محاربه مشتاقة للكرش >>>New

غاليتي نور هذا بس راسج ترفعينه والحبكة ان البطن ينشد فيها من جذي وايد مفيد رغم صعووبته

أول الأيام بتحسين بصعوبه وداومي عليها يومين واذا جفتي بالمرة ما قدرتي تضبطينه تركي الا ما تعرفين ليهم

اليوم الظهر ما قدرت اسوي التمارينات لان ما شاء الله المقرر شوي صعب واخذ مدة على الصفحة

فما قدرت وجا وقت طلعتي وربيعتي متهدده فيني تقولي لا تتأخرين لان كل مرة اقول لها لا ما بتأخر وانقعها في المجمع ساعة كاملة

لووول

توني احين مخلصه التمارين وه وه أحس الجووو حاااااااااار وايد

وسويت كل التمارينات ما عدا تمرين واحد

وهو هذا




لاني احسه وايد صعب يعني تنرفع لرجول وبروحها تنزل ما ادري ليش

ويا بنات لحد يقول هذا التمرين مو مهم وهذا مو مهم احنا مو خبراء حق نعرف يمكن هالتمرين اللي ما سويناه اهو اللي راح يفيدنا اكثر

واسرع واللي راح يستغني عن تمارين تمرين تمرينين مو نص التمارين مطيرهم من جدوله

يلا يا بنات وبلاااا خربطه خلونا نمشي على جدول واحد

واليوم تطمنوا ما كليت وايد في المطعم طلبت لي جلوو كباب

كليت عيش شوي وتالي الكباب كليته بروحه

بس شربت بيبسي وربي ما قدرت اقاوم ربيعتي تشرب بيبي وانا لا ما اقدر اضعف

كنت اقرا بموقع اجنبي عن تمارين الكرش ومكتوب ان علشان نزيد من فعالية التمارين المفروض نشفط البطن للداخل اثناء التمارين

بس حبيت افيدكم:)

----------------------------------------

ملعقتين من نعناع +ملعقتين شاي اخضر+ 2معالق قشور رمان مطحون +2معالق زنجبيل+2معالق كمون


أخت سالي كأن هذي مثل الخلطة اللي وريتها لامي وهي قالت لي هذي تسبب لج اسهال

فيعني اذا عندج جامعة مثل حالتي ما انصحج فيها
وانا من رايي لا تسويها وظلي على التمارين احسن


ويلا يا بنات اليوم تأخرت بتماريني لان زايرينا قرايبنا واحين بقوم اسوي التمارين وبخبركم شوو صار معي

وشطووره يا صفاء والله انتي الا مشجعتني احس فيج حماس وايد فأتشجع أكثر

من كلامك قلت خليني اجربه ...فعلا جربته وو الحمد الله ما صار لي شىء كل الامووووووووووووووور تمام

بس قطعته مده 4 ايام الني كنت مساااااااافره

ان شاء الله تجربوووووووه

و انا بعد اسبوعين بقولكم ايش صار معي

لمعة عين

صح كلامج حبيبتي حق يجيب مفعوول اقوى

مشكور غاليتي ع المرور

_____________________________

سالي يعني ما ياج اسهال ولا شي؟

طيب شووي حسيتي من هلخلطة استفتدي؟!

لاحظتي تغيرات؟!

ننتظر ردج

السلام عليكم

F: شحالكم بنات عروووس F:

ماشالله همتكم عاليه جدددددددددااااااا ,, بالتوفيق ان شالله ..

انا ببدا بعد مو الحين ,, عندي شوية ظروف ,, وناوية بس ارتاح واستقر اني ابدا اكثف جهودي عالكرش ,,

بصراحه مو سالفة هذي ,, كل عيد وكل مناسبه يمرون علينا وحنا نفس ماحنا :o

فينا كسل وخموووول مو طبيعي :thumbs_down: لازم نغير من انفسنا ونتشجع ونتغلب ع عدونا الاول ,,


وانتو تشوفون بنفسكم الفنانات ,,,, من مسلسل لمسلسل والا اجسامهم وااااااااااااو ,,

ماشالله زهرة عرفات اول ما طلعت تمثل كانت مليانه ولها كرش وزنود ,, وفيها ضخامة والحين ماشالله لا اله الا الله هي وبنتها جسم واحد :adore:

عرايس انا بس حبيت افضفض واشجع ,, وبالتوفيق ان شالله ياااااااارب ,, واذا بديت حربي مع الكرش راح ادش واكتب موضوعي نفسكم ,,


موفقات حبيباتي

حتى انا ودي اشترك نشا الله نشجع بعض
انا سمعت انه الكمون و الليمون يساعد على ازالة الكرش

سلااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام

اول امس الثلاثاء: عملت تمرين الكرش 30 مرة و تمرين المؤخرة (الارداف) و من بعد الساعة 5 المساء ما اكلت شي الا زبادي و شربت ماء 3 اكواب و اخرهم كان ماء ساخن قبل انام.

