جمعتنا ولمتنا السورية مع احلى رفقة أردنية لشهر ربيع الثاني1432... اتفضلوا صبايا

اهلين روح عامر اعتقد اليوم هو عيد ميلادك صح ؟؟؟

اذا اي فهابي بيرذ دي .... وكل عام وانت بالف خير يارب وان شالله السنة الجاية بتتحقق كل امانيكي يارب

وامين الله يفرجها على اهلنا بسوريا والله مبارح منطقة كفرسوسة موووولعة وهي منطقة بيت اهلي الله يحميهم يارب ويحمي كل الناس اللي هناك
والله يفرجها علينا من اوسع ابوابه

الله يسلمك يارب وهلا امنيتي الوحيدة انو ترجع سوريا متل قبل واحسن
والله يحمي اهلك يارب و جميع الشعب السوري
وكمان ريف حلب مولعة عم نحاول نتصل ببيت حماي مافي تغطية الله يحميهون يارب

صباح الخير جميعا F:F:
روح عامر وسوريه ودمشقيه ونبع الحب وكلياتكم الغايبات والحاضرات :L:
الليله بلش عنا منخفض جديد كانت الدنيا مقلوبه برا من الهوا مش مقلوبه بتنجان وزهره هههههههههههه يعني كل اشي عم يتطاير وزوابع لحقت الغسيلات قبل ما يروحو هههههههههه
واليوم بلش المطر وبكرا بالليل بحكو رح ينزل تلج بس متل هديك المره رح يبطل ينزل على وجهنا :worn_out:الله كريم يا رب المهم عم تمطر وتسقي هالارض
اليوم صبحت جليت كووووووووووووووم جلي :hysterical:شو الجلي هاد اللي ما بيخلص :hysterical:ومبارح عزلت حوض السمك ونضفتو ورجعت عبيتو والله بين اني تعبت فيه :adore:عندي شوية فول اخضر مكسله اقمعهم واقطعهم وشوية جزر بدهم فرم وتفريز :rolleyes:
شو اطبخ اليوم :-#

الله يسعد الحلويين
دمشقية متل ماقلتي وما احلاه يحكي 8o| خخخخخخ بس قلي انتي واختك شرريرين هههههههههه
شو كان في بمنطقة اهلك والله ماشفت الاخبار ؟
روح عامر ومايحرمنا منك ومن طلتك وكل عام وانتي بألف خير وصحة وعافية وتضلي شمعة منورة لسنا وابوها وربي يحقق مناكي ويحمي اهلك واهلي وكل سوريا وشعبها

اهلين زهورة صباح الخيرات والمقلوبات ههههههههههه الله يكون بعونكم والله الجو عنا شووووووووووووووووووووووب حمة ودخيلك انتبهي للغسيلات بلا ماتطير الملابس الداخلية وتوقع عند الجيران :lol: ساعتها بتطالبي فيها ولا بستغني عنهم ههههههههههه تفكير خطير
والله يعطيك الف عافية ويقويك هاد شغلنا وحياتنا والله انا مابلحق نضف البيت الا بيرد بيقلب قلب ويالله همي على الخضار بلا مايخربوا بتلاقيهم وبخصوص الطبخ والله اليوم طلعت الليستة تبع الاكل الي دمشقية بزمناتها كتبتلي ياها وقررت ساوي فاصوليا حب

تسلمي سورية الله يخليكي يارب وانتي تبقي فوق راس ولادك احلى وردة
آمين ربي يحمي اهالينا بسورية ويبعد عنهم الاذى

مسالخير على البنوتات

روح عامر الله يحقق امنيتك اللي هي صارت حلمنا جميع وربنا كريم ان شالله

***********

اهلين زهورة سمعت انو نزل الثلج عندكم
يالله مبرووووك والله يجعل ايامكم وايامنا مثل هالتلج يارب ويزيل الغمة عن الجمييييع
مبارح عنا الجو بجدة رااااااائع كتير كان حلو ,,,,,

*****

اهلين سورية تسلم ايدكم وربي يسعدك انتي وزوجك يارب

صحيح بنات مبارح شفنا نسوان سوريا لابسين فوق العباية لحشات علم الثورة وعم يتمشوا فيه بالسوق
جدا انقهرت مابعرف ليش صابتني صدمة
والافظع جارتي الاردنية بتقللي جاتها رسالة انو يتبرعوا لاهالي سوريا من بطانيات وشراشف وغيره قالتلي صاروا يشحدو عليهم !!!!!!!!!

