جمعتنا ولمتنا السورية من جديد لشهر سعبان ... اتفضلوا

يسعد مساكم يارب

اهلين ام مصطفى الحمد لله حملي ان شالله انه بخير صارلي شهرين مارحت عند الدكتورة قلت او التامن اذا الله راد بروح

اهلين سوريتي الله يسعدلي ياركي يارب .... والله هو مو تعب تعب بس عم حس حالي اذا بدي قوم اطبخ بتعب ... على قولك هانت
الله يكتبلنا جميييع كل الخير يارب

تقومي بسلامه يا رب يا دمشقيه.......

سوريه وبفتخر أنا بصراحه أخلص شغلي الصبح بكييييير وبعدين ما عندي ضغار في المدرسه لسنه الجاي ع خير وبكونوا نايمين أولادي وأنا بجلس ع النت

سسسسسسسسسسسسسسسسسسسسسسسسسلام

هلا أم مصطفى ماشاء الله عليك نشيطة ويالله خدي راحتك هالسنة من غير شر الله يحميلكم اولادك يارب وتفرحي فيهم

كيفك دمشقيتي ان شاء الله مو تعبانة .............. تسلم إيديكي على الموضوع شفته ان شاء الله يجيب نتيجة

ام مصطفى الله يسلمك يارب عقبال عندك اذا حابة ^_^

اهلين سورية الله يسعدك يارب على فكرة حكيت ام رزان وهي اتصلت على الزلمة وماعم يرد عليها والله هيك قالت .... وبخصوص الموضوع على الله منقول يارب
العيار اللي مايصيب يدوش

وبكرا باذن الله من كل بد رايحة مدرسة شام ومنشوف شو يقولوا

كيفكم يا جماعة شو الأخبار
دمشقية كيفك ان شالله بتقوميلنا بالسلامة يارب ويجيك بيبي كامل مكمل يارب سوريا ديري بالك على حالك وعلى دمشقية هي بأمانتك أكيد
طمنوني كيف المدارس عنكم نحنا بالنسبة النا الأحد ان شالله ومامنعرف كيف رح يكون الوضع نحنا هون شبه محاصرين ومافي غير طريق واحد مفتوح وهو أنو نروح عالضاحية وطبعا طابور طويل عريض لأنو المنافذ مسكرة يعني يمكن لازم أطلع من بيتي 6 لأوصل عالوقت أما بالنسبة للأمان أكيد الأمان بالله بس كل واحد بيطلع وبيرجع على بيتو سالم بينكتبلو عمر جديد أنا بقول ان شالله الأهالي ما تبعت ولادها منرتاح
كيفك أم مصطفى أنت متلي نشيطة وبيسموني جاجة لأني بفيق بكير متل الجاج صيف شتا رمضان وغير رمضان لك كل العالم برمضان بتنام للوحدة تنتين الا أنا بنام بكير وبفيق بكير مبارح نمت 9 ونص والله وفقت 6 ونص طبعا نحنا منام قبل بوقت منحسب حساب بالليل رح نفيق كتير على صوت المفرقعات الليلة

يسعد أوقاتكم جمييييييييع
أهلين أم محمود تسلميلي يارب كتر خيرها المخلوقة والله ماقصرت معنا وبالنسبة للموضوع على قولتك حتى لو نلنا دعوة بالغيب وعشان مدرسة شام والله لاتحرجي حالك مارح يرضوا
الله يفرجها من عنده أحسن شي

أهلين شامية الله يسعدك اشتقنالك كلنا بخير وطوال ما انتو بخير نحنا بخير الله يحميكم يارب ويفرجها عليكم ولاتخافي دمشقية بعيوني مابدي توصاية عليها
وبالنسبة للمدارس والله أنا آكلتا جودي هالسنة اول ابتدائي ومافي مدرسة قبلتها لأنه مامعها اقامة ونحنا عم نلاطش ملاطشة وولا جهة عم ترضى تعطينا ورقة عشان تدخل المدرسة إدعيلنا الله يفرجها علينا

سورية نقلت الموضوع ويارب يلاقي صدى ...

بخصوص مدرسة شام والله العظيم رحت اليوم ولعيت قلبها للمديرة وللمسئولة يلعوا قلبهم ووالله مارضيوا بس قالتلي ان قرات بالجرايد انهم عملوا قال صف بالمدارس الحكومية
للي مامعهم اقامة ... قلتلها هالشي مو صحيح لان راح ابوها وماقالولوا شي عن هالموضوع قالتلي لااااء اكيد انتو روحوا اسئلوا باي مدرسة حكومية وشوفوا

وعلى الله مافي هم الا ماتفرج ....

&&&&&&&&&&&

اهلين شامية الله يفرجها عليكم يارب وانا بضم صوتي لصوتك وان شالله ماحدا بيبعت ولادو ولا بكون في تدريس او دراسة على الاقل بهالفترة بلكي هالاضراب بيعمل صدى
وبتخف هالحالة شوي .... حسبي الله ونعم الوكيل احسن شي

ونيالك بخصوص الصحوة بكير والنومة بكير والله انا بتمناها منة بس عبث العلة علة والطبيب الله هههههه ....

