محاربه مشتاقة للكرش >>>New

معط حق صفاء،،شكل الجسم شي و الوزن شي،،خلينا مركزين حاليا على تحسين شكل الجسم و بعدين الوزن بينظبط بعدين مع الجسم المشدود.

اكيد ان شاء الله بحط التمارين بهاليومي بموضوع عشان الكل يستفيد،،

حاسة مخربطة بالأكل هاليومين،ن بس مواظبتي على التمارين مخلياني اشوف الجسم بدا ينشط،،بس الكرش شكلها مو سهلة لسه ظاهرة منها خصوصا لما اجلس.

صح آي مس يو داد انا بعد ملاحظة لما اقعد شوي تبين بس اهون الف مرة من قبل

يمكن لاني قطعت السبب الرئيسي الا و هو البيبسي

من جذي النتيجة اهوون

والبدلة اللي نبهتي لنفسي ان كرشي خلاص صار ملحووظ بكشخ فيها الأحد الجاي بالجامعة

لان ثقتي بنفسي بدت تزيد وانا اشوف جسمي حلوو بدى يتفصل شووي

صج ان الرياضة سحرررررر

واحين قايمة اسوي التمارين

معك حق مشتاقة،،و لسه بتشوفي الاثر السحري لتركك البيبسي لأان الغازات خفت من جسمك.
بستناكي تقولي لنا كيف بتكوني بالبدلة يوم الأحد:03::03:

اليوم عملت التمارين الصباح و ما تغديت الا كوب زبادي و بيكون هذا عشاي كمان ،،الحد لله حاسة نفسي خفيفة و معدتي مثل اللي يجيبوهم بدعاية الاكتيفيا،،ههههههههه

طبعا اليووم انا اليوم طاف موعدي للتمارين وما سويتها علشان رحت اخذ كتاب من عند صاحبتي بالجامعة وانا احين ببيت خالتي

لكن بحاول ارد من وقت واسوي التمارين

وطبعا اليوم ريوقي كان جيبس والله ما كنت ابي اتريق بس الجوع ذبحني وما حبيت اثقل

والغدا ما كثرت لان اساسا ً ما كان عاجبني بس الجوووع كافر لازم الواحد ياكل لو شوي

ويلا يومياتكم يا بنات لا تقطعون

وبينها بحرينية كيووت ترى لها وحشه

فديتهم اللي افتقدووني
انا بعد افتقدتكم :087:

هالايام الله يسلمكم مشغولة باشياء واااايد ومنها الامتحاانات وصج اني احين هاليومين ماسويت التمارين

لكن معضوتهم بالف شي منهم تخفيف الاكل+حركة واااايد

ان شاء الله اسوي التمارين بكرة :014:

ادعوووي لي بنااااااااات ....

مشكوووووووووووووووووره

انا بعد فترة الأمتحانات احس مضغوطة بس لين خلصت من وقت اسوي التمارين

ولين ما خلصت من وقت خلاص ما اسويهم لان اخلص اكوون ميته من التعب

وانا اليوم العصر بسووي التمارين وبحط لحزام وبخبركم شسوويت

انا توووني احين احين مخلصة التمارين وحاسة بنشاط موو طبيعي

واحين لابسه حزام السونا وقاعدة انتظر يصخن شووي

واحس يا بنات هذا التمرين



صار عندي مرووونه وايد اني اسويه صرت اسويه بكل سهولة وبدون اي تعب يعني صرت اقدر اكمل 10 مرات ورى بعض بدون ما اوقف وعقب العشر لازم اخذ بريك شوي واواصل فيه للأربعين

معناته جسمي صااار ريااااضي:02:

شخباركم صبايا
وش مسويين في معركتكم ..خخخخ

ماشاء الله ملاحظة انكم خذتو الوزن ؟ وانا اخر من يعلم >اونها معصبه هع
انا ما ودي اخذ وزني هالايام ..
بس كيف بعرف ان وزني نزل ؟ ..بعرفه من البنطلون اللي لين الحين ماوده يتقفل من هالكرشه
يعني الله كريم ..ان شاء الله هالايام احاول اكثر من الرياضة ..وماشاء الله عليها خيتو ميسو> Imiss you dad
حطت لنا موضوع فيه نقاط مهمة ..جزاها الله الف خير

اشوفكم عن قريب

مشكوره

صباح الخير و الرشاقة و الخفة و النشاط....

مشتاقة التمرين اللي انتي حاطة صورته هو المعتمد لدي للكرش و البطن،،اعمل 40 مرة بس كيف؟ اعمل 20 و بعدين اعمل تمرين الافخاذ و بعدين 20 مرة.

احساس ان شاء الله تستفيدي و يتقفل البنطلون قريب:093: ان شاء الله كمان بحط موضوع عن تمارين الشد بس لسه اترجمه.

