30 مرة نقول يا تري بتعملي الكله دي ازاي؟ مبدعات مصر القمرات شهر ذو القعده 1432

بصى انا شايفة البانيه دا حاجة جانبية انتى تعملى صينية البطاطس ومعاها رز بالشعرية وسلطة وفراخ مشوية وسمبوسك مثلا او كبيبة شامى ورقاق وملوخية

اللازانيا مش هتليق مع البطاطس خالص:( لو لازانيا اعملى زى عزومتى كدا بيكاتا او حتى لحمة بالبصل مثلا وعملت جلاش بالجبنة وسمبوسك وبابا غنوج و فراخ بانيه وسلطة خضراا
والحلو عملت حلى الاوريو كان جمييييييييل جدا وعملت آيس كريم قدمته جنبه وكان عندى منجة فى الفريزر طلعتها وعملتها عصيير

الحلو بئا لو عزومة عادية كدا اوك رز بلبن بس لو هتحتفلو بعيد جوازكو بلاش رز بلبن انا رأى تشترى تورتاية صغيرة من برا

بنات عايزه طريقه سلطه الكول سلو

طريقه الفراخ


الفرخه ومعاها بصلة كبيرة مفرومة و بهارات ثوم خضار مشكلة بسله و جزر و بطاطس مقطعين .وطماطم وصويا صوص و ملح طبعا و كيس الشوي
تعملى فتحات فى الفرخه بالسكين و رشي عليها البهارات و ملح و الصويا صوص و افركيه الجاجة بهم من الداخل و الخارج و بالفتحات هكذا
احشي الشقوق بالثوم و حاولي تفركي الدجاجة بخلطة الثوم انت و بتحشيها
عند الصدر
و الاوراك
و احشيها من جوه بالبصل المفروم بالبهارات
قلبي الخضار مع بعض وحطى عليها الملح و الفلفل الاسود قليل
حطى شويه من الخضار داخل كيس الشوي
حطى الفرخه على الخضار و وزعي باقي الخضار حواليها
اقفلى الكيس وافتحى فتحة صغيرة فيه
و دخليها الفرن لمدة ساعة و نص تقريبا

ra_tamima;15683232:
ميرسى يابنات انا الحمد لله عملت طاجن الباميه وطلع تحفه تحفه كان نفسى اصوره والحمد لله عجب جوزى اوى لانه اصلا مش ليه ف الباميه علشان كده كنت قولت اجربه ف الطاجن

نور.....قوليلى بقى كل الاكلات اللى تنفع ف الطاجن لانى عجبنى الاكل فيه حسيته ليه طعم تانى خالص وصحى اكتر انا اللى عندى طاجن فخار
اشرى.........نجمه يابنتى الله ينور عليكى ماتنزلى بالطريقه بقى بتاعت السنجارى دى علشان بفكر اعملها شكلها مغرى

salad;15684732:
وحشتوووووووووووووونى جداااااااااااا مع انكم مسالتوش عليا خالص خالص

نