تجمع البنوتات السوريات للشهر الفضيل شهر رمضان الكريم

مرحبا ياجماعة كيفكن ؟؟؟

أنا لازم كلما فتحت النت أعمل تسجيل حضور بالتجمع بركة بيتلحلحلو شوي لأنو في ناس نايمة

مو هيك دمشقية خانم

لولية;10230897:
كيفكن يا أمامير شو أخباركن برمضان
أنا الحمدلله صرت بالرياض مع ابن عمي وبنوتاتي وأخيرا والله كنت فاقدة الأمل لدرجة زوجي عملي تأشيرة زيارة بسرعة وقبل ما يبعتها مشي الحال

الف الحمد لله لولية مبرررروك بدها زلغووطة والله... الله يخليكي لزوجك وبناتك يارب وماتفترقوا عن بعض ابدااا

شامية للعظم;10232257:
مرحبا ياجماعة والله أنا بخير وتمام وبس الكسل هو يلي مانعني ادخل عالنت ويعني شوية شغل بالطبخ كنت عم قولكن الله يعينكن لما اسمع حدا عندو عزيمة قام زوجي غزم رفقاتو 5 شباب وهو السادس وانشغلتلكن يومين بالطبخ عملت معكرونة باشاميل وبيتزا وبرك وتبولة وسمك مشوي ومحاشي والله الشهادة لله ابن عمي ساعدني والله الله يخليلي ياه

لولية الحمد لله على سلامتك

مونو خانم مشغولة عم تحضر حالها يمكن باقيلها شي 3 أيام لتسافر الله ييسرلها

دمشقية كيفك بعدو أبوكي عندك ؟؟

ماشالله ماشالله شو العزيمة الحلوة دخلك على الفطور سمك واكللو بالله ؟؟ اي هما الرجال بياكلو الحلفا خخخخ بالعافية يارب ويعطيطي العافية وتعيشي وتعزمي :tongue:

بابا اي لسى عندي وراح يضل باذن الله لتاني يوم العيد اذا ماتغير شي
عم اقنعو يعيد معي بالزور لرضي اول يوم وان شالله يبقى على كلامو اشتاق لامي يقبر قلبي

شامية للعظم;10241563:
مرحبا ياجماعة كيفكن ؟؟؟

أنا لازم كلما فتحت النت أعمل تسجيل حضور بالتجمع بركة بيتلحلحلو شوي لأنو في ناس نايمة

مو هيك دمشقية خانم

انا نايمة يللي بتفيق الساعة وحدة خخخخخخخ
والله انا عم فوووت عالنت لما بلاقي شوية فراغ بتعرفي ابي عندي وحماتي كل يوم والتاني تعبانة ودايخة وبنتي شام كمان مابعرف شو بها كل اسبوع عم تسخن شوي وحااالة على الله

كيفكم حبيباتي انا الحمدلله بخير ..........حبيت سلم عليكم والله الكل مشغول برمضان



لولية بعثتلك اكثر من سالة مابعرف وصلوكي

بنوتة وصلتني الرسالة اللي عم تسأليني فيها إذا كنت اونلاين ورديت عليكي وقلتلك ايه والباقيين رديت عليهن معقول يكون في مشكلة بالمنتدى

MONOSTEPS;10233846:
باق من الزمن ان شاء الله

4


صباحوووووو صباحكم فل وياسمين عليكم يا حلوين
كيف الكل الحمدلله اخباركم حلوة
بالنسبة الي عم عد الايام والساعات لا تضحكوا علي
بس والله انا متل الاولاد بهالشغلة بقصد شوفة اهلي
يعني لهل ما كنت اكبر او اعقل او خبي ردة فعلي ههههههههه
بتلاقوني بكل شي كبيرة الا لما الشي بيتعلق باهلي
بحس حالي اصغر من الصغار هههههه

طبعا انا هالفترة عم ضب البيت واعمل تنضيفات وتعزيلات
بعرف رح تقولوا رح ترجعي تشوفيه مغبر بس يعني مغبر على نضافة
احسن ما يصيروا دبل هههههه


يسعد صباحك ومساكي دوووم يارب ليش لنضحك يامون والله كلنا بالهوا سوا والغربة اعتقد هي اللي عم تزيد فينا هالشعور وتخلينا حساسين كتير لموضوع اهالينا الله يخليلك ويخليلنا ياهم يارب

