◣♂التجمـــع الاول لـ الحوامـل اللي يولدون شهر ابريل (4) 2013 ♀◢

هلا كروشات
خيووو نجوم تتلأﻷ رحت بس للحين ما أرتفعت المشيمة .. وعندي موعد يوم الخميس الجاي واﻷحد الجاي .. إن شاء الله يطمنوني وأجي أطمنكم .. وأنتي شخبارش مع الحمل ؟؟
ها خيو نونو طمنينا عليش وعلى البيبي .. إن شاء الله كل شي تمام
الله يسهل على حامل ولادتها وتقر عيونعا وعيون زوجها بالمولود .. والله يرزق كل محرومة من الذرية يا رب العالمين

اهلين حوامل شخباركم؟؟؟

البتول سالتيني انا الي رحت مستشفى الهلال الدكتورة رشا تخصصها اشعة بس خبره في السونار تبع الحمل اذا بتتابعين عندهم يخلونج عند دكتورة ثانية اهي الي توصف لج الادوية و جذي و تروحين لها اهي تسوي لج السونار و تقول لج عن كل شي المشيمة و الماي و التشوهات و جنسه يعني الدكتورة الثانية ماتسوي شي عرفتي ..

و انا رحت خميت السوق و ماخليت شيةما شريته بالذات الملابس تقريبا كملت و بعد احس نفسي ما كملت شي و المفارش اول شي بدور ع المحلات لاني هالشهر فاضية و الشهر الجاي امتحانات ما بقدر اتشرى بنشغل اممم و انشالله افصل المفارش خلال هالشهر و السرير و الخزانة زوجي فكني من هالسالفة بياخذهم اهو انا مابي ادخل الشهر الثامن الا و انا مخلصة لان مالي خلق و بعدين التعب بيزيد .. 

هلا خيو زهور البحرين .. شخبارش ؟؟ وشخبار الحمل وياش ؟؟ مشكورة خيوو .. خلاص بواصل مع الدكتورة سميرة مدن في عيادتها
هلا خيو عروسة كتكوتة .. شخبارش ؟؟ الحمد لله إللي طمنتينا عليش .. الله يشهد عليي ما نسيتش من الدعاء .. والله يرزقش الذرية الصالحة ويعوضونش عن إللي راح وتفرحين فيهم أنتي وأبوهم .. يا رب يا كريم
خيووو نونو وينش أختفيتي ؟؟ طمنينا عليش وعلى البيبي .. وشو قالت لش الدكتورة .. إن شاء الله كل شي تمام

نونووو وينج ؟ ننتظرج

هلوووو بنات
اسمعو قصتي ..
طبعا انا الحمدلله من بداية حملي لسه ماصار عندي شي .. كل شي طبيعي
بس اليوم الله كاتب لي اتعذب .. و بيوم السونار.. لا على البال و على الخاطر ..

المهم انا كتبت لكم اني رح اطلع من البيت للمستشفى ..
بالطريق قلت لزوجي ترى انا حاسه نفسي مدري شفيني اليوم.. قال يمكن من التفكير
قلت له لا والله اصلا مافكرت. .هي بنت و انا ادري من الاول . .بس ماعرف احس نفسي دااايخه

المهم وصلنه على الساعه عشره اله ربع. و موعدي بالعشرة.. كان ازدحام و بس وحده تسوي سونار
انتظرنا لين عشره و ربع .. قلت لزوجي ماقدر بعد دااايخه و حتريت حاااره الدنيه احس بضيق ..
قلت له رح اروح اشم هوى برا و اذا اجه دوري ناديني.. طلعت بروح برا قلت خلني اروح الحمام اغسل يمكن اصير احسن.. دخلت الحمام غسلت وجهي بعدين قلت خل ادخل الحمام احس نفسي محصورة .. دخلت و فجأه صارت الدنيا تدووور مااشوف غير سواد.. قلت يا نورة مايصير تطيحين هنا .. طلعي برا عشان زوجج يدري فيج لان لو طحتي هنا لباجر مايدري بيج و تلفوني كان سايلنت

مدري شلون طلعت.. مسكت بالبيبان و بالحيطان و وصلت شافني زوجي من بعيد.. انا اشرت له بيدي و خلاااص طحت عالارض .. شالني و حطني على سرير صغير حاطينه يم باب السونار..
و نمت هناك و ابد مالهم شغل فيني قالوا انتظري السونار

انتظرنا يمكن للهدعش و شوي .. دخلنا على السونار قلت لها شنو صار فيني
قالت انا هذي مو شغلتي..انا شغلتي اليوم اشوف البيبي... انا هنا شوي صرت احسن يعني قدرت اشوف قدامي.. المهم سوت الي السونار و طووول هواااي قالت البنت زينه بس ماقدرت تشوف كل شي. .و قالت لازم ارجع بعد ثلاث اسابيع .. بس المهم هي زينه و المشيمه و الماي كله اوكي .. بس رادت تقيس الوزن و الايدين و الرجلين بس البنت كانت تتحرك هواااي طولنه نص ساعه و هي بس تتحرك مادري شفيها.. يمكن من اللي صار بيه


قالوا لازم تروحين قسم الولادة.. عشان يشوفون شنو صار فيني.. و قسم الولادة طبعا مو بنفس المستشفى.. تبعد ربع ساعه عنها.. المهم رحنه هناك و كان ازدحام .. اخذوا ملفي و قالوا انتظري

تصدقون انتظرت ثلاث ساعات و نص؟؟؟؟ قاعده على كرسي و انتظر.. اصلا دخت بزياده.. لو رايحه للبيت احسن.. و طبعا اتصلت على روضة مريم قلت لهم اليوم خلوها يوم كامل يعني للسته لان ماقدر اجي اخذها..

و جللللست و بعد ثلاث ساعات و نص دخلت .. نيموني على السرير.. قالت شنو صار فيج .. شرحت لها.. قاست الضغط اوكي.. السكر اوكي.. الحرارة اوكي.. قلب الطفل اوكي... بس بالقوة قدروا يمسكون قلبها لانها تتحرك هواااااي
قالت انتظري تجي الدكتورة تجيكج و تشوف شنو فيج بالضبط.. انا طبعا صرت احسن بس راسي بعده يدور و احس البنت تتحرك مو طبيعي !!

و انتظرنا تقريبا ساعه تجي الدكتورة . انا خلاص تعبت و حسيت جاي انتظر على و لا شي ..
قلت لزوجي كلمهم خل نطلع.. كلمهم قالوا لازم تطلعون على مسؤووليتكم .. و الدكتورة صار عندها حالة ولادة و ماتجي اله باجر الصبح.. انا قلت هاا؟؟!!! انتظر لباجر الصبح ؟؟

مستحيييل.. و وقعت و طلعنا.. و رحنا جبنا مريم من الروضة الساعه اربعه و نص.. مسكينه من الساعه ثمانيه الصبح للاربعه و نص بالروضة.. هي صح مبسوطه بس انا قلبي يعورني عليها

المهم انا هسه بالبيت.. و مااستفدت اي شي من هالبهذله .. و احس بدوخه تجي و تروح.. يمكن من السهر و يمكن من الاكل لان مااكل هواي.. و يمكن من شغل البيت لان صايرة مجنونه امشي و المع بالبيت..

خليتها على ربي.. و هو يكتبي لي الخير ان شاءالله ..
و باجر همات عندي موعد مع دكتورة (موعد من قبل عشان تجييك كامل) و بشوف و بقول لها شنو صار لي اليوم ..


دوختكم بالكلام. بس قلت لازم اقول لكم عشان تعرفون طب لندن الخايس . :thumbs_down:

هلوو كروشات
البتول .. الله يشفيك و مايصير عليك شي ياقلبي
زهور .. ماشاءالله عليك مخلصه .. انا مابديت ولا شي ههههههه

عروسه .. الحمد لله انك طمنتينا عليك .. عاد لا حملتي ماتنسين تقولين لنا !
نونو .. ريحي ياقلبي انتي صايره عكسي
اول الحمل كنت نشيطه انظف وامسح و يوووميآ كذا وكنت اتعب بس اسكت وماكنت آكل لدرجة وزني نزل صرت 41 في اقل من شهر

الحين مريييحه .. يوم انظف ويوم لاء .. انام للساعه اللي ابغى و اطبخ وقت ماروقت
والحمد لله احس اني ارتحت وزني 51 الحين :p

وصايره اجلس وابلع نفسي انفتحت من دخلت الشهر الخامس .. عكس الشهور الأورلى

وإذا ع المستشفيات .. عندك وعندنا خير
الله يعين .. صارت المستشفيات مكان مو للعلاج .. الواحد يخاف ع نفسه
عندنا بالولاده اكثر شي اخطاء طبيه

أنا شفت مو بس سمعت ... قريبة زوجي دخلت بغيبوبه بعد الولاده
بسبب الأهمال وجلست بالعنايه فوق الشهر لمممآ فاقت من الغيبوبه

وبالأخير رحنا نزورها بدل مايحطونها بغرفه لحالها حطوها بغرفه مشتركه مع 4 حريم
بينهم ستاير اعوذ بالله

نجوم .. تيكر الحمل حقك واقف هههههههههه

نونو سلامتك ماتشوفي شر .. والله كانك تكلميني عن مستشفيات كندا نفس الشي بالضبببببط .. لازم تنتظرين وانتي تعبانه مفي شي يقول التعبان اول ولا شي ..

