واسمه بينهم قلب من فلين احمر ( ذولين كانت مفاجأة من صديقاتي سووها عشاني ) ، بس الحركة الي سويتها بروحي اني وزعت شموع فيها ريحة على الغرفة و شغلت الموسيقى الي يحبها ، و جلست على سوفا كبيرة وفرشت فستان الخطوبة ، صكيت الليت وشغلت الشموع والموسيقى و اتصلت فيه قلت له ادخل البيت ، قال ما يندل الغرفة ، قلت له ادخل وراح تعرف اي غرفة انا فيها . لما دخل وشاف البالونات عرف الغرفة ، بس يوم دخل الغرفة تغير شكله ، وقال لي يمكن غلطان وجاي الجنة :o .
بس عند جد الحركة عجبته ، وخصوصاً انها ثاني مرة اشوفه فيها .
تحيات
عروس قمر
:)

بصراحة أفكاركم رائعة جدا وسأطبق بعضها إن شاء الله

وبأقولكم عن فكرة سويتها يوم كان مسافر وجاء من السفر وأنا ما شريتله هدية فما كان مني إلا أن تداركت عمري وسويت هالحركة

وضعت كرت في صندوق بعد أن زينته من جوا ثم غلفت الصندوق بتغليفات كثيرة ثم وضعته في صندوق أكبر وغلفته مرة أخرى بأكثر من تغليفة

وكنت أضع بين التغليفات بعض العبارات مثل : إلى الآن لم تصل للهدية يا عمري


ووضعتها على السرير واستانس يوم شافها وكان يتوقع إنه شيء رائع من كبرها لكن في النهاية صارت مهب شيء

مع العلم إني كتبت في الكرت : ذهبت للسوق لأشتري لك ساعة فلم أجد أحسن من الساعة اللي عرفتك فيها

وكنت مستحية وخايفة من ردة الفعل لكن الحمدلله اعجبته وشكرني عليها خصوصا انه متعود إني دايم أهديه

حلوة منك يا ام فيصل ........ ماكو الا اسويها اذا كنت متوهقة وماعندي هدية اقدمها له :)

;)

أم فيصل

فكرررررة رهيبة، إذا الميزانية ما تسمح

:D

مشكورين بنات على هالأفكار
أوعدكم اني بشارك بأفكار أكيد راحتعجبكم
صح ماعندي تجربةسابقة بس أحب هالشغلات
أشكر كل وحدة فيكم على مجهودها الرائع
وأتمنى اني أكون عضوةخفيفة عى قلوبكم

انا بصراح سويت مرة في عيد زواجنا بالليل هو زوجي ما كان متذكر هذا اليوم انه عيد زواجنا
بالليل عملتله انا احلى اكلة يلي كانت تعجبه ما بين كل الاكلات وجبت زجاجة كنا مشترينها للزينة وحطيت فيها وردة حمراء اشتريتها من السوج وردة طبيعية وجبت كمان زجاجة كنا اشتريناها للزينة فيها شمعة شفافة وحلوة مرة
وبعدين رحت استحمة ولبست احلى لبس يلي هو كان عاجبنه كثيييييييييييييير وتزينت وتبرجت بالتبرج يلي هو كمان بيحبه وسكرت الاضواء وولعت الشمعة والشموع يلي كانوا حولين المجلس واول ما وصل وقت انتظره يدخل المجلس
واول ما وصل المجلس....................................................................
:eek:
انبهر وسكت وما قدر يتكلم وفجأة سالت دمعة من عينه وحاول يخبيها
بس انا علشان ما اخلي المكان كله سكوت حضنته وقلتله كل عام وانت بخيييير يا حياتي
واكلته من ايدي وشربته من ايدي كمان
ونمنا واحنا مستانسييييييين وااااااااايد
شو رايكم بالرومانسية؟؟ ;)
عجبتكم؟؟

هذي فكره انا شفته في مكان بس حبيت اساهم فيها معاكم.......
لاني بسويه لخطيبي الغالي يوم نتزوج......



