◣♂التجمـــع الاول لـ الحوامـل اللي يولدون شهر ابريل (4) 2013 ♀◢

واااااااو ام نوف تجننننننن
هذي متى تعطينها و حق منو؟؟؟ يعني هاي التوزيعات للناس اللي يزورونج بالمستشفى ولا شلون

تدرين احنه هنا ماعندنا احد يجي المستشفى.. تولدين بالسلامه و تطلعين يجون بس العائله للبيت يباركون لج و يجيبون هدايا و انتي تقدمين لهم عشا او غدا او معجنات او اي شي تحبين

و انا سويت توزيعات بسيييطه لمريم لاي احد يجيني
و بعد شهرين سويت لصديقاتي حفلة صغيره و هيجي

اي احنا نعطيهم للي بالمستشفى لان ايون وايد ماشاءالله ونكشخ بالمستشفى مع ان تعب بس لازم واذا يرخصونا من وقت نسوي مثل العزيمه ببيت ابوي يكون فيها تقديم وقبل مايمشون نعطيهم هالتوازيع

احنا التوزيعات نسويها بسابع البيبي
عاد زوجي قالي السابع في بيت اهله .. ماودي اروح لبيت اهله وانا نفاس

ويجون جماعتهم بسابعي في بيت اهله

عمي درى اليوم انهم بويز .. قال العقيقه والسابع بتكون عليه
وراح يسوي عزيمه كبيره ينادي فيها الجماعه واللي يعزون عليه وعلى اهلي

انا قلت لهم حتى السابع لاتسونه الا لما اطلع من النفاس
عشان اغير اللوووووك واصبغ واقص واكشخ

وربي قاهريني يخططون ويقررون وانا اخر من يعلم
زوجي قالي اسكتي وارضي كل التكاليف على ابووي .. هو كان شايل هم العقيقه

عندنا الولد يذبحون له خروفين والأثنين يذبحون لهم 4 :-\

وربي يقهرووون .. كل صديقاتي اهل ازواجهم صلحوا لهم السابع بعد ماطلعوا من النفاس
صح العقيقه سووها بسابع يوم لكن حفلة السابع بعد النفاس

هلا اقواس خبريهم انج بتكونين تعبانه ونفاس وصعب عليج الطلعه كلميهم ان شاريكم تخلونها بعد النفاس عشان ارتاح ويمدينا نسوي شي حلو ومرتب

هلا كروشات
أني بخير والحمد لله
خيو أم نوف أني أتابع عند الدكتورة سميرة مدن وهذي الدكتورة شاطرة بس قلت بشوف إللي في الهلال إذا زينة بروح عندها .. طلعت بس أشعة يعني ما فيه فايدة
مشكورة خيو

هلا البتول بس خلج على الي متابعه معاها احسن سامعة عنها وايد زينه

ام نوف
اهل زوجي لا قالوا كلمه ما تتثنى

قبل اسبوع بنت عمة زوجي ولدت
تخيلي اول يوم طلعت من المستشفى الحرمه تعبانه .. راحوا جماعتهم
وذبايح و عزيمه تقول عرس عندهم
والخميس كان العقيقه .. وهاتك يالناس جو عندهم من كل مكان

حتى من جده والدمام و ربي الحرمه باين عليها التعب

بس تفكيرهم غريييييب مدري شلون يفكرون

اوففف وايد تعب جذي الصراحه المفروض يراعون وانا قاعده اتذمر ان الناس ايون لي المستشفى وانا تعبانه . بس بصرحه ايوني ولا انا اتعب واتحرك خصوصا ان في خياط وجذي .

الله يعينج

عروسه كتكوته;16345237:
بنات كيفكم ما وحشتكم ؟:):):):)
وحشتوني والله
أنا رجعت السعوديه
ما قدرت أتحمل القعدة في بريطانيا الكريهه
رجعت عند أهلي أغير جو وأخذ جرعة دلع
بس شهر واحد واضطر ارجع لكابوس بريطانيا الكئيبة الكريهه
كيفكم أش أخباركم
الله يسعدكم وهينيكم يارب
لا تنساني ادعولي

مرحبا عروسة

أكيد وحشتينا وبقووة بعد

وأحسن شي سويتي ان رجعتي السعودية علشان تطلعي من الجو اللي كنتي فيه

صفي بالك ولا تفكري باللي راح وان شاء الله ربنا يعوضك خير:)

اقواس توفي;16345368:
اهلن عرووسه
وربي اليوم ع بالي كنت داخله اسأل عنك ياقلبي

كيفك وأخبارك ؟؟
احسن شي رجعتك للسعوديه حول اهلك

الله يسعدك

بنات .. قربت اصير ماما مختفيه .. و اي بي .. و نجوم .. و زهور البحرين !!!

