لمتنا وجمعتا السورية مع احلى صحبة أردنية لشهر محرم 1433هـ تفضلوا صباياا

هلا وكل الغلا كاتي تؤبشي قلبي وانتي بالف خير ياررررب وربي يخليلك زوجك وبنوتاتك
قبلاتي للبنوتات
ونحنا عاذرينك حبيبة قلبي بس مو تسوئي فيها وتبطلي تطللي علينا .... عم نشتااقلك كتير

وماشالله عنك شطوورة عملتي ضراسك والله انا خااايفة الله يسهللي واعملهم وضلك ادعيلي بهالسفرة لا تنسيني
وان شالله ارجعلكم بخير وسلامة يااارب ههههه

صباح الخيرات والليرات
عروسة الميدان صحة وعافية على شوربة الفريكة ونحنا منحبها كتير وبساويها كتير وانا بقطعلها بطاطا مكعبات صغيرة وجزر وكوسا وبصل وطبعا لحمة وبساويها بطنجرة الضغط اممممممممم
اهلين دمشقية الله يسعدك يارب ويخليلي ياكي وماانحرم منك ياحق

صباح الفل على الحلوين والامامير والشطورين
عروسة الميدان وروح عامر وسوريه ودمشقيه وكاتي وكل الحلوات ما حد يزعل ازا نسيت حد ها
دمشقيه ان شاء الله توصلي بالسلامه يا رب وكاتي اخيرا طليتي لازم نحكيلك حمد الله على السلامه
هات يا حبيباتي بالنسبه لطبخاتي مبارح عملت صينية بطاطا بجاج وقبلو رحنا عالمطعم وقبلو عند اهلي اكلنا منسف بس هههههه اليوم شكلو معكرونه بالباشمل

في اخبار انو بالاردن في موجة صقيع زي ما قلتو ابتداء من بكرا الله يعينا اليوم بدي اعبي جرة الغاز السبير ما بدري شو بسير معو الواحد ويااااااااا رب نشوف التلج بحكو جاي المنخفض من تركيا الله يجيب الخير لانو عنحد السنه محل كانت
مش اخر الشهر عيد ميلادي بطبق يا حفزين السلامه 33 سنه وااااااااااااااع

مرحبا ياحلوات كيف الصحة
دمشقية الله يسرلك نزلتك يارب وتنبسطي فيها كتير وترجعيلنا بخير وسلامة
جهزي حالك عالبردات والصوف والجوخ وكل شي سميك
عروسة صحة وهنا عالشوربة بس انا اول مرة بسمع فيها
زهورة صحة وهنا ع كل الاكلات ياعيني عالمنسف الاردني بيقولو كتير طيب زوجي بيروح عند رفقاتو وبياكول منو بيقلي كتير طيب
وصحة وهنا عالمعكرونة بالبشاميل
وكل سنة وانتي سالمة يارب ومتل ما بيقول كاظم كل ما تكبر تحلا وتصير أحلى وأحلى
وان شاء الله هالسنة تتحقق كل يلي بتتمنيه :G::G::G::G:
انا عيد ميلادي باليوم الكبيس يعني 29 شباط يعني كل اربع سنين عندي عيد ميلاد حلو ما هيك
اما بالنسة لسيرة الحب اليوم رح اعمل مسقعة الكوسا تفضلو

السلام عليكم

انا بيبي من الاردن

أهلين دمشقية هيك كانو عم بقولوا فيه منخفض بس كلو كزب ليكا الشمس ما احلاها برة ... رايحة عالمطار جيب اخي ومرتو واولادو من جدة جايين

أهلا بيبي ؟ شلونك؟ عرفينا عن حالك

زهورة كل سنة وانتي سالمة يارب العمر كلو

روح عامر بكرة الحرارة 14 مو تلج ... الله أعلم شو بصير
الله يعين اولاد اخي جايين من سعودية من حر لبرد

مرحبا يابنات كيفكم شو الأخبار عندكم لأنو أخبارنا أكيد عنكم بالنسبة الي أنا بخير أنا وسلومة يلي صاير أزعر كتير كتير كتير
الخميس منخلص ومنعطل عطلة الربيع يلي عملت ريجيم وصارت اسبوع واحد بس
روح عامر من يومين كنا عم نقول أنو هي السنة كبيسة وسلفتي قالتلي يا حرام يلي عيد ميلادو بهاليوم شو مظلوم طلعتي انت عيدك بهاليوم يا سبحان الله على هالصدفة

شلونك شامية وشلون سلومة..... يارب تنفرج عنكن قريبا جدا زوجي وعدني بس تنفرج امور الشام لينزلي عالشام ونفطر عجبل قاسيون

اهلين زهورة الامورة والف صحة وعافية عالاكل وخصوصا المنسف اممممممممم شو طيب
وكل عام وانتي بألف خير مقدما وان شاء الله العمر كله
اهلين روح عامر والف صحة وهنا عالمسقعة انا بعرفها بالباتنجان مو الكوسا
بيبي اهلا وسهلا فيك نورتي عرفينا عن حالك
عروسة الميدان الحمدلله على سلامة اخوكي ومرتوا واولاده
شامية وحشتينا ياعسل ربي يفرجها عليكم من عالي سماه يارب ويحميكم بحماه
دخيل قلبوا سلومة صاير ازعر الله يسعده
وشو قصة العطلة بس اسبوع واحد يعني مابتلحقوا ترتاحوا فيه الله يعينكم

