جمعتنا ولمتنا السورية مع احلى رفقة أردنية لشهر ربيع الثاني1432... اتفضلوا صبايا

والله يا اختي يادمشقية مافي أحلى من الرفقات
وبخصوص هالكلمات فعلا ضربت عالوتر مع اني ماشفت حماتي غير اسبوعين بعد ما تزوجت وماشفت منها الا كل خير بس الامر لا يخلو شفت شوي بهالاسبوعين
عنجد زادت محبيتي بأمي أكتر واكتر واكتر الله يخليلي ياها ومايحرمني منها اطيب واحن ام
اما بخصوص سيرة الحب مبارح عملت يالنجي وطلع طيب
بس اليوم معزومة عند بيتزا هت زوجي عازمني تفضلوا
باقي البنات طمنونا عنكون

كل عام وانتوا وامهاتكم وكل ام بالعالم بألف خير والله يخليلنا ياهم ومايحرمنا منهم كنت متمنية كون جنب امي واحتفل فيها ونفرحها بوجودنا كلنا حواليها الله يفرجها من عنده
هلا زهورة كيفك ياقمر الف صحة وهنا عالمعكرونة والله طيبة كيف ماكانت انا طبخت رز وبامية ويلي بعده رز بتونا واليوم اوزي الحمدلله على نعمه
وماقصرتي بخصوص غرفة الاولاد والله هيك اريح النا والهم

اهلين دمشقيتي كيفك وانتي الله يطعمك الصحة والعافية
يعني اليوم رايحين لما حكيت مع حماتك كانت تعبانة قلت يمكن اليوم مافي سوق اليوم ولاشو ؟

هلا روح عامر ان شاء الله دوم مبسوطة والله مافي احلى من الرفقة
وكتير حلوة هالقصيدة هههههههههههه اكيد يلي كتبتها دايقة الامرين في متل بيقول الحماية لو كانت ولية الا ماتهز براسها شوية انا حماتي كان الها منايح معي كتير وكان الها قبايح كمان الله يرحمها ويسامحها

هلا هلا روح عامر الله يديم المعروف والصحبة الحلوة يااارب

وبخصوص حماتك ياستي هي فطرة يعني الشغلة اكيدة ومتوارثة ههههه الحمد لله على كل حال

وهنا وعوافي على البيتزا والله بيتزا هت لا يعلو عليها ابداااا

***********

اهلين سورية تسلميلي يارب ويخليلي ياكي
وبخصوص الروحة والله مابعرف مابتعرفي النغمة يعني ... بس انا على الاكيد رايحة حتى لو ماهي رايحة لاني مضطرة وبدي جيب الهدية
ولا شو قولك

مسا الخيرات عالحلوات :025::025:
شو عاملات شو طابخات شو مسويات :worn_out:
حبيت سلم عليكم قبل الاجازه الاسبوعيه :thumbs_up:

سلام لللجميع عالحاضر والغايب
دمشقية الله من عالي سماه يكون بعونك ويحمل معك احسن شي واجرك على الله
بس ليش وقفتوا لتشتروا شنطة شو جوزك ماعجبه اللحاف ؟

اهلين زهورة كلنا بخير الله يسلمك اليوم ماطبخت اكلنا التصافي واليوم رايحة لعند دمشقية وبدنا نساوي حفلة صغيرة لحماتها بعيد الام

جمعة مباركة على الجميييع يارب

اهلين زهورة وسورية يسعد اوقاتكم واوقات كل الصبايا الغايبات

شو مشاريعكم اليوم انا على الاغلب بالبيت هيك الهيئة

هلا دمشقية علينا وعليكي يارب ونحنا اليوم قضيناها بالبيت انا مكسلة كتير وحاسة بدني متكسر وهيني عم اتفرج على عرب ايدل شو بتقولوا مين رح يربح

يسعدلي اوقاتك سورية شايفة هي اليوم الحال من بعضو والله هيك صاير فينا وحتى على ايكيا مارحنا

النتائج بكرا ان شالله تفوز المغربية صوتها راااااااائع

مرحبا صبايا كيف الصحة والحال
صاير يوم الجمعة متلو متل اي يوم بس الفرق ابو العيال بالبيت
كيف الجو بالسعودية لسا رمل وغبرة متلنا
زهورة كيف الجو عندك صار دافي ولا لسا برد

نبوعة ان شاء الله تكوني ولدتي وتيسرت ولادتك

اهلين دمشقية واوقاتك يارب حتى انتوا مارحتوا شو صاير علينا مابعرف
وانا كمان بشجع المغربية بس تشجيع من دون ما اصوت خخخخخخخخخ