امس كنت تعبانة شوي و بالليل كلهم طلعوا نتعشى برة بس قاومت و ما اكلت شي :thumbs_up::thumbs_up:
فرحت لانه بالرغم اني ما عملت التمارين الا اني نمت خفيفة.

اليوم :confused::confused: نزلت الدورة فاكيد هاليومين ما راح اسوي تمارين...:(

يا بنات ما عندكم تمارين او اشياء نسويها ايام الدورة ممكن تساعد تخفف الوزن و الكرش؟؟؟؟

:o ~> يالله بالستر


اشحااالكم

احم احم عندي اعتراف صغنون:rolleyes:

اليوم كلت رز لين قلت بس
احس اني فكيت حرتي لان صار لي يومين ما كلته:thumbs_down:

بس ان شاء الله راح اخفف من العشا
واكثر من التمارين :D

بالتوفيق بنوتات :thumbs_up:

وصايف الهوى اذا ما بديتي معانا احين واحين القروب ماشاء الله تبعنا صار ملياااان يعني حماس من قلب

فرصتج احين

ويلاا اي وقت تحسين نفسج مستعدة حياج بقروبنا

_________________________

ميميبلو حياج معانا في لقروب

بس هااااه يومياتج ثم يومياتج

____________________________

آي مس يو يا قلبي طيب حتى لو ياتج الدورة شنو اللي يمنع صح الدورة تعب بس خففي من عدد المرات

تدرين ان اثناء الدورة يزيد ونزنا ومن ناحية الكرش ننتفخ ازيد

حاولي تسوين التمارين لكن بعدد اقل

_______________________________

ما قلنا يا احساس بلمرة تحرمين نفسج اكلي رز لكن مو بكمية عن 10 اشخاص

بكمية قليلة بس كلي شوي ولين ما شبعتي كلي الدجاج ولا اللحم اي شي مع العيش يكون كليه بروحه

يلا خبرينا شوو حسيتي يا احساس

حبوبة انتبهي من البيبسي مو عشان الكرش بس والله راح يلعب بعظامج لعب اسئلي مجرب عندي زوجي مدمن بيبسي وتعالي شوفيه الحين ما يقدر يحرك عظامة انتبهي حبوبه

الغالية من مجرب ربطي الكرشة دوووم بقطعة قماش بشكل مريح لان في النفاس امهاتنا دوووووم ينصحونا ونصيحتهم بذهب ما شاء الله عليهم


العتب

أنا بصراحة يا بنات توني احين مسوية التمارين ومخلصه منها ويا بنات احس وايد تغير بطني كان 3 طبقات ولما البس شي ضيق شوي

لما اقعد يبين كرشي واضح حتى وانا واقفه يبين شي منتفخ وطالع لبرى يعني شي وع في وع

احين احس لين اطلع بدون عباية واقعد احس بثقة لان الكرش مو واضحه بشكل اللي كانت عليه

احس خفت كثييير و زادت ثقتي بنفسي وصارت عندي مرونه في التمارين يعني بسرعة اسويها

مو اقوم واقعد كأني عجوووز قاضية ومخلصه لان جسمي ما كان معود ع الرياضة

واليوم كليت رز بس فاااضي بدون شي مدري طلع بمزاجي اني آكل رز بس

وللأمانه شربت بيبسي لان اللي قدامي اليوم مدمنين بيبسي وهم اللي عودوني عليه فاليوم بعد ما قدرت اقاوم بس اكيد باجر ما راح اشرب

وماي ما شربت اليوم مدري حسيته نفسي زهقانه مالي خلق اشربه

يمكن مني لبعد دقيقتين اغير رايي

خبروني يا بنات شنو التغيرات اللي حسيتوها لا تقولون لي مثل صديقتي نوو مستحيل تحصلين نتيجة من اول شهر لكن انا ظليت مصرة على كلمتي اني