صباح الخير على الجميع

اهلين سورية الله يسعدك يارب وان شالله بيجي زوجك بالسلامة يارب
كيف قضيتي اليوم ؟ ظرريف مو لا تقليلي خفيف نضيف خخخخخخخخخخخخ

************

زهوورة الامورة هنا وعوووافي يارب على الاكلات والله يديمها علينا نعم يارب
وتسلميلي يارب الله يسلمك ان شالله من كل شر

واي والله خدي كل احتياطاتك افضل والله يقويكم على البردات كللو عسل وكتروا بدفي هههههه

وان شالله العمر كلله يارب وانتي بالف خير وسلامة وعافية لا تنسي تقليلنا عن الهدية ههههه

*********

روح عامر مية اهلا وسهلا فيكي والله يسعدك ويخليلكي يارب
الله يسمع منك ان شالله يارب تمرء هالاجازة الطارئة على خير واكون انا وولادي واهلي وانتو كمان بالف خير يااارب
والله جهزت حالي وحال ولادي والله يستر

اهلين عروسة الميدان الحمد لله على سلامة اخوكي وعيلته والغايب الكم والهدية النا ههههه
ان شالله بتنبسطو وبتتهنو يارب
واصلا الشتا هلأ بلش فالله يعينكم يارب على المربعانية (( مو هيك بقولولها ؟؟؟ )) هههه

*******

اهلين شامية الله يقويكي يارب ويعينكم ان شالله ومنيح اسبوع ماشي حاله احسن من بلا
والله يخللي سالم ويحميه ربي وتجيبله اخ او اخت خخخخخخ

*********

بيبي اهلا وسهلا فيكي وبكل اهل الاردن
تشرفنا بمعرفتك

صباح الخيرات
اهلين دمشقية الله يسلمك يارب والله قضيت اليوم على اللاب توب مزرعة ولعب خخخخخخخخ واخر شي ختمتها واتفرجت على فيلم الاجنبي الحاسة السادسة خلص الساعة 3بالليل وانه كان يجيني نوم خفت هههههههههههه

شو في مافي .... مافي حدا اليوم من غير شر

اهلين سورية قلتيلي لكن غير شكل سبحان الله هههههه قال قضى احسن من قضى خخخخخ

ياستي والله اشتهيتك اليوم بسوق الشاطئ والله كان نفسي نجي وناخدك بس والله ماصار نصيب
المهم اني خلصت غراضي جبت العسل اليمني وجبت جاكيت لمحمود وجرابات شتوية الهم وجبت فيزون رمادي الي هههه كتير ناعم وطري وبيلبق كتيير
على الكنزة

منشان بكرا احتمال نجيكم نحنا لان علي عنده شغل قدام بيتكم فاحتمال كبير نسهر هالمرة نحناعندكم ان شالله
بردلك خبر اذا اكيد او لاء

الله يسعد اوقاتكم يارب
شو وين البنات غاطين :-o من غير شر
اهلين دمشقيتي خخخخخخخ ايه والله قضى احسن من قضى وياستي المهم انبسطوا وودعتي جيرانك وجبتي اغراضك الله يعوض عليكي يارب
واهلا وسهلا فيكم خلص عم نستناكم ورح ساويلك اكلة طيبة كمان امري لله :D
زهورة وكاتي وعروسة الميدان وروح عامر وشامية ولولية وعروسة ابراهيم وام ناصر
وينـــــــــــــــــــــــــــــــــــــــــــــــــــــــــــــكم طلوا

من غير شر مافي حدا غير الاخوين شوقي ههههه
سوريتي وجهك ابيض والله على طووول والله يجمعني فيكي قريب وبخير وسلامة يارب

سورية وكل البنات استودعتكم الله الذي لا تضيع ودائعه فهو خير حافظ وهو ارحم الراحمين ...
سامحوني اذا زعلت حدا فيكم بكلمة او رد والله اني احبكم جميعا في الله ويشهد الله انكم اخوات غاليات على قلبي
كاتي وزهورة راح مر فوق الاردن اذا ربي اراد وراح ابعتلكم سلامي من الهواء مباااشر ههههه ... حبيباتي
وباقي البنات سلامي الكم ياغاليات وان شالله اتواصل معكم اذا ربي اراد

طيارتي بكرا الضهر فسلامي لكم ولا تنسوني من دعائكم

السلام عليكم ورحمة الله وبركاته

سلام
تقبري قلبي يادمشقية ان شاء الله ترجعي بسلامة يارب ربي يبسطك ويسعدك ويبعد عنك كل اذى
بوسيلي ابي وامي وكل اخواتي :'(
باقي البنات ان شاء الله الكل يكون بخير

مرحبا يابنوتات الله يكون معك يا دمشقية وسلميلنا ع سوريا وان شاء الله تكوني مبسوطة هلأ لأنك اكيد صرتي بين اهلك
سورية الله بيعينك ع بعد اختك قديش رح تبقى بسوريا دمشقية
بس الغريبة وين كل البنات ليش ما حدا عم يدخل توقعت افتح الصفحة شوف الكل ان شاء الله يكونو بخير