لمتنا وجمعتا السورية مع احلى صحبة أردنية لشهر محرم 1433هـ تفضلوا صباياا

الدمشقية;15893693:
هلا وكل الغلا كاتي تؤبشي قلبي وانتي بالف خير ياررررب وربي يخليلك زوجك وبنوتاتك
قبلاتي للبنوتات
ونحنا عاذرينك حبيبة قلبي بس مو تسوئي فيها وتبطلي تطللي علينا .... عم نشتااقلك كتير

وماشالله عنك شطوورة عملتي ضراسك والله انا خااايفة الله يسهللي واعملهم وضلك ادعيلي بهالسفرة لا تنسيني
وان شالله ارجعلكم بخير وسلامة يااارب ههههه

سورية وبفتخر;15891804:
صباح الخير
اهلين بكاتس صمصومة قلبي طل القمر الله يسعدك يارب نحنا مو عاتبين عليك الله يكون بعونك كلنا مننشغل وفعلا النهار قصير وانتوا زايد عليكم البرد
كيف تالا ورند ان شاء الله مو مغلبينك كتير الله يحميهم وكل سنة وتالا سالمة يارب وان شاء بتفرحي فيها هيه ورند وبخصوص العطلة زهورة عم تعرفك على الوضع الدراسي من هلأ جودي عطلت من الاسبوع الماضي وصرعت مخي وهيه تقلي ايمتى بدي روح عالمدرسة مفكرة انا معطلتها بكيفي ههههههههه
وبرافوا عليكي عم تشتغلي بأضراسك واسنانك منيح لحقيهم لأنه والله وجعهم صعب والدكتور مابيخلص بجلسة ولا جلستين بيضل الواحد رايح وجاية
اماعن المزرعة فهيه والله بتلهي بس طمنيني انتقلت العدوى تبع المزرعة لزوجك لأنه زوج زهورة شكلها عجبته ههههههههه
ودمشقية والله نازلة سفرها يوم الجمعة ان شاء الله وهلأ مشغولة باقيلها كم غرض من السوق

الله يسعد اوقاتكم يارب
هلا روح عامر كيفك وكيف سنا والله انا مستفقدة لدمشقية كتير الله يبسطها ويرجعها لبيتها سالمة هيه واولادها وحماتها والله على اساس تضل بسوريا بس 15 يوم
اهلين كاتس العسل ياربي يكون بعونك والله انا متلك بس زايد عليي انه اخو زوجي مقيم عنا ولحقي اذا بتلحقي الحمدلله
لكن قلتيلي زوجك ماحبها للمزرعة والله احسنله انا طفشت منها وخصوصا انه مزرعتي كبيرة يعني بتاخد وقت بالزراعة والحصاد هههههههههه
وبظن ان شاء الله دمشقية تدخل لهون يعني مارح تتركنا
واكلاتي ياستي اليوم ساويت رز ببازيلا وجنبها سلطة بخيار وبكرة اذا الله راد رح اعمل صينية كباب هندي
سلامي لزهورة

صباح الخير للجميع كيفكم لا تواخوني طلاتي صايرة قليلة والله ما منصدق لتجي هالكهربا ونشتغل شغلنا والله عنا بحرستا عم تنقطع 6 ساعات باليوم واذا كان في مشاكل او تشييع بيدعمونا الجمعة طفوها من العشرة الصبح للسبعة المسا بس أنا كنت بالمزة عند حماتي

دمشقية أهلا وسهلا فيكي والله عم قول ليش الشام منورة والخيرات هلت الله يبعت الخير يارب كنتي ستني للربيع أحلا ولا منشان المدارس أكيد

كاتي كيفك وكيف هالبنوتات معك الله يخليلك ياهن الصغيرة حلوة متل أختها لأنو تالا ماشالله كتير أمورة

روح عامر وعروسة الميدان كيفكم للأسف مابقدر أقرأكل أخباركن لأني عم غيب كتير ان شالله تكونو بخير وسلامة

مسا الحلوين يا حلوين
دمشقيه بوساتك وسلاماتك وصلت ولا يهمك هههههههههههه
ان شاء الله ترجعيلنا بالسلامه وشوية هدايا هههههههههههههههههه
باقي الحلوات كيفكم شاميه وسوريه وروح عامر وعروسة الميدان وام تالا
كيف البرد عندكن احنا النا اسبوع متنا من التجمد والله برررررررررررررررد من الاخر ويا ريتها تلجت ضحكو علينا شتيت شوي وخلص الحمد لله
اللهم اسقنا الغيث

سلام ياحلويين
اهلين شامية الله يسعدك يارب عم نشتقلك كتير ياربي يكون بعونكم ويفرجها عليكم
اهلين زهورة الامورة كلنا بخير الحمدلله وحتى نحنا عنا برد اكيد مو متل البرد يلي عندكم
يالله اتوصي بالاكلات الحامية يلي بدفي متل لكوسا المحشي والملفوف
شو سير الحب عندكم انا اليوم صايمة وزوجي مسافر رح طلع بواقي الاكل يلي عندي واقلي شوية بطاطا للاولاد
سلامي للجميع

اهلا ب شامية والله يكون بعونكن يارب بخصوص الكهربا والله يخلصنا على خير من هالازمة
زهورة الامورة الدنيا برد عندكون ونحن فيه برد بس مو متل عندكون متل ما قالت سورية
الله يكون بعونكن عالبردات اتدفو منيح
سورية الله يتقبل يارب صيامك اسكبيلي صحن بطاطا قبل ما يجي زوجي لأني محمية من المقالي وزوجي مانعني من المقالي صحتين وهنا يارب
سلميلنا على دمشقية

كيفكم ياحلويين
اهلين روح عامر والله يتقبل منا ومنك يارب يعني انتي بلشتي ريجيمات يالله الله يقويكي وحلو انه زوجك عم يساعدك الله يخليكم لبعض يارب وبيوصل سلامك لدمشقية هلأ الكل عم يعزمهم من بيت لبيت الله يبسطهم ويرجعهم سالمين
شوسيرة الحب اليوم انا مبارح زوجي ماسافر بس ضليت على موقفي وطعميتهم البواقي هههههههههه عم فكر اليوم ساوي كشري

اهلا ب سورية الحلوة انا ما مشان ريجيم ما باكل مقالي بس انا محمية من المقالي والبقوليات والحد مشان معدتي
بس اكلت شي منون بتصير بتوجعني
اما بالنسبة للريجيم ما بحسن طبق ريجيم بس عم حاول خفف اكل مع الرياضة وان شاء الله اضعف
الله يهنيا يارب لدمشقية بالاجازة وان شاء الله دايم مبسوطين

روح عامر انتي احلى ياعمري عشان معدتك ربي يشفيكي خلص ولايهمك كل مرة رح اكل عني وعنك وكتير منيح اهم الشي الرياضة احسن من اي ريجيم
كيف سنا الامورة عم تعذبك

مرحبا ياحلوات ياأمورات ياغايبات
سلامي للكل
هلا بسورية سنا بتسلم عليكي والله ما في احلى من الولاد الصغار عنجد ضحكة بتنسيكي كل التعب
الحمد لله رب العالمين
والله يبعتلي اخوة واخوات الها
سنا تعلمت عادة مو منيحة وهي الرضاعة باصبعتا وهلأ بلشت نسيها هالعادة عم تعذبني كتير بس عذاب هلأ ولاتتعذب متلي بعدين كنت متلا لما كنت صغيرة وبعدين انتهى فيني هالشي عند دكتور الاسنان وتقويم اربع سنين
سلامي لجميع الغايبات

هلا روح عامر شايفة اديش في غياب بهالشات بدنا نخصم عليهم :lol:
الله يسعدها لسنا خانم ايه والله الاولاد مافي احلى منهم زينة الحياة الدنيا ربي يطعمهم لكل محروم ومشتهي ياااااااااااااااااااااااااارب
وايه والله لحقيها لسنا من هالشغلة خطية بلا ماتعاني متلك شام بنت دمشقية هيك كانت كمان
باقي الصبايا طلوا علينا 8o|

مراحب صبايا
سامحوني زمان ما فتت
اولا كنت عند اهلي اجا اخي من سعودية وضليتني هنيك
تانيا زوجي قبل يومين كان تعبان معو شد عضلي بضهره اخد اجازة يومين
تالتا ملتهية بولادي فرح مغلبة شوي
رابعا فرمتت جهازي فبطل يكتب عربي مبارح فتت قرأت اخباركن وطلعت اليوم زبطتو الحمد لله
طمنوني عنكن انتو

مرحبا للجميع كيفكن بشوف الشات واقف محلو ليه هيك شكلو دمشقيه اللي كاينه مشيه التجمع وانتو شو بتسوووووو
سوريه تقبل الله منك ان شاء الله
والله هينا مشغولين بالمطبخ والطبيخ من كوسا لورق عنب لسبانخ لملفوف مبارح عملت فوارغ هههههههه
روح عامر كيفك احلى اشي بالدنيا الاطافيل بجننو وهمه مبسوطين وبفقعو وهمه نكدين
حاولي تمنعيها لبنتك ازا طالعلها سنان مع انو بحكو مص الاصبح عاده منيحه للطفل ما بعرف والله

عروسة الميدان هلا فيكي حمد الله على سلامة اخوكي وجوزك كمان هههههههه
كيفك وكيف فروحه اليوم
له له سلامتو للجهاز ما يشوف شر هههههههه

كيفكم ياحلويين
هلا عروسة الميدان وحشتينا والف سلامة لزوجك والله مرض الرجال كتير صعب انا زوجي طفشني وماشاء الله لسى اخوكي ومرته عندكم ؟ الله يهنيكم يارب
والحمدلله على سلامة جهازك هههههههه ديري بالك عليه عليه عشان ماننحرم منك

اهلين زهورة قلتيلي ليش الشات واقف 8o| لأنه حضرتك ماعم تدخلي عليه :mad:
( مزح ها لا تضربي :067: ) :lol: الله يتقبل منا ومنك يارب والف صحة وهنا عالاكل ماشاء الله عليكي عم تبدعي كيف اولادك مع العطلة ان شاء الله مبسوطين
سلامنا لكاتس

سلام صبايا
شو سيرة الحب اليوم .... انا اليوم طابخة محمر جاج وبصل بالفرن بتعرفوها؟؟؟؟ وعملت لبنتي معكرونة ولابني سيريلاك ههههههههه

كيفك زهورة ... فعلا عم تحكي عن الشات واقف وحضرتك ما عم تفوتي .. شوفيني ما انشطني كل يوم بفوت الحمد لله
زوجي تحسن بتعرفي الرجال نص مرضو دلع ... وبنتي الحمد لله منيحة وجهازي اتصلح الحمدلله

شلونك سورية وشلون دمشقية عم تحاكيها؟؟ سلميلنا عليها كيف اوضاعها واوضاع ولادا