عن نفسي: امس كان جمعة اجازة اتغديت مكرونة بس ما عملت التمارين و ما تعسيت و شربت كثير سوائل،،اليوم ان شاء الله نبدا التمارين من جديد.

صح احساس خووش طريقة لان هدفنا احنا الكرش

انا البانطلون الا ما كان يطوف صرا يطوف جهة البطن ويتسكر بدون مشاكل لكن الأرداف شوي عامله شوية ربكه

وانا احين تريقت عصير مانجو ونص خبز ما فيه ولا شي بس جذي

لوووول

وبحاول بعد شوي اقوم اسوي لي شاااي اخضر هالشاي الأخضر انوي اسويه وارد ارجع في كلامي

ماني متحمله طعمه مر وايد

معك حق مشتاقة، الشاي الأخضر عذااااااب مر مرة بس النتيجة تستاهل نستحمله،،زمان ما كنت اطيقة بس الان تعودت عليه كنت فترة اضيف له ورقتين و لا 3 نعناع تغير الطعم شوي.

ايش رأيك دام انتي كمان الارداف تعمل لك اشكالية مثلي :040::014:، بعد القضاء على الكرش او حتى اثناء المعركة ضد الكرش ندخل الارداف بالمعركة،لان بالنسبة لي حتى لما اسوي تمارين الكرش لازم معاهم تمارين الارداف.

مسااااء الرشاااااقة والجمال
شخباركم ...
صج الحين الشتا يعني زيادة الكسل
لكن ويه الرياضة يصير فيه نشاااط كبير ...
امس سويت رياضة جبااارة مشيت ساعات وااايد في السوق خخخخخ

i miss u dad;11212289:
معك حق مشتاقة، الشاي الأخضر عذااااااب مر مرة بس النتيجة تستاهل نستحمله،،زمان ما كنت اطيقة بس الان تعودت عليه كنت فترة اضيف له ورقتين و لا 3 نعناع تغير الطعم شوي.

ايش رأيك دام انتي كمان الارداف تعمل لك اشكالية مثلي :040::014:، بعد القضاء على الكرش او حتى اثناء المعركة ضد الكرش ندخل الارداف بالمعركة،لان بالنسبة لي حتى لما اسوي تمارين الكرش لازم معاهم تمارين الارداف.

اووكي بس نزلي لنا تمارين الأرداف و راح اسويها

عيل تدرين بضيف للشاي الأخضر نعناع لعل وعسى تخف مرورته


وانا توووني احين احين مخلصه تمارين

وقررت اتوقف عن حزام السونا لان اختي قالت ليي ما منه فايدة يخليج تفقدين سوائل بس

مجرد ما تشربين ماي ولا اي شي ثاني غيره ترجع لج السوائل مرة ثانية يعني ابدا ما منه فايدة

بس اصلخ بطني المسكين

وانتظر تمرينات الأرداف حبيبتي آي مس يو داد:065:

شوفي هذا التمرين: بس ما ترفعي الرجلين مع بعض، رجل و رجل بالدور كانك تسوقي دراجة،،هذا يشد الجزء الاسفل .















شوفي واحد من التمارين عكس هذا، يعني تتمددي على ظهرك و ترفعي جزء المؤخرة و انتي شادها و عدي من 1 ل 5 و نزلي و بعدين عيدي،، بحول ادور لك الصور بالضبط و احطها.




و ما تنسي المشي و الدراجة

لقيت التمارين:






هذا اللي اقصده ترفعي و تعدي من 1 الى 5 و تنزلي و بعدين تعيدي.







و هذا دورت صورته لأني ما عرفت كيف اشرحه.:085: اعملي 20 او 25 لك جانب و هو كمان كويس للفخذ.

مشكوووووووووووورة مس يو داد على هالتمارين المفييدة :)
اليوم اكلي كان خفيف كلش لكن احس بذلت مجهود وااايد....

ثانكس آي مس يو داد ع التمارين وان شاء الله من باجر بسويها مع التمارين الحالية

يعطيج العافية ما تقصرين

يوم الا نجوف اردافنا مثل ارداف نانسي >>> أحلم يا فقير

انا كمان امس كان اكلي خفيف و بالليل مع اني ما عملت التمارين الا اني نمت خفيفة :ok::ok::ok:

اليوم كمان بتغدى غداء متوازن و اركز على السلطة عشان المساء ما اجوع و اقدر اسوي التمارين.


مشتاقة: لكل مجتهد نصيب، مع الرياضة و الالتزام لابد ما يجي اليوم اللي نشوف النتيجة اللي ترضينا ان شاء الله و نكون اشد و ارشق من نانسي و غيرها.:03: