18 مرة نقول يا تري بتعملي الأكل ده أزاي ؟ ( مبدعات مصر القمرات ) شهر ذو القعده

برايد التبوله يا قمر بصي هتجيبي طمطمايه وكزبره وشبت وبقدونش وبصل اخضر وتقطعي كل ده نونو خالث خالث بايدك مش بالمفرمه عشان مش عايزن الخضره دي تنزل ميه وتفقد قيمتها بايدك اصبري عليها بالسكينه صغنن نونو وبعدين تجيبي برغل وتبليه في شويه مياا 10 دقايق كده وبعدين تصفيه وتحطيه على الخضره دي والطماطم وتحطي ملحك بئا وليمون كتيررررررر وزيت زيتون وبسسس اه ملاحظه البرغل مش كتير اووي حاجه متنتوره كده

عملت النهرده اتشيز كيك بطريقه مختلفه افتكاسه بس طلعت احلي افتكاسه يم يم

اتشيز كيك بجلي



دي لما طلعت من الفرن



ودي لما صبيت عليها الجلي بعد ما بردت من الفرن وصبيت عليا الجيلي وحطيتها فلفريزر وطلعتها من الصنيه



ودي من جوه يم يم

ودي قطعه منها طعمها حلو اوي

ناني فيبس;13469538:
دي طريقة تغطية الونتس بالجليز زي الجاهز بالظبط


كوبايه سكر بودرة عليها معلقة كبيرة زبدة تفضلي تضربي فيهم بالمضرب كتير وتضيفي معلقة صغيرة فانيليا ومعلقة كبيرة ميه سخنه وتضربي جامد لحد ما يبقى قوام كريمي شبه سايل ولو عايزة تخففي اكتر ضيفي معلقة كبيرة ميه سخنة تاني

Boody we zady;13471569:
أيوة يا قمر ممكن زي ما قالتلك ناني أو سكر بودره حيكون حلو كمان أو شيكولاته بيضها روعه

تسلمولى يامدامات :adore:

حلوه قوى يا ايمى تسلم ايدك الطريقه بسرعه وبالهنا والشفا

الله يخليكي يا انوس يارب
الطريقه:
ضربت 3 ظرف دريم ويب مع 6 حبات كيري مع 4 بيضات

وكنت طاحنه 2 باكو بسكوت ودعكتهم مع سمنه او زبده عادي وسنه قرفه وسكر بسيط

وبطنت بيه الصنيه ودخلتها الفرن اتحمصت سنه وصبيت عليها الخليط الي فات ودخلتها الفرن في حمام ميه استوت ووشها احمر

دخلتها التلاجه تبرد وعملت 2 باكوا جيلي بس محطتش ميه زي ما همه قايلين لا قللتها عشان تجمد ولا التشيز كيك برد صبيت عليه الجيلي وسبتهم فلفريزر يجمد وبس

بجد فرحتونى ان السفرة والاكل عجبكم

دموع اشتياقى التشيز كيك شكلة حلو اووى عملتية ازاى؟؟؟

انا كتبت الطريقه فوق يا جميل ربنا يخليكي

حلوه قوى يا ايمي فكره التشيز كيك دي
هبقي اجربها
انا عماله بقول هبقي اجرب هبقي اجرب
هههههههههههههه
شكل هفضل اجمع كده لحد ما اروح بيتي
مش هلحق اعمل حاجه هنا بقي

نورونى
http://forums.3roos.com/showthread.php?t=573760

Boody we zady;13471569:
أيوة يا قمر ممكن زي ما قالتلك ناني أو سكر بودره حيكون حلو كمان أو شيكولاته بيضها روعه

ناني ممكن تكتبيلي رقم العجانة اللي عندك بليييييييييييز

بوسي مش ينفع يا قمر كزبره ناشفه عشان هيا أساسا الكزبره و التوم هما اللي بيدوها الطعم