ويالله نضفي البيت الله يعينك ويعطيكي العافية بس يعني لا تمسكيها من قلب ورب لانو كل شي راح ترجعي تعيدي عليه




يا اهلين ومرحبتين بنور العين تسلمي والله رح اشتاقلكم اكتر
طيارتي الساعة 3 بالليل يوم الخميس ان شاء الله
هي اول مرة بنزل على السورية كل مرة بنزل على القطرية بس كل مرة بننزل
بالشام وبننتعها مشوار للادقية بتلاقي الطريق من الدوحة للشام ساعتين
ونص او 3 وبدنا من الشام للادقية 4 ساعات لا ومع نظام البولمانات الجديد بدنا 5:tongue:
قام هالمرة نزلنا على السورية على اساس ان شاء الله ناخد طيارة تانية على
مطار جبلة مباشرة لانه السورية الوحيدة اللي بيتناسبوا مواعيدها
مع مواعيد الطيران الداخلي بقى سهرتنا صباحي ان شاء الله هههههههههههههه
وبركي اليوم ان شاء الله ببعت للمشرفة انه رح تفتحي الشات لشهر شوال لانه ما بكون هون

بالنسبة للبس اخدت فستان للركبة من اللي لهم خصر نازل لون بني
طبعا سادة بس من ورا الشغل بالضهر في سلسال ولولو
وفصلت عباية للعيد جديدة والجزدان والصندل رح اشتريهم من تحت ان شاء الله
واخدة معي 3 عبايات غير تبعت العيد لبدل فيهم
وبالاجمال بما انه ما كتر نحفت رح اعتمد على شغلة التايت ( الفيزون )
يعني مشترية بلوزات وتايتس حلوين وتنانير سبور لانه جسمي لسه ما خرج جينز
وطبعا صنادل او جزادين من سوريا ان شاء الله لانه هون عنا بتلاقي
الشغلة ما عليها القيمة وب 150 ريال واذا بدك شي حلو عم تحكي ب 250 وطالع
بقى بشتريهم من تحت وبنفع اهل بلدي احسن لي بالاضافة
انه بكون اخدت احسن شي واشيك شي بهالسعر

ومعك حق مشان الجو بيكون عم يخرف يعني عم يجي الخريف هههههههههه
بس يا اختي مشكلة البلد البنايات بضهر بعضها والله مافي نسمة بتمر
لهيك بتبقي مشوبة واذا بد تبورديلك شوي ما فينك الا بالمصايف
واصلا وائل كفوري هو اللي فول على الجو نحسنا ههههههههههههه

الله يجمعك باهلك بسوريا وانتم كلكم بخير ويدوم جمعتكم
والله يسرلك سكنة تحت

تؤبشي قلبي اهللين فيكي .... وخير ماعملتي انك تنزلي من طيارة لطيارة احسن من الهجولة بالبولمانات يعني على هيك راح تتسحري بالطيارة او المطار الله يقويكي يارب ,,,, ذكرتيني بالسنة الماضية قال فرحت وقتها نزلنا بالطيارة ووفرنا عناء الطريق وقلت كلها ساعتين قام طلعولنا وقتها بمؤتمر القمة وسكروا مطار دمشق وحولونا على اللاذقية ومن هناك للشام ضلينا خمس ساعات او اكتر لوصلنا خخخخخخخ شفتي الحظ

وان شالله الف مباركين الملابس بس يعني مونو وزنك مو هالوزن الزايد اللي تخافي منه بالنسبة للجينزات يعني اعتقد الوزن اللي بالستينات مو كتير بيكون واضح صح ؟
وبالفعل الجزادين عنا احلى والخيارات اكتر وكمان ارخص فمبروك سلفا
واهم شي انتبهي على رورو من الجو وداريها بسرعة وربي يحميكم ويوصلكم بالسلامة ان شالله.... واميييييين الله يسمع منك يارب ويصير عنا بيت وكعكتين بخيط :tongue: لشو مابعرف

مونو لما سافرت انا من شهرين شوفي اخدت معي شنطة ادوية ضحكت وقتها وقلت لزوجي لشو كل هاد
بس والله والله اني هنيك بسوريا شو استفدت من هالشنطة انا وولادي واخواتي كمان
لانو ولاول مرة بلحئ ولادي من شي مرضة ولاول مرة مابدور فيهم بين هالدكاترة الفهمانة لا تقرفي
وربك حماهم طبعا ولا تنسي انو الدوا الاجنبي عنا هون احسن من سوريا ومفعوله قوي وكمان سعره ارخص من هناك .... هي الشنطة اذا بتفيدك او بتذكرك بشي وان شالله انك مابتحتاجيها بس الاحتياط واجب



