لمتنا وجمعتا السورية مع احلى صحبة أردنية لشهر محرم 1433هـ تفضلوا صباياا

سلام يا حلوات يلي على الشات غايبات عساكم بخير يا قمورات
عم نستنى التعليق كاتس

وينكم وينكم شو صاير بالشات يلي كان عم يغلي نار
طمنونا عنكم سورية يا قمر طمنينا عن دمشقية
زهورة وكاتس بانتظار اخباركون
عروسة شو اخبارك
شو القصة بنات

مراحب صبايا كيفكن
عم جهز حالي لسعودية مبارح رحت اشتريت اواعي من ريد تاج وسنتر بوينت وقصرت عباياتي مشغولة كتير بالبيت والولاد ولسا بدي ساوي شعري

معقول اليوم ما حدا فات الشات شو هالقصة وين زهورة وكاتس وسورية وكل البنات

صباح النور والانوار والخير والخيرات اشتقتلكم كتيييييييييييييير وقلت اكيد مشيتوا شي عشر صفحاتى سامحوني والله النت كان مقطوع
كيفكم كلكم
روح عامر طمنيني عنك وعن سنا ان شاء الله بخير
عروسة الميدان كيفك جاية لعنا على جدة مية اهلا وسهلا بس خدي معك ملابس سميكة شوي خصوصا للاولاد والله عم يصير برد نحنا ماعاد شغلنا المكيفات يالله الله يسرلك امورك وتوصلي بالسلامة
كاتس شو هالاشياء الحلوة عم نستنى التعليق شوقتينا
يابنات الدمشقية بتسلم عليكم كلكم وهيه واولادها الحمدلله بخير ومبسوطين وبيرجعوا يوم الجمعة ان شاء الله طبعا انا رح طق بلاها اشتقتلها كتييييييييييييييير
اليوم زوج دمشقية جاية يتغدى عندي بدي ساوي ستيك الدجاج وشوربة ماجي وبطاطا مقلية وفتوش اتفضلوا
يابنات بتعرفوا طريقة صوص للستيك تكون طيبة وسهلة

أهلا سورية يلا معزورة بس لاتعيديها مرة تانية هههههههههه
توصل بالسلامة إختك سبحان الله الواحد مابيعرف يعد من غير الشخص يلي بحبو انا إختي بعيدة عني يا ريت جنبي
بالنسبة للستيك ماما بتساويها كتير طيبة بتحط صويا صوص وليمون وبهارات وملح وفلفل وتوم مدقوق هدا ازا بدا تأليها اما ازا شوي مع خضرة بالفرن يالله شو طيبة

اهلين فيك عروسة الميدان خلص ماعاد اعيدها التوووووووووووووووووبة :lol:
الله يسلمك يارب يعني الدمشقية هيه ونسي يهالغربة وانتي اختك وينها بسوريا ولابلد تاني
وبالنسبة للستيك رح اسوي متل طريقة امك الله يخليلك ياها بس رح اضيف عليها جبنة موزريلا

إختي بمحافظة تانية يعني متل دمشق وحمص . بس زوجا عسر شوي ما بخليها تجي لعندي الي متزوجة 4 سنين ومازارت بيتي الا مرة وبس ساعة بشتهي تجي يوم لعندي مع انو زوجا بجي يومين بالاسبوع لعمان (يعني لمحافظتنا) بشتغل هون بجامعة بس ما بجيبها الله يصبرها ويصبرنا . بتهون ان شاء الله .
لك مو عرفانة شو آخود للولادي أواعي آعدة بس اسبوعين ، آخود جاكيت جوخ وشتوي ولا مافي داعي؟ آخود كنزات صوف؟ على علمك التنزيلات لسا موجودة؟ ردي علي لا تنسيني بزعل ها . ههههه طمنيني شلون تطلع الستنيك

ما شا الله أواعيها كتير حلوين ... وتوزيعات بسيطين وحلوين .... بحب اللون الازرق اشتريت لفروح كنزة ابل يومين نفس هدا اللون
ابقي فوتي الشات دايما شو وراكي كلن بنتين

يسعدلي صباحكم يارب
عروسة الميدان ربي يكون بعونك والله صعبة يحرق حريشه هالصهر يلي عندك شو ماعنده اخوة ان شاء الله مع الزمن يلين ويتغير
ياستي والله عنا برد يعني يمكن انتي ماتبردي لأنه اكيد بردنا غير بردكم بس على اولادك برد بقى اعملي حسابك وبالنسبة للتخفيضات لسى ماشية عنا
اما الستيك فطلع جنااااااااااااااااااااان كتير حبوه الحمدلله الله بيض وشي كتير كنت خايفة مايزبط

اهلين بصمصومة قلبي كاتس دخيل لبنى السريعة انا ( هاد افلام كرتون بتعرفوه شي ) هههههههههه والله التوزيعات كتير حلويين وبالعكس كل ماكانوا بسيطين كانوا احلى وبيكفي انه شغل ايدك ومن ابداعك
دخيل ملابس تالا العسل ان شاء الله لبس العافية كيفها مع رند الله يحميها
وان شاء الله سلامك بيوصل لدمشقية وياستي ولايهمك الهدايا بالنص ففتي ففتي خخخخخخخخ سلميلنا على زهورة قليلها المزرعة اخدتك منا بكرة بدي قلهم يسكروها ههههههههههههه

روح عامر وينك ياقمر اكيد طفشتي لأنه ماحدى عم يدخل الشات بس هينا عدنا تعالي والله قلبك ابيض