ام بودي مش عرفة اوصل للموديل لاني رمييت الكرتونه بس هو كينود عامله عجان واحد بس منفصل وانا لما كنت في مصر شفته ب 1199 جنيه بالظبط في منه لونين ابيض واحمر

وطبعا دة ملهوش علاقة بالكيتشن ماشين الكينود اللى هي الشيف والميجور عشان بس البياعين اللى بيحبوا يفتوا ويقولولك على الكيتشن ماشين الشيف او الميجور ان دي العجان ههههههههه لان دول سعرهم فوق ال 3 الاف

اناااا جيييييييت ازيكو يابنات انا عملت تورته عيد ميلاد جوزى وقلت اوريهلكوا بقى تقولولى رايكو ايه

دى التورته قبل ما ازوقها



ودى بعد ما اتزوقت




ودى تورته الجيلى والقلوب الحمرا دى جيلى فرواله حطيته فى صينيه ولما جمد قطعته على شكل قلوب وورد ونجوم ورصيته فى الصينيه وبعدين صبيت عليه جيلى موز ودخلته يجمد تانى
ولما طلع حطيت عليه الكيك بقى وقلبته وبقى بالشكل دا




نانى مرسى اوى انا عملت الجناش بطريقتك وجميل اوى بس انا محطتش عليه عسل مكنش عندى
وعايزه اعرف انا عملتالرز المعمر بطريقتك برضه هو المفروض يكون مفلفل ولا معجن وحسيت انه دسم شويه ينفع المره الجايه اقلل الكريمه ولا اقلل الزبده عشان الدسامه تقل

ومرسىىى ليكوا اوى يابنات

يا بنات انا بعمل جبنة دلوقتى المهم حطيت لبن و عليه نقطتين خل من امبارح برة التلاجة اوكى بعد كده المفروض احطه فى شاش و السائل ينزل و الكتل تبقى جبنة دلوقتى مفيش كتل خالص كله سائل بينزل كله ده من ايه؟؟؟؟

مايونيز;13450684:
انا اعرف القرص دي احنا مسامينها كباب الرز باللحمه وبنعملها مسلوقه ونحمرها وبصلصه كمان والاتنين احلي من بعض وعندي جدتي ربنا يطول في عمرها متخصصه فيهم هيا وخالاتي الكبار دايما كل عيد او موسم يتلموا عندها الاتنين دول ويعملو كميه كبيره ويوزعوا عالعيله كلها وماما جربت تعملها هنا علشان بابا نفسه فيها الخلاط اتحرق وطلع دخان ههههههههههه من يومها حرمت ومحشي الخس احنا بنعمله ماما بتحبه اوي لان الكرنب مش متوفر هنا اوي فاساعات نعمل المحشي بالخس

:lol::lol::lol: حلو الاسم ده عارفة انتي عارفاها عشان انتي من المنصورة اصلا وهي اكتر بلد او الدقاهلية يعني مشهورين بيها بس بصلصة دي جديدة عليا، انا بحب كفتة الرز هي اللي محمرة او بصلصة والقرص دي مسلوقة او محمرة بالبيض وبس كل واحدة ليها طعمها وطريقتها وشهرتها، والخس تحفففففففففففففة يظهر الجدات كلهم كده بجد

paradise rose;13477973:
اناااا جيييييييت ازيكو يابنات انا عملت تورته عيد ميلاد جوزى وقلت اوريهلكوا بقى تقولولى رايكو ايه

حلوة اوي يا جميلة تسلم ايديكي زي الجاهزة بالظبط

حد جرب مربي الكريز دي قبل كده بتاعة هيرو فيه منها احمر واسود حساها طعمها هايبقي حلو اوي عشان انا بموت في الكريز ولا ايه ؟؟؟

وعلي فكرة كنت جربت بانيه اطياب المقرمش سبايسي وطلعت حلوة اوي واحلي من كوكي كمان

وجربت جلاش الكرامة اول مرة هو حلو فيه انه مش بيتقطع بسهولة وهو بيتعمل لسه وورقته تقيلة وسميكة كده بس في الطعم معجبنيش زي الزهار مش عارفة بقي انا متعودة علي الزهار عالطول لسه عايزة اجيب السنبلة اجربه بقي حساه هايبقي حلو جدا
بس البف باستري بتاع الكرامة حلو اوي اوي بجد


نووووور مش طلع فيه انواع توابل اسمها نور ماركة يعني اقصد :D:D:D

هى القرص دى طريقتها ايه
كتكت وحشانى
اناناسة كل سنة و نور طيبه

وانتي كمان وحشاني اوي يا بوسبوس القرص هسأل ماما واتاكد بس هي مفروض نفس مقادير كفتة الرز بالظبط بس الفرق بدل ما بنطحن الرز مع اللحمة وباقي التوابل والخضرة، لأ بنسيبه صحيح كده فيها وبتتعمل اقراص صغيرة كده زي الكحك

سوسي معلش هي الكبدة بتبقي معاها قوانص ولا ممكن تجيبي كبدة لوحدها اصل فيه عرض مكتوب كبد وقوانص ب 16 للكيلو في سوبر ماركت سعودي اللي في الدقي

صباح الخير

بصوا عارفين طريقة كنتاكى اللى هى بتاعة تعملى القرمشه وتحطيها على الفراخ ؟؟؟

اللى كانت واحده منزلاها هنا


عملتها :

اولا عملتها فراخ صحيحه من 4 ايام

وثانيا عملتها بانيه بقى

الفراخ الصحيحه طلعت عينى بجد شغلاااااااااااااااانه

متعبه جدا وبتااخد دقيق بالعبيط

والطعم ....................... عادى يعنى مش كنتاكى

عملتها بقى امبارح بالبانيه وبالتتبيله العاديه:

بصله مبشوره وبهارات وملح وفلفل اسود وفص توم صينى مبشور

وسيبتهم سوا بتاع 5 ساعات

وبعدين جبت البانيه بقى وحطيته فى دقيق وبعدين التمبوره (مايه+ دقيق) وبعدين القرمشه


ومعاها بقى هوت كاتشب

يا خراااااااااااااااااااااااااااااااااااابى
بجد كنتاكى بالظبط بالظبط

حلوه جدا جدا جدا جدا جداااااااااااااااااااااااااااااااااااااااااااا


بجد الطريقه وهم فى البانيه انما الفراخ الصحيحه وجع قلب

وياريت البانيه يبقى تخين شويه لانه لما بيستوى على نار هاديه بيبقى كأنه فراخ كنتاكى الصحيحه بس بدون عظم

ولنا لقاء اخر فى تجربه جديده ان شاء الله

بخخخخ

يااااااااااه انتو لسه نايمين؟؟

طيب بصوا انا خليت فرخه دلوقتى وتبلتها عشان اشويها

كنت عايزاها تاخد علامات الشبكه تعرفوا اعلمها ازاى؟؟؟

وكمان اعمل جمبها ايه؟؟

هموت على محشى بتنجان عااااااااا بس معنديش وجوزو معندوش وقت يجيبلى

اعمل ورق عنب وفلفل اهو تصبيره ولا اعمل ايه ؟؟ ومحدش يقولى مكرونه عشان امبارح عملت كنتاكى ومكرونه

كان فى دماغى كام سؤال بس طااااااارو مع الرياح

crazy ananas;13471817:
ازيكم كلكم يا بنات اكيد فايتنى كتير بقالى كتير مدخلتش هنا واكيد كالعاده متالقين فالمطبخ والريحه طالعه فالمنتدى كله

يارب دايما متالقين

كنت عوزه اسئل عن بوسى ام عمر بقالى كتير مشفتهاش حد يعرف عنها حاجه

ام عمر فى مصر ومش عندها نت :D