لكل الأمهات المتعبات ... شعار .. لا حفاضات بعد اليوم.

مبروك اختي الدمشقية بس مثل ما قلنا من قبل لا تضغطي عليها حرام للحين صغيرة .

تطورات يا رانيا من آخر علبة حليب خلصت ما شريت غيرها. صار بتكمل شهر وكل ما تقول تبغى اغير الموضوع ونبدا نلعب او اي شي ثاني . بس مثل ما قلت لج مشكلتي ان بنت عمها صغيرة ويعطونها وهي رغبتها في الراضاعة كلها بدافع التقليد.

بس للحين اكلها ما تحسن:sad:

ماشالله عليكم يابنات المنتدى عيني على عيالكم بارده في تطورات حلوه


اليوم قريت الموضوع كله وكل الردود وماشالله على افكارك ياأسماء والله اني ندمانه اني ماتابعت معاكم بدايه المشوار


بس الله يعلم اني كنت اعاني من هالمشكله من زمان وكل يوم بالنهار بدون حفاظ أما بالليل والطلعات ألبسه حفاظ وقت النوم وأول مايصحى اغسله وما ألبسه لحتى الليل


ولكن للأسف مافي تطورات كبيره مع انه ابني كبير ماشالله بس بيصر أنه يعملها بملابسه (وصخ)



وسالفه الملصقات عملتها ليه قبل شهرين وماجابت نتيجه قام كل شوي يبي ملصق وأقوله لين قلت لي بتروح الحمام وتعمل كاكا بعطيك ملصق كبييييير صار يقولي بيروح الحمام ومايسوي شي بس لين طلع تلقينه عاملها بثيابه


وبعد قمت اغريه بالشوكلاته والعلكه وووووألخ كل شي يحبه بس القاه يصيح صياااح يبي الشي
ومايبي يروح الحمام



ما أعتقد انه في في المنتدى وحده عندها ولد مثل ولدي عنييييييييييد مره ومصر على الوساخه
مع اني اتقزز منه لما يعملها





ومع هذا فاني ما أستسلم ليه والبسه البامبرز الا بالليل




على فكره ولدي ينام بالنهار من ساعه إلى ساعتين ويتم بدونها ولا يعملها لكن بالليل ألاقي الحفاظ ملياااان



يالله بنات باخذ بأفكاركم يمكن شوي يحس على دمه ويطييييعني ويفهم السالفه


ويا أخت أسماء أشكرش على هالموضوع الحلو


ومن اليوم اني وياكم بالصف واذا مافيه مكان مو مشكله بحاول أجتهد معاه هاليومين ببعض
أفكاركم والفصل الثاني بنظم معاكم

ربنا يوفقكن وييسرها عليكن يا رب ... افتقدتوني خخخخخخخخخخ أعرف ... هاهاهاههااااااا




دعواتكن معي امتحان نصف العام يوم الاثنين ...

الله يوفقج اختي اسماء، ويعطيك على اللي في بالج

بالتوفيق إن شاء الله أختى أسماء..

سويت مغامرة يوم الجمعة، أخذت عبودي السعودية بدون حفاظة.
تخيلوا وزوجي معصب قلت له لا لازم أنجح، دخلته أول ماطلعنا من البيت وأول ماوصلنا المجمع بالسعودية دخلته مباشرة وبعدها بساعة دخلته بعد مرتين ولما خلاص بنمشي دخلته بعد (يعني رحلة كلها تكرمون بالحمام) المهم ونام بالسيارة بس الأخ ماقصر عملها بالليل في نفسه.... شرايكم بمغامرتي؟؟؟؟

عجيب يا رانيا، الله يهديهم يا رب.

ما قلتي لنا شاخباره ويا الكبيرة نجحتي ولا لا؟؟؟؟؟؟؟؟؟؟

مشكورة أختى أكبر قلب على التشجيع،، بس تكرمين الكبيرة بعدنا يوم بالحام و3 بالحفاظة والله هلكني، بس أمي تقول شوي شوي عليه دام يروح الحمام أحيانا يعملها يعني راح يتعود.. اهم شي أفتكينا من حفاظة النهار والليل.....

يسعدني اني انظم اليكم ..في هذا الحزب الارهابي ضد الاطفال

انا ولدي سنه ونص بس الين الحين ما حاولت وياه

واتصدقون اني من يبته الين الحين ما خليته من دون بامبرز ولا دقيقه

شريتله القيصريه الي تنحط على المرحاض بس الين الحين ما يربته

احس انه صغير وخاصتا ان بعده ما يتكلم الا بكلمات قليله

بس من عقب ما قريت مواضعيكم .. قررت اني اعلن الحرب الحنون عليه

وخاصتا ان يقول حمام .. من حبه للسبوح والماي

حياج الله اخت بجعة معانا في الحزب، الله يقويج على هالمهمة :salam:

ازيكم يا بنات عاملين ايه

عملتي ايه بالامتحان يا أسماء ان شاء الله خير

رانيا

ضحكت من قلبي على المغامرات اللي من النوع ده احنا الأمهات الله يعينا

ياسمين لسة رافضة تعمل في الحضانة مش عارفة ليه حتى اليوم انا اللي كنت معها وحاولت معها هناك وبرضه رفضت اعتقد هى بتوافق على البيت وبس

وطبعا البرد دخل علينا في مصر وانا اعلنت الاستسلام التام اعمل ايه بس اديني باقعدها كل يوم الصبح وبالليل بس ما اقدرش على اكثر من كده علشان البرد السنة دي شديد قوي

الله يجزاكم اخواتي جميعا كل خير

وشكر خاص لمعلمتنا اساء على هذا الموضوع المفيد

bridetobe مبروك عليكم الشتاء أحنا بعدنا بالحر وفاتحين المكيفات،، بس دام كذاالبرد عندكم خليها المسكينة لبعد مايخلص الشتاء وبعدين إبتدي معاها،، بالعكس أنت حققتي نتائج كثيرة.....

أرقام وألوان،، حياج الله معانه...

أنا عمتي عدها بنية و ولدين إللة زوجي واحد منهم .........

اتقول البنية علمتها اتروح للحمام من سنة و الأولاد من سنة و نص..... و الطريقة حسب ما تقول... انها من عمرهم شهرين أو ثلاثة بالكثير, اتقعدهم على القعادة... حتى لو ما عدهم شي, تبدا من دقبقتين و كل يوم اتزودها.... اتعلمهم على قعدة القعادة لحد ما همة من كيفهم ايصيرون ما يردون الحفاضة....

أنا ما جربتها لحد الآن لأني اتعاجز... لأن ابني بس احطه على القعادة يقلب الدنيا.... عمره 6 شهور و أسبوعين....

miss honey أسعدنا تواجدك معنا في صف الأمهات المتعبات،، مسكين الولد بعده صغير كم شهر وأنضمي للرابطة من جديد....

والله عاجبتني صورة عبود، ما شاء الله عليه قمر الله يخليه.

عقبال ما تخلين لنا صورته من غير حفاظ ههههههههههههههههههه

هلا بيكم خواتي اللي انضموا جدد شوفوا تجاربنا وتعلموا الصبر.

بس والله احساس جميل انك تحسي ان خلاص ولدج كبر وصار يعتمد على حاله.

الله يسلمك أم نور، هاذي صورته يوم عمره 6 شهور بس أحلى صورة كانت له بالأستوديو،، وايد أحبها.. بس عاد صورة بدون حفاظة لا، باجر تاخذه وحده من عيال بنات المنتدى ويعايرون ولدي مسكين،، اليوم الله يهداه بهدلنه الصبح عاملها بثيابه الظاهر بعد الفجروكنت مستعجلة على الدوام بس مسكين ماقدر أطلع بوصاخته ، شلت ثيابه وغسلته ولبسته ثياب الطلعة وأخذناه بيت أمي،، لو ماكان شابع نوم كان بهدلنه في التبديل،،، مشوار يومي متعب..

رجعت بعد غيبة الحمد لله شام صارت احسن من الاول يعني عارفة الحمام وما الى ذلك
والحمد لله تخلصت من الحفوضة ليلا نهارا ((( قولو ما شاء الله )) بس طبعا لااااازم اضل ورااااها وراااها لانها احيانا تفلت مني
بس احفضها اذا رحنا عند احد عشان ما تفشلني
يعني هانت باذن الله وعقبال الخاتمة على خير للجميييع

مرحبا أمهات


أنا توني قارية الموضوع وحبيت أنضم معاكم في هالرابطة:shy: :shy:

وأنا بنتي عمرهاسنتين و3 شهور يعني مو صغيرة

وحاولت أعلمها على الحمام مرة وحدة بس قبل اسبوعين تقريبا كان ذاك اليوم مخلصين حفاظاتها وكان أبوها في الدوام وقلت فرصة أعلمها:gum: :gum:

لكن ما تتصورون عذبتني عذاب 5 مرات سوتها وكل دقيقة أسألها وتقول لي "لا ما فيه" "لا مافيه"

وجربت كل 10 دقايق اوديها الحمام بس ما تعرف شلون تحاول تطلع بس في الاخير ما تعرف واول ما اطلع من الحمام تعملها:angry: :angry:

مع اني كنت متفائلة انها بتتعلم, تدرون ليش؟ لأنها تراقب بنت خالتها لممن توديها اختي الحمام وتشوفها وعلى طول تقول انها بتسوي مثل ميمي بنت خالتها!!!!!!

بصراحة من ذاك اليوم وانا ما حاولت اعلمها عورت راسي قلت بخليها كم شهر ؟:confused: :confused:

بس ألحين لمن شفت هالرابطة تشجعت خلاص
وقلت باخذ من خبراتكم...............

وتسلم صاحبة الموضوع على موضوعها الرائع

الموضوع في غاية الروعة وب الصراحة أستفدت منكم واجد