رابطة امهات واطفال مصر لشهر رمضان المعظم"كل عام وانتم الى الله اقرب وعلى طاعته ادوم"

hoobie;10219183:
ايمي ازيك ياقمر وازايميزو

ام عمرو ازيك وازاي الكتاكيييت ماشاء الله البنات يختي عايقين من صغرهم :D

هوبا ازيك وازاي نودي ها عملتي عيدالميلاد وللالسه

نهى ازييييك يبنتي وحشاني بقالي كتير مشفتكيش

ايمان انتي بتقولي انك فطمتي معاذ من اللبن وهو 6شهور ..طيب امال كان بياكل ايه ووزنه متأثرش ؟؟ اصل انا اللبن عندي قليل اوي وبصراحه عندي افطمه ولا اديله صناعي بخاف من الغش التجاري في البان الاطفال ربنا ينتقم من اللي بيعملوا كده حتى الاطفال معتقوهمش

هو اتفطم من الرضاعة الطبيعي يا هبه انما كان بياخد لبن صناعي لغاية قريب لما كنت بفطمه من البيبرونة طبعا جنب الاكل يعني
اه لا بعد ما كان عنده سنة وشهرين كده او تلات شهور كنت بدي له لبن عادي جاموسي وبخففه دلوقتي بقى عادي بيشرب اللبن في كباية

اهلا يا حنان
انا ومعاذ الحمدلله كويسين
انتي عاملة ايه ومعاذ اخباره ايه في الحضانة
طبعا هو بيروح عشان يلعب وبس مش كده

يا بنات انا فرحانة اوي معاذ بقى له كام يوم كده بيمسك الكباية ويشرب لواحده الاول انا كنت اسقف لما يشرب لواحده بس بكون انا ماسكة الكباية من تحت كده عشان مايوقعش الميه اللي فيها ولما يخلص اقول له برافو واسقف له دلوقتي بقى هو بيمسك الكباية لواحده خالص ويشرب ولما يخلص يقوم منزلا لكباية على الارض ويحطها براااااحة ويقوم مسقف لنفسه هههههههههههههههههههه

ما شاء الله برافو عليه يا ايمان
علي فكره التشجيع ده سر نجاح الاطفال في اي حاجه بيعملوها

الحمد لله يا ايمان بس انتي عارفه انا اكتشفت ان معاذ بداء يلقط سواء انجليش او عربي او قراءن.......حتي لو بيقلد بالنغمه بس

المهم يا ايمان تجبيله كوبايه بلاستك مش زجاج لانها لقدر الله ممكن تقع منه و انتي مش واخده بالك و تعورة زي محصل مع معاذ ابني بس الحمد لله ربنا ستير

اه فعلا يا هبه والله بيفرح اوي لما اسقف له على اي حاجة ويكررها تاني عشان اسقف له هههههههه

ماشاء الله هو معاذ بيتكلم ولا لا
معاذ ابني برضو ساعات يردد ورايا الكلام كده بالنغمة بس لسة مش بيتكلم خالص
وفعلا لسة ماجبتلوش كباية بلاستيك عاوزة اجيبهاله استانلس انا بكون جنبه واول ما يخلص يديهالي
ربنا يستر

معاذ هيجنني مش عارفة عاوز ايه
عاوز يكرب على العجلة وياخد ادامه العروسة بتاعته والعروسة اصلا اكبر منه وتقيلة وكل لما يشيله يقعو من على العجلة ههههههههههه
ومصمم ياخده اديت له عروسة صغيرة شوية مش راضي عاوز الكبير وعمال يزن بقى زهقني

هههههههههههههههه عسل يا ميزو
اه يا ايمان موضوع التسقيف ده هو الحمد لله اللي خلي ندي تتعود علي البوتي ولازم لغاه دلوقتي لما تعمل نسقفلها وبابا وماما واخواتي
ولو مسقفتش تروح تقلوي ماما موتسقف عشان اسقفلها
بس مش عارفه مالها من امبارح ضاربه خااالص بتعمل علي روحها كتير

فعلا الاستنلس احسن كتير من البلاستك.......لا مش بيتكلم بي بيقول بابا...و نعمه باقي الكلام

ليه كده يا هبه يمكن فيه حاجة عشان كده مش بتعمل في البوتي
انتي بتلبسيها بامبرز ساعة النوم ولا خلاص ؟

معاذ كل لما اجي ااكله اول ما ياخد اول معلقة اقول له الله يقوم هو لما انسى اقول يقول هو ااااه على نفس النغمة اللي بقول له عليها هههههههههههه

يتصفح الموضوع حالياً: 3 (3 عضو و 0 ضيف)
‏*Om Mo3az*, ‏hoba555, ‏UM Hamzaa

امييييييييييييييرة
ازيك وحشتيني اوىىىىىىىى عاملة ايه وموزي العسل اخباره ايه


يا بنات ايه رايكو لو ننزل صور ولادنا دلوقتي
انا بقى لي كتير اوىىىىى ماشفتش معاذ

بلبسها ساعه النوم
بس هنا بقا عشان بتخرج كتيييير وبتاعد بره كتير فبلبسها بامبرز مش هينفع تاعد من غيره
فبقول يمكن من كتر ما بتلبس بامبرز بره فتعودت عليه
وكمان مش هينفع مخرجهاش روحها في بره وبتروح ساعات لحماتي وتلعب مع بنت عمها وحماتي بتحب تشوفها كتير

اه اكيد عشان بتلبسه كتير فالموضوع بقى عادي بالنسبة لها
دكتر ياسر نصر كان بيقول ان الام لما تيجي تعود ابنها او بنتها على الحمام ماتسيبش البامبرز اصلا في البيت والمفروض انها تعتكف في البيت لغاية ما ابنها يتعود على الحمام وبعد كده تجرب تخرج من غير البامبرز برضو وتكون رايحة بيت عند حد يعني مش هتقعدي وقت طويل في الشارع عشان مايعملش على نفسه

ربنا يعينك انا نفسي اعود معاذ بقى زهقت
ربنا ييسر

اخبار معاذ ايه مع البوتي يا حنان اتعود ولا بيروح الحضانة بالبامبرز

فكرة حلوة بس .للاسف الصور كلها علي الموبيل و انا عند ماما و عندي الكابل اللمكن اوصل بيه الكبيوتر و انزل الصور

بيروح طبعا بالبامبرز يا ايمان .هو متعود اول ميصحي يعد علي البوتي و طبعا ساعات يعمل و ساعات لالالالالالالالالا.............بس الايام دية مش عارفة يه الحصله مش عاوز يعد علي البوتي خالص و انا كمان تعبانه مش قادرة اتابعه زي الاول من الحمل..........تاتا بتقولي هو حاسس ان البيبي قرب فهيبداء يتمرد عليكي و يلزق فيكي اوي و فعلا ده البيحصل

المرة الجاية بقى ان شاء الله انا هقوم معاذ جنني خلاص
هصلي الضهر واشوفه عاوز ايه

اه والله موضوع الخروج في الشارع ده عملي وش في ماغي مش عارفه هعمل ايه ساعتها
بس لسه لما تكبر شويه
الله اعمل هنكون فين ساعتها
الصور قديمه عندي اللي ورتهالكم في صوره مش حلوه مش عجباني لما اصورها جديد هورهالكم

ربنا يعينك يا رب فعلا الموضوع صعب اوي وخلي بالك هيبدا بقى يتعب من الحضانة فانتي حاولي ماتضغطيش عليه في الموضوع ده لانه هيحس انك كده بتبعديه عنك عشان خاطر البيبي الجديد
ربنا يهديه ان شاء الله