اهلين روح عامر كيفك وكيف سنا الحلوة الله يحميها وفعلا يوم الجمعة متل اي يوم عدا عن هيك بتكون الطرقات كلها زحمة يعني اذا بدنا نروح اي مشوار بياخد اقل شي ساعة بيكون المشوار طلع من نفسنا
والجوعنا صاير حلو هوا من غير غبرا
شو سير الحب عندكم اليوم انا زوجي راح من الصبح عالباحة وبيرجع بالليل رح ساوي معكرونة الي وللاولاد مع لبن زبادي

ان شاء الله تكون نبوعة ولدت طبيعي الله ييسرلها ولادتها هيه وكل حاااااااااااااااامل يارب

مراحب صبايا وينكون بشو مشغوليين
توقعنا المغربية تفوز بس ع طول عم يصير العكس
سيرة الحب اليوم صينية فروج وبطاطا تفضلو
وهلأ رح انزل لعند جارتي المصرية عندا بنوتين تعرفت عليها جديد والله عم انبسط عندا وعم نغير جو انا وسنا
ان شاء الله يكون الجميع بخير

مسالخير

اهلين روح عامر الله يقويكي يارب وعوافي على البطاطا اكلة طيبة وظريفة وكويس اللي اتعرفتي على جارة الحمد لله بتغيري جو انتي وسنا

*********

اهلين سورية شايفة من كتر ماشطينا الاربعا والخميس بطل النا نفس على الجمعةههههه
الله يرجعلك زوجك بالسلامة يارب
انا راح اعمل كباب هندي ان شالله والله يديم النعم وصحة وهنا على المعكرونة

شايفةهي طلعت المغربية يقطع عمرهم مع انو صوتها راااااااااائع وكتييير مميز بس المميز مابيطلع ستارز للاسف هزولي بدني هههههه

مرحبا جميعا F:
يسعدلي اوقاتكم يا رب شلونكم يا حلوين
شو لسا نبوعه ما حكت ان شاء الله تكون بخير

روح عامر كيفك الجو عنا دافي بس مغبر يعني بدك تقولي خماسيني بس لازمنا شوية مطر تنزل الغبره :hysterical:
سوريه ودمشقيه كيفكم اليوم صحتين وعافيه عالاكلات كلو نعمه من رب العباد الحمد لله احزرو قضيت الاجازه بالعقبه اكيد بتعرفوها بينها وبينا بعمان اربع ساعات بعيده والله بس شو بدنا نعمل فش عنا غير هالخليج :(
بس الحمد لله انبسطنا وغيرنا جو وكان دفى كتير وحلو بس بالليل برد كنا نتقل باللبس خصوصي ازا طلعنا سهرنا عالشط وكان معنا صاحب جوزي ومرتو وولادهم تسلينا والله ولا بالعاده الجمعه عندي زي عندكم ملل وطفاش خصوصي اخر فتره قضتها مطر كل جمعه
شريت خفاقه للكيك والبيض والكريما واللزي منو مع عجانه كنت بدي اشتري لحافات بوليستر ما كان في وسع بالسياره :'( حكالي المشوار الجاي بنشتريهم حتى انا قلت مع حالي الشتا خلص يعني لو خليتها للشتا الجاي مش مشكله على خير يا رب
حكيت كتير كني :worn_out:صح نسيت احكيلكم اني عامله كوسا مخشي باللبن تفضلو :thumbs_up:

هلا روح عامر كيفك نحنا موجودين والف صحة وعافية عالبطاطا والفروج والله طيبة
وشايفة خسارة ماربحت المغربية وحلو اتعرفتي على الجارة والله بتتسلي وبتغيري جو والمصريين طيبين كتير
اهلين دمشقية كيفك ياحلوة والله غير انه شطينا الاربعاء والخميس يعني نحنا مامنتعب من الشط بس مافي همة ولابال رايق الحمدلله
وانتي الف صحة وهنا عالكباب الهندي انا رح ساوي ملوخية اليوم اذا الله اراد وجوزي رجع مبارح شي الساعة وحدة الا
والله انا كمان انهز بدني على ا لمغربية بس يالله بكرة بتلاقيها طلعت اغاني وفيديو كليبات اكتر من المصرية

اهلين زهورة كيفك وحشتينا والله والحمدلله على سلامتكم المهم غيرتوا جو وانبسطوا وحلو هيك مشوار مع جمعة يعني ماتكونوا لحالكم ياستي ان شاء الله دوم مبسوطين
ومباركة العجانة والخفاقة والذي منه ههههههههههههه والله ماقصرتي بتفش القلب يالله عم نستنى مواهبك هاه ماعاد الك حجة :lol:
وصحة وعافية عالكوسا باللبن انا بتمنى اعملها بس زوجي مابيحبها بس لما دمشقية بتساويها بتشيلي حصتي