جمعتنا ولمتنا السورية من جديد لشهر سعبان ... اتفضلوا

السلام عليكم والله يسعد اوقاتك يادمشقية ( الطشطنة ):lol: خخخخخخ ويسعد اوقات كل الصبايا ايه والله وحشونا كتير ان شاء الله الكل يكون بخير وصحة وعافية ورمضان كريم عليكم والله يجعلكم من عتقائه منتظرينكم ياحلوين

وعليكم السلام ورحمة الله تعالى وبركاته....~
فلينصركم الله عز وجل غالياتي....
ويفرج كربتكم اليوم قبل الغد...

قلوبنا والله معكم...~

اهلين سورية اخت الطشطنة .... بس مو قدك لما كنتي حامل ايوا

كيفك سورية وشو اخبار ولادك .. هي زوجي اخد عطلة اسبوع عملوا همة وخلونا نطلع الاربعا على الطائف اذا الله راد
شو طبختي اليوم صحيح ؟؟ انا سخنت باقي المندي اصلا مو فاضية اطبخ ورااااي هممممم بتعرفيه موو؟؟

عطر البراء مشكووورة على مشاعرك وربي كريم ورحيم ان شالله بتفرج مابعد الضيق الا الفرج باذن الله
الله يديم على الجمييع نعمة الامن والامان ويرجعها ربي لبلدنا ياااارب

اهلين دمشقية يي على قطاطك مابتنسي شي هههههههههه
الحمدلله كلنا بخير ومشتاقين وتتهني بقعدة زوجك بالبيت من غير شر دلليه للزلمة ايواااااااا
وان شاء الله منروح ليش لأ طفشنا
والله مبارح ساويت معكرونة بالدجاج والخضار واليوم رح ساوي مقالي والف صحة وهنا على المندي
وايه والله الله يعينك على هالهم بس يالله زوجك بسم الله ماشاء الله شاطر بيهملك عليه واذا بدكم منجي ومنساعدكم براسنا والله

أختي عطر البراءة الله يسعدك يارب ويسمع منك الله كريم وانتوا الله يديم عليكم الامن والامان وسائر بلاد المسلمين

مرحبا صبايااا كيفكون
واخيرا رجعت اللمة
عنجد مشتاقة للكل مشتاقة للحكيات والله كنا نفش خلقنا
دمشقية الله يتمم حملك على خير وان شاء الله يكونو ولادك بصحة وعافية
سورية كيفك وكيف اولادك ان شاء الله يكونو بخير
وصحة وهنا عالاكلات الطيبة
انا هالاسبوع عم صوم عندي دين ولازم لحق حالي
والله الاوضاع بسوريا كل مالها عم تخرب الله يفرجها على الشعب السوري
والله يلي عايش ب سوريا غير يلي عم يسمع
نزلت وشفت بعيني وسمعت كمان يلي عم يصير
والله لما بتطلع قذيفة بتطلع معا روحنا
الله يهدي هالاوضاع
والله اشتقتلكون خبروني شو عمتلو شو ساويتو بهالايام يلي انقطعتو فيا عنا
انا هلأ قصتي قصة مع بنتي لو ما نايمة ما فيني افتح اللاب توب
وصايرة كتير عنيدة بدا كل شي الها
غير هيك انا وبنتي ع طول لحالنا كتير عم تضوج عليي
وبتبكي وبتعصب وانا بعصب عليها كتير حالتنا حالة انا وسنا خانم
اليوم رح اعمل سمبوسك وششبرك او نزلتون من التلاجة ورح اطبخهون :)
تفضلو صبايا
سلامي لكل اخواتي

بنــــــــــــــات بلـدي :04:
حبيبات قلبي انبسطت كتير بالتجمع
الله يعطيكي الف عافية أختي الدمشقية على هاللمة الحلوة
انا جديدة معكم والظاهر انو انا اصغر وحدة
يعني اعتبروني أختكم لصغيرة
:02:

ياهلا بالحبايب

سورية حبيبتي الله يسعدك اصلا مالي غيرك وعوافي على الاكل انا اليوم عملتلهم اندومي ههههه وزايد من مبارح بروستد والحمد لله على النعم

اهلين روح عامر يسعد هالطلة يااارب
ونحنا كمان اشتقنالك انتي والبنات واشتقنا لاخباركم والله ... الحمد لله على سلامتك والله انك بطلة نزلتي واتخرجتي ورجعي ماشالله عليكي شطووورة
تستاهلي كل خير الف مبروك التخرج

وسنا حبيبة قلبي اكيد صارت تمشي صح ؟؟ الله يخليها يارب هما البنات كلهم فيهم عادة العناد ولا تنسي انهن ضراير امهاتهم ههههه
انتي جيبلها لعبة تكون جديدة عليها وفيها اصوات واشكال تلفت نظرها وقتها بتحل عن لاب توبك ... الله يحميها يااارب

وبخصوص سوريا الله يهد كل ظالم وكل ابن حرام مابخاف الله وحسبي الله ونعم الوكيل غير هيك مامنقدر نعمل شي
الله يفرجها عليهم وعلينا ياااارب

هلا وغلا باختنا الجديدة نينووو (( منتشرف والله )) نحنا هون كلنا اخوة ان شالله

نورتينا ياقمر انتي من وين من سوريا واديش عمرك عرفينا على حالك اكثر .... ووين مقيمة حاليا ؟؟

انا بعرفك عن حالي ام محمود اسمي الحقيقي غالية محمد اذا حبيتي تضيفيني على الفيس بوك ... عمري 29 سنة وعندي محمود عمر تسع سنين وبنتي اسمها شام
عمرها سبع سنين وحاليا حامل الله يتمملي على خير ويرزق ربي كل محروووم
ومقيمة بالسعودية متغربة صارلي 11 سنة تقريبا ... بس هي هويتي كاملة هههههه

ويامية اهلا وسهلا فيكي معنا مرة تانية

والله يا اختي دمشقية كانت مغامرة كبيرة نزلتي على سوريا بس الحمد لله عدت على خير وتخرجت
وبالنسبة لسنا لسا ما مشيت لما نزلت على سوريا صارت تحبي لو بقيانة شوي تانية كانت مشيت بس هون ما عم تشجع ان شاء الله تمشي قريبا


اختي نينو اهلا وسهلا عرفينا عن حالك
انا ام سنا عمري 24 وساكنة هلا بالامارات وبنتي عمرها سنة

اهلـيـــــــــــــن فيكي والله انا الي اتشرفت بمعرفتكـ
أحلى غالية وأغلى ام محمود العسولة :086:
وربي يحفظلكـ محمود وشام ويتمم حملكـ ويقومكـ بالسلامة إن شاء الله

احم احم
اجا دور طلع هويتي انا التانية :041:
انا من درعا
عمري 17 سنة << وقت دخلت هون انتي تقولي ولادي وزوجي وروح عامر تقول بنتي
قلت خاشة عرض وين فايتة يابنت لفي ورجعي :071:
لفيت ورجعت لهون هههههههه

ع الفيس لقيت تنتين لنفس الاسم شو الصورة الي انتي حاطتيها ؟؟

اختي ام سنا

اهلين فيكي ياقمر ان شاء الله العمر كلو
وربي يحفظلكـ بنوتكـ ويخليلكـ اياها يارب

كيفكم ياصبايا ياحلويين ماشاء الله الشات منور
كيفك أم سنا والله اشتقنالك كتيييييييييييير واشتقنا لهالجمعة الحلوة ألف مبرووووووووووك التخرج
انا واولادي بخير الحمدلله كيف سنا الحلوة أكيد كبرانة بسم الله عليها وان شاء الله صيام مقبول وصحة وهنا على الشيشبرك والسمبوسك

اهلا وسهلا بالاخت نينوووو نورتينا بعرفك عن حالي انا ام عبدالله وعمري 25 واختها لأم محمود متزوجة وعندي جودي ست سنين وعبدالله اربع سنين وهدى سنتين وكمان عايشة بالسعودية
انتي بتدرسي ؟

يا اهلين فيكي يا أم عبد الله
النور نوركـ حبيبتي
وربي يخليلكـ هالشمعات
وتفرحي فيهم يـــا رب
اتشرفت بمعرفتكـ إنتي وأم محمود
ربي يحفظكم ويسر امركم يــا رب

انا كنت بدرس فنون بس بسبب هالظروف الي بالبلد
وخصوصي عنا بدرعا بتعرفي كيف كانت اولها ماقدرت
كمل دراسة وراحت عليي السنة وفصلوني من الفنون
مشكلة انو بحب الفنون كتير وماعد يطلعي انو قدمها
مشان هيك ازا الله راد رح قدم بكالوريا ادبي بس حر

روح عامر;16167120:
والله يا اختي دمشقية كانت مغامرة كبيرة نزلتي على سوريا بس الحمد لله عدت على خير وتخرجت
وبالنسبة لسنا لسا ما مشيت لما نزلت على سوريا صارت تحبي لو بقيانة شوي تانية كانت مشيت بس هون ما عم تشجع ان شاء الله تمشي قريبا

والله حق معك النزلة صارت مغامرة كبيرة الله يفرجها علينا يارب

وبخصوص سنا انتي امسكي ايديها ومشيها حتى ماتتكسلن وتطول لتمشي الله يحميها يارب
كيف الجو عندكم ونقلتي لبيت جديد ولا لسى بمكانك ؟؟ بتذكر قلتي بدك تنقلي صح ؟

Neno0o0;16167162:
اهلـيـــــــــــــن فيكي والله انا الي اتشرفت بمعرفتكـ
أحلى غالية وأغلى ام محمود العسولة :086:
وربي يحفظلكـ محمود وشام ويتمم حملكـ ويقومكـ بالسلامة إن شاء الله

احم احم
اجا دور طلع هويتي انا التانية :041:
انا من درعا
عمري 17 سنة << وقت دخلت هون انتي تقولي ولادي وزوجي وروح عامر تقول بنتي
قلت خاشة عرض وين فايتة يابنت لفي ورجعي :071:
لفيت ورجعت لهون هههههههه

ع الفيس لقيت تنتين لنفس الاسم شو الصورة الي انتي حاطتيها ؟؟

تسلمي حبيبة قلبي كللك ذووق ياقمر .... وامين الله يسمع منك ويحفظلك ربي احبابك
تشرفت فيكي نينو يعني انتي اختنا الصغيرة لازم ندلعك F: ولاااااا شو فايتة عرض مو فايتة عرض بالعكس هون بيتك ونحنا خواتك ان شالله وكويس اللي لفيتي ورجعتيلنا هههه
الله يسعدك يارب

بخصوص دراستك الله يكون بعونكم ياااارب والله الاوضاع كل مالها عم تسوء وانتو منطقتكم صعبة الله يحميكم يااارب وياخذ بيدكم يااارب وان شالله بتتحسن الاوضاع وبتقدمي حرة وبتنجحي بمعدل ممتاز يارب

صورتي العلم السوري ياقمر