◣♂التجمـــع الاول لـ الحوامـل اللي يولدون شهر ابريل (4) 2013 ♀◢

خطوات مجنونه;16344329:
كرووووشات ازيكم

توووفي ابغى اشوف حركه البيبي ؛(

ملكه ان شاء الله شوي و نازله السوق و بجي اقولكم ع التخفيضات

نونو و الله انا محتاره ايش اشتري سله او سرير عادي ؟؟ خصوصا اني حسافر و مفكره اشتري سله لهنا و اذا سافرت بشتري سرير

اما بخصوص الحفاظات بشتري بامبرز نيوبيبي نصحوني بيه كثير

انا اشتريت اكياس الحفاضات المعطره من مذركير عامل عليه تخفيض اخذتو ب 15 ريال هو اساس ب 20

ووووبس

ورا شكد تسافرين؟ اذا فترة اقل من ست اشهر اكييييييد انصحج بالسله لان السرير كبير
خليه لما تروحين هناك على طول سرير :thumbs_up:
اي طبعا بامبرز احسن شي عن تجربتي يعني :thumbs_up:
زين تسوين.. اي شي عليه تخفيضات المفروض من هسه نشتريه .. مابقى شي :L:

هلا كروشات
شخباركم ؟؟
أني الحمد لله مرتاحة من السوق لأن خواتي قالوا بيقضون عني وبيشترون كل شي أحتاجه .. وزوجي قال بيشتري السرير والخزانة للجاهل .. بس أني قاعدة أحاتي إن ما يولدوني بالسابع
دعواتكم لي ولجميع الحوامل

لا تشيلين هم البتول .. اللي كاتبه الله بيصير ان شاءالله . و ربج كريم . بس انتي لا تفكرين هواي بالولادة و هالامور.. خلي كل شي يمشي طبيعي و فكري باللحظه و خلاص..
انا اللي شايفه الم الولادة و عارفه كل شي بس مطنشه هالمره هههههه احاول اعيش ايامي طبيعي لين وقت الولادة اقول الله موجود ماراح اموت

اي حتى لو ماتجهزين لازم تقولين لهم الاشياء اللي تريدينها .. اخاف يجيبون اشياء ماتحتاجينها . .و لا هم عندهم خبره ؟

انا جربت هجيز الاصفر رقم واحد ممتاز بس ولدي اكزيميا فماناسبه استخدمته ٤ اشهر بس

السلام عليكم

ماشاءالله تكلمتو وايد بس اهم شي تطمنت ان الكل بخيرر

نونو بالنسبة للحفاظات انا استخدم بامبرز بعد

وبالنسبة لاغراض الاستحمام انا في البداية استخدمت جونسون ريحتهم فظييييعه بس لما كبرت نوف صار لها جفاف ويطلع دم فاضطريت اغير لشي اكثر ترطيب فالكل نصحني بسيباميد . وايد زين لكن ريحته ماحبيتها الياهل متسبح او لا كله مثل الريحه .
هالمره باخذ جونسون بعد .

وبالنسبة لسلة موسى طبعا وايد زينه خصوصا للي بتتنفس بيت اهلها فتكون اخف واحسن .

انا لحين مافصلت طقم البيبي ولا مريت اشوف بس حاطه في بالي كذا مكان ابي افتك هالشهرين عشان خلاص ادخل السابع التفت للقيف اواي والقدوع .

اي ثلوج هي الحفاضات حسب الطفل .. مثل الحليب سبحان الله

UM.NOOF;16344671:
السلام عليكم

ماشاءالله تكلمتو وايد بس اهم شي تطمنت ان الكل بخيرر

نونو بالنسبة للحفاظات انا استخدم بامبرز بعد

وبالنسبة لاغراض الاستحمام انا في البداية استخدمت جونسون ريحتهم فظييييعه بس لما كبرت نوف صار لها جفاف ويطلع دم فاضطريت اغير لشي اكثر ترطيب فالكل نصحني بسيباميد . وايد زين لكن ريحته ماحبيتها الياهل متسبح او لا كله مثل الريحه .
هالمره باخذ جونسون بعد .

وبالنسبة لسلة موسى طبعا وايد زينه خصوصا للي بتتنفس بيت اهلها فتكون اخف واحسن .

انا لحين مافصلت طقم البيبي ولا مريت اشوف بس حاطه في بالي كذا مكان ابي افتك هالشهرين عشان خلاص ادخل السابع التفت للقيف اواي والقدوع .

و عليكم السلام
اي جونسون ريحتهم حلوة بس المشكله يسوون جفاف للطفل و لازم نعالج :thumbs_down:
و سيباميد انا سامعه عنه زين بعد :thumbs_up:
اي ترى احنا من هنا لشهر لازم مخلصين تجهيزات 8o| .. بالكثير شهرين .. بأذن الله طبعا

شلونكم كروشات ابريل


هلا حبيبتي نونو ، على السوينغ چير تبع جيكو خسارة انا ما ادش الا من الاي باد ، لاب توبي خربان وانا وزوجي مكسلين نصلحه

وانا خلاص أدمنت الاي باد ، احس ما اعرف استخدم اللاب توب :lol:

اي شي اعرفه بقولكم وبحاول أجيب اسم الموديل، نفيد ونستفيد :thumbs_up:

هلا نونو .. خواتي عندهم خبرة لأن عندهم جهال .. وأني أختهم الصغيرة والدلوعة فلازم يريحوني
وإن شاء الله ما أشيل هم الولادة من الحين

اي نونو صاجة وايد يجفف جونسون بس ترا بعد على حسب بشره البيبي وايد ناس يمشي وياها . سبحان الله كلششي حسب البيبي الحليب والحفاظات واغراض الاستحمام كل شي .

البتول اي زين ارتاحي انتي تلزمج الراحة .

non0_non0;16344458:
ورا شكد تسافرين؟ اذا فترة اقل من ست اشهر اكييييييد انصحج بالسله لان السرير كبير
خليه لما تروحين هناك على طول سرير :thumbs_up:
اي طبعا بامبرز احسن شي عن تجربتي يعني :thumbs_up:
زين تسوين.. اي شي عليه تخفيضات المفروض من هسه نشتريه .. مابقى شي :L:

مسافره بعد الولاده بشهرين و نص

قبل شوي رجعت من السوووق :adore:

تخفيضات بسنتر بوينت و مذركير و h&m و اوكايدي و تاب الويا

و الله اشتريت من سنتر بوينت بمبلغ و قدره :confused::D

يلااا يا كروووشااات هجوووووووم على الاسووواق

بس حابه اسئلكم عن العربيه



انا ابغى اشتريها قبل السفر على اساس تريحني بالمطار و الطياره و زوجي يبغاني اشتريه لما اسافر

ايش رايكم ؟؟؟

هلا خطوات . اشتريها من هناك افضل لان خلال شهرين ونص مابتحتاجينها وعشان ماتتغربلين بالشحن ماتدرين يكسرونه لج او شي . ولان في الطياره في حجم معين يسمحون فيه في الطيارة


وبالنسبة للجاري اهم شي يكون وزنه خفيف مو ثفيل يعني سألي جم كيلو قبل لاتشترينه .

بالنسبة للي حطيتيه انا أفضل للي فيه مقبضين عشان تمشينه لان لما تكونين طالعه تتسوقين مع كثرة الاغراض مابتعرفين تمشين العربة . انا هالنقطة وايد ضايقتني في جاري نوف يصير لي الثقل ثقلين . اما لو كان مقبضين يصير اعلق الاكياس عليهم .

مثل ذي






ثاني شي تأكدي ان يصير 3 وضعيات .