الاسبرين كان لبابا يعني مو لاولادي والباقي فيفادول اللي هو مسكن وخافض حرارة ودواء للسعلة ودواء للاسهال واتنين التهاب واحد لعمر محمود والتاني لعمر شام طبعا ما بحلهم بالماء خليتهم لهناك لوقت عازتهم ودواء للمغص

لولية حبيبة قلبي سورية الحمد لله بخير وبتسلم عليكم جمييييع والحمد لله مبسوطة وولادها مع انهم صغار بس دخيل الله طاير عئلهم يمكن لانو حسو بالاستقرار اللي الله لا يحرمنا ياه ياااارب

بنوتة اهلين فيكي يارب دووووم تكوني بالف خير وعافية وياريت هيك دائما طمنينا عنك يعني مو بشي بس بحق الخبز والملح الالكتروني اللي كانت تطعمينا ياه مونو خانم خخخخ

باق من الزمن ان شاء الله

2


يسعد صباحكم يا اماميري الحلوين كيفكم اليوم ؟

شامية للعظم;10241563:
مرحبا ياجماعة كيفكن ؟؟؟

أنا لازم كلما فتحت النت أعمل تسجيل حضور بالتجمع بركة بيتلحلحلو شوي لأنو في ناس نايمة

مو هيك دمشقية خانم

وانا لازم اعمل تسجيل حضور مع انه احيانا بكون عم سجله مع حالي
بس مو مشكلة اهم شي المبدا هههههههههههههههه
كيف ايامك؟

الدمشقية;10241915:

بابا اي لسى عندي وراح يضل باذن الله لتاني يوم العيد اذا ماتغير شي
عم اقنعو يعيد معي بالزور لرضي اول يوم وان شالله يبقى على كلامو اشتاق لامي يقبر قلبي
انا نايمة يللي بتفيق الساعة وحدة خخخخخخخ
والله انا عم فوووت عالنت لما بلاقي شوية فراغ بتعرفي ابي عندي وحماتي كل يوم والتاني تعبانة ودايخة وبنتي شام كمان مابعرف شو بها كل اسبوع عم تسخن شوي وحااالة على الله

الله يهنيك بجية ابوك وعن جد ماعليكي عتب
وسلامتها شامو خير شو عم يصير معها
وسلامة حماتك الله يطمنكم عنها

بنت الشام المعذبه;10242143:
كيفكم حبيباتي انا الحمدلله بخير ..........حبيت سلم عليكم والله الكل مشغول برمضان

اهلا ومرحبا ببنوتة الحلوة المهم انه عم تتذكري الاكل الالكتروني تبعنا
ما هيك دمشقية ههههههههههههههه

الدمشقية;10247247:
مونو لما سافرت انا من شهرين شوفي اخدت معي شنطة ادوية ضحكت وقتها وقلت لزوجي لشو كل هاد
بس والله والله اني هنيك بسوريا شو استفدت من هالشنطة انا وولادي واخواتي كمان
لانو ولاول مرة بلحئ ولادي من شي مرضة ولاول مرة مابدور فيهم بين هالدكاترة الفهمانة لا تقرفي
وربك حماهم طبعا ولا تنسي انو الدوا الاجنبي عنا هون احسن من سوريا ومفعوله قوي وكمان سعره ارخص من هناك .... هي الشنطة اذا بتفيدك او بتذكرك بشي وان شالله انك مابتحتاجيها بس الاحتياط واجب









الاسبرين كان لبابا يعني مو لاولادي والباقي فيفادول اللي هو مسكن وخافض حرارة ودواء للسعلة ودواء للاسهال واتنين التهاب واحد لعمر محمود والتاني لعمر شام طبعا ما بحلهم بالماء خليتهم لهناك لوقت عازتهم ودواء للمغص

ما شاء الله كويسين وتمام
بتعرفي انا كنت مترددة انه اخد معي شنتة ادوية بس غيرتيلي راي
لانه عندي كل هالشغلات وقولتك بلا ما جرب خبرة الدكاترة
لانه متل ما قلتي اذا لحقتي المرض من اوله بيطيب الولد اسرع وما بتتلبكي فيه
يسلموووووووا على الفكرة وعلى الصورة

الدمشقية;10247265:
تؤبشي قلبي اهللين فيكي .... وخير ماعملتي انك تنزلي من طيارة لطيارة احسن من الهجولة بالبولمانات يعني على هيك راح تتسحري بالطيارة او المطار الله يقويكي يارب ,,,, ذكرتيني بالسنة الماضية قال فرحت وقتها نزلنا بالطيارة ووفرنا عناء الطريق وقلت كلها ساعتين قام طلعولنا وقتها بمؤتمر القمة وسكروا مطار دمشق وحولونا على اللاذقية ومن هناك للشام ضلينا خمس ساعات او اكتر لوصلنا خخخخخخخ شفتي الحظ


ههههههههههههههه شو هالحظ يا مخلوقةياريتها
صارت معي شي مرة عن جد بنتلف تلفان لنوصل
مع انه بنزل بالغالب مع اهلي وبسيارة بس ياعمي
الطريق طويل بياخد معنا نهار كامل ومتل ما قلتي السحور بالمطار
ان شاء الله لانه ما بتصور رح نلحق ناكل بالطيارة

وان شالله الف مباركين الملابس بس يعني مونو وزنك مو هالوزن الزايد اللي تخافي منه بالنسبة للجينزات يعني اعتقد الوزن اللي بالستينات مو كتير بيكون واضح صح ؟
وبالفعل الجزادين عنا احلى والخيارات اكتر وكمان ارخص فمبروك سلف

بعرف انه وزني مو زيادة وعادي لبست جينز قياس 40
بس انا ما بحب وخصوصا انه عم قارن شكلي سابقا ولاحقا هههه
قولي انا منزلة معي جينز للاحتياط بقى لشوف شو الله بيسر
والله يبارك فيكي يارب

واهم شي انتبهي على رورو من الجو وداريها بسرعة وربي يحميكم ويوصلكم بالسلامة ان شالله.... واميييييين الله يسمع منك يارب ويصير عنا بيت وكعكتين بخيط :tongue: لشو مابعرف

الله يسلمك يارب وان شاء الله رح انتبه عليها لست الحسن هههه
والكعكتين مشان تبيعيهم قدام البيت وتسترزقي
يعني بيصير عندك بيت وباب رزق هههههههههههههههههههههههه
شو بيعرفني هيك طلع معي هههههههههههههه

يسعد صباحكن وانشالله ما بتشوفو أمراض بنوب بنوب

دمشقية خانم عم تعطي علي أني عم فيق عالساعة 1مو مشكلة بتموني

مونو الله ييسرلك ويبسطك يارب وبتشوفي أهلك بصحة وعافية

لو كنت قريبة كنت وصيت ماما على كم شغلة لازمينني تبعتلي ياهن معك

مراحب صبايا حبيت سلم عليكم واطمن على اخباركون
الحمدلله انو مشي حالك لولية الله يخليك دو م لابن عمك ولبناتك

كيفكون صبايا فردا فردا

دمشقية كيفها سورية ان شاء مبسوطة بجيتها وارتاح بالها
حبيبتي عرسي هلق مو مبين لانو بيت خطيبي بدو نفض من دهان وتزبيط حمام وتوابعون بس اذا الله يسرلنا على الشهر الخامس او السادس
يعني نحنا هيك مفكرين بقا ع التيسير

مساء الورد على خدود الحلوين ........كيفكم حبيباتي

اليوم فايته خصوصي لودع مونو الحلوه والله بدنا نشتقلك كثير إن شالله بتنبسطي بسفرتك وبتشوفي أهلك على خير


اعذروني على التأخير صدقوني كثير مشغولين وآخرها عروست أخي مسكينه صارلها اسبوع مرضانه وبترتفع حرارتها باليل وكنا خايفين انفلونزا الخنازير حتى وديناها اليوم على العيادة الخاصة بالمرض الحمدلله طلعت سليمة

باق من الزمن ان شاء الله

1

صباحووووو يسعد صباح الجميع ويارب الكل باحسن حال
امبارحة بعتت مسج لبيرل اطمن عليها قالتلي يا حرام مشغولة والشغل
لفوق راسها ومستلمة محل سكرتيرتين غير عن شغلها الاساسي عن جد الله يعينها
المهم اطمنت عليها لانه كنت مشتاقتلها ومستفئدتلها

