لمتنا وجمعتا السورية مع احلى صحبة أردنية لشهر محرم 1433هـ تفضلوا صباياا

آآآآآآآآآآآآآآآآآآآآآآآآآآآمين يارب حسبي الله على كل ظالم ياربي فرجك على سوريا واهلها
شفتوا يابنات خربوا البلد الله لايسامحهم والله يصبر اهالي يلي راحوا

صباح الخير والاحساس والطيبه هههههههههه حولت الاغنيه من مسا لصباح هههههه
كيفكن يا حلوات الشات
واخيرا عطلو الولاد وخلصنا اختبارات يا ويلي شو تعبت من ابني ادعولو يكون زبط متل ما بدي وااااااااع
مبارح كنت عند اهلي انبسطنا والله ومع ام تالا والله بنتها نكده كتير وتالا صايره غلباويه كمان بعين الله بس والله انهم امامير خصوصي رنود
انا عند اهلي ما بحس بولادي اللي على الكمبيوتر واللي برسم وبلون وابني متعلق باختي اللي بتضل تمنكرلو اضافيرو ههههههههههههههههه هو شكلو ناعم متل البنات وبتكمل لما يتمنكر ههههههه
بالنسبه للغدا لسا ما فكرت فكرو معي يلا اشوف
شو اخباركو انتو طمنوني
مش جوزي شاف شو بلعب صار يصبح ويمسي عليها الصبح انجلطت منو بصلي الصبح صاير ويفتحها بزرع وبقلع وببيع وبشتري وانا شو العب بكون بالليل زارعه ومرتبه ومبسوطه عليهم غلى اساس الصبح اشوفهم حلوين تاني يوم ما بلاقيهم بلاقي محلهم بزور تانيه

الله يصبركن يا اهالي الشام . الانفجار يلي صار بالمسجد يوم الجمعة بالعادة بصلي فيو خالي والله رحمو انو هدا اليوم ما صلى فيو وراحت عليه نومة الحمد لله على كل حال الانفجار كان قريب كتير من بيت تيتة

شو طابخين ؟ يوم الجمعة كان كتييييييير حلو ما رحنا عند أهالينا:) ضلينا بعمان رحنا تغدينا بالطازج بعدين رحنا على ستي مول لعبنا فرح بالألعاب كيفت كتيييييير ورسمنالها على وشها هي وعمر صورتا بنزللكن الصور ان شاء الله وبعدين أعددنا بكوفي شوب كتير راقي بالمول شربنا هوت شوكليت وبعدين رجعنا عاليت ، انبسطنا كتير والله يبسطكن يارب دايما

الحمد لله ماشين مع العائلات اللاجئين من الشام زوجي مشترك مع جمعية بروح 3 ايام بالاسبوع بيعطيهن دروس كلهن حماصنة المشكلة انو صفر بالدين مابيعرفو لا صلاة ولا شي أمنولهم شقق ومؤونة الحمدلله مبسوطين انو عم ساعدهن . ويارب تنفك الأزمة بسرعة ويرجعو لبلادن

مراحب للجميع شو اخباركون بنات وينكون طمنونا عنكم
كيفك زهورة الأمورة ان شاء الله ابنك بيطلع متل مابدك واحسن
والله ما في احلى من جمعة الأهل
اما بالنسبة لاخبار بنوتي سنا صايرة كتير نزقة وفورا بتعصب ولازم كل يوم مشوار ونحن منطلع بالسيارة بتحط راسا وبتنام:019::019::019:
وانا هلأ حاليا عم عزل المطبخ شوي بجي بشيلا لسنا وشوي بكمل تعزيل بدا تجنني لازن ع طول تبقى بحضني
عروسة ابراهيم لولية شامية وعروسة الميدان وكاتي وينكون
حدا بيعرف شو اخبار هنودة

اهلا عروسة الميدان الله يعطيكم العافية بقصة المساعدات مابيضيع شي عند رب العالمين والله يقويكون
وان شاء الله تهدا هالازمة على خير والكل يرجع ع بيتو ويرجع الامان يلي كان بسوريا