حلاوتي بشقاوتي قبلنا بشهر لا تحسبونها بتجمعنا

أقواس

شلونك يا حلوة

ما خبرتينا شو مقررين للأسماء:adore:
موجودين بس خبرتكم من أول لا كنا اجازة:)
وأول أمس بدا الدوام عاد

non0_non0;16345391:
اقواس انا كل يوم اسال عن قربت اصير ماما :!!::!!::!!:
ماعرف وينها .. كانت ماتغيب ابد.. ادعيلها ان كل شي يكون تمام

اي بي و نجوم و موديا شفتهم اون لاين اليوم بس مادخلوا
<< رادار ههههه

خلاص بشيل حلاوتي بشقاوتي..

الحاضرة الغائبه همات غابت جم يوم..


تدرون انا شكثر عندي معلومات احب افيدكم بيها بس مااشوف تفاعلكم اضوج:thumbs_down:
قمت اكتب في تجمع مارس لانهم ماشاءالله عليهم نشيطات :thumbs_up:

نونو
فديت الرادار:lol:

ترا أمس دخلت وتعبت وأنا أقرأ سوالفكم

ما لحقت أرد

أصلا كنت بادية في الرد بس لما شفت كثر الاقتباسات اللي مسووتنها استكاودت:worn_out:


وااجد واجد مسولفين كنتوا بالاجازة والويكند


بس سوالفكم حلوة

وبالعكس المعلومات اللي تجيبيها واجد مفيدة:thumbs_up:
بس مشكلة وقت دخولنا مختلفة علشان كذا ما نتفاعل:thumbs_down:

خطوات مجنونه;16345559:
ان شاء الله بسمع كلامكم مادام انتو اهل خبره

بنسبه للسلة الحفاضات صدمتيني فيها يا نونو كنت ناويه اشتريها انا اشتريت اكياس الحفاضات المعطره سمعت البنات يمدحوها

نونو الملابس الكروشيه مامتي الله يحفضها و يطولي بعمرها سوتلي و ان شاء الله بصورلكم هيا

توفي اشتري الكرسي اللي اثنين ورا بعض احسن عملي في السوق

امممممم افتحو مواضيع خلونا نستفيد منكم يا الخبرات

زي انا محتاره ناس تقولي لا تكثرين لبس للبيبي يكبر بسرعه و ناس تقولي لا اشتري كثير البيبي يوسخ كثير و انا احترت

ايش رايكم

خطواااات نصييييحة لا تكثري ملابس

خذي أفرولات أكثر شي بتستخدميه للبيبي
وأفرولات أنيقة للطلعات

وترا بعدين بتطلعي وبتعجبك أشياء وبتشتريها مرة ثانية

بتتكوم عندك ملابس وااجد
ويمكن فيه لبسات حتى البيبي ما بيلحق يلبسها ولا بتحصلي مناسبة تلبسيه فيها

AL.Batoul;16345676:
هلا كروشات
شخباركم ؟؟
وحشتوني واجد
فيه وحدة من ا&#65271;خوات الحوامل قالت إنها راحت مستشفى الهلال عند دكتورة شاطرة .. إذا ممكن أعرف ويش إسم الدكتورة لأني أفكر أروح مستشفى الهلال كونه قريب مني بس ما أعرف اسم الدكتورة .. وراح أكون شاكرة لكم

هلا بتول

كيف المشيمة الحين؟

سويتي فحص من آخر مرة قالولك نازلة

خل بنات البحرين يفيدوك ما يقصروا

زهور وثلوج:)

MoOoDiYa;16345757:
مرحباا ياحلويين كيفكووون


مثل ماخبرتكم انا كل يوم ادخل وآخذ جوله اقرا واطلع مااحصل وقت اكتب رد زوجي يناديني او اكمل شغلي او اكون طالعه

دخلت الاسبوع &#1633;&#1641; الحمدلله الايام اتمر واخيييييرا ياربي قمت احس بحركة نونوتي واضح واكثر عن مره فاليوم ماشاءالله صدق شعوور جميل احس ابغي احضنه

يقولكم البارحه كنت طالعه مع زوجي نتغدا في مول والا ابغي ادخل محل اطفال اشتري عالاقل بدله وحده عن خاطري تكون اول بدله نشتريها يعني :p وزين خلاني رحت اشتريت من محل كارترز بدله للبيت &#1635; قطع وبدله للطلعه وفنايل داخليه &#1637; مع بعض
مستحيل يخليني اشتري غيرهم طبعا هو واعدني اول ماادخل السابع اشتري يعني تقريبا نص شهر &#1633;

امممم وشوو بعد

صح عندي اسئله.. مره قريت ان الملابس اللي نيويورن ماتتفع الا حق كمن اسبوع ف الافضل مانشتري الا بدلتين او &#1635; نيوبورن والباقي من 0-3 و من 3-6 .. شو رايكم؟؟

والملابس الداخليه قالولي لاتاخذين نيوبورن وخذي اكبر وعادي لو كانو شوي كبار ماتفرق ! احس اني اقتنعت عشان مااكثر ملابس
خاصه ان اكثر طلعاتي يوم بطلع اشتري بكون مع زوجي وهو من النوع اللي بيحاسبني بالقطعه ومايبغيني اكثر ملابس

انا قلت باخذ من 0-3 تقريبا 8 ملابس بيت و 3 طلعه
ومن 3-6 بعد 8 بيت و 5 طلعه
وملابس داخليه لكل عمر 15 تقريبا
اتحسون يكفي؟ وبعدين اكيد كل فتره بطلع وغير الهدايا وباقي الاغراض سويت جدول بحاول التزم فيه

الحمدلله السرير ابوي بييبه هديه ومن الحين مختاره الشكل خخخ والعربانه صديق زوجي واختار اللي فيه &#1635; كراسي ولونه كحلي
والسله اللي ينام فيها البيبي اول 6 شهور بنت خالي قالت بتيبه واخترت اللي تحتها سله احط اغراض وبنفس الوقت تنشال من القاعده اذا ابغي اشلها معاي
مااحتاج اشتري غير باقي الاغراض والملابس وتجهيزاتي الحمدلله وفرت على زوجي شوي

موعدي الياي تاريخ 13/12 بيكون السونار اللي يوضح الكليه والقلب واي تشوه موجود لاسمح الله وتأكيد جنس البيبي
وآخر موعد رحته طمنتني ان كل شي تمام والتقلصات راحت الحمدلله وكنت رايحه يوعانه والولد حبيبي ايده في حلجه شكله يوعان وامسكر رجوله تقريبا 20 دقيقه اتحاول مو راضي يفتح عشان تتأكد خخخ

هذي كل اخباري وحاليا بس اتريا مواعيدي واتريا ادخل السابع وابتدي شوووبنج :d

مووودي

كيفك ووين الغيبة؟

زين بردتي فوادك واشتريتي شي

الحين بتكون فترة تنزيلات
حاولي تقنعي زوجك تستغلوها:)
وبالسابع خذوا الملابس والأشياء الخفيفة

UM.NOOF;16345888:
اوففف وايد تعب جذي الصراحه المفروض يراعون وانا قاعده اتذمر ان الناس ايون لي المستشفى وانا تعبانه . بس بصرحه ايوني ولا انا اتعب واتحرك خصوصا ان في خياط وجذي .

الله يعينج

أم نوف

ان شاء الله بالولادة الثانية ما يكون فيه خياطة،،

بس حتى أنا أستكرب من زيارات المستشفى وأول الأيام

المفروض تبدأ الزيارات بعد أسبوع:hysterical:

صح بالنسبة للمراضع كنت أستخدم بيجون الزجاج وناوية بعد مع هالبيبي أواصل عليهم

الحفاضات بعد أحطهم بأكياس وأتخلص منهم بشكل يومي

أكياس معطرة و سلل خاصة ما جربتها خخخ

شو بعد،،

أيوه رحت مرة ثانية أسوي أشعة وقالتلي لسه البيبي مصكر على رجوله وقالتلي احتمال تكون بنت

بس طبعا ما رح أشتري شي خاص للبنات
كله بسويه محايد


خخ عن تجربتي السابقة مع سارة قالولي ولد وتفاجأت بسارونة فديتها

شفتوا ليش ما واجد أحط ردود^o)

أحس أكلم نفسي:|:worn_out:

كلكم محد هالفترة اللي أدخل فيها


ايبي وينها هاليومين:-o

ههههههههههههههههههههه هلا نجوم انا معك الحين ..