افرغي زجاجة اي مشروب ثم احضري ورقة واكتبي عليه شعر غزل او حب او حتى الصفات التي تعجبك في زوجك ورشي الورقة بالعطر ثم ضعيها في الزجاجة و احكمي الغطاء و ضعيها في البانيو المليئ بالماء و الرغاوي ليفاجأ بها زوجك جربيها

مرحبا صبايا .......
بصراحه افكاركم مررررررره حلوه
وان شاء الله اجربها كلها .....
وحبيت اشاركم بفكرة صغيره مادري تعجبكم والا لا

انا لسه ماسويتها بس قالت لي عنها صديقتي اللي سوتها لزوجها ايام الملكة لما كان جاي عندهم قدمت له كيكة الا هنا والموضوع عادي
جلست صاحبتي وزوجها يقطعون الكيكة وفجأأأأأأأة









متحمسين تبغوني اكمل


وهم يقطعون طلعت حاجة جوا الكيكة زي الماسورة وقامت صدقيتي تصارخ وتهاوش على محل الحلويات ( بريئة ماسوت شي )
والمسكين زوجها بس يهدي فيها ويقولها هذي غلطة مو مشكله

المهم لما طلع زوجها الماسورة على قولها ايش تتوقعون لقاها





هاه اكمل والا خلاص





صااااارت المفاجأأأأأة


الماسورة طلعت قلم كريستيان ديور ملفوف في سولفان شفاف وعليه عبارات غزل .....

شرايكم بصديقتي مو داهية
عساني اتعلم منها

اسفة اني طولت بس اتمنى الفكرة تعجبكم

ولكم حبي
;) ;) ;) ;)

مشكورين عالموضووع الحلو ,,, والأفكار الأحلى
أنا عضوه يديده وياكم وان شاءالله سالفتي تعجبكم

بقووولكم عن اليوم اللي ماراح انساه طول عمري


في يوم اللي هو عيد ميلادي كنت نايمه في بيت اهلي ,,,كلمني ريلي تلفوون وقال انه بيروح البيت بعد الدوام وبيمرني الساعه 5 وبنطلع

:confused: كشخت وحطيت الميك اب ووتبخرت وتعطرت على اساس انه بيمرني علشان نطلع ,,, يات الساعه 5 ماشفته ,, 5ونص وماشفته اتصل مايرد صراحه انا خفت قلت غريبه يعني

اخذت السياره ورحت وشفت سيارته عند البيت دخلت وانا اسمي في قلبي
فتحت الباب وحطيت المفتاح في المعلقه مالت المفاتيح
لقيت حاط ورده حمرا وكرت (f) وكاتب في الكرت اعتذار انه ماقدر يمرني
والسبب انه كان تعبان ونام ,,

رحت بفتح باب الغرفه لقيت فيه ورده وكرت مكتوب فيه (( أبي مااء)):eek:

رحت المطبخ على طاولة الطعاااام لقيت :Dدب أبيض كبير وماسك ورده (f) وكرت مكتوب فيه I Love You <<يهبل

فتحت الثلاجه عشان المااء ولقيت علبه مغلفه بشكل روووووووعه ومعها ورده حمرا (f) (هذي يوم فتحتها داخلها عطري المفضل) وكرت كاتب فيه I miss you :o

المفاجأه الحلوه يوم دخلت الغرفه لقيتها مليانه شمووووع معطره وفيه طاوله بالزاويه
غطاها بشيفون أحمر وحط عليها باقة ورد أحمر وبالباقه كروت صغااار موزعه مكتوب عليها HappyBirthday ,,,, I Love You ,,, وبالوسط حاط صورتي وصورته وعند الباقه كيكه فيها صورتي يوم كنت صغيره
طبعا في هالوقت انا ابي اضحك ابي ابجي من الوناسه والمفاجأه الحلوووه
المهم أكلنا الكيكه وكسرنا القاعده الحلى بعد المالح وسوينه العكس وطلعنا نتعشى وكان حاجز طاوله بمطعم لشخصين وآخر هديه لقيتها على طاولة الأكل في المطعم خااااتم ومكتوب فيه اسمه :D