شامية للعظم;16255838:
كيفكم يا جماعة شو الأخبار
دمشقية كيفك ان شالله بتقوميلنا بالسلامة يارب ويجيك بيبي كامل مكمل يارب سوريا ديري بالك على حالك وعلى دمشقية هي بأمانتك أكيد
طمنوني كيف المدارس عنكم نحنا بالنسبة النا الأحد ان شالله ومامنعرف كيف رح يكون الوضع نحنا هون شبه محاصرين ومافي غير طريق واحد مفتوح وهو أنو نروح عالضاحية وطبعا طابور طويل عريض لأنو المنافذ مسكرة يعني يمكن لازم أطلع من بيتي 6 لأوصل عالوقت أما بالنسبة للأمان أكيد الأمان بالله بس كل واحد بيطلع وبيرجع على بيتو سالم بينكتبلو عمر جديد أنا بقول ان شالله الأهالي ما تبعت ولادها منرتاح
كيفك أم مصطفى أنت متلي نشيطة وبيسموني جاجة لأني بفيق بكير متل الجاج صيف شتا رمضان وغير رمضان لك كل العالم برمضان بتنام للوحدة تنتين الا أنا بنام بكير وبفيق بكير مبارح نمت 9 ونص والله وفقت 6 ونص طبعا نحنا منام قبل بوقت منحسب حساب بالليل رح نفيق كتير على صوت المفرقعات الليلة

الله يسعدك يا شاميه شو أخبارك بخير............أنا بخير والحمدلله........بعدين السوريات نشيطات يا عمري ما في كسل عندهم

وينكم يا عسولات

جمعه مباركه

جمعة مباركة عليكي ام مصطفى وعلى الجميييع ان شالله

صحيح ام مصطفى الف مبروووووك الحمل ربي يتمملك على خير وسلاااامة وان شالله بتجيبي الحلو وهو وانتي باتم الصحة والاعافية يااارب

مرحبا يا جماعة كيفكم ان شالله تكونو بخير
سورية الله يفرج همك يارب والله وضعك صعب وما بقدر قللك الا حسبي الله ونعم الوكيل بهالقوانين الظالمة شو ذنبو الطفل ما بعرف
دمشقية والله بصراحة ما يكون ابني بالمدرسة مستحيل ابعتو بهالأوضاع يعني مستحيل يجي يوم ما يموت فيه حدا من القصف طبعا أنا عم أحكي عن حرستا وأكيد وضعها أحسن من غيرها الشغلة مو قصة اضراب وبس قصة المدارس والمساجد والكنايس والأماكن يلي المفروض تكون من أأمن الامكنة للأسف بالعكس مستهدفة عدا الطرقات كلها قناصة ستي شو رح يصير ما منعرف أنا مضطرة روح للأسف وبشوف عم يجو الولاد

أم مصطفى مبروك حملك والله يتمملك على خير وموضوع الفيقة بكير هو عادة صدقيني وأغلب الأحيان بتكون النسوان فيقتها حسب شغل زوجها ومدارس ولادها

ياهلا وغلا بشامية خانم ربي يحميكم من عالي سماه
نحنا بخير دام انتو بخير والله .... لسى الاوضاع جانة عندكم ؟؟؟ الله المستعان
وبخصوص المدارس والله حق معك العفو منك الوحدة فينا بتقول خليه يطلع الولد مو فاهم شي ولا اني اخسره لا قدر الله .... الله يحفظكم وينهي ربي هالقصة على خير بقى

وانتي الله يحميكي اختي متلك بس ادارية بمدرسة ابتدائية وكمان هيك لازم تروح غصب عنهم مو بكيفهم بقى الله لا يضرنا فيكم وربي يحميكم
واستودعناكم الله الذي لا تضيع ودائعه احسن شي

يسعدلي أوقاتكم يارب
دمشقية تقبري قلبي والله تعبتك معي أنا بكرة ان شاء الله بروح على المدرسة الحكومية يلي قدامنا وبسأل ومنقول يارب
أهلين أم مصطفى جمعة مباركة عالجميع يارب وألف ألف مبروووووووووووووووك الحمل F: الله يتمملك على خير يارب
أهلين شامية ربي يسعدك ويفرج همك انتي كمان وهم كل مهموم ايه والله حسبي الله ونعم الوكيل فيهم إن شاء الله بتفرج يارب
وأنتوا الله يحميكم ويكون بعونكم يارب

صباح الخير للجميع
كيفكن شواخباركن
طمنوني عنكن انا الحمدلله بخير
دمشقية الله يتمم حملك ع خير يارب
ام مصطفى الف مبرووووك الحمل
شامية الله يحميكن يارب ويفرج عنكن
سورية كيفك قريت يلي كاتبتيه مشان بنتك الملك اصدر قرار بخصوص السوريين يلي جايين زيارة مشان يعلمو اولادهم بالمدارس هون هيك هديك المرة قريت الخبر عالفيس بوك بس ماعاد عرفت وين اتأكدي من الموضوع الله يكتبلك الخير يارب
كيفك نينو طمنينا عنك.
الله يفرج عن الجميع يارب

أهلين وسهلين يا بنات بلدي العزيزات
والله يبارك فيكم يا رب يا أخواتي الغاليات وبحبكم كتيييييييييييييييييييييير والله
دمشقيه عمري وشاميه حياتي سوريه وبفتخر حبي وسوريه حرة غلاتي أشكركم من قلبي
والله حابه يوم ندخل سوا مع بعض عشان نحكي مع بعض بس الظروف يالله بعين الله.............

أهلين وسهلين بأم فيصل نورتي والله اشتقنالك كيفك وكيف اولادك واهلك ان شاء الله كلهم بخير
ونحنا كمان سمعنا بالخبر وبكرة بإذن الله رايحة اسأل رئاسة التعليم بس اولادي من اليمن مو سوريين بس هنن معهم اقامة سورية ان شاء الله يقبلوا امانة ادعولي