◣♂التجمـــع الاول لـ الحوامـل اللي يولدون شهر ابريل (4) 2013 ♀◢

نونو معليش و الله جالسه ادور في صفحات على الرضاعات مدري وين راحت

انتي حطيتي صورة رضاعه مررره عجبنتي حلمتها زي حلمة صدر الام و ابغى اتذكر اسمها عشان اشتريها

ممكن تكتبي اسمها اذا ماعليكي امر

خطوات لاتكثرين والله يكبر البيبي بسرعه
العربيه للبيبيز خلاص قالوا لي وحده من الهدايا لا تاخذين

إذا ماعجبتني حق اختي باخذ لي وحده ثانيه خخخخخ

تدللين خطوات
اسم الرضاعه تومي تيبي
tommee tippee
و اذا تردينها من اللي تمنع الهوى

tommee tippee anti colic




تأمريين امر

و بالنسبه للملابس لاتسوين مثلي .. اخذت كوووومة .. و لبست شوووي منهم
مايوصخ ابد الطفل اذا حافظتي عليهم .. بس لازم تغسلينهم بعد كل لبسه.. يعني باليوم قولي لبسه بالنهار و وحده بالليل و اذا صار شي قولي ثلاثه ..

و بعدين اللي توها والده تصير عندها كأبه تريد بس تطلع.. تقدرين ورا كم اسبوع مثلا تطلعين تشوفين الاسواق و شنو الجديد..

انا قد ماشتريت لمريم فتحت الشناطي استغربت قلت معقوله محد نصحني؟؟
يعني ماقدر اشتري شي هسه لان كل شي موجود

هلا كروشات
شخباركم ؟؟
وحشتوني واجد
فيه وحدة من اﻷخوات الحوامل قالت إنها راحت مستشفى الهلال عند دكتورة شاطرة .. إذا ممكن أعرف ويش إسم الدكتورة لأني أفكر أروح مستشفى الهلال كونه قريب مني بس ما أعرف اسم الدكتورة .. وراح أكون شاكرة لكم

هلووو البتول
شلونج انتي ؟؟ احنا بخير الله يسلمج
احنه همات اشتاقينالج كومة

اتمنى يفيدونج لان ماعندي خلفيه عن هالموضوع..

اقواس بدل ماتشترون مرتين روي اختج شلون تبينها من الحين لان اثنينهم اظن مثل السعر فحرام تخسرينها وهي مورخيصة ترا

خطوات لاتكثرين انا من ينوني حتى جينزات ولقنزات خذت واصلا البيبي مايحب هالاشيا يتملل , الحين فتحت الشنط وطلعت كل ثيابها اشياء ماتتصورينها كلشي كانها كبيرة . هالمره باخذ كله افرولات اريح واحسن لبيبي .

البتول بالنبة للهلال ثلوج قالت عنه واتوقع اسمها رشا . وهي دكتورة اشعة بس انصحج روحي لدكتوره خبيرة اكثر اذا عندج مشاكل . انا الحمدلله ماعندي مشاكل واتعنى اروح الرفاع عند هدى شريده .

فروحي عند وحده خبره دام مره في الشهر .معلي تعني لها

ان شاء الله ما بكثر ..

نونو تسلميلي يارب ما انحرم منك اللي تمنع الهوى هيا نفسها اللي يكون بيها شريط يبين حراارة الحليب ؟..

معليش طفشتك بالاسئله بس ماعندي خبره .. و استفيد منكم

مرحباا ياحلويين كيفكووون


مثل ماخبرتكم انا كل يوم ادخل وآخذ جوله اقرا واطلع مااحصل وقت اكتب رد زوجي يناديني او اكمل شغلي او اكون طالعه

دخلت الاسبوع ١٩ الحمدلله الايام اتمر واخيييييرا ياربي قمت احس بحركة نونوتي واضح واكثر عن مره فاليوم ماشاءالله صدق شعوور جميل احس ابغي احضنه

يقولكم البارحه كنت طالعه مع زوجي نتغدا في مول والا ابغي ادخل محل اطفال اشتري عالاقل بدله وحده عن خاطري تكون اول بدله نشتريها يعني :p وزين خلاني رحت اشتريت من محل كارترز بدله للبيت ٣ قطع وبدله للطلعه وفنايل داخليه ٥ مع بعض
مستحيل يخليني اشتري غيرهم طبعا هو واعدني اول ماادخل السابع اشتري يعني تقريبا نص شهر ١