اخباري الحمدلله منيحة اليوم ان شاء الله لازم شطب على الشنت
ولازم خلص غسيل مدري ليش قبل السفر بيطلع غسيل كتير هههههههه
ما بعرف صرت ملاحظتها اكتر من مرة

شامية للعظم;10248209:

مونو الله ييسرلك ويبسطك يارب وبتشوفي أهلك بصحة وعافية

لو كنت قريبة كنت وصيت ماما على كم شغلة لازمينني تبعتلي ياهن معك

الله يسلمك يارب والله ياريت كنت جنبك كان تكرم عيونك

الياسمينة السمرا;10250075:
مراحب صبايا حبيت سلم عليكم واطمن على اخباركون
الحمدلله انو مشي حالك لولية الله يخليك دو م لابن عمك ولبناتك

كيفكون صبايا فردا فردا

يا هلا يا هلا الحمدلله نحن بخير يارب انت كمان تكوني منيحة
كيف الشغل ان شاء الله مرتاحة

بنت الشام المعذبه;10251573:
اليوم فايته خصوصي لودع مونو الحلوه والله بدنا نشتقلك كثير إن شالله بتنبسطي بسفرتك وبتشوفي أهلك على خير


اعذروني على التأخير صدقوني كثير مشغولين وآخرها عروست أخي مسكينه صارلها اسبوع مرضانه وبترتفع حرارتها باليل وكنا خايفين انفلونزا الخنازير حتى وديناها اليوم على العيادة الخاصة بالمرض الحمدلله طلعت سليمة

تسلمي لقلبي والله
والله يفرح قلبك ويحقق اللي ببالك
سلامتها مرت اخوكي وما على قلبها شر يمكن كريب او يمكن حامل:)

صباحكم مميز نفس تاريخ اليوم 9 / 9 / 9 ^_^

* جوهره عُمانيه *;10253569:
صباحكم مميز نفس تاريخ اليوم 9 / 9 / 9 ^_^

تسلمي و صباحنا مميز بمشاركتك معنا يا عسل (f)

بنات انا العكيد رح روح على القلعة واختفي عن جزء الشات الجاية
شو باب الحارة احسن مني هههههههههههههه

لا جد بما انه ماني هون فبعتت للمشرفة بنوتة مسقط انه الدمشقية
هي اللي رح تفتح الجزء الجاية يعني جزء العيد ان شاء الله
دمشقية سلمتك الراية وصيتي الشات يا دمشقية وحاملة بايدي كلينكس وعم نوح هههههههههههههههه

مونو بالسلامة انشالله يا مشرفتنا الغالية وانشالله بتنبسطي وبتشوفي أهلك بصحة وعافية


سلامي للجميع يسعد مساكن

مونو بالسلامة يا عمري والله رح توحشينا بس أمانة روحي انبسطي أد مافيكي بس لا تنسينا ايه يا عمري
وشو سلمتي الراية لدمشقيه يعني دمشقية هلأ أبو حاتم أخخخخخخخخخ
ياسمينة وينك يا حلوة هالأيام غايبة بس ليكي توقعي مني اتصال أو مسج بهالفترة
دمشقية شو أخبار ضيوفك وسورية ان شاء الله ابن عمها عم يدللها ويعوضها عن الأيام الماضية
أنا لا تؤاخذوني ما عم ثبت حضور كل يوم لإنه والله بتعرفوا كيف بكون مشغولة لما بيجي لإنه أهلي كلهن هون وخوالي وأعمامي وستي وبيت أهلي بقى من بيت شقاع لبيت رقاع لبيت كتر الله أفراحكن وابن عمي مافي غير بيندبلي وينك وعم تتركيني لا وشرطكن هو بينام الساعة 11 ونص ولازم نام بنفس الوقت بقى الحمدلله ماعم يبقى وقت لإلي وهلأ هو نايم وأنا بالتخت عم اكتب الرساله عالهدا كرمال ما صحيه
يلا نايتي نايتي يا بنوتات

يسعد أيامكم يارب وهي بلش العد التنازلي ورح يخلص رمضان

انشالله كل عام وانتو كلكن بخير أكيد الكل مشغول بتحضيرات العيد

غيبة طويلة لأن المنتدى ماكان عم يفتح عندي وأكيد عنكن كمان

لأنو متل مو شايفة الشات ما اتحرك من يومين