كيفكن صبايا
معروف لبنى السريعة كنت كتير حبو انا صغيرة
شو سير الحب اليوم
هاتي لشوف شلون عملتي الستيك من الألف للياء

وأخيرا رجع الشات متل اول والله فكرت انكون نسيتو هالتجمع الحلو
بس عنجد انا كنت زعلانة لأنو انا عم اسأل ولا حدا سائل
ع كل بسيطة المهم رجعتو والله اشتقنا للحكيات ولسير الحب
سورية وعروسة وكاتس سلامي للكل عنجد معكون بنسى غربتي تسلمولي ما أحلاكون
سورية هانت ما بقي كتير وابتجي دمشقية ان شاءالله
عروسة السنة الجو كتير برد يعني جيبي شتوي للولادك وان شاء الله تنبسطي بالسعودية
بس هالسنة ابرد من يلي قبلا وخاصة بالليل صحيح انا بالامارات بس اكيد الجو بيشبه جو السعودية
كاتس ابداع وكتير حلوين التوزيعات وحتى لبس بنوتك كمان حلوين الله يعطيكي العافية

هلا عروسة الميدان والله انا كمان كنت حب لبنى السريعة ههههههههههه
سيرة الحب اليوم بازيلا بالجزر ورز بالشعيرية ان شاء الله
ياستي طريقة الستيك اول الشي قطعت الصدور نصفين بالعرض لأنه سميك وحطيت شوية زيت بالمقلاية وقليتهم على الوشين بعدين قطعت بصل شرايح ودقيت سنين توم وقليتهم بالزيت وقطعت فلفل رومي وجزر شرايح وضفت عليهم قدر ملعقتين صوص صويا والبهارات كمون وفلفل اسود وكاري وملح وجبت كاستين مي ودوبت فيهم ملعقتين طحين كبار وملعقتين حليب بودرة وضفتهم فوق الخضار وصرت حركهم على النار لحتى الخليط تقل وصبيته فوق الستيك ورشيت عليه جبنة موزريلا وحطيته بالفرن وشغلت عليه من فوق لحتى دابت الجبنة
والله كتير طلع طيب جوز اختي ياكل ويقلي تسلم ايديك وانا كنت مايطلع طيب لأني اول مرة بساويه
وجبت خبز صامولي وقطعته قطع بالميل وفيته بصينية الفرن ودقيت توم ناعم ودهنت على كل قطعة وحطيت جبنة موزريلا فوق التوم وقطعة زبدة فوق الجبنة ودخلتهم الفرن كتييييييير لذيذة
هي من الالف للياء منيح

اهلين روح عامر الله لايزعلك يارب ايه والله جمعتنا وصحبتنا هونت علينا غربتنا الله يجمعنا ببعض ربنا قادر على كل شي
ايه والله قربت الدمشقية تجي حتى زوجها اشتقلها ومو مصدق ايمتى يجوا وقاعد عم يغيرلها بالبيت ويجددلها فيه الله يخليهم لبعض ويخلي لكل وحدة زوجها قولوا أمين
وفعلا هالسنة برد اكتر من يلي قبلها والله عم نام من غير مكيف وعم نبرد وعم يصير هوى قوي
شو سير الحب عندكم اليوم

يسلمو سورية راح جربا بإزن الله
انا اليوم مال طابخة شي مشغولة وتأجل سفرنا ليوم الجمعة الجوازات ما طلعت هالقنصلية السعودية دما بارد مع احترامي للساكنين هنيك هههههههه
اهلا روح عامر وأخيرت بينتي والله سألنا عنك ارجعي لورا وشوفي

صبايا مو نحنا بشهر صفر؟ ولا انا غلطانة؟

مراحب يا بنات كيفكم أنا بخير الحمد لله الشغل آخدني من كل شي بهالدنيا بس أكيد ما بنسى طل من فترة لفترة شو هالبردات ماكانو يخلصو كل يوم منقول بكرا بتخلص موجة هالبرد والله تكتكنا
قال سمعنا بالسعودية نازل تلج والله كتير استغربت أول مرة بسمع أنو بالسعودية نزل تلج كتير ناس من الخليج والسعودية واليمن قالولي ما منعرفو ولا بحياتنا شفناه
المهم الحمد لله أنو الله من علينا وبعتلنا الخير والمطر اليوم ما شاءالله الصبح طلعت والسيول ماشية

كاتي ما طلعو الصور عندي مدري ليش حاولت كتير وحدثت الصفحة كتير ما طلعو

سوريا والله كل يوم ببحتار شو بدي أطبخ اليوم عم افتل بالسيارة وقول شو بدي جيب شو بدي أطبخ طلعت معي بدي جيب صدورة وجرب الكوردون بلو أنا كتير بحبو ومرة شفت طريقتو عل فتافيت خرطت مشطي قلت رح جربها قام زوجي اتصل وقللي مو جاية اليوم على الغدا أجلتها
بس يعني وصفتك بتنصحيني فيها وعلى كفالتك ؟؟

دمشقية شكلها استرطبت عنا وعجبها الجو بس للأسف ما حدا قدر يطلع عالتلج السنة على بلودان بس بالنسبة الها شوفة الأهل أحلى سيران

عروسة ان شالله بتوصلي بالسلامة يارب

روح عامر كيفك والله هالدنيا آخدتنا الله يعفو عنا وكل واحد ملتهي بشغلو وبولادو وبمشاكلو بس أكيد ما مننسى بعض لو تأخرنا شوي