Daisy Ash;16034516:
أبشركم بنات أخيراً رحت السوق في الويك إند و خلصت شغلي كله الحمد لله...
أخذت لي ستيانات رضاعة من واحة الجلابية... هذي جربتها في نفاسي براشد، جداً مريحة و ترفع الصدر، حتى إني ألبسها على طول استغنيت عن ستيانات الحدايد :worn_out: خليتها بس للطلعات الرسمية... و من عنده بعد 3 سراويل قصيرة، كان عليهم عرض... الأرواب حقتهم ما عجبتني حسيتها نفس الستايل من أيام ولادتي الأولى، فما شريت...
و أخذت لي بيجامتين و تكرمون شبشب، طبعاً أخذتهم كلهم بأزرار من قدام عشان الرضاعة...
و لما دخلت ماركس اند سبنسر لقيت عندهم أرواب قصيرة خفيفة للبيت عجبتني كثير، أخذت لي اثنين، و نفس الشي بأزرار من قدام... و أخذت لي الأندروير اللي يجون 6 مع بعض... و أخذت شلحة نص (مدري شتسمونها خخخ :worn_out:) عشان ألبسها تحت الأرواب لأنهم خفاف و يشفون الجسم... لقيت عندهم أرواب لف حلوة، بس مدري ليه ما أخذت منهم! حسيتهم حلوين للمستشفى ألبسهم فوق البيجاما...
و أخذت شرابات قصيرة ألوان مختلفة، زهقت اللي يبيع كل شوي أقول له هذا اللون و هذا اللون صار عندي مهرجان ألوان :lol:
و أخذت من نفس المحل 2 تايتس بني و أسود، لأن عندي فستان هدية من أمي لكنه قصير، بس بعدين أختي نبهتني، تقول شلون تلبسينهم وين بتودين دبتج؟؟!! نسيييييت كلش هالنقطة ههههههه
للحين ما جربتهم بس إن شاء الله ما يضايقوني باللبس!
و روب الإستقبال، أمي جابته لي هدية فا ارتحت من الدواره!
و بكذا أكون خلصت و يبقى لي اغراض الصيدلية بس، و المسك، لأن اللي عندي باقي فيه شوي يبي لي واحد جديد...
أما أغراض النونو، أخذت 3 أوفرولات و مريلتين و شرابين بس! لقيت مهادات حلوة و خفيفة في أوكايدي بس لما فتحتهم طلعوا صغار ما يكفي نلف فيه البيبي لفة كاملة :thumbs_down: حسافتهم... المفارش كل اللي لقيته أنواع ثقيلة و ولادتنا بتكون بالصيف بتصير فرن عالبيبي حرام، فما أخذت منهم، مع إن أشكالهم حلوة...
بقى أروح بيبي شوب و مذر كير و أكمل باقي الأغراض و أرتاح... أغلب محلات الأطفال فيها تخفيضات على ملابس الشتا و بعض الملابس الصيفية، فكرت آخذ حق العيد بس قلت خله في وقته عندي أولويات ثانية!
و من اللي شريت بعد بيجامات صيفية لراشد و عليا، بس بخشهم لين أولد عشان يستانسون فيهم مع البيبي مرة وحدة هههههه
ياللا اللي ما جهزت تروح الحين و ترتاح، لأن المشي جداً متعب، رجلي و وركي ذبحوني :(
الله يعينا و يتمم لنا على خير F:
ما شاء الله عليك أشجان
حلو الشوبنج تبعك
الله يهنيك وبإذن الله تفرحي بالنونو وأنتم بخير وعافية
على فكرة أنا امس عملت شوبنج على الخفيف
شريت شنطة وكفر وفرش ولحاف للف البابيبي طقم
وكمان سرير للشهور الأولى
ومثل ما قلتي حسيت بالتعب على طول من اللف
و بعدني ما شريت شي لنفسي
الله يسهل علينا كل مرة شوية