جمعتنا ولمتنا السورية مع احلى رفقة أردنية لشهر ربيع الثاني1432... اتفضلوا صبايا

يسعد مساكم يارب
هلا روح عامر كيفك والله نحنا استفقدنالك واشتقنالك كوميات والحمدلله يلي انحلت مشكلة الكهربا وايه والله الله يكون بعون يلي بسوريا ويفرجها عليهم ربي من عالي سماه
وانتي ربي يسعدك ويهنيكي بأحباب قلبك ودمشقية مارح ساويلها شي مابكفي رح استقبلها هههههههههههههه ولي اكيد رح اكل قتله اليوم وببيتي كمان
دمشقية تؤبشيني ياحق يالله لاتتأخروا

اهلين روح عامر طل القمر والله
ييييي على هالقصة الله يكون بعونكم والله قصة الكهربا قصة
بالله الحمد لله اللي انحلت على خيرر

طمنينا عنك شو جديديك انتي وسنا

&&&&&&&&&&&&&

سورية خانم اعملي وكتري ايييه راح جبلك غراض التبولة خخخخخخخخ
يالله استعدي على الشغل وبالمرة منتفنن ومنعملنا شي اكلة حلوة بما انو راح نجي بكير ان شالله

مساء الخير للجميع وان شاء الله تكونو انبسطو بهالعطلة
نحن كالعادة ما عنا غير هالمولات نقضي العطلة فيهم و اتسوقت لطبخات هالاسبوع
وتغدينا بمطعك تشيليز بتعرفو؟؟؟
صحيح بنات اذا حبيتو تتغدو براة البيت شو المطعم يلي بتفضلو وشو الاكلة يلي بتحبوهااا كتير

هلا هلا روح عامر يسعد اوقاتك يااارب
والله واحنا متلكم مولات وعنا البحر اليوم الجو كااااان رااااائع فرحنا شربنا القهوة هنيك نحنا وبيت سورية

مطعم تشيليز حلو دام انه ستيك وحركااات هههه

ياستي انا هلأ كتيير بحب الاكل الهندي فمنحب نروح مطعم هندي يكون معروف حتى تضمني مستوى الخدمة والنضافة
وبمووووووت بالستيك متل ستيك هاوس او هوم ميل
وبحب تاكو هت وبموووت بسلطة الناتشو ماتشو
ومناكل اكل صيني زوجي بيعشق الاكل الصيني متل الخليج الصيني او كانتون

والاكل اليوناني جناااااان بجد كتير طيب كان فاتح فرع بعرب مول وللاسف سكر بس الاكل اليوناني بشكل عام لذيييييذ

طبعا انا قلتلك عن المطاعم اللي منحب ناكل فيها اكل غير تقليدي وهذا عشقنا
ولا غنى طبعا عن المطاعم السورية و اللبنانية والتركية المشهوورة بالمشوياات ومطاعم السمك

هي لائحتنا بالمطاعم ان شالله تستفيدي منها

سورية وبفتخر;15994124:
اهلين نبوعة الله يسعدك ومعك حق بخصوص السهر الله يعينك والله انا من غير حمل بقلق مابنام لحتى فكر بمية شغلة بعكس زوجي ماشاء الله عليه بيحط راسه عالمخدة وبيروح بسابع نومة بعدين انا بحب اسهر لأنه بيكونوا ولادي ناموا من غير شر وبيهدى راسي منهم

F: مــــــــــــرحـــــــــــبا سورية F:

انا متلك لازم اعدلي شوي بعد ماينامو الله يحميهم لإني بحب الهدوء

وهادا الوئت بكون من احلى اللحظات عندي لإنو مابسمع طلبات :confused: واوامر :|
بس مع الحمل رااااااح النوم وصرت اتعب كتير
وحتى لو رحت ع السرير مابضل شي بالدنيا مابفكر فيه هههههههههههههههه

الدمشقية;15994701:
صباح الخيرات على الحلواات

صباح الورد للورد F:
نبوووعة حياتي ربي يسلمك ويسعدك ان شالله دوووم

يخليلي اياكي يارب :L:
والله شام هلكتني خمس ايام سخونة ووجع بطن مرة ووجع راس مرة وخدي نئى بس الحمد لله نوعا ما صارت احسن

الف لا بأس عليها والله اني بحزن عليهم الصغار ع كتر مابيمرضو ..الله يحميهم

ومتل ماقلتي الجو بمرض والله هالايام جدة مابتعرفوها درجة الحرارة عم تصير عنا 22 وهالشي طبعااا نادر بس الجو خياااال لو جدة على طوول هيك ياسلام ههههه

جدة وجو حلو مابيجتمعوا ههههههههه:lol: لإني اجيتها مرة بالحر شي مو طبيعي الرطوبة طلعت ريحتنا خخخخخخخخ:p وتوبة اجيها بالصيف ...الله يعينكوا ع جوها

وبخصوص بلادنا لك تضل بخير ووالله مستعدين نتحمل كل غلاظة ناسها الغلاظة ههههه
بس تكون بخير والله لا يحرمنا منها يارب

آمين وان شاء الله الأمن بيرجع بسوريا وبتجتمعوا بحبايبكم هناك

صحيح شلون بتقضوا وقتكم بالرياض بقللي زوجي ناااشفة ومافيها شي
يعني وين بتروحوا وين بتتسلوا وهيك .....

والله الواحد تعود :thumbs_down: شو بدنا نساوي ...
ومع المدارس بتعرفي مافي طلعة غير نهاية الأسبوع

يا زيارة ياحديقة يا مول

والله ملل :( بس الحياة بدها تمشي

اهم شي الله يديم رزقتنا ويزيدها ويباركلنا فيها

احنا وانتوا وجميع المسلمين F:

زهرة المناره;15995000:
صباح العسل يا نبع الحب ما زبط اعملك اقتباس لانك مجاوبه جوا الاقتباس ههههههههههه ما علينا
كيفك اليوم وكيف الزغار ما حكتيلي شو عندك اطافيل بعرف بس انك حامل الله يقومك بالسلامه

هلا والله زهورة ...الحمد لله تعبانة بس مابنحكي غير الحمد لله وانتي عارفة تعب الشهر التاسع
انا عندي ولد بتالت وولد بأول الله يحميهم ويهديهم
وانتي شو عندك ؟؟

اه والله الله يهونها على الناس اللي مش لاقيه مأوى خصوصي اللي بنزحو من سوريا لعنا والله انهم بحزنو الله يرجعهم لبلدهم سالمين غانمين

يــــــــــــــــــــــارب
بالنسبه للغسيل بتكون السله فاضيه بس يتحممو تعالي تفرجي على السله بتكون بدها تنفجر من كتر الاواعي اما بالصيف يا دوب هالشورت والفانيلا ههههههههههه

والله معك حق بكره حالي بالشتا :mad: مابلحق اصفط الأواعي الا أنا بغسل والمصيبة انو بطولوا لينشفوا لإنو ماعندي اختراع اسمو سطح او بلكونة :'(
ادعولي كمان الله يهون علي تنضيف ابني السنه مع اني زهقتكم الصيف الماضي وانا بخحكيلكم بنضف فيه بس ما زبط متل الطنجره ولا استوعب او بلاحرى مستوعب بس ما بدو جكر فيي شو اعمل انا

الله يعينك ويقويكي ويهديلك اياه انا اولادي هلكووووووووووني بالتنضيف
نص عمري معهم لهلأ راح بالحمام وكانو بس اطلع عارفة
شو يعني بس اطلع يساويها :sick:
هو ابنك كم عمره؟؟ كل ماكان صغير كل ماغلب اكتر

افهم انك ساكنه عنا بالاردن ولا وين الله يعينكم عالغبره والله بتمرض وبتعمل ضيق تنفس يا ستي هانت قربت تصيف

لا والله انا بالرياض عايشة
وتتهنوا ع التلج مااحلاه ....الصور بتجنن اشتهينا نكون معكم

سورية وبفتخر;15995890:
يابنات لتكون نبوعة ولدت كيف بدنا نعرف ؟ الله يقيمها بالسلامة يارب

:'(

ما ولدت ولا شي

:worn_out: بس لما أولد ان شاالله فورا بعطيكوا خبر والتفاصيل بنخليها بس اصحصح ان شاالله

روح عامر;15997470:
مراحب للجميع واخيرا رجعت والله كنت حاسة حالي ضايعة من دونكون
F:مــــــــــــرحبا F:
كان عنا مشكلة كهربا بالبيت وصرلي من يوم الأحد من دون كهربا ابدا
والمي قليلة كتير كتير

الله يعينك :woo: كيف كنتوا متحملين ؟؟؟

الله يعين اهالينا ب سوريا كيف عايشين من دون كهربا

فعلا الله يعينهم ..المشكلة انو احنا مابنحس بقيمة النعمة اللي ربي رزقنا اياها الا لما نفئدها للأسف
الله يديم نعمه علينا
اشتقت لكل وحدة منكون كوميات كوميات (بالحلبي)
دمشقية وسوريا ان شاء الله تنبسطو بكرا مع بعض والله يسعدكون يارب ويهنيكون ببعض خبرينا سورية شو بدك تعملي اكلات طيبة لاختك دمشقية

زهورة الحلوة اي شو هالتلجات الحلوات الله يهنيكون يارب وان شاء الله تكونو انبسطو بالتلج انا كتير بحب اكول التلج بحسو اطيب من اي نوع ايس كريم
وحاولي تكتري سخن مشان الطحة سلامتك يارب

نبع الحب ان شاء الله تكوني بخير يارب طمنينا عنك

تشتائلك العافية حبيبتي ......انا الحمد لله بخير ولساتني بكرشتي :worn_out:

دمشقية وسورية هلأ بدي أفهم موضوع السوق

يعني هو شو بالضبط ؟؟؟؟

حاسة حالي متل الأطرش بالزفة هههههههههههه

شو طابخين اليوم ع الغدا يا صبايا

انا ان ربي احيانا عاملة صينية بطاطا

صباح الخير على الجميييع يارب


اهلين نبوووعة يسعدلنا اوقاتك حبيبة قلبي ... لسى ماولدتي من غير شر يالله على مهلك اللي بطن امه على مهله ههههه ... بالسلامة يارب

واي والله الصغار بزعلو بس الله حاميهم ان شالله وان شالله بيكبروا وبيتذكروا ومابتنعاد ههههه

واه من جدة بالصيف نار جهنم والعياذ بالله عدا عن الروطوبة على قولتك ... والله منكره حالنا زوجي بشغلنا مكيف السيارة قبل مانطلع من البيت
ههههههه وعلى شي مول او مطعم طوااالي يعني من مكيف لمكيييييييييييييف
بس انتي تعاليلها بالشتا يعني جوها بكون ارحم ومقبوول كتير
وعلى فكرة يعني طلعاتكم قريبة لطلعاتنا بجدة حتى لو عنا بحر بس اذا الجو مابساعد منحط عليه مية اكس ... والحمد لله اهي الدنيا ماشية والعمر عم يركض هههههه

فهمت انو ماعندك بلكون يالله متل معاناتي حتى ببيتي مافي بلكون بتلاقيني بحط هالغسيلات على هالمناشر وبستنى
والبيوت صايرة نااار وكوة يعني بالنسبة النا بيتنا لقطة بالايجار منجلس ومندادي عليه ههههه لحتى الله يفرجها

وبخصوص الارق نبوعة دوبي ملعقة عسل بكاسة مي واشربيها قبل النوم بساعة
كتييير منيحة للارق او كاسة لبن وبتساعدك تنامي وتريحي جسمك قبل الواع والويع من غير شر


اما بقى بخصوص السووووق هههههه

ياستي هي منطقة سوق اسمها سوق الشاطئ عبارة عن تجمع كبيييير للمحلات كل شي بيخطر ببالك من لبس واحذية العفو وبياضات
واشياء مطبخ وغيره وبيناتهم برحة كبيرة جلسات عائلية وبوفيه هيك ظريف وماشي حاله هههه بيقضي الغرض من سندويش لشاي وقهوة وعصيرات واللذي منه

المهم زوجي وصحابه بروحو كل اربعاء على ملعب كرة قدم بيستأجروه كتيير قريب من هالسوق وبياخدونا نحنا هالنسوان معهم
بنزلونا بهالسوق منجلس ومنتسلى ومنكون اخدين معنا شاياتنا وقهواتنا وكيكاتنا خخخخخ ..... وهالرجال بيلعبوا متش الكورة وبس يخلصو بيجو بضبونا ههههه
ومنرجع كل وحدةعلى بيتها يعني تغيير جو ونفسية وجلسة النسوان حلوة ,,, ومو بس هنن يغيروا جو ويروحوا ملاعب ونحنا منروح ورجلنا على رجلهم

شو رايك تروحي معنااااا .... ياليت والله كنا انبسطنا واتسلينا

وعواافي على البطاطا والله طيبة زمان ماعملتها

انا ناوية ان شالله فاصوليا خضرا اذا ربي اراد

مراحب بنات كيف الحال
شو هالصدفة الحلوة دمشقية وانا كمان عملت فاصوليا خضرا عالغدا
نحن منحبها بزيت اكتر من اللحمة
صحة وهنا
نبوعة الله يقومك بالسلامة وصحة وهنا عالغدا

الله يسعد اوقاتكم يارب كيفكم كلكم ان شاء الله الجميع يكون بخير وتكونوا قضيتوا عطلة حلوة
روح عامر حالنا من حالك كل مشاويرنا مولات لا عنا عين الخضراء ولاعين الفيجة ولايعفور الله يحمي بلدنا يارب ويزيل هالغمة عنها
وانا كمان بحب الاكل الهندي مع انه بيكون حااااااااار كتير بس طيب وخصوصا اكلة اسمها مسالا كتير طيبة حتى صرت ساويها بالبيت

هلا نبوعة فكرتك ولدتي ههههههههههه يالله بس هانت ان شاء الله على خير وسلامة
والله يحمي اولادك واولادنا يارب ويهديهم ويجعل ايامهم كلها حلوة
والف صحة وهنا عالبطاطا انا زايد عندي رز ولحم من مبارح الله يديها نعمة على الجميع

اهلين روح عامر كلنا بخير الحمدلله صحة وهنا عالفاصوليا شو متفقة انتي ودمشقية ههههههههههههه وانا كمان بحبها بالزيت بس زوجي واولادي بيرغبوها باللحمة اكتر عشان قدامها رز جوزي بيحب كل اكلة يكون قدامها رز

يسعدلي صباحكم يارب
اهلين روح عامر عوافي على الفاصوليا مضي اليوم بيجي بكرا
اليون عاملة اذا ربي اراد محاشي
مين متلي ههههه الله يديم علينا نعمه
&&&&&&&&&&

اهلين سورية كيفك وكيف الاطافيل
من غير شر مبارح ماسمعت صوتك زوجي دوامه مسا كان وانا مخلصة الرصيد
وانتي ليش ماتتصلي اه

ايسعد صباحك يا حلووة
اي والله مضي يوم واجا يوم انا اليوم لسا عندي فاصوليا بس ياحزرك شو بدي جهز غدا لبكرا ؟؟؟؟؟؟؟؟؟
رح اعمل محاشي
هلأ كنت عم اخود رأي زوجي اعملو محشي كوسا ولا يالنجي بس اتفقنا انو احفر المحشي اليوم مشان بكرا ؟
اي شو ها الصدف تقولي متفقين
صحتين وهنا عالمحاشي ولاتنسي تصوريلنا المحاشي

هلا والله زهورة ...الحمد لله تعبانة بس مابنحكي غير الحمد لله وانتي عارفة تعب الشهر التاسع
انا عندي ولد بتالت وولد بأول الله يحميهم ويهديهم
وانتي شو عندك ؟؟


يــــــــــــــــــــــارب
والله معك حق بكره حالي بالشتا :mad: مابلحق اصفط الأواعي الا أنا بغسل والمصيبة انو بطولوا لينشفوا لإنو ماعندي اختراع اسمو سطح او بلكونة :'(
الله يعينك ويقويكي ويهديلك اياه انا اولادي هلكووووووووووني بالتنضيف
نص عمري معهم لهلأ راح بالحمام وكانو بس اطلع عارفة
شو يعني بس اطلع يساويها :sick:
هو ابنك كم عمره؟؟ كل ماكان صغير كل ماغلب اكتر

لا والله انا بالرياض عايشة
وتتهنوا ع التلج مااحلاه ....الصور بتجنن اشتهينا نكون معكم

هلا هلا نبوعه F:هيك لسا عينك قويه وما ولدتي ههههههه
يا ستي ما ضل اشي بدك تتحملي هالشهر الله يكون بعونك ويقيمك بالسلامه
الله يحميلك اياهم هدول كبار وشطورين انا عندي سابع وخامس واول وحموده بالبيت هههههههه
بالنسبه للغسيل اي والله بدون سطح ما بينشف الاشي غلبه الغسيل هيك
بالنسبه لتنضيف حموده هدلي حيلي الصيفيه الماضيه وكان يعملها ويتخبى يعني بعرف شو عامل يا ستي حموده كمان تلات شهور بطبق 3 سنين اكيد كبير ولازم يتعلم :hysterical:الله يكون بعونا عليهم انا مش عارفه شو بدي اسوي لما اجي اطلع تقولي اول نفر عندي بنضفو :worn_out:
الله يسعدك ويصحلك السنه الجاي تيجي وتشوفي التلج F:

روح عامر ودمشقيه وسوريه الله يسعدلي مساكم يا رب منورات والله F:F:F:
شو هالطبخات هاي اللي بتشهي انا ولا مره عملت فاصوليا بزيت الا بلحمه وبندوره متل الشوربه وجنبها رز ابيض هيك بناكلها بس وبالنسبه للمحاشي من كلامكم صار جاي عبالي اعمل :thumbs_up:
انا يوم الجمعه جابلي جوزي كرشه وفوارغ خروف نسيت شو بتحكولها انتو :worn_out:ونضفتهم وانا واقفه انكسر ضهري وضبيتهم ليوم يجي عبالهم اعملو الهم وبنفس اليوم طبخت فاصوليا بيضا وتغدينا
وحممت الزغار والبنات طلبو يسشورو وسشورتلهم وبعدها رحنا على عرس يعني كان يوم حافل :hysterical:
ومبارح رحنا سلمنا على اخوي عند اهلي وروحت اخر النهار وهي اليوم الشغل اليومي العادي مع انو والله البيت بدو تلييف شبابيك بعد الشتويه هاي والتلجه بس بحكو فيه اخر الاسبوع شتوه خليني استنى شوي :rolleyes:
جاي عبالي رحله على البحر والله مليت :'(