امممم وشوو بعد

صح عندي اسئله.. مره قريت ان الملابس اللي نيويورن ماتتفع الا حق كمن اسبوع ف الافضل مانشتري الا بدلتين او ٣ نيوبورن والباقي من 0-3 و من 3-6 .. شو رايكم؟؟

والملابس الداخليه قالولي لاتاخذين نيوبورن وخذي اكبر وعادي لو كانو شوي كبار ماتفرق ! احس اني اقتنعت عشان مااكثر ملابس
خاصه ان اكثر طلعاتي يوم بطلع اشتري بكون مع زوجي وهو من النوع اللي بيحاسبني بالقطعه ومايبغيني اكثر ملابس

انا قلت باخذ من 0-3 تقريبا 8 ملابس بيت و 3 طلعه
ومن 3-6 بعد 8 بيت و 5 طلعه
وملابس داخليه لكل عمر 15 تقريبا
اتحسون يكفي؟ وبعدين اكيد كل فتره بطلع وغير الهدايا وباقي الاغراض سويت جدول بحاول التزم فيه

الحمدلله السرير ابوي بييبه هديه ومن الحين مختاره الشكل خخخ والعربانه صديق زوجي واختار اللي فيه ٣ كراسي ولونه كحلي
والسله اللي ينام فيها البيبي اول 6 شهور بنت خالي قالت بتيبه واخترت اللي تحتها سله احط اغراض وبنفس الوقت تنشال من القاعده اذا ابغي اشلها معاي
مااحتاج اشتري غير باقي الاغراض والملابس وتجهيزاتي الحمدلله وفرت على زوجي شوي

موعدي الياي تاريخ 13/12 بيكون السونار اللي يوضح الكليه والقلب واي تشوه موجود لاسمح الله وتأكيد جنس البيبي
وآخر موعد رحته طمنتني ان كل شي تمام والتقلصات راحت الحمدلله وكنت رايحه يوعانه والولد حبيبي ايده في حلجه شكله يوعان وامسكر رجوله تقريبا 20 دقيقه اتحاول مو راضي يفتح عشان تتأكد خخخ

هذي كل اخباري وحاليا بس اتريا مواعيدي واتريا ادخل السابع وابتدي شوووبنج :d

صح عجبتني مراضع تيبي بس ماقد شفتها عندنا اخاف مااحصلها
اكثر شي اشوفه منتشر بيجون وافنت والاغلبيه ينصحون ببيجون وانا فالبدايه يمكن اشتري 2 او 3 مراضع صغيره بس حق الاعشاب وهالاشيا
ان شاءالله ربي يسهل والرضاعه تكون طبيعيه
وناويه البامبرز اجرب بامبرز بعد
والمنظفات بداية كله باخذ جونسون شامبو وصابون وبودره ولوشن وزيوت
وكريم الحفايظ سودوكريم وبالمرز
اممم وغير زيت الزيتون حق المسح طبعا
وهيييك

خطوات مجنونه;16345754:
ان شاء الله ما بكثر ..

نونو تسلميلي يارب ما انحرم منك اللي تمنع الهوى هيا نفسها اللي يكون بيها شريط يبين حراارة الحليب ؟..

معليش طفشتك بالاسئله بس ماعندي خبره .. و استفيد منكم

اي نفسها حبيبتي
بس انتبهي ترى هذي النوعيه الجديده هيجي
لان انا بمريم اخذت اللي تمنع الهوى بس .. ماكانت نازله اللي معاها حق الحرارة
بس هسه تطورت و صارت هي نفسها.. يعني ديري بالج تجيبين النوعية القديمه اللي فيها بس مانع الهوى..