شلونك روح عامر ... انا الحمد لله ابني بيطلع هني غير اختو بس طعميه وبضلو يضحك اللهم بارك هادي وبالليل ما بغلبني الحمد لله.
شو سورية انتي هون شلونك حبيبتي طمنينا عنك وعن اولادك كيف ايامك

الله يسعد اوقاتكم ياحلويين
اهلين زهورة الامورة مبروك عليك العطلة ههههههه وعلى اولادك وان شاء الله بيطلع ابنك ممتاز :thumbs_up: والله يخليلك اهلك واخواتك كيفها كاتس خليها تطل علينا وفعلا كلياتنا لما نكون عن اهلنا مامنحس بأولادنا انا لماكنت عند اهلي كنت روح على السوق واجتمع مع صاحباتي واولادي عن اهلي
اما عن ابنك مدري ليش هالصبيان كلهم طالعين هيك عندي جودي بتلعب اخوها معها على انه اختها او امها او جارتها ههههههههههههه
يعني زوجك خلص وصلتلوا عدوى المزرعة هههههه انا زوجي علقني فيها وماعاد فتحها ابدا
انا سييرة الحب عندي فاصوليا حبوب ان شاء الله اتفضلوا

اهلين عروسة الميدان كيفك انتي انا الحمدلله بخير والحمدلله على سلامة خالك سبحان الله الله يحميهم يارب ويفرجها ربي من عنده
وان شاء الله دوم مبسوطين يارب منيح غيرتوا جو انتوا والاولاد الله يخليكم لبعض يارب
وبخصوص المساعدات الله يجزاكم الف خير وهنن الله يعينهم ويصبرهم

اهلين روح عامر يالله الله يعينك على سنا والله كل الاولاد هيك خلقهم ديق ولما بتكوني عم تشتغلي حطيها بكرسيها وخليها جنبك وانتي عم تشتغلي حاكيها ولاعبيها الله يقويك يارب
وان شاء الله يكونوا كل البنات بخير يارب

شو دمشقية طمنينا عنك وطلي علينا لازم هالاسبوع ماتتركينا قبل ماتسافري من غير شر

CATS_ANGEL;15882420:

مرحبااااااااااااااااااا صبايا ولا وحدة تمد ايدها هااااااااااااااا هههههههههههههههههه
اول اول شي مبروك التجمع الجديد و مبروك السنة الجديدة و الله اني بدي ضرب عن جد شو مقصرة فيكن حبيباتي:o
بعرف وجهي بارد بس نهار قصير و زوجي صار يروح وقت الغدا غير تالا و رند غير المزرعة ههههههههه الله بعين هو وقت الشتا ضيق و البرد كمان مش مساعدني بالمرة
اما عن اخباري عملت لتالا حفلة عيد ميلاد قبل اسبوعين على الضيق عزمت بس اهلي و جبت كل شي جاهز و الي فترة بشتغل بطاحونتين كانو مغلبيني و انا حامل و مبارح خلصت اخر جلسة طلع روحي هالدكتور وانا فاتحة تمي شوي كنت رح ارفع هالاجهزة يلي حاططها و اطلع :mad:
دمشقية حبيبة قلبي الف مبروك و عقبال السنة المليون و ان شاء الله السنة الجاي بتفرحو فرحتين عيد زواجك و البيبي الجديد ان شاء الله:thumbs_up:
روح عامر كيف طلعت النتائج و الف سلامة عليها لبنوتك F:
سورية صمصومتي عطلو الحلوين و لا لسى نحنا بدت العطلة طبعا انا ما بحس فيها بس زهرة جننتني و هي تحكي عن امتحاناتها قصدي امتحانات ابنها لانو مغلبها كتير :D
شامية كل سنة و سلوم بالف خير عقبال حفلة تخرجو انا اهل جوزي ما عزمتهن على عيد ميلاد تالا بلاش احكيلكن ليش هههههههههه بس انتي ما شاء الله عملتي حفلتين يعطيكي الف عافية ما قصرتي F:F:
لولية ما شاء الله رايحة تركيا انا عند اهلي مو عارفة روح من البرد هههههههه ملبوس الهنا لبناتك تتهنو فيهن يا ربF:
عروسة الميدان كيف امورك هلأ :!!:
مين كماااااااااان يا ريت ما كون نسيت حدا و سامحوني على التقصير :-#