كرشتي تغيرت ويوم شافتني امس قالت صج الكرشه خفة عن قبل هالكلمة زادت حماسي اكثر وحسستني اني مستعدة اسوي التمارين كل يوم وما اتركها

يعني اذا انا بنفس الشهر لقيت نتيجة فما بالكم لو اواصل على التمارين شهرين زود هذا بصير ذات الخصر النحيل


ويلا يا بنات انتظر يومياتكم بكره

انا اليوم بعد صلاة المغرب
سويت التمرين 25 مرة وانا نايمة على ضهري
اكلت حبتين غاتو بالشوكولا وتععشيت عشا عادي مع علبة زبادي
بس اهم ما في الموضوع اني تخليت اليوم عن البيبسي هههههههههههههههههه
يلا ربي يوفقني واقدر استحمل عقبال ما تنشد
انا مشكلتي انه كرشتي بارزة يعني ما عندي طبقات شحوم وكدا بس بروزها مزعجني كاني حامل وانا بعدني ما تزوجت اهئ

سالي يعني ما ياج اسهال ولا شي؟

طيب شووي حسيتي من هلخلطة استفتدي؟!

لاحظتي تغيرات؟!

ننتظر ردج

لا لا ما جاني و لا شىء و الحمد الله..

حسيت انها تجمع الكرش بس مشكلتي قطعتها لظروف لاني سافرت وما شربته لبضعه ايام بس الحيين رجعت له....
بعد اسبوعين بقوووووولكم ايش هي النتيجه ....

mimibleu;10845886:
انا اليوم بعد صلاة المغرب
سويت التمرين 25 مرة وانا نايمة على ضهري
اكلت حبتين غاتو بالشوكولا وتععشيت عشا عادي مع علبة زبادي
بس اهم ما في الموضوع اني تخليت اليوم عن البيبسي هههههههههههههههههه
يلا ربي يوفقني واقدر استحمل عقبال ما تنشد
انا مشكلتي انه كرشتي بارزة يعني ما عندي طبقات شحوم وكدا بس بروزها مزعجني كاني حامل وانا بعدني ما تزوجت اهئ

هههه تقولين لين قطعتين غاتووو وما كليتي شي

مو اهي يا حبيبتي خليها منفوخة لان بدايتها منفوخة وعقب النفخ تبدي الطبقاات تعمر

انا كنت جذي مو انا يوم بدت تصير طبقات وصرت اشوف شكل الملابس علي صاير:thumbs_down:

صحيت لنفسي

طبعا امس لظرووف ما قدرت اسوي التمارين لكن عووضت عنه بشي بتنصدموون منه لان غريبة انا اسويه

لوووول

امس للامانه شربت 2 بيبسي وكليت شويه رز

لكن بليل كنت بروح لمكان فرحت له مشياً ع الأقدام نص ساعة امشي وانا رايحة ونص ساعة وانا راده

و إن شاء الله تكون لي بداية موفقة بالمشي لكن رجلي ألمتني شوي

هاي قيرلز
اشحااااااالكم
اممم انا امس ما كتبت يومياتي
بس كانت يوميات امس رووعة سرنا الحديقة وتمشينا فيها
وسرت لعبت بالارجوحة حسيت كاني من زمان ما لعبتها
المهم بعد ما رديت البيت حسيت بالام فظيعة في يدي ..
فقلت اكيد هذا تاثير يوم اني امرجح نفسي~> عجبتني هع

اما اليوم حدث ولا حرج
تغديت رز وتعشيت رز بعد لاني سرت عرس وكان الرز في الطاولة
ما قدرت اتحمل وكلته كان يشهي ~> عذر اقبح الذنب ..ادري
بس تحملت وما شربت السبرايت مع اني كنت عطشاااااااااانة وايد
وان شاء الله اقدر اتحمل اني ما آآكل رز
سي يا

أحساس وربي لج وحشه وينج اكييييد لاهيه عن التمارين ولا عيل وينج

لازم يوم واحد نخربط شوي ونرجع سيدة لووووول


انا اليوم طبعا فديتني بروح امشي والتمارين ما سويتها لان صج ماما قالت لي لما تيج الاحم أحم وقفي التمارين مو زين

لكن معناته لازم اسوي الشي الأزيد اخفف اكل ورز وبيبسي نهائيا اقطعه ولا كأني ما سويت شي عشان جذي انا اليوم حزينة

لكن ما عليه بعوض بالمشي