الصراحه هذا أحلى يوم في حياتي ورومنسي بدرجه فضيعه
وحسيت ان ريلي يحبني (l)
بس ماتوقعته يعرف يخطط جذي :):)

الله يسعدكن يالمتزجات ويجعل ايامكن كلها هنا

ما شاااااء الله مبدعات;) :D

اني توني جايتكم:o
وبصراحه اذهلتوني بها الحركات ما شاء الله عليكم
وان شاء الله لاتفرغت ازيدكم بااااااااااي

يعطيك العافيه ;)

عزيزاتي وحبيبات قلبي ..
عندي فكرة قد تكون بسيطة بالنسبة لخبراتي اللي عشتها مع بعض قريباتي وصديقاتي.. فكرتي صح مو مثل أفكاركم ماشاء الله عليكم
بس أحاول اني أصل لو بنسبة ضئيلة من خبراتكم في المسائل هذي
يالله ما أطول عليكم خلينا نبدأ وبالرحمن نسمي " بسم الله الرحمن الرحيم "وما يحلى الكلام إلا بالصلاة على نبينا الكريم عليه الصلاة والسلام
يالله نبدأ بالفكرة ...
تخيلوا معاي هذي الهدية علبة على شكل قلب كبيرة شوي وفيها ورد من الورد الأحمر بحيث يملأ كل العلبة بس انتبهوا انكم تسيبون مساحة كافية عشان تغطون هذة العلبة وبعد ما تحطون فيها الورد تكونوا شارين قلوب صغيرة لونها أحمر بعد تكون من القزاز ماأعرف اذا كان موجود منها بلاستك أفضل أنها تكون قزاز يعني تعطي فخامة لأنها شفافة وتنثرون هالقلوب الصغار بين الوردات وكالمسة اضافية تكتبون كلمات أوعبارات صغيرة تعبر عن مدى الحب الكبير وتكون في كرت صغير بعد وفي النهاية تقفلون هذي العلبة بحيث يكون هذا القلب الكبير مزين من برة برضة بتجليد أحمر أو اذا كان متوفر بنفس اللون ما يحتاج تجلدونه وفي غطا القلب تضيفون شرطه وورود قماش يعني كون من الأعلى في أحد جوانب القلب هذة تكون هدية من الباقي ..
وزيادة اذا الميزانية سمحت تجيبون نفس العلبه القلب ولكن أصغر شوي وتكون مزينه بنفس الطرية حقت الهدية الأولى ومن الداخل تظيفون ورق شفاف يتباع عند المتخصصين في لف الهدايا يكةن أحمر وتجيبون كمان من ورق الكريشة يجي شكله كأنه قش ويكون اللون بيج غامق (( صدقوني انو بالمررررة حلو لايتراوالكم انه مو حلو )) وتظيفون هديتكم فالنفترض انها جهاز جوال طبعا كل محتويات العلبه حقت الجوال تحطونها في علبتنا اللي على شكل قلب بس بطريقة حلوة ولما تخلصوا من الترتيب تجيبون ورد طبيعي نفس الورد اللي اضفناه في العلبة الكبيرة بس يكون من غير الساق حقة يعني بس راس الوردة تجيبون كذا كم وحدة يعني ثلاث أو أربع وتنثروهم بين جهاز الجوال وكمالياته ولاتنسوا تحطوا الكرت الكبير اللي موجود فيه عبارات حب تدوخ اوكي ..
وقفلوا العلبه وبنفس طريقة التزيين للعلبة الأولانية بحيث انكم تحطون مع الورد القماش اللي موجود من برة وحدة أو ثنتين من هذيك القلوب القزاز ....
ايه صح نسيت أقولكم انكم تعطرون العلبه حقت الجوال
والغرض من من العلبة الأولي اللي موجود فيها ورد انكم تحطونها في الرف حق الدولاب اللي تكونوا جهزتوا وسويتوا فيه الحركة اللي قالت لنا عروس قديمة عليها وهي..
انها جابت لفتين من ورق الكورنيش؟؟ اللي يستخدمونه في الهدايا؟؟
وبالونات..حمرا..نفختها بس بحيث يكون حجمها صغير...
صندوق...احمر ممكن نخلية احنا علبة قلب عشان يمشي مع الديكور بس يكون أصغر من القلب الأول والثاني ..وحطت فيه صورتها ...بطرقة..كأنه مفتوح..
جلدت الرف اللي في دولاب زوجها...كله بالورق الاحمر....
وجابت الصندوق وحطته..لكن خلته شوي مرتفع...
والبالونات..كتبت في كل وحده كلام حلو....
والبالونه اللي مكتوب عليها احبك..ثبتتها فوق الصندوق...عشان تبين
والباقي حطتهم حول الصندوق بطريقة انيقه...
اخر شي دخنت الدولاب...
وممكن نستفيد من حركة زوج دنوونه المزيونه لما حط شموع بالغرفة شرط لازم تكون حمرا وفي طاوله في أحد أركان الغرفة واضاف عليها الشيفون الأحمر وحاط باقة ورد ممكن احنا نحط مزهرية طويلة فيها وردة أو ثنتين ونحط شمعدان قريب منه وبالوسط حاط صورة تجمعهم الاثنين في برواز شكل قلب ونحط فيها القلب حق الهدية الجوال ...
وعلى فكرة ممكن تظيفون على فكرتي هذة أي فكرة من أفكار الأخوات اللي سبقوني مثل فكرة الناموسية وفكرة تعليق القلوب في السقف يعني شغلوا بنات افكاركم وراح تكون مفجأتكم تهبل أتمنى ان فكرتي نالت رضا بعضكم واسفة طولت عليكم أدري مليتوا مني بس تحملوني .. باقي عندي افكار بس بخليها ليوم ثاني