يالله لوين صرنا والله قهر قهر مو طبيعي الله يجازي اللي كان السبب اللي خللى هالشعب لاجئ وفقير والافظع اللي يشحد بحيلة الاوضاع
والله مالي عارفة حتى اكتب او اظبط الكلمات
كل شي بدي اكتبه ضاااع وتاه مني

وحسبي الله ونعم الوكيل

آخ بس لو شفتها شو هالحكي يلي عم تحكيه نحنا كنا دولة وحدة وشعب واحد وبالآخر كلنا عرب وكلنا إخوة عادي ما فيها شي كل انسان بتعرض لهيك مواقف وما بتعرفي بعدين الاردن شلون راح تصير ممكن حالتنا تصير أسوء ... يارب تهون علينا عن قريب وتفرجها باقرب وقت

هلا فيك دمشقية
ويسعدلي اوقاتك حبيبتي

والله يسعدك والله مابتقصري ياريت يصحلنا نتجمع بدون نت

وشكل حشوتك بتشهي راح جربها ان شاء الله

ومدام منك اكيدحتكون طيبة
....................
بالنسبة للمدرسة احنا بلشنا مع الحكومة يعني بعد العيد وبنخلص بآخر شهر 5 ان شاء الله

الله يعينك لسى مطولين انتو ؟؟شو لشهر سبعة ؟؟بتخلصو من هون و بيبلش رمضان من هون
بس زي ما حكيتي الواحد اتعود ع نظام المدارس وشو مايكون بتلاقي حالك تأقلمتي معو
اهم شي الولاد يضلو بخير وربنا يقدرنا ع تعليمهم يااااااارب

..................
تسلميلي حبيبتي والله يعافيلي البك يارب
عقبال ماتحملي وتتوحمي وتاكلي متلنا هيك وتصيري تتدلعي ع سورية وتطلبي منهااللي بدك اياه
.....................

ان شاالله خوات واعز وربي يديم المعروف والمودة
والله يقويكي ع الأيام الجاية ماشاالله بيتك حيتملى ضيوف
بس مو تلتهي فيهم وتقطعينا
التجمع بدونك مابيسوى شي
.........................................................
.........................................................
هلا سورية كيفك حبيبتي
الله يسلمك يارب
والله للأسف ماعنا البيك ولا عنا مطعم بمستواه تتهنوا فيه بس حرام تغيظيني حامل انا وبتأثر بسرعة خخخخخخخ
بس ياالله صحتين وعافية ازا رحتي كلي عني ههههههههه
وان شا الله بكرة يتحسن وزني الله يسمع منك يارب
.............................................
............................................
روح عامر كيفك حبيبتي
وان شاالله بنضل متجمعين ع الخير يارب
وربك كريييييييم والفرج ان شاء الله قريب من سوريا واهلها الطيبين
........................................
.......................................
هلا زهورة كيفك
الله يعينا ع هالجو والله هالسنة مليت من البرد وولادي استوو من المرض
ويعطيكي العافية والله لو بدخل مسابقة بالجلي لأفوز بالمركز الأول خخخخخخ
وشو ماعندك خضرة هاتيها بنساويها هون مع بعض ايد ع ايد رحمة ..شو رأيك؟؟
...............................
.............................
صبايا طمنونا عن أهاليكم بالشام ان شاالله بخير
الله يطمنكم عليهم ويجمعكم فيهم ع خير يارب
.........................
طولي بالك دمشقية حبيبتي
وان شاالله سوريا بترجع احسن من اول بكتير

جمعة مباركة على الجمييع يارب وربي يفرجها على خلق الله ويكون النا معيييين يااارب


عروسة الميدان بالعكس انا مازعلت من جارتي هي نفسها زعلانة من الجماعة اللي ارسلوا الرسالة وقالتلي الله اعلم هالاعانات بتوصلهم ولا لاء
والطماع واللي نفسه دنيئة عم يشحد بحجة هالناس اللي اتعترت ....ماشفتوا بقنوات الامارات والسعودية على تبرعوا وحملة اغاثة

حسبي الله ونعم الوكيل احسن شي الله يفرجها على الجمييع يارب

اهلين نبوووعة تسلميلي يارب كللك ذوووق
وانا والله مطولة بالي بس مقهورة على حالنا والله كريم بتفرج
المظاهرات والزعرنات صارت بالشام وكل كم يوم في مظاهرة وتششيع اموات وبالتشييع بروح كمان اموات وعلى هالحالة
الله يحميهم يارب


وان شالله منجتمع ربك قادر على كل شي والدنيا صغيرة كتتتتير ...

يالله بس تعمللي المعكرونة ان شالله بتدعيلي او بتدعي عليي هههههه وهنا وعااافية على قلبكم سلف وعلى قصة البيك عن نفسي انا وزوجي
بتصدقي انو مامناكلو الا بالسنة مرتين بالكتييييير ... انا بحسو زنخ كتييير وكلله دهن بحب الحراء منه يعني بتخف زنخته
هدا رايي وكلهم بخالفوني عليه بس سبحان الله نفسيات هههه

اما عن المدرسة فوالله حق معك طوووويلة كتيير انا اتعودت بس بزعل على محمود الكل بعطل وهو لسى مداوم ... احتمال اذا غيروا مكان المدرسة
نغيرها كلها ومنشوف شو ربي بيكتب

وتسلميلي يارب الله يسعدك وانتي ربي يقومك بالسلامة وتولدي من اول طلقة ومن غير تعب
يالله قربتي والله اعلم ولا متلنا بتاخدي شهرك كللو هههههه

ومابقدر اقطعكم انتو اخواتي والله ....وانا عادتي احيانا بهرب من اللي موجود من البيت ههههه وبعمل بريك لحالي وبدخل عالشات اشوفكم
ماانحرم من هاللمة وانتي لا تحرمينا منك اذا ولدتي متل بعض جماااعة ماعاد شفنا وجههم هههههههه
ان شالله نشوفهم على خير ويكونو بالف خير ياااارب هنن وانتي

جمعة مباركة عالجميع
روح عامر الله يسعدك يارب كيف سنا ؟
اهلين نبوعة ياستي ربي يهنيكي بصحتك وعافيتك وخلص ماعاد غيظك مرة تانية التوووووووبة ههههههههههه
دمشقية الله يسلمك قلبك والحمدلله على سلامة زوجك الله لايخليكم منه
وآآآآآآآآآآآآآآآآآآآآآآآآآآآآآآآآآآآآآآآه ايه والله شي بيقهر وبيخزي بس مو طالع بإيدنا غير الدعاء ربي يفرجها من عنده

الدمشقية;15989296:
اهلين نبوووعة تسلميلي يارب كللك ذوووق

الله يسعدك انتي الزووووء F:

وانا والله مطولة بالي بس مقهورة على حالنا والله كريم بتفرج
المظاهرات والزعرنات صارت بالشام وكل كم يوم في مظاهرة وتششيع اموات وبالتشييع بروح كمان اموات وعلى هالحالة
الله يحميهم يارب

والله معك حق بس مافي شي بإيدينا غير الدعاء
وربك كبير مابينسى عبادو ...كل اللي استشهدو عمرهم انتهى وصدقيني هني هلأ بإذن الله بتنعموا بالجنة
الله يصبر أهاليهم ويرحم حال أهل سوريا
ويحميهم يــــــــــــــــــــــارب


وان شالله منجتمع ربك قادر على كل شي والدنيا صغيرة كتتتتير ...

بـــــإذن الله تـــعـــالــى

يالله بس تعمللي المعكرونة ان شالله بتدعيلي او بتدعي عليي هههههه وهنا وعااافية على قلبكم سلف

لاااااااااااااااا شو أدعي عليكي الله يسامحك صح بحب الأكل ;) بس مو لها الدرجة ههههههههههه

وعلى قصة البيك عن نفسي انا وزوجي
بتصدقي انو مامناكلو الا بالسنة مرتين بالكتييييير ... انا بحسو زنخ كتييير وكلله دهن بحب الحراء منه يعني بتخف زنخته
هدا رايي وكلهم بخالفوني عليه بس سبحان الله نفسيات هههه

سبحان الله فعلا الدنيا أزواء ....بتعرفي يمكن لو انو عنا نمل منو بس لإنو بعيد بنشتهيه :p

اما عن المدرسة فوالله حق معك طوووويلة كتيير انا اتعودت بس بزعل على محمود الكل بعطل وهو لسى مداوم ... احتمال اذا غيروا مكان المدرسة
نغيرها كلها ومنشوف شو ربي بيكتب

معك حق والله انا بحزن عليهم من كتر الدراسة والهوم وورك مومتل الخاص
ان شاالله بكرة بتشوفيه اكبر دكتور وبتنسي كل هالتعب

وتسلميلي يارب الله يسعدك وانتي ربي يقومك بالسلامة وتولدي من اول طلقة ومن غير تعب
يالله قربتي والله اعلم ولا متلنا بتاخدي شهرك كللو هههههه

الله يسعدك ويسمع منك ...والله اولادي اخدت شهري كلو بس هاد ممكن يكون غير(من باب التفاؤل)
بدك الصراحة كتير خايفة من الولادة ومابعرف نام بالليل :'(

ومابقدر اقطعكم انتو اخواتي والله ....وانا عادتي احيانا بهرب من اللي موجود من البيت ههههه وبعمل بريك لحالي وبدخل عالشات اشوفكم
ماانحرم من هاللمة وانتي لا تحرمينا منك اذا ولدتي متل بعض جماااعة ماعاد شفنا وجههم هههههههه

الله يديم المحبة يارب وماننحرم من بعض ...وشو أقطعكم ماصدقت لقيتكم ههههههههه


ان شالله نشوفهم على خير ويكونو بالف خير ياااارب هنن وانتي

ان شاالله بيوصلوا بالسلامة ويارب دايما حبايبك حواليكي :L:

سورية وبفتخر;15989392:
جمعة مباركة عالجميع
روح عامر الله يسعدك يارب كيف سنا ؟
اهلين نبوعة ياستي ربي يهنيكي بصحتك وعافيتك وخلص ماعاد غيظك مرة تانية التوووووووبة ههههههههههه

الله يسعدك يارب ....شو رأيك ماعاد نجيب سيرتو للبيك :mad:عشان ماحدا يتعب نفسيا ههههههههههههه :sick:

دمشقية الله يسلمك قلبك والحمدلله على سلامة زوجك الله لايخليكم منه
وآآآآآآآآآآآآآآآآآآآآآآآآآآآآآآآآآآآآآآآه ايه والله شي بيقهر وبيخزي بس مو طالع بإيدنا غير الدعاء ربي يفرجها من عنده

مسا الخير للجميع
والله يهدي الاوضاع بسوريا وترجع متل ما كانت واحسن من قبل
دمشقية سورية عروسة نبوعة سلاماتي للكل
هلأ سنسونة عمري عم تضوج كتير بالبيت وانا مافيني اطلع لحالي من البيت لازم استنى زوجي حتى يطالعنا الله بيعين والله بتديق اخلاقي كتير معها وفوقها بيجي ابوها وبيصير يقلي سكتيها وببدا كمان هو نق بقلو لمين بدي لحق الك ولا الها
عنجد اعصابي عم تتعب كتير
وشو كنت ناوية جيب 24 ولد بقلكون حلوين الولاد بس كتير متعبين الله يخليلنا ولادنا ويبعتلون ايام احلى من ايامنا
شو سير الحب عندكون خبرونا ليوم السبت
انا بكرا بخبركون بس فيق
وهلأ تصبحو على خير

صباح الخير على الحلوات

سورية الله يسلمك ومايحرمني منك انتي كمان وربي يفرج همك ويحقق مناكي ياااارب
ماقلتيلي طلعتوا اليوم ولا لاء
والله نحنا جلسنا بالبيت ولقتها حماتي من الله ومضى اليوم ... ستي الحمد لله

&&&&&&

هلا روح عامر الله يسمع منك ووسلامك وصل ربي يسلم قلبك يااارب

سلامتها سنا والله حق معها مسكينة بتطفش الله يعينها ويعينك انا لو مكانك بطلع وبفوت ومابقصر باخد معي عربية لسنا وبتمشى فيها كل يوم
اصلا انا اللي كاسر ايدي ورجللي هو وجود حماتي معي والا كنتي شفتيني شطاطة ههههه اعتقد ؟؟!!

هلا وغلا نبوووعة تسلميلي يارب وما ننحرم هالطلة والصحبة الحلوة

و ياااربي يقومك بالسلامة لا تخافي ولا شي انتي قولي يارب وربك رحيم وان شالله ولادتك ميسرة باذن الله انتي فكري بلقاء البيبي وبس
ولا تنسي وقت الطلق خدي شهييييييق وزفير هههههه عن جد يريحك كتيير ويخفف المك وخللي حدا من اللي حواليكي يفرك لك اسفل ظهرك كمان تريحك
باذن الله وكللي تمر قدر ماقدرتي هذا الشهر وقلبي وبالي معك الله يسهلها عليكي وعلى كل حامل ياااارب

وبخصوص ولادنا الله يسمع منك ونشوفهم يارب باعلى المراتب ومحققين كل شي بيتمنوه يارب
ونحنا على راسهم خخخخخخ

شو راح تنزلي الصيفية اذا ربي اراد الاردن ؟؟
عاد راح عليكم التلجات بيجننو على التلفزيون نيااالهم ماشالله

اهلا دمشقية الله يسلمك يارب
مو المشكلة بالطلعة بس ماخرج اطلع لحالي ببيتي صايرة المنطقة شوي مقطوعة يعني لسا بناء جديد
عم استنا يخلص عقد البيت مشان نروح على بيت بقدر اطلع لحالي وان شاء الله خير

الله يصبحكم يالخير يارب
هلا نبوعة خلص متل مابدك المهم تكوني رضيانية ومتل ماقالتلك دمشقية فكري بالبيبي وبس والله انا متلك كنت كتير فكر وخاف بس بالاخر ربي يسهلها من عنده حتى هدى لما ولدتها نزلت لحالها مااستنت الدكتورة لتجي على ايد الممرضات
اهلين دمشقية خانوم الله يخليلي يخليلي ياكي لا والله ماطلعنا قلي زوجي ماشبعتي طلعات الك يومين عم تطلعي :( عجبك بقى بيعين الله
اهلين روح عامر الله يسلم قلبك يارب وان شاء الله ربي يحمي بلدنا واهلها
والله الحق معك شي بيديق الخلق يالله طولي بالك هي حياتنا وبدنا نتعود شئنا ام ابينا وولادنا رح يتعودوا متلنا اه من الغربة كربة
انا اليوم ناوية ساوي كشري اذا الله اراد شي بيحير اتفضلوا

صباح الخير على الجمييع

روح عامر الله يكتبلكم الخير يااارب وان شالله بتلاقو بيت كويس يعوضك عن اللي فات

*****

اهلين سورية يالله ستي لا تزعل كلهم هيك انا والله قلتهم محمود عنده اختبار وهما ماصدقوا
وبيني وبينك مالي نفس عالطلعة كان فعشان هيك مازنيييت