البرج اليسر;10182489:
ازيكم يا حوامل النهاردة والله ربنا ستر علي حملي اصلي وقعت وزحلقت علي الارض ورحت للدكتورة وعملت سونار قالت الحمد لله الدنيا كويسة بس في شوية انقباضات
الحمد لله علي كل حال واعوذ بالله من حال اهل النار
الحمد لله يا قمر ربنا ستر خدى بالك من نفسك وان شاء الله تولدى بالسلامة يا قمر ونطمن عليكى
مونه الدلوعه;10182659:
ازيكم ياحوامل عاملين ايه
الحمد لله يا قمر انتى اخبارك اية
ميرفى50;10183793:
انا الحمدلله على كل حال انا فطرت لانى حالتى النفسيه تعبانه جدا فلت اتخانق مع جوزى لغايه 5.30 فجرا ادعولى بجد والله بكتب ودموعى سابقانى يالله الحمدلله
سلامتك يا ميرفى الف سلامة عليكى وحاولى ماتفكريش فى حالة انتى حامل وتعبانة وكفاية عليكى الحمل بصراحة البنات هنا كفوا ووفوا كتر خيرهم وروحى عند والدتك ريحى نفسك واعصابك هناك وبعد الولادة وبعد ما تقومى بخير وسلامة انتى والبيبى اتصرفى زى ما تحبى وافتحى الموضوع بس حاولى الايام دة تبعدى عن اى مصدر توتر او قلق عشانك وعشان البيبى وربنا يصلح الحال يارب ويهديلك جوزك يارب واستعيذى بالله من الشيطان الرجيم دة شطان ودخل بينكم وان شاء الله الموضوع يعدى وتفرحى يا قمر بالبيبى مع جوزك
أمةالله;10183957:
أنا هروح أنام لي ساعة
معزومة النهارددة عند عمي وهتبقى ليلة ما يعلم بيها إلا ربنا
أول مرة يشوفوا عبدالله من يوم الولادة وهيفتكروا بابا طبعا بقى وعياط وبتاع وأنا مش نايمة فمش قادرة الصراحة على الكلام ده
ادعوا لنا ربنا يعدي اليوم على خير
وعلى سيرة الدعوات السبشيال
الدورة كان معادها امبارح ولسة منورتش ادعولي على الفطار لو فيه خير ليا أكون حامل الشهر ده إن شاء الله
بس أهم حتة بتاعة لو خير ليا دي :)
أشوفكم على خير
ان شاء الله اليوم يعدى على خير وربنا يرحم والدك ويجعل مثواة الجنة يارب مع الصالحين ويرزقك يارب بالحمل السليم اذا فية خير ليكى يارب
crazy ananas;10184299:
انتم بئا بتحسسونى بالذنب لما بلاقيكم صيمين وانا فاطره
انا مبقتش عارفه مين الصح الدكتوره بتعتى كتبه ورقه ممنوع صوم جميع الحوامل ولما عرفت انى صومت اول يومين قالتلى انتى حره وده بياثر عالجنين ومن ساعتها فطرت وانتم هنا بتصوموا مش عارفه ايه الصح بالظبط
انوسة يا قمر ازيك يا حبيبتى يا قمر ماتحسيش بالذنب ولا حاجة انا كمان فاطرة وانتى لو عندك مقدرة اكيد كونتى هتصومى بس انتى ليكى عذرك وربنا مقدر كدة ربنا كريم رحيم بالعباد ولا يكلف الله نفس الا وسعها وبدام مش قادرة خلاص وانا بعت على موقع دار الافتاء المصرى وسألت فى موضوع افطار المرأة الحامل عرفت ان هو عادى مافيش عليكى اثم وممكن تضحى بمال عن الايام اللى فطرتيها يعنى اطعام مسكين وممكن تصوميهم تانى وان حتى لو الحامل خايفة على جنينها تفطر حتى اذا ما كانتش بتعانى من اى شئ لمجرد الخوف وكل باذن الله والحمد لله على نعمة وفضلة
Jumanaa;10185018:
عايزه رايكم في الاسمين دول وبصراحه مش هزعل
بلال وحمزه
ولو عجبوكو انه واحد احلي
بصراحة انا كنت مقررة ان ربنا رزقنى بولد ناوية ان شاء الله اسمة بلال على اسم مؤذن الرسول صلى الله علية وسلم