,,,,حـــــــــــــــــركات رومانسيـــــــــــــــــه,,,,

أهلين فيك اخت موزة الحبوبة بالمندى فكرتك حلوة وذكية بعد
مشكورة حبيبتي :)

أحلى حركة رومنسية سواها لي زوجي عندما حجز لي ثلاث ليالي في برج العرب وكان أيام عيد زواجنا كانت أيام لا تنسى ;)

Taamy74
فكرت زوجج حلوة وناوية اطبقها في ذكرى ملجتنا بس مو بفندق أحس ملل بالفندق 3 ايام .... لا ابي احجز شاليه يكون عالبحر بس محتارة وين ... عندي منتزه الخيران وشاليهات خليفة وفندق الهيلتون اليديد وغيرها .... الوحيد اللي رحته هو منتزه الخيران وعجبني لأن فيه العاب وجذي يعني ما تملين فيه .. اللي عندها خبرة عن احسن هالاماكن بالكويت خل اتفيدني لأني راح احجز على شهر 4 انشالله ....

موضوع ولا أروع.. بس لما انخطب راح اسوي حركات,, واخبركم عنها :o

تعالوا بخبركم عن حركتي

بس انا للحين ما ملجت .. بعدني مخطوبة .. بس خطيبي دايما يهديني و جذي

اشتريت لخطيبي محفظة و قلم و دبدوب عليه رقم السنة اللي هو وصل لها

.. و حطيتهم في علبة غزيرة و نثرت ورد مجفف ريحته حلوة..

و حطيت على الجوانب شوكلاته.. لأنه يموت عليها

.. و خليت بنت عمي تودي الهدية لأني :o اوديها بنفسي ..

و المفاجأة .. أن ام خطيبي ساعدتها .. و تركت الكرتون مفتوح على سريره

و طفوا الانوار .. و من دخل البيت شافها ..

و على طول

ألو

ما شاء الله عليكن يا الرومانسيات ؟؟ الله يسعدكن ويوفقكن كلكن

انا جديده في هذا المنتدى البارحة سجلت فيه ؟؟؟؟

وعيبني هذا الموضوع وقريت افكاركن الصراحه أستانست وايد وايد ؟؟ بس لين الحين محتاره عيد ميلاد زوجي الاسبوع الياي وانا مالجة يعدني يعني ما عرست :o وهذا أول عيد ميلاد له معاي

وعيد ميلادي كان الشهر اللي طاف بقول لكم شو سوى ؟؟ هو رومانسي وايد بس أنا لا ما أهتم بها السوالف ؟؟؟ :s بس يوم قريت ها الموضوع فكرت أصير رومانسية مثلكن وساعدوني لاني ما أعرف شي ؟؟


في عيد ميلادي ياب لي باقة ورد كبيره حوض فية سمج مزين بالورد شكلة وايد وايد روعة وعيبتني الفكره وايد حتى سألت عن المكان اللي سوى هذي الفكره ؟؟

وياب لي بعد صندوق غريب خشبي مزين بورد مجفف باللون البطيخي على البرتقالي شكله رهيب على شكل شنطة بنفس الوفت على شكل صندوق فتحتة جفت دبدوب حلو بني فاتح على لون الصندوق حتى الدبدوب غريب شكلة ما ادري دبدوب والا جلب بس وايد حلو وكان الدبدوب شال هدايا من عطور وخاتم وساعه غريبة بعد

والكيكة اللي يابها كانت بعد غريبة على شكل رزنامة مالت التواريخ وعلى تاريخ عيد ميلادي قلب أحمر حاط فيها صورتة ومكتوب عليها اسمي واسمه وكل عام وانتي الحب .....؟؟؟؟

الصراحة شي حلو ؟؟؟

والحين اطلب منكن المساعده لانه ما باقي شي على عيد ميلاده وافكر اسويله أحلى عن اللي سوالي اياه في عيد ميلادي ؟؟؟

الله يخليكم لا تحرمونا من هالافكار
الرومانسية جدا ونريد المزيد منها
كي نكتسب الخبرات وسامحونا انا
ماعندنا افكار لانه بعد ما شفنا العريس اللي جانا

عيبتني حركات الرومانسيه من Najdeya وتسلمين على هذي الأفكار الحلوه ومنكم نستفيد

مرحبا يا عروس 2003 شو بالضبط الهديه اللي عندج عشان نساعدج اكثر
;) اذا ماكان فيه نوع من التطفل

:) :)

:eek: ماشاء الله عليج انتي وافكارج الحلوه بصراحه رووووووووووووووعه انشاء الله كلها اريد اطبقهن

عروس قديمه
الوسام الماسي

ما شاء الله عليكم من كثر الأفكار الحلوه ما اعرف شو بسوي
:)

السلام عليكم..........