انا صارتلي هالحركه بالضببببط كنك تتكلمين عني لما كنت بمحل اولد نيفي ف البلاك فرايدي كنت مااشوف الا الدنيا سوده والبيبي كان يتحرك كثيير وجاني عررررق مو طبيعي اتبللت من العرق وطلعت برا وجلست بالكرسي لين حسيت نفسي اوكي ورجعت ولما رحت للعياده قال كل شي اوكي يمكن انك مااكلتي او مانمتي زين او اشتغلتي كثير ..

الله يساعدنا يارب ..

هلا نونو

اول شي الحمدلله على سلامة البنوتة

يمكن حبيبتي الضغط عندج مرتفع او السكر نازل لاسمح الله حاولي ترتاحين قد ماتقدرين اليوم لي بكره ان شاءالله تتطمنين اكثر وماعليج الا العافيه حبيبتي

الحمد لله على سلامتش نونو .. وإن شاء الله بكرة تتطمنين وتطمنينا عليش

الف سلامه عليكي نونو

مدري ايش فينا انا كمان اليوم مره تعبت ولو اني ماتحركت من السرير غير قمت جهزت الغدا بس تعبانه من الصباااح و دايخه و بعد ماتغديت معدتي مررره تعبتني و ماني عارفه من ايه بس حاسه بغثيان رهيب بس بدون ترجيع وانتو بكرامه و شربت شاي اخضر قلت يمكن يهون الموضوع بس للاسف ما سوى شي

الله المستعاااااااااان :(

سلامتج خطوات يمكن ماكله شي امس او حارج . انا هالايام بدا عندي الحارج ذابحني الله يعينن

ما تشوفين شر خطوات .. اتحملي بروحش .. أني حدي أقوم من السرير عشان أصلي وأرجع أنسدح ويجيبون لي اﻷكل لعندي .. مسكينة الماما ما تبغيني أتحرك عشان لا أتعب
ما تشوفين شر خيو أم نوف .. أني عندي الحارج من بداية النساة .. من الترجيع يصيدني .. الله يساعدش ويساعدنا

امين يارب

انا الحمدلله ماصادني من البدايه بس الحين واييد . اذا ياج الحارج اكلي خيارة بارده او شربي حليب بارد اذا تحبينه .
انا ماحب الحليب فمقزرتها خيارر .

زين تسوين لاتتحركين وان شاءالله ماتروحين موعدج الياي الا تقولج المشيمه ارتفعت وكلشي طبيعي

أني بعد ما أحب الحليب بس غصبا عني أشربه لأني عندي هشاشة عظام .. وآكل خيار ومثل الشي
الله يسمع منش وتطمني الدكتورة في الموعد الجاي
واللع يتمم لي ولش ولجميع الحوامل وتقر أعيننا بالجهال .. ويرزق كل محرومة من الذرية يا رحمن يا رحيم

اميييييين ياررررب

سلامتكم جميييعآ
البتول ..

كلي زبادي اللي بالفواكه لو ماتحبين العادي
يغنيك عن الحليب إذا عندك هشاشة عظام .. الله يعينك

الساعه 1 اشتهيت شباتي
ورحت سويته و انقصم ظهري من العجين وسويت شاي حليب عدني
واإاإاإاإاااإاااااااإاإاإاو لذيييذ ومقرمش

بس عفنت ريحتي من الزيت وكنت متروشه بعد العشا
اضطريت اتروش ع شعري بعد ماخلصت المطبخ من جديد المصيبه في الجو

مايساعد الواحد يتروش 3 مرات ههههههههههه
الحين اكلمكم من قدام الدفايه ولسا لابسه المنشه وأشرب شاي حليب ساخن هع

كيفكم بنات
البتول ان شاء الله ترجع المشيمة ترتفع وتطمنين على نفسك والبيبي

عروسة ياقلبي ان شاء الله ربي يعوضك بكل خير ولا تلومين نفسك وتحملينها فوقرطاقتها اكيد هذا قدر ربنا

نونو ياعسلة سلامتك ماتشوفي شر ان شاء الله

خطوات سلامتك ياقلبي عاد هذا الحمل وتعبوا

اقواس شوقتيني للشباتي وشاي الحليب .

عليج بالعافيه . انا وايد احب اتسبح هالايام بماي حاررر ههههههه بس 3 مرات صعبببه برررد

انا لحين مانمت افكر الصبح اروح بيت اهلي واخذ على طريجي شباتي وسمبوسة . اكلهم هناك وادخل انام شوي .

بافكر في الموضووع ههههههههههه