انا اختي بتجيب لي عربية توينز
قلت لها من مذر كير

قالت لي من العاب الحسين وتحمدين ربك خخخخخخ
والسرير ابو سلة اخوي قال بيجيب لأبنه وبياخذ لي اثنين الله يرضى عليه

والملابس ام زوجي بتجي قبل ولادتي وبتجيب معاها و بتكمل من الرياض مع ابنها
وامي جعل عيني ماتبكيها جابت لي افرولات وبربتوزات قطنيه لأن اللي عندنا قطيفه بسبب الشتاء

وإذا رجعت من السفر راح تجيبهم
وطبعآ .. أنا علي اجيب اغراض الصيدليه لأني قلت لأهلي جيبةا لي ملابس الاربعين بس
لا خلصت الأربعين انا راح اطلع وقتها ببنزلون ملابس الصيف
وهم نفسهم راح يكبرون


احس اني ملكه خخخخخخخ
امي واخواني لأني آخر العنقود مدلعيني هع


وام زوجي لأن هذولي اول احفادها مع انها صغيره عمرها 47
بس زوجي الشايب هو اللي مكبرها .. تحبه لأنه بكرها وهو بار فيها حييييل


عشان كذا راح اتفرغ حق نفسي هع

الله يوفقج البتول و يعطي اخواتج الصحه و العافيه و اكيد هم رح يجيبوون لج الشغلات اللي تحتاجينها


مخمليات
اي الناس كلها تعودت على الايباد بس انا مااحبه.. انا اكتب باللاب توب اسرع مليون مره هههههه و لاب توبي ماك بوك يعني ماعليه قصور ههههه


ام نوف
اي والله سبحان الله كل شي يفرق عن البيبي و الثاني ..

خطوات انا رأيي من رأي ام نوف .. اخذيها لما تسافرين.. لان انا كم مره اسافر و يكسرون لي العربانه مالتي او يكون ناقص منها شي
و اول شهرين مااتصور تحتاجين عربانه.. شوفي لج من اي احد لهالمده او تشترين وحده رخيصه و تعوفينها ابيت اهلج .. او تاخذينها وياج و حتى لو نكسرت تكون من النوع الرخيص.. و هناك روحي على كيف كيفج و اشتري اللي يعجبج و براحتج ..

و اهم شي ام قبضتين على قولت ام نوف .. هاي نقطه مهمه طبعا

ام نوف اللي نزلتي صورتها هي اللي جاي افكر اخذها.. يقولون خفيفه و عمليه و سريعه.. بس ماعرف اذا كانت مريحه للبيبي حديث الولادة..
بروح المحل و اجربها ان شاءالله و اللون بعد يجنن

اقواس نصيحتي عربة التوينز خل تاخذ لج الي ورا بعض .

زوجة اخوي خذت الي يقعدون جنب بعض وايييييد تعبت لان تكون عريييضه وصعبه لين تمشينها وفوق ذي ماتقدر تدخل المحلات تتسوق لان المكان صغير فتخلي اخوي يقعد برع معاهم وهي تدخل تتسوق .

اخذي مثل هذي


ولاتاخذين مثل هذي

اييييي ام نوف تسلمين على النصيحة لان ستوني جنت اريد اكتب لها
انا ماحب اللي جنب بعض احسها صعبه..

بالنسبه لج ام نوف .. شلون مع نوف و البيبي اذا طلعتي للسوق؟؟

انا مريم بتصير اربعه لما اولد .. بس انا اعرف انها تغار .. انا اشوفها لما اطلع للسوق ماتريد عربانه بس لما اطلع مع اختي تغار من ابن اختي الصغير و تريد عربانتها.. ادري لما تجي البيبي رح تبجي تريد عربانه

شرايج انتي؟

شوفي ام نوف هذي تفيد



هذي نفسها قاعدين فيها






شرااايج؟

هلا نونو

انا بنتي حاليا ماترضى ابد تقعد في العربه ولما اولد راح يكون عمرها 3 و 3 شهور تقريبا بس دايما اذا نروح مجمعات تحن نستأجر لها سيارة فدايم ناخذ لها عشان ماتتعب بالمشي .

العربيات الي حطيتيهم وايد حلوين بس يصير الصغير يكون نايم ؟ احس لازم الاثنين قاعدين ؟ وهذي بيكون مشكلة .

توني مستوععبة للثانيه احسهااا هي الحلللل بس وين يبيعونهم