بليززززززززززززززز كملوا الافكاااااااااااااااار


<<<<<<<<< مستانسه على افكاركم ;)

ما قلتي لي شو رايك بفكرتي يا الراويه;)

انا جبت لخطيبى فى عيد ميلاده ميدالية فضة عبارة عن سبيكة عليها اسمه وعله الوجه الآخر آية قرآنية وهذه الهدية اسعدته جدا جدا واحيانا عندما يحدث مشاكل بيننا اهديه باقة زهور وخصوصا الورد الأزرق لأنه يعشقه;) ;) ;)

فكرتك مررررررررره حلوووووه هموسه :)

بسسسسس بعدي ما اقدر انفذهااااا;)

توني على البر

بنات وين افكاركم
معقول انتهت :mad:

ماشاء الله قمة في الرمانسيه البنات

افكار حلوه وتهبل ماشاء الله عليكم

السلام عليكم و رحمة الله و بركاته

بصراااحة الافكار مذهله و رومنسيه.... انا عندي فكررة ممكن تجربونها ... كيف تقدمين الهدية... خصوصا في عيد ميلاد زوجك او خطيبك او حتى في عيد زواجك.

او شيء تختارين علبه علي شكل قلب... حجم العلبة حسب الهدايا اللي قمتي باشتراهن... تفرشين داخل العلبة بعض الورد المجفف و تقومين بتنظيم الهدايا داخل العلبة بطريقه تكون الاشياء فيها علي مستوى واحد...من ثم تقومين برص الورد داخل العلبة بطريقه انك تغطين جميع الاشياء اللي داخل العلبه.... للناظر.. انه العلبة لاا تحوى علي اي شيء غير الورد... لكن بعد ما يجف الورد يكتشف انه هناك هدايا مخباة تحت الورد...طبعا تختارين اللون اللي يحبة زوجك.....


ارجوا انكم استفدتوا مني

تحياتي لكم