جمعتنا ولمتنا السورية مع احلى رفقة أردنية لشهر ربيع الثاني1432... اتفضلوا صبايا

صباح البرد والتلجات الحلوات اللي دابو :thumbs_up:
اما اجا يومين منخفضين ورا بعض كل ليله تلجه شكل والله انبسطنا فيهم هاي اول مره بنشوفو الشتويه هاي بس هلا حالة انجماد مش طبيعي والله الدنيا برا سوده من الغيوم والهوا شكلو بقص قص الموجه هاي عمت الاردن وفلسطين وسوريا ولبنان الله يسهل الاحوال
ومحسوبتكم مريضه وعيوني بيحرقو وبيدمعو وانفي عم يشرشر بعيدن عنكم :hysterical:مع اني ما لعبت بالتلج الولاد طلعو يومها وعبو البيت تلج وجاكيتات مبلوله واحذيه غرقانه مي :hysterical:
اشتقنا للصيف والدفا والطلعات الخفيفه مش كل مشوار طن اواعي :hysterical:حتى مبارح ما رحت عند اهلي تكنكنا بالبيت :worn_out:
كيفكم انتو وكيف الزغار ان شاء الله تكونو بصحه وخير F:

الله يسعد اوقاتكم جميعا
دمشقية كيفك وحشتيني وكيف صارت شامو ان شاء الله احسن
وياستي اتعودنا عليهم بيعين الله شو رح تطبخي اليوم والله انا محتارة والمشكلة انه بيتي فاضي لازم انزل السوق على الله
اهلين زهورة كيفك خلص دابوا التلجات ماحلهم ههههههههه ياريتك صورتيلنا ياه بس ليش مالعبتي فيه والله حلو وسلامة قلبك اكيد مع هيك جو بدك تمرضي الله يشفيك يارب
وشوفي الشتا اله اجوائه الحلوة والصيف اله اجوائه يعني بتتشتاقي للتنين
شو اخبار كاتس مع بناتها وهالبردات سلميلنا عليها
باقي الصبايا ان شاء الله الكل يكون بخير

الدمشقية;15990073:
هلا وغلا نبوووعة تسلميلي يارب وما ننحرم هالطلة والصحبة الحلوة

هلا حبيبتي ........آمين الله يسعدك يارب F:

و ياااربي يقومك بالسلامة لا تخافي ولا شي انتي قولي يارب وربك رحيم وان شالله ولادتك ميسرة باذن الله انتي فكري بلقاء البيبي وبس

الله يسلمك ويسعدك :( والله غصبن عني خايفة الله يهونها

ولا تنسي وقت الطلق خدي شهييييييق وزفير هههههه عن جد يريحك كتيير ويخفف المك وخللي حدا من اللي حواليكي يفرك لك اسفل ظهرك كمان تريحك
باذن الله وكللي تمر قدر ماقدرتي هذا الشهر وقلبي وبالي معك الله يسهلها عليكي وعلى كل حامل ياااارب

ان شاء الله هيك ناوية ....الله يسمع منك يارب :) وعقبال مااهون انا عليكي قريبا ان شاء الله
وبخصوص ولادنا الله يسمع منك ونشوفهم يارب باعلى المراتب ومحققين كل شي بيتمنوه يارب

اللهم آمــــــــــيــــــــــن

ونحنا على راسهم خخخخخخ

;) ههههههههههاي طبعا ان شاء الله
شو راح تنزلي الصيفية اذا ربي اراد الاردن ؟؟

هيك النية وربك يسهلها والله انا عن حالي بخاف من نزلة الأردن :sick: كتير فيها وجع راس
بس لازم نشوف الحبايب :) شو بدنا نعمل وان شاالله انتو كمان بتكون امور سوريا تمام وبتنزلو تفرحو مع اهاليكم F:
عاد راح عليكم التلجات بيجننو على التلفزيون نيااالهم ماشالله
:pوالله كان نفسي العب بالتلج انا وولادي ونعمل رجل التلج العجيب:lol: بس يالله ماالنا غير الخيال

روح عامر;15989903:
مسا الخير للجميع

مسا الورد

والله يهدي الاوضاع بسوريا وترجع متل ما كانت واحسن من قبل

يـــــــــــــــــارب

دمشقية سورية عروسة نبوعة سلاماتي للكل
هلأ سنسونة عمري عم تضوج كتير بالبيت وانا مافيني اطلع لحالي من البيت لازم استنى زوجي حتى يطالعنا الله بيعين والله بتديق اخلاقي كتير معها وفوقها بيجي ابوها وبيصير يقلي سكتيها وببدا كمان هو نق بقلو لمين بدي لحق الك ولا الها
عنجد اعصابي عم تتعب كتير

معليش حبيبتي مسكينة بتمل حاولي تفتحيلها ع طيور الجنة يمكن تلتهي شوي أو أفلام الكرتون أو حتى انتي لعبيها ونوعي باللعب معها ميشان انتو التنتين تغيروا جو
وبالنسبة لجوزك لا تلوميه والله بيجو تعبانين وبدهم يرتاحو من قرف الشغل وحاولي تتعرفي ع جارات تغيري معهم روتين حياتك ومنها بتتغير نفسيتك
وشو كنت ناوية جيب 24 ولد بقلكون حلوين الولاد بس كتير متعبين الله يخليلنا ولادنا ويبعتلون ايام احلى من ايامنا

:) انا متلك نفسي يكون عندي اولادكتير ولما أكبر الاقي البيت مليان بس
:confused: تعبهم كتير الله يحميهم غير انو الحياة غالية
شو سير الحب عندكون خبرونا ليوم السبت
انا بكرا بخبركون بس فيق

انا عني اليوم طبخت منزلة زهرة باللبن والطحينية
امممممممممم شو طيبة (لسى ماكلة صحن قبل شوي :D)
وهلأ تصبحو على خير

سورية وبفتخر;15990274:
الله يصبحكم يالخير يارب

الله يجعل أيامك كلها خير وسعادة F:
هلا نبوعة خلص متل مابدك المهم تكوني رضيانية
هلا حبيبتي وطول ماانتو خواتي انا رضيانه :adore:

ومتل ماقالتلك دمشقية فكري بالبيبي وبس والله انا متلك كنت كتير فكر وخاف بس بالاخر ربي يسهلها من عنده حتى هدى لما ولدتها نزلت لحالها مااستنت الدكتورة لتجي على ايد الممرضات

والله غصبن عني خايفة :'( وبحاول اخفف عن حالي واتفاءل والله يسهلي اموري
اهلين دمشقية خانوم الله يخليلي يخليلي ياكي لا والله ماطلعنا قلي زوجي ماشبعتي طلعات الك يومين عم تطلعي :( عجبك بقى بيعين الله
اهلين روح عامر الله يسلم قلبك يارب وان شاء الله ربي يحمي بلدنا واهلها
والله الحق معك شي بيديق الخلق يالله طولي بالك هي حياتنا وبدنا نتعود شئنا ام ابينا وولادنا رح يتعودوا متلنا اه من الغربة كربة
انا اليوم ناوية ساوي كشري اذا الله اراد شي بيحير اتفضلوا

الله يزيد فضلك يارب ويديم عليكي نعمته انا كتير بحبو للكشري صحتين وهنا يارب F:

زهرة المناره;15991861:
صباح البرد والتلجات الحلوات اللي دابو :thumbs_up:

هلا والله صباح الوردF:
اما اجا يومين منخفضين ورا بعض كل ليله تلجه شكل والله انبسطنا فيهم هاي اول مره بنشوفو الشتويه هاي بس هلا حالة انجماد مش طبيعي والله الدنيا برا سوده من الغيوم والهوا شكلو بقص قص الموجه هاي عمت الاردن وفلسطين وسوريا ولبنان الله يسهل الاحوال

الله يعينكو وماأظن بعد هالمنخفض في شي
ومابنحكي غير الحمد لله انو احنا دفيانين ببيوتنا الله يعين المساكين اللي بفلسطين وسوريا ويرحم حالهم
ومحسوبتكم مريضه وعيوني بيحرقو وبيدمعو وانفي عم يشرشر بعيدن عنكم :hysterical:مع اني ما لعبت بالتلج
سلامة ألبك ...والله لو انا مكانك لأطلع والعب مادام اني مريضة ومريضة :sick:
الولاد طلعو يومها وعبو البيت تلج وجاكيتات مبلوله واحذيه غرقانه مي :hysterical:

المهم انهم انبسطو والله يعينك ع الحوسة اللي عملوها بعد مافاتوا ع البيت :|
اشتقنا للصيف والدفا والطلعات الخفيفه مش كل مشوار طن اواعي :hysterical:حتى مبارح ما رحت عند اهلي تكنكنا بالبيت :worn_out:

انا والله كمان نفسي يجي الصيف مو متل الشتا ازا كل واحد دخل تحمم امتلت سلة الغسيل من كتر طبقات الأواعي اللي بتكون ملبوسة الله يعينا

كيفكم انتو وكيف الزغار ان شاء الله تكونو بصحه وخير F:
الحمد لله انا وولادي بخير والجو عنا بررررررررد وغبررررررة البيت مابينظف الله وكيلك ونفسنا كلو غبرة بس اظن انو خلص هاي اخر بردات (متفائلة :study: الأخت )

عيوني سكروا خلص

بدي اروح انام شوي قبل لا أصحى للمدارس

بشوفكم بكرة ان شالله وانتوا كلكم بخير وسعادة

بحفظ الله

صباح النور والانوار والخير والخيرات على الحاضرات والغايبات ( عم اشعر )
نبوعة ربي يسعدك ويجبلك الخير ويقيمك مجبورة الخاطر والف صحة وهنا عالمنزلة والله يديم نعمه عالجميع شكلك بتسهري بتحبي السهر ولا مالك فيه ؟

يسعد مساكم يارب

زهزرة الحلوة اهلين فيكي ياقمر
وان شالله كل ايامكم حلوة ومتل الثلج ..... والله يعينك عاد على السئسئة وغلاظة المي هههههه بس اكيد المهم ان الاولاد انبسطوا ولعبوا

&&&&&

اهلين سورية حبيبة قلبي شامو اليوم احسن صارت بس لازم النئ والسئ يالله يحميهم ومايمرض حدا فيهم ههههه
كيف ولادك ان شالله احسن ؟؟

والله اعلم هالاسبوع مافي سوق الشاطئ لانو مافي لعب ... خسارة والله اتعودنا ههههه

***********

اهلين نبوووعة العسل تسلميلي يااارب
وياستي كل هالمخاوف بتتبدد بالراحة والاطمئنان وببتبقى ذكرى الك لما بتشوفي البيبي على خير ياااارب

ومنشان نزلة الاردن كلنا بالهوا سوا سبحان الله الا مايصير بنزلتنا على بلدنا حسد وديقة عين ومشاكل من اهلنا واهالي زواجنا بالاخص
بس بتعدي ومنسافر ومنبوس التوبة بس منرجع منعيدها خخخخخخ مالنا غنى الله لا يحرمنا بلدنا ولمة اهلنا الحلوة يااارب

سورية وبفتخر;15993438:
صباح النور والانوار والخير والخيرات على الحاضرات والغايبات ( عم اشعر )

صباح السعادة ياشاعرتنا ومساء الورد والياسمين F:

نبوعة ربي يسعدك ويجبلك الخير ويقيمك مجبورة الخاطر

الله يسمع منك يارب ومايحرمني منكم :L:

والف صحة وهنا عالمنزلة والله يديم نعمه عالجميع

ع ألبك حبيبتي ...آمين الله يديمها ويزيدها يارب

شكلك بتسهري بتحبي السهر ولا مالك فيه ؟

اه والله بسهر بس برضو غصبن عني :thumbs_down: مابعرف نام من أول الحمل ومعي قلق مو طبيعي
بس بحب اسهر بس مو لهاي الدرجة لإنو عندي فيقة بكير وانتي عارفة المدارس :hysterical:
يعني لو اجازة مابيهمني ;)
لإني هلأ بضل تعبانة طول اليوم من قلة النوم والراحة غير تعب الحمل

وجعت راسك صح :rolleyes:

الدمشقية;15994062:
يسعد مساكم يارب

الله يسعدلي أيامك F:
زهزرة الحلوة اهلين فيكي ياقمر
وان شالله كل ايامكم حلوة ومتل الثلج ..... والله يعينك عاد على السئسئة وغلاظة المي هههههه بس اكيد المهم ان الاولاد انبسطوا ولعبوا

&&&&&

اهلين سورية حبيبة قلبي شامو اليوم احسن صارت بس لازم النئ والسئ يالله يحميهم ومايمرض حدا فيهم ههههه
كيف ولادك ان شالله احسن ؟؟

سلامة ألبها شام وطول ماالجو هيك بيضلو تعبانين الله يحميهم يارب

والله اعلم هالاسبوع مافي سوق الشاطئ لانو مافي لعب ... خسارة والله اتعودنا ههههه

***********

اهلين نبوووعة العسل تسلميلي يااارب

هلا والله وغلا ...الله يسعدك F:
وياستي كل هالمخاوف بتتبدد بالراحة والاطمئنان وببتبقى ذكرى الك لما بتشوفي البيبي على خير ياااارب

ان شاء الله ع خير وهداة بال :o

ومنشان نزلة الاردن كلنا بالهوا سوا سبحان الله الا مايصير بنزلتنا على بلدنا حسد وديقة عين ومشاكل من اهلنا واهالي زواجنا بالاخص

