التجمع الأول لحوامل شهر يونيو(6)2012

حاولي هاليومين افضل
لان لو اخرتيهم لبعد رمضان الجاي اظن يكون لازم تطعمين عن كل يوم مسكين

مرحبا مامات كيفكم وحشتوني
الله يسهل علينا في وقتنا

أقلام الزمن;16062622:
مرحبا كروشات وحشتوني
إنا بخير والبيبي إلحمدلله بخير
أمس عملت تحليل السكر وان شاء الله يكون تمام
بالنسبة للتجهيزات للحين ما جهزت ولا شيء
الله يسهل علينا جميع يإرب ء

مراحب هلا فيج...

عساكم دوم بخير إن شاء الله...

و ياللا هذا ولبج عالتجهيزات لا تثقلين و تتكيسلين بعدين :D

emy89;16063757:
السلام عليكم
ازيكم يا بنات اخباركم ايه بجد وحشتونى جداااااااااااااااااااااااا
انا الحمد لله بخير

و عليكم السلام و رحمة الله و بركاته...

أهليين إيمي أخبارج و أخبار حمودي إن شاء الله طيبين...


نقاء...

أخبارج عساج بخير إن شاء الله F:

أم عزوز001;16063769:
مرااااحب

اقلام ونقاء وايمي
ياهلا فيكم واخباركم يارب تكونو بخير دووووووم


ياحواااامل لما شيكت تاريخ ولادتي بالهجري صادف نهاية رجب شكلنا بنفطر برمضان الله يعين يارب
بعزوز فطرت رمضان كااااامل ماابي اعيد التجربه
ربي يسهل

هلا و الله أم عبد العزيز...
انتي رجب و خايفة تاكلين رمضان! أنا ولادتي تصادف 6 شعبان :worn_out:

راشد جبته في 27 رجب قبل موعد ولادتي بأسبوعين و كلت من رمضان كم يوم، بعدين طهرت 3 أيام و نزلت علي الدورة و شكيتهم 15 يوم! و الحين إذا بكمل لين موعد ولادتي باكله كله، بس شكلي بولد قبل... ياللا الحمد لله على كل حال أهم شي السلامة...

الله يعين يا ام راشد حلاة رمضان نصومه من اول يوم بس ربي سهل علينا ويرزقنا ولاده ميسره


ببدأ اجهز الاسبوع الجاي ان شاء الله احاااتي بجد امس رحت سيتي ماكس ودخت وتعبت كيف بتقضى الله يعين

أم عزوز001;16064925:
الله يعين يا ام راشد حلاة رمضان نصومه من اول يوم بس ربي سهل علينا ويرزقنا ولاده ميسره


ببدأ اجهز الاسبوع الجاي ان شاء الله احاااتي بجد امس رحت سيتي ماكس ودخت وتعبت كيف بتقضى الله يعين

إي و الله صدقتي... بس شنسوي أهم شي السلامة...

أنا توني المغرب رحت سنتر بوينت و كملت تجهيزات و افتكيت الحمد لله... و مثل ما قلتي دخت و هي كلها ساعة حتى العربة خلاص ما قدرت أدفها قطيتها على زوجي و قعدت ههههههههه
لقيت عندهم مهادات خفييفة و باردة أحلى شي للصيف عشان ما يفطس النونو من الحر لا يفوتونج، خذت منهم 3 و بطانيتين خفيفة لف و مفرش تغيير الحفاظات... تنحت عند الأسرة، ودي بواحد كبير أخليه في بيت أهلي... بس احترت بشوف بعدين...
و بكذا يبقى بس أغراض الصيدلية بخلي بو رشود يجيبهم إن شاء الله...