حبيبتي انا حاضرة دائما.. اي شي تريدين بس سألي

MoOoDiYa;16345757:
مرحباا ياحلويين كيفكووون


مثل ماخبرتكم انا كل يوم ادخل وآخذ جوله اقرا واطلع مااحصل وقت اكتب رد زوجي يناديني او اكمل شغلي او اكون طالعه

دخلت الاسبوع 19 الحمدلله الايام اتمر واخيييييرا ياربي قمت احس بحركة نونوتي واضح واكثر عن مره فاليوم ماشاءالله صدق شعوور جميل احس ابغي احضنه

يقولكم البارحه كنت طالعه مع زوجي نتغدا في مول والا ابغي ادخل محل اطفال اشتري عالاقل بدله وحده عن خاطري تكون اول بدله نشتريها يعني :p وزين خلاني رحت اشتريت من محل كارترز بدله للبيت 3 قطع وبدله للطلعه وفنايل داخليه 5 مع بعض
مستحيل يخليني اشتري غيرهم طبعا هو واعدني اول ماادخل السابع اشتري يعني تقريبا نص شهر 1

امممم وشوو بعد

صح عندي اسئله.. مره قريت ان الملابس اللي نيويورن ماتتفع الا حق كمن اسبوع ف الافضل مانشتري الا بدلتين او 3 نيوبورن والباقي من 0-3 و من 3-6 .. شو رايكم؟؟

والملابس الداخليه قالولي لاتاخذين نيوبورن وخذي اكبر وعادي لو كانو شوي كبار ماتفرق ! احس اني اقتنعت عشان مااكثر ملابس
خاصه ان اكثر طلعاتي يوم بطلع اشتري بكون مع زوجي وهو من النوع اللي بيحاسبني بالقطعه ومايبغيني اكثر ملابس

انا قلت باخذ من 0-3 تقريبا 8 ملابس بيت و 3 طلعه
ومن 3-6 بعد 8 بيت و 5 طلعه
وملابس داخليه لكل عمر 15 تقريبا
اتحسون يكفي؟ وبعدين اكيد كل فتره بطلع وغير الهدايا وباقي الاغراض سويت جدول بحاول التزم فيه

الحمدلله السرير ابوي بييبه هديه ومن الحين مختاره الشكل خخخ والعربانه صديق زوجي واختار اللي فيه 3 كراسي ولونه كحلي
والسله اللي ينام فيها البيبي اول 6 شهور بنت خالي قالت بتيبه واخترت اللي تحتها سله احط اغراض وبنفس الوقت تنشال من القاعده اذا ابغي اشلها معاي
مااحتاج اشتري غير باقي الاغراض والملابس وتجهيزاتي الحمدلله وفرت على زوجي شوي

موعدي الياي تاريخ 13/12 بيكون السونار اللي يوضح الكليه والقلب واي تشوه موجود لاسمح الله وتأكيد جنس البيبي
وآخر موعد رحته طمنتني ان كل شي تمام والتقلصات راحت الحمدلله وكنت رايحه يوعانه والولد حبيبي ايده في حلجه شكله يوعان وامسكر رجوله تقريبا 20 دقيقه اتحاول مو راضي يفتح عشان تتأكد خخخ

هذي كل اخباري وحاليا بس اتريا مواعيدي واتريا ادخل السابع وابتدي شوووبنج :d

اهلاااا و سهلا
والله انتي دائما في بالي و انتظر اشوف ردج :L:
عرفتي بنت و لا ولد و لا لسه؟مافهمت من ردج مره تقولين الولد و مره قلتي نونوتي ههههههه
نعسانه و ماجاي اركز

يعني نصيحه مادري شلون اوصلها الكم.. رح اكتب موضوع بكل قسم هههههه
لا تشترون هواي.. و زين انج اقتنعتي.. لاتسوين غلطتي
يعني لما فتحت شنط مريم انصدمت قلت معقوله مشتريه هالكثر .. و كله فساتين و بناطير
اصلا الطفل الصغير مستحيل يلبس غير الافورول لمدة الاربعين و حتى لست اشهر

و انتي رح تطلعين خو ماراح تنحبسين في البيت اكيد بتطلعين مع البيبي :L: و تشتريت على راحتج
و منها تعرفين حجمه كبير او صغير حسب يعني
مثلا انا اشتريت نيوبورن لمريم .. و مالبست اله بس لبسه وحده لان طلعت شوي مليانه يعني مو من الاطفال الضعاف.. هي صح كانت ثلاثه و نص كيلو بس قالوا لي هي ضخمه شوي ..

يعني لا تكثرين.. لما يجي البيبي بالسلامه ان شاءالله تعرفين حجمه و قياسه المضبوط..

بس انا اقول لج الملابس الداخليه يعني التلبيسه هذي


اشتري منها هواي عاااادي .. لان رح يستعمل هواااااي
و الافورول بعد همات تحتاجين بالنهار و بالليل و حتى للطلعه اذا كانت كشخه


و اي شي في بالج تعالي اسألي.. و ان شاءالله تلاقين الجواب ..

ولائيه اليوم كان موعدج تعالي قولي لنا الاخبار

MoOoDiYa;16345763:
صح عجبتني مراضع تيبي بس ماقد شفتها عندنا اخاف مااحصلها
اكثر شي اشوفه منتشر بيجون وافنت والاغلبيه ينصحون ببيجون وانا فالبدايه يمكن اشتري 2 او 3 مراضع صغيره بس حق الاعشاب وهالاشيا
ان شاءالله ربي يسهل والرضاعه تكون طبيعيه
وناويه البامبرز اجرب بامبرز بعد
والمنظفات بداية كله باخذ جونسون شامبو وصابون وبودره ولوشن وزيوت
وكريم الحفايظ سودوكريم وبالمرز
اممم وغير زيت الزيتون حق المسح طبعا
وهيييك

انا نصحتكم في المنظفات لا تاخذون جونسون
و حتى بالمستشفى حذروني منهم ... بس انا ماسمعتهم و شتريتهم و صار فيها حساسيه بالقوة راحت طبعا بعد العلاج..
احسن شي الطفل حديث الولادة شي سيمبل او سيبامد .. :thumbs_up:

مواعيد حوامل ابريل الجميلات



نونو : 03/12/12 و 04/12/12

ام نوف: 06/12/12

نجوم تلألأ: 09/12/12

قربت اصير ماما: 09/12/12

البتول: 09/12/12

الحاضرة الغائبه: 10/12/12

زهور البحرين: 12/12/12

موووديا: 13/12/12

ايبي: 25/12/12

ولائية: 29/12/12

MoOoDiYa هلا والله حياج الله اختي

بالنسبة للثياب لاتكثرين ابد اما بالنسبة للنيوبورن ومن 0 لي 3 ركزي ع الوزن اكثر لان يختلفون من مكان لي مكان يعني مثلا نيوبورن سنتر بوينت تصلح للبيبي اول ماتولدين وبعدها من 0 لي 3 تبع مذركير اظن لي 7 كيلو فانتبهي لهاشي .

وبالنسبه للملابس لي شهرين او اكثر بعد لاتلبسونه الا هالنوعية



وابتعدو عن الي ايون قطعتين لان اول الايام السر ماطاح فيتأذى البيبي

عفيه عليج ام نوووف :thumbs_up::thumbs_up: تسلم الايادي

و الافورول يجننننن حتى البيبي ينشال بسهووووله
و يصير شكله احلى

تصدقين انا بمريم اخذت ثياب اصلا مالبستهم ههههه والله هالاسواق يضحكون على الناس بهالسوالف مال البيبي.. الوحده تشوف الفساتين تتجنن عليهم و اخر شي ماينلبسون :thumbs_down:

والله صح كلامكم و انا اقول لنفسي ما ابغى اكثر و ماراح اشتري غير افرولات

بس المصبيه انو لما اروح السوق اتجنن و مدري كلامي وين يروووح يا ختي ملابس الاطفال تجنننننننننننننن

مااقدر اشوفها و اغمض اول مااشوفها اتهبل حتى زوجي يتريق على مشيتي في محلات الاطفال يقولي تصير زي المجانين من مكان المكان و تلاقطين في الملابس هههههههههه

يمكن لانه الاول عندي و اول حفيد لامامتي عشان كدا ماني قادره اصبر

هلا نوونوو هههههههههههههه مشكورة ع التشجيع عاد الحين بتخليني كل يوم اجهز شي ههههههه

خطوات لازم اول بيبي جذي بس لاتكثرين ههههههههه يودي نفسج شوي بس

اليوم طلبت قيف اواي من امازون برويكم اياها

هذي طلبت منهم



والباقي باخذ لوشنز من باث اند بودي ووركس

خطوات على قولتج ام نوف هو اول طفل لازم يصير بي اغلاط.. اشتري اللي نفسج فيه بس لا تكثرين
حسبي من الواحد للعشره قبل ماتشترينه هههههههه
انتي احمدي ربج ولد. .لان لو بنت رح تنجنين بزياده.. احس ملابس الاولاد لا تجذب مثل البنات اووووف من البنات