كيفك مع الحمل..؟

عرفتي جنس الجنين ولا لسه..؟

هلا أم رهف

زين بعد حد موجود خخ

رحت مرتين قالتلي مصكر رجوله بالمرتين والمرة الثانية قالتلي احتمال بنت بس ما أكيد

أحس الولد يفرش عمره ما يتخبى:lol:

في حملي بعمار كل مرة كانوا يقولولي ولد كان واضح

ههههههههههه الله يستر مايقولولي كذا احس اني بنتحر .. القهر اليوم رحت السوق بشتري لصديقتي ولدت بنوته قبل يومين وملابسهم روووووووووووووووووعه انقههههههرت ودي اعرف عشان اشتري ههههه ..

متى موعدك الجاي..؟

سلام عليكم

هههههه حتى انا ولدي امسكر رجوله مع اني رحت &#1635; عيادات خاص وحكومي وكله امسكر مع انه ولد ماشاءالله شكله مؤدب ههه

صح فكرة الملابس مقتنعه اني مااكثر ان شاءالله والله يساعدني خخ الحمدلله انه ولد لو كانت بنت احس بتخبل
وسبحان الله اول ماحملا كنت اقول انا ابغي بجري بنت واحب البنات لكن لأني هيييزه ومالي خلق اكشخ النونو والمصاريف حق الولد اقل ان شاءالله يطلع ولد خخ والحمدلله رب العالمين

ياربي متى ببدأ اتسوق خلاص مافيني صبر

صباااااح الخير يا حوامل
انا بروح موعدي هسه .. و لما ارجع اقول لكم التطورات
انتظروووني

و لما ارجع ارد عليكم وحده وحده لان هسه ماعندي وقت لابسه و جاي انتظر زوجي يخلص لبس
و مريم بالروضة .. ماتدري رح نروح نشوف اختها :I: ههههه

سي يوووو

الحاضره .. الغائبه;16346079:
ههههههههههه الله يستر مايقولولي كذا احس اني بنتحر .. القهر اليوم رحت السوق بشتري لصديقتي ولدت بنوته قبل يومين وملابسهم روووووووووووووووووعه انقههههههرت ودي اعرف عشان اشتري ههههه ..

متى موعدك الجاي..؟

تخيلي تكوني حاطة ببالك جنس معين وفجأة يقولولك العكس:biggrin:

موعدي 9/12
الأحد الجاي

MoOoDiYa;16346231:
هههههه حتى انا ولدي امسكر رجوله مع اني رحت &#1635; عيادات خاص وحكومي وكله امسكر مع انه ولد ماشاءالله شكله مؤدب ههه

صح فكرة الملابس مقتنعه اني مااكثر ان شاءالله والله يساعدني خخ الحمدلله انه ولد لو كانت بنت احس بتخبل
وسبحان الله اول ماحملا كنت اقول انا ابغي بجري بنت واحب البنات لكن لأني هيييزه ومالي خلق اكشخ النونو والمصاريف حق الولد اقل ان شاءالله يطلع ولد خخ والحمدلله رب العالمين

ياربي متى ببدأ اتسوق خلاص مافيني صبر

يعني شي احتمال يكون ولد:hysterical:

وأنا اللي يسألني أقولهم بنت:worn_out:

non0_non0;16346254:
صباااااح الخير يا حوامل
انا بروح موعدي هسه .. و لما ارجع اقول لكم التطورات
انتظروووني

و لما ارجع ارد عليكم وحده وحده لان هسه ماعندي وقت لابسه و جاي انتظر زوجي يخلص لبس
و مريم بالروضة .. ماتدري رح نروح نشوف اختها :I: ههههه

سي يوووو

هلا أم مريووم

يالله ننتظرك تخبرينا بالتفاصيل وتطمنينا عليك وعلى البيبي:adore:

ثلوج هلا وعليكم السلام


تفضلي خخ

ههههههه سلمت وفلت التلفون كنت بالجامعه واحين النومة الف فيني