موضوع الرومانسية يختلف من شخص لآخر ........مثلا انا كل اللي سويته في ذكرى يوم زواجنا اني طلبت كيكة و حطيت عليها صورتنا مع بعض في شهر العسل:p..........
و نورت الحجرة بضوء الشموع (اللي عطى جو رومانسي رائع)(l)..........
و لبست (لبس؟؟؟؟؟؟؟؟؟؟؟؟) طلع على ذوقه و حاولت اني احط المكياج اللي يحبه ........
و طبعا مانسيت البطاقه مع كلمتين حلوين بالاضافه لتقييم للسنة الأولى من زواجنا(l)

و في النهايه اتفقت معاه على انه يختار الهدية اللي باخذه له (عشان ما اجيب شي ماله معنى)


اما بالنسبه له هو و لهديته فهذي قصه ثانية;););)

الصراحه موضوع يجنننننننننننننننننن
وحركات روووووووووووعة
ماشالله عليكم ابدعتوا والله
وانا عندي طلب ياريت تساعدوني

انا الله يسلمكم مااقدر اسوي هالحركات لاني خطيبي يدرس برى يعني لااشوفه ولااكلمه الا بالنت
فحبيت اسوي له حركة حلوة بالنت في يوم ميلاده أو اي مناسبة حلوة لان ماعندي غير النت
وابي فكرة حلوة اقدر اسويها وياريت تساعدوني
ولكم خالص شكري

يا بنات و الله حركاتكم مره حلوه ماشا الله ;)

بس انا لسى بنوته مدري عن شي من هالحركات

لكن اللي اوصي فيه ان الوحده اذا ناداها زوجها او طلبها ما ترد عليه بجفاء

هاه .. او نعم بدون نفس .. قولي له مثلا ..

يا لبييييه .. سَم .. عيونها .. يعني كلمات من هالنوع تفرحه

بس لا تصيرين ترددينها دايما عشان ما يمل :)

وبس هذي معلوماتي :D

هلا بيك أختي

أنا......

بعدي طالبه بالمدرسه ماتزوجت====>ملقوفه

تشااااو:)

السلام عليكم ورحمة الله وبركاته وبعد
بنات ألف ألف مليون شكر على الأفكار الي تجنن بصراحة كل فكرة أحلى من التانية ..وبعد الإبداع الرومانسي اللي شفته أبغى اسألكم لو كانت المناسبة متكررة أسبوعيا وحابة أغيّر كل مرة لأني ما أبغاه يمل.. أعمل ايه؟؟
يعني أنا لسى في أول زواجي بس بسبب عمله يسافر من كل أسبوع عدة أيام ... ونفسي افاجأه كل مرة وأحسسه بفرحتي برجوعه بالسلامة .. دلوني يا حلوات على أفكار ميزانيتها معقولة ..ممكن ؟؟
ريحانة

انا غضوة جديدة ولاكن قرات في احدى المنتدايات ان الزوج يحتاج لحركات رومنسية من زوجتة فمثلا:
تهيي الفرفة بالروائح والشموع والموسيقى الهادئة وتقومين بتغطية عينية
بوشاح وبعدين تبدين تشيلين اي شيء علية بلمسات خفيفة وناعمة
تفصلين بين كل لمسة واخرى بضع دقائق .
والسر في تغطية عينية انه في الحالة هذة بيعتد اعتماد كلي على الحس وليس الحس والنظر طبعا بعدين اكيد راح تنزعين القناع اللي على عينه.
في هذا توفير من الناحية المالية.
ولاتنسين كلام الحب.

حبيت اشارك ... لاحظت إن اكثر الحركات فيها ورود وشموع وغيره بس يمكن البنت تكون على قد حالها اش تسوي في نفسها ..


عندي فكره وايد بسيطه..

يكون الزوج في الشغل او بره البيت فتتصل ليه وتسأله متى بيرجع وإنها مشتاقه له وتجس النبض وتهيأ الجو ..

تقفل الباب وتكون على إستعداد ..
يدخل الزوج يشوف النور مطفي ومشغله إضائه خفيفه وتكون هي وراء الباب بحيث من يدخل تغمض عينه بأيدها وبعدين تعصبها بمنديل او اي شيء..

بعد ما تعصبه تمسك إيديه وتوصله لغرفة النوم..

تبدل له ثياب الشغل وهي تهمس له بكلمات حلوه ومعبره عن حبها له.. وبلمسات رقيقه ورومنسيه..

تحاول تسوي له مساج خفيف بحيث يحريحه شوي .. وما تخليه يشيل العصابه ..

تحاول تداعبه بحركات بسيطه ورقيقه وجريئه وهذا زوجها يعني عادي والباقي هي تعرفه ..

تحياتي ...

:D اختيzara
فكرتك قريبة مرة لفكرتي وهي فعلا ما تحتاج لتكاليف غير براعة الزوجة :)