ماشاء الله عليك خلصتي وارتحتي
ع الاسبوع الجاي تبدأ جولتي ان شاء الله بشوف سنتر بوينت اول شي
احب البس الطفل بالشهر الاول ثياب مفتوحه من تحت بس ماحصلت بسنتر بوينت اخذت منهم في ولادتي اللي قبل بشوف محلات الاطفال وباخذ مفارش تقديم من عندهم مره وحده
الله يسهلها يارب وعسى احصل اللي ببالي مشتهيه اطقم بالبنفسجي;)

شخباركم بنات عساكم بخير

أم عزوز001;16065404:
ماشاء الله عليك خلصتي وارتحتي
ع الاسبوع الجاي تبدأ جولتي ان شاء الله بشوف سنتر بوينت اول شي
احب البس الطفل بالشهر الاول ثياب مفتوحه من تحت بس ماحصلت بسنتر بوينت اخذت منهم في ولادتي اللي قبل بشوف محلات الاطفال وباخذ مفارش تقديم من عندهم مره وحده
الله يسهلها يارب وعسى احصل اللي ببالي مشتهيه اطقم بالبنفسجي;)

ياللا عقبالج تخلصين تجهيز و تلاقين اللي في بالج و ترتاحين...

الحين عبيت الغسالة و حطيت كل فيها كل أغراض البيبي اللي شريتها، قلت بجهزهم و بحطهم بالشنطة اللي بروح فيها بيت أهلي إن شاء الله، و بجهز معاهم ثياب لراشد و عليا عشان ما أتعب بعدين أو أنسى شي...

الله يبلغنا بالسلامة F:

~أحلام~;16066454:
شخباركم بنات عساكم بخير

هلا و الله أحلام...

إن شاء الله كلنا بخير و عافية الحمد لله...

انتي شخبارج و أحبار النونو... عسى خلصتي تجهيز!


الغاليات نقاء و إيمي و أقلام الزمن و باقي الأخوات عساكم بخير إن شاء الله F:

أهلين أشجان وأم عزوز و إيمي وأقلام الزمن وأحلام
عساكم بخير والبيبهات كلهم بصحة


الحمدلله أنا بخير عندي ألم أسنان مكرهني حياتي
طبيبة الأسنان قالت عندك إلتهاب باللثة بسبب تغير الهرمونات في الحمل
وأعطتني غسول للفم وجل للأسنان و سنسوداين معجون أسنان
بس لما يبدأ الألم ما يوقف إلا ثاني يوم ولا ثالث يوم
والله تعبانه جدا منه
ادعوا لي الله يصرفه عني من الشهر السادس وأنا أعاني



حبيباتي
أنا خلصت تجهيزات تقريبا الله يسهل علي وعليكم


أم عزوز
كيف أحسب موعد ولادتي بالهجري؟؟؟

هلا فيكم ياحوامل
مساء الخيراااات

الله يسمع منك ام راشد وارتاح
مدري وش النظام عندكم خخخخ بس بعد مااخلص تجهيز اغراضي واغراض البيبي بنزل السوق اخذ اغراض الضيافه من ترامس وصواني وكذا شغله الله يعين ويمكن أأجلها لما انزل لأهلي واتقضى من هناك


هلا بك نقاء
انا بخير ولله الحمد انتي كيفك

تاريخ ولادتك ان شاء الله ١٦/٧ بنصف رجب ربي يسهل عليك

نقاء*;16066905:
أهلين أشجان وأم عزوز و إيمي وأقلام الزمن وأحلام
عساكم بخير والبيبهات كلهم بصحة


الحمدلله أنا بخير عندي ألم أسنان مكرهني حياتي
طبيبة الأسنان قالت عندك إلتهاب باللثة بسبب تغير الهرمونات في الحمل
وأعطتني غسول للفم وجل للأسنان و سنسوداين معجون أسنان
بس لما يبدأ الألم ما يوقف إلا ثاني يوم ولا ثالث يوم
والله تعبانه جدا منه
ادعوا لي الله يصرفه عني من الشهر السادس وأنا أعاني



حبيباتي
أنا خلصت تجهيزات تقريبا الله يسهل علي وعليكم


أم عزوز
كيف أحسب موعد ولادتي بالهجري؟؟؟

هلا و الله أختي نقاء...

عساج دوم بخير و عافية انتي و الأهل إن شاء الله... و الحمد لله خلصتي تجهيزات، عليج بالراحة الحين جمعي طاقة حق بعدين :D

و على ألم الأسنان، إذا كلش ما تتحملين الألم اكلي لج حبة مسكن فيفادول أو أدول و لا العذاب كله إلا ألم الأسنان! الله يكون في عونج F:

أم عزوز001;16067430:
هلا فيكم ياحوامل
مساء الخيراااات

الله يسمع منك ام راشد وارتاح
مدري وش النظام عندكم خخخخ بس بعد مااخلص تجهيز اغراضي واغراض البيبي بنزل السوق اخذ اغراض الضيافه من ترامس وصواني وكذا شغله الله يعين ويمكن أأجلها لما انزل لأهلي واتقضى من هناك


هلا بك نقاء
انا بخير ولله الحمد انتي كيفك

تاريخ ولادتك ان شاء الله 16/7 بنصف رجب ربي يسهل عليك

مساء النور و السرور :D

الله يعينج على تجهيزات الضيافة... انتي بتستقبلين الضيوف في بيتج؟
الله يسلمج أنا استقبالي أسويه في بيت أهلي، فأمي هي اللي تشتري أطقم الضيافة خخخ و زوجي عليه العشا و التقديمات و حوستهم... و هي ناوية هالأسبوع إن شاء الله تنزل الخبر تتشرى...
بس هالمرة أمي ودها نسوي الإستقبال في استراحة بالدمام، تقول لأن الجبيل مشوار على أهلنا يجون فالدمام أقرب لهم، لكن للحين ما قررنا لأن ولادتي أصلاً بتكون بالصيف و أغلب أهلنا بيكونون مسافرين!
و على طاري التجهيزات تذكرت يوم ولادتي بعليا، لما دريت إن خلاص ولادة قلت لج كلمت أمي و أبوي و سويت مناحة خخخ هم مساكين جاوا عندي المستشفى على طول و قعدت أمي عندي تقرا علي و تهديني و لما جا وقت الغدا قالوا بنخليج تتغدين و ترتاحين و حنا بنروح فندق نريح شوي و نرجع لج بعدين، لما جا المغرب و ولدت و هم ما دقوا و لا بينوا كلمت أمي أقولها أنا ولدت وينكم؟! قالت ياللا جايينج، و لما جاوا ألا تقول لي كنا في محل مواعين نشتري أطقم الشاهي و القهوة هههههههه
لأن ولادتي كانت فجأة ما أمداها تجهز مسكينة هههههههه

هلاا بيكم

إنا بخير أمس رحت الموعد كل شيء تمام تحليل السكر ونبض البيبي إلحمدلله

وقالت لي رأس البيبي فوق عطتني موعد بعد اسبوعين قالت لي لو ما نزل نقرر لج عملية

بس إن شاء الله راح ينزل

صباح الخيرات
كيفك اشجان

راح يكون الاستقبال بيت اهلي طبعا اريح لي وربي يخلي امي ماتقصر مو مثل اذا ولدت ببيتي
وطقم الضيافه انا اشتريه مو انا اللي بولد خخخخخ
ومثل ماقلت لك ابي اطقم كل شي بنفس اللون ويمكن اشتري من الدمام قبل انزل

خوفتيني اني اولد بدري وعزوز مايخلص مدرسه الا بنص رجب قرار جديد من المدرسه وانا ودي انزل واخلص باقي اموري ع الراحه بالاحساء
انتو تسوون الاستقبال مره وحده وخلاص صح؟
عندنا بالاحساء طول الاربعين وحنا نستقبل:lol:
بس انا قلت لامي نحدد يومين بالاسبوع اريح ونكون مستعدين فيهم

عسى الوالده تقضت من الحين عشان توريني :cool: ربي يخليها ويطول بعمرها


اقلام
هلا فيك

يارب دوووم تكوني بخير

ان شاء الله خير يارب فترة هالاسبوعين كثفي الدعاء والاستغفار وربي يهون عليك وماتحتاجين العمليه وتتيسر امورك

أقلام الزمن;16067813:
هلاا بيكم

إنا بخير أمس رحت الموعد كل شيء تمام تحليل السكر ونبض البيبي إلحمدلله

وقالت لي رأس البيبي فوق عطتني موعد بعد اسبوعين قالت لي لو ما نزل نقرر لج عملية

بس إن شاء الله راح ينزل

أهليين فيج :)

الحمد لله إن كل شي تمام...
و إن شاء الله يتعدل وضعه و ينزل الراس تحت...
الله يقومج بالسلامة...

أم عزوز001;16067873:
صباح الخيرات
كيفك اشجان

راح يكون الاستقبال بيت اهلي طبعا اريح لي وربي يخلي امي ماتقصر مو مثل اذا ولدت ببيتي
وطقم الضيافه انا اشتريه مو انا اللي بولد خخخخخ
ومثل ماقلت لك ابي اطقم كل شي بنفس اللون ويمكن اشتري من الدمام قبل انزل

خوفتيني اني اولد بدري وعزوز مايخلص مدرسه الا بنص رجب قرار جديد من المدرسه وانا ودي انزل واخلص باقي اموري ع الراحه بالاحساء
انتو تسوون الاستقبال مره وحده وخلاص صح؟
عندنا بالاحساء طول الاربعين وحنا نستقبل:lol:
بس انا قلت لامي نحدد يومين بالاسبوع اريح ونكون مستعدين فيهم

عسى الوالده تقضت من الحين عشان توريني :cool: ربي يخليها ويطول بعمرها


اقلام
هلا فيك

يارب دوووم تكوني بخير

ان شاء الله خير يارب فترة هالاسبوعين كثفي الدعاء والاستغفار وربي يهون عليك وماتحتاجين العمليه وتتيسر امورك

صباح النور و السرور...

أنا الحمد لله بخير عساج بخير إن شاء الله...

الله يعينج تنتظرين لين رجب! أنا الحين راشد يخلص نهاية هالشهر و زهقت ودي أغيبه :hysterical:
بس إن شاء الله ما تولدين إلا بتمامه و تتيسر و تخلصين عالراحة...

و استقبالنا مثل ما قلتي مرة وحدة هذا للأهل بس، يعني في ناس تجي بعدين قطاعي على قولتهم، مثل جارات أمي و صديقاتي و اللي تخلفوا عن الاستقبال خخخ
بس انتوا الله يعينكم طول نفاسج يعني لازم تكونين مستعدة... تعب عليج و على الوالدة الله يحفظها لكم... بس زين لو تحددين يومين أريح لكم...

و لا يهمج أول ما تتقضى أوريج :thumbs_up:

اليوم العصر موعدي إن شاء الله بشوف نتيجة تحليل السكر و أضرب آخر إبرة و إن شاء الله ما أحتاج غيرها...

الله يتمم لك ام راشد وماتحتاجين ابر
والله يعينا ع المدارس ودوامهم
انتظر التجهيز بفارغ الصبر ههههههه

اعراض الحمل بالشهر الثامن

الأعراض الجسمانيـــــة:
حركة واضحة وقوية للجنين.
حرقة في المعدة وعسر في الهضم وغازات.
احتقان في الأنف وانسداد في الأذن.
نزيف في اللثة.
شد وتقلصات في عضلات الأرجل.
تورم وانتفاخ في اليدين والقدمين الوجه.
تقلصات في الرحم.
ألم في الظهر.
صعوبة في النوم.
صعوبة في أخذ نفس عميق.
حكة في البطن.
نزول اللبأ من الصدر.
الأعراض الانفعالية:
قلة صبر ورغبة في أن تمر الفترة الباقية من الحمل بسرعة.
شرود في الذهن وقلة الانتباه والنسيان.
أحلام وتخيلات وهواجس عن الجنين وصحته وشكله.
فرح وسرور لأن موعد الولادة لم يعد ببعيد.
حالة الجنيـــــــن:
في نهاية الشهر الثامن يتقدم نمو دماغ الجنين وعقله بشكل كبير.
يستطيع أن يرى وأن يسمع .
تكتمل في هذه الفترة نمو كافة أجهزة جسم الجنين باستثناء الرئة حيث تستمر في النمو إلى نهاية الحمل.
إذا ولد الجنين في هذه الفترة فيمكن له أن يعيش ويكون وزنه حوالي 2.5 كجم.
أهم التغيرات التي تحدث داخل الرحم:
اتساع الحوض ليسمح بمرور الطفل.
خلال هذا الشهر تكتمل الاستعدادات ، و تصبح المشيمة ضخمة بسبب ما يتناوله الطفل وما يفرزه ( فهو يبتلع السائل السابيائي ويبول كثيراً)
من الممكن تحسس رأس أو قدم الجنين من خلال لمس البطن.
تصبح عظام جسم الطفل أكثر قساوة ما عدا عظام الرأس لتسمح بمرور الطفل في قناة الرحم.
أما الرئتان فجاهزتان للقيام بوظيفتهما ولكنهما لا تنقبضان كلياً بعد، يبلغ طول الجنين 47 سم ويزن 2.5 كلج.
أهم التغيرات التي تحدث في الشهر الثامن:
الشعور بصعوبة الحركة، والإرهاق الشديد.
آلام الحوض وأسفل الظهر,وعرق النسا.
احتقان وصعوبة في التنفس.
 تصبح الحاجة لدخول الحمام أكثر إلحاحاً.
كيفية التعامل مع تلك التغيرات؟
تناول الكثير من الماء لتجنب الإمساك.
تناول عدة وجبات في اليوم ولكن بكميات قليلة لتفادي الحرقة المعدية.
مناقشة الطبيب فى القلق والتوقعات والطريقة التي سوف تتم بها عملية الولادة، و أسلوب التخدير في حال إجراء عملية قيصرية.

السلام عليكم يا بنات
انا الحمد لله خلصت كل حاجه حمودى ربنا يجبهولى بالسلامه يارب
وروحت للدكتور الاسبوع اللى فات ... قالى تعالى يوم 2/5 اكون كده دخلت التاسع ان شاء الله

ايمي من ساعه ماحملتي زوجك ساافر ,,,مارحتي له خاالص؟؟

أم عزوز001;16067430:
هلا فيكم ياحوامل
مساء الخيراااات

الله يسمع منك ام راشد وارتاح
مدري وش النظام عندكم خخخخ بس بعد مااخلص تجهيز اغراضي واغراض البيبي بنزل السوق اخذ اغراض الضيافه من ترامس وصواني وكذا شغله الله يعين ويمكن أأجلها لما انزل لأهلي واتقضى من هناك


هلا بك نقاء
انا بخير ولله الحمد انتي كيفك

تاريخ ولادتك ان شاء الله 16/7 بنصف رجب ربي يسهل عليك

أهلين حبيبتي أم عزوز

مشكورة على الحسبة خلاص قرب الموعد
الله يسهل علينا جميعا

الحمل في الأسبوع الرابع والثلاثين




كيف ينمو طفلك؟
إذا كنت تقلقين من الولادة المبكرة، قد تسعدين عندما تعلمين أن غالبية الأطفال الذين يولدون في الأسبوع الخامس والثلاثين يكونون أصحاء ويعيشون من دون أية مشاكل كبيرة. قد يكون اكتمل نمو رئتي طفلك الآن، بحيث يمكن التعامل مع مشاكل التنفس بسهولة.

كيف تتغير حياتك؟
قد تبدئين في الشعور بوخز أو خدر في الحوض، وهذا مجرد ضغط من الطفل على الأعصاب. يمكن ألا يهدأ هذا الأمر إلى أن تتم الولادة. حاولي استخدام تقنيات الاسترخاء أو التدليك، ولو لم ترحك هذه التقنيات، أخبري طبيبك بذلك.