اه والله معك حق بنكون نعد الأيام لتجي الإجازة وبالآخر بنرجع ماكلين هوا وبحاجة لإجازة من هالإجازة وكلو كوم والحسد الله يبعدوا عنا كوم :mad:
بس بتعدي ومنسافر ومنبوس التوبة بس منرجع منعيدها خخخخخخ مالنا غنى الله لا يحرمنا بلدنا ولمة اهلنا الحلوة يااارب

ههههههههه ألبنا طيب بننسى ....آميــــــن

وبدك الصراحة والله بنشتااااق لبلادنا وريحتها وشوارعها وشوفة اهالينا بالدنيا كلها

مساء الخير
هلا دمشقية وينك انتي اه 8o|خخخخخخخ يااهلين وسهلين يعني ان شاء الله راحت الحرارة من شام الله لايمرضهم ولايوجعهم الحمدلله اولادي احسن
لاااااااااااء مافي روحة عالسوق طيب ليش مابدهم يلعبوا ييييييي عليهم :-#( عم احكي كأني ضمنانة انه جوزي حياخدني )

اهلين نبوعة الله يسعدك ومعك حق بخصوص السهر الله يعينك والله انا من غير حمل بقلق مابنام لحتى فكر بمية شغلة بعكس زوجي ماشاء الله عليه بيحط راسه عالمخدة وبيروح بسابع نومة بعدين انا بحب اسهر لأنه بيكونوا ولادي ناموا من غير شر وبيهدى راسي منهم

صباح الخيرات على الحلواات

نبوووعة حياتي ربي يسلمك ويسعدك ان شالله دوووم

والله شام هلكتني خمس ايام سخونة ووجع بطن مرة ووجع راس مرة وخدي نئى بس الحمد لله نوعا ما صارت احسن
ومتل ماقلتي الجو بمرض والله هالايام جدة مابتعرفوها درجة الحرارة عم تصير عنا 22 وهالشي طبعااا نادر بس الجو خياااال لو جدة على طوول هيك ياسلام ههههه

وبخصوص بلادنا لك تضل بخير ووالله مستعدين نتحمل كل غلاظة ناسها الغلاظة ههههه
بس تكون بخير والله لا يحرمنا منها يارب

صحيح شلون بتقضوا وقتكم بالرياض بقللي زوجي ناااشفة ومافيها شي
يعني وين بتروحوا وين بتتسلوا وهيك .....

سورية مية اهلين وسهلين اشتقنالك والله
انا هووون حبيبتي وين بدي كون ياحسررررة ههههه ... واسمعي بقللي زوجي انو في سوق بقى شدي حالك وورجيني شطارتك
هالمرة شو بتقوليلوا يا حزرك

بتقولي لكن عشان اختي وستك اخدتنا عالسوق بس عشاني انا لاء ان شالله عمري ماروح وانبسط ,,, اهئ اهئ وهيك بيمشي الحال خخخخخخخخ
(( ياشريرة ياأنا )) ههههه

صباح الفل يا فلل F:

سورية وبفتخر;15992032:
الله يسعد اوقاتكم جميعا
دمشقية كيفك وحشتيني وكيف صارت شامو ان شاء الله احسن
وياستي اتعودنا عليهم بيعين الله شو رح تطبخي اليوم والله انا محتارة والمشكلة انه بيتي فاضي لازم انزل السوق على الله
اهلين زهورة كيفك خلص دابوا التلجات ماحلهم ههههههههه ياريتك صورتيلنا ياه بس ليش مالعبتي فيه والله حلو وسلامة قلبك اكيد مع هيك جو بدك تمرضي الله يشفيك يارب
وشوفي الشتا اله اجوائه الحلوة والصيف اله اجوائه يعني بتتشتاقي للتنين
شو اخبار كاتس مع بناتها وهالبردات سلميلنا عليها
باقي الصبايا ان شاء الله الكل يكون بخير

صباح الورد :L:
ايه دابو من يوم السبت ومبارح شمست وكانت دفا بس لسا جوا البيوت برد موت
والله صور صورت ببقى انزلعم هون لعيونك وبجيبلك صور من الصحف كمان لانو البلد كلها انبسطت عليه وعملو نهفات حلوه رح فرجيكم اياها الله يبسط الجميع
بالنسبه للمرض مبارح تحسنت واليوم مسكتني الكحه والله ناشفه وبتجرح حلقي :'(
كاتي يا ستي انحشرت اسبوعين بالبيت :worn_out:ومبارح ما سدقت والشمسات يطلعو وراحت عند اهلي شفتي بالله مستغله انو ولادي بالمدارس وراحت بالله ما بدها قتله 8o|واخوي كمان يومين جيتو بالسلامه والله بحب شوفتو ومزحو وكلامو الله يخليلنا اياه :thumbs_up:وان شاء الله يتوفق بالعروس وينبسط واحنا نفرفش شوي بقى :worn_out:

الدمشقية;15994062:
يسعد مساكم يارب

زهزرة الحلوة اهلين فيكي ياقمر
وان شالله كل ايامكم حلوة ومتل الثلج ..... والله يعينك عاد على السئسئة وغلاظة المي هههههه بس اكيد المهم ان الاولاد انبسطوا ولعبوا

&&&&&

هلا هلا بدمشقيه الغاليه وهي غاليه F:
والله تحملنا الميايا والوسخ شو بدنا نعمل هي مره بالسنه بشوفوه والحمد لله السدود عنا تعدت الخط الاحمر هيك بيحكو :worn_out:لانو كل سنه بزلونا على قلة المي عنا بالاردن كل منطقه الها دورة مي يعني ما بتضل شغاله طول الاسبوع يعني منطقتي مثلا بتيجي عنا المي يوم الاثنين والثلاثا بنغسل وبنعزل وباقي الاسبوع على اللي بنعبيه بالخزانات بندير بالنا عليه بس احنا شرينا خزان زياده عشان بالصيف ما ننقطع بعين الله
سلامة ولادك وولاد شاميه يا رب ان شاء الله احسن اليوم F:

صباح العسل يا نبع الحب ما زبط اعملك اقتباس لانك مجاوبه جوا الاقتباس ههههههههههه ما علينا
كيفك اليوم وكيف الزغار ما حكتيلي شو عندك اطافيل بعرف بس انك حامل الله يقومك بالسلامه
اه والله الله يهونها على الناس اللي مش لاقيه مأوى خصوصي اللي بنزحو من سوريا لعنا والله انهم بحزنو الله يرجعهم لبلدهم سالمين غانمين
بالنسبه للغسيل بتكون السله فاضيه بس يتحممو تعالي تفرجي على السله بتكون بدها تنفجر من كتر الاواعي اما بالصيف يا دوب هالشورت والفانيلا ههههههههههه
ادعولي كمان الله يهون علي تنضيف ابني السنه مع اني زهقتكم الصيف الماضي وانا بخحكيلكم بنضف فيه بس ما زبط متل الطنجره ولا استوعب او بلاحرى مستوعب بس ما بدو جكر فيي شو اعمل انا
افهم انك ساكنه عنا بالاردن ولا وين الله يعينكم عالغبره والله بتمرض وبتعمل ضيق تنفس يا ستي هانت قربت تصيف

الدمشقية;15994704:
سورية مية اهلين وسهلين اشتقنالك والله
انا هووون حبيبتي وين بدي كون ياحسررررة ههههه ... واسمعي بقللي زوجي انو في سوق بقى شدي حالك وورجيني شطارتك
هالمرة شو بتقوليلوا يا حزرك

بتقولي لكن عشان اختي وستك اخدتنا عالسوق بس عشاني انا لاء ان شالله عمري ماروح وانبسط ,,, اهئ اهئ وهيك بيمشي الحال خخخخخخخخ
(( ياشريرة ياأنا )) ههههه

اهلين دمشقية العسل وانا والله اشتقتلك كيفكم لسى محمود عنده اختبارات ؟
وحلو يعني سوق الله يبشرك بالخير :D ولاتخافي عليي انا تربايتك ان شاء الله مو بس حيحرمني من روحة السوق كمان من الجية لعندك:lol:

اهلين زهورة الامورة وحشتينا وياستي التلج عاجلا ام اجلا بده يدوب بس اهم شي شفتوه وماضل بخاطركم وبإنتظار الصور ها
ومسكينة كاتي الحق معها تطلع محبوسة اسبوعين بالبيت بعدين هلأ هيه عصفور طيار ماعندها مدارس لازم تستغل الفرصة مو متلك الله يعينك
وسلامة قلبك اشربي زعتر او بابونج منيح لحلقك والله انا بلش حلقي يوجعني الحمدلله
وان شاء الله بتتهنوا بجية اخوكم وبيتهنا فيكم الله يخليلكم ياه وتفرحوا فيه يعني خلص نقيتوا العروس ؟ طيب اذا اتزوج حيضل بالاردن ولا حيرجع هو وعروسته على اميركا ؟ اسئلتي كتيرة صح :D

روح عامر اشتقنالك طلي علينا ان شاء الله تكوني بخير يارب