سورية وبفتخر;15890173:
شو دمشقية طمنينا عنك وطلي علينا لازم هالاسبوع ماتتركينا قبل ماتسافري من غير شر

صباح الخير
اهلين بكاتس صمصومة قلبي طل القمر الله يسعدك يارب نحنا مو عاتبين عليك الله يكون بعونك كلنا مننشغل وفعلا النهار قصير وانتوا زايد عليكم البرد
كيف تالا ورند ان شاء الله مو مغلبينك كتير الله يحميهم وكل سنة وتالا سالمة يارب وان شاء بتفرحي فيها هيه ورند وبخصوص العطلة زهورة عم تعرفك على الوضع الدراسي من هلأ جودي عطلت من الاسبوع الماضي وصرعت مخي وهيه تقلي ايمتى بدي روح عالمدرسة مفكرة انا معطلتها بكيفي ههههههههه
وبرافوا عليكي عم تشتغلي بأضراسك واسنانك منيح لحقيهم لأنه والله وجعهم صعب والدكتور مابيخلص بجلسة ولا جلستين بيضل الواحد رايح وجاية
اماعن المزرعة فهيه والله بتلهي بس طمنيني انتقلت العدوى تبع المزرعة لزوجك لأنه زوج زهورة شكلها عجبته ههههههههه
ودمشقية والله نازلة سفرها يوم الجمعة ان شاء الله وهلأ مشغولة باقيلها كم غرض من السوق

السلام عليكم صبايا
كيفك كاتس شو وينك ما عم تبيني شلون بناتك؟
شو الشات فاضي اليوم وين الصبايا زهورة وروح ودمشقية وسورية والباقي

اهلين عروسة الميدان شايفة كيف الشات صاير كئيب اكيد الكل مشغول الله بيعين شو سيرة الحب عندك اناعم ساوي كوسامحشي وباتنجان اتفضلوا

انا ساويت شوربة فريكا مع لحمة طلعت بتشهي على الآخر زوجي كتير حبا هلا عم ساوي حلو بشوفكن بعدين

صباح الخير ياحلوات

زهوورة الامورة ان شالله ابنك من الناجحين يارب وان شالله تعبك مابضيع يارب
والله يخليلك كاتس وكل اخواتك واهلك ويديم عليكم هالجمعة الحلوة يارب

ههههههه قلتيلي زوجك علق اللعبة اي كتييييييير منيح يالله بساعدك وخاصة لما بتكبر المزرعة بصير بدك مين يعينك بالزراعة والحصد
الله يخليلك ياه ويبقى يساعدك بكل شي

،،،،،،،،،،،،،،،،،،،،،،،

سوريتي الله يخليلي ياكي وتبقي منورة هالشات اي
وهنا وعوااافي على المحاشي ان شالله صحة انا بكرا ان شالله ناوية اعملها

&&&&&&&&&&&&

اهلين روح عامر الله يعطيكي العافية يارب خلصتي المطبخ ؟

وهما الاطفال بهالسن بكونو شوي نزئين بتعرفي التسنين مو سهل فالله يعينها ويعينك يارب ويخليلك ياها ربي

،،،،،،،،،،،،،،،

اهلين عروسة الميدان والله نحنا موجودين بس انتو اللي عم تغيبو وتقولوا عدووولي
من غير شر .... المهم انك بخير يارب دوووم
كيف البردات معكم سمعت انو جايتكم نزلة سقيع وتلج غير شكل فالله يكون بعووونكم خدووو احتياطاتكم

&&&&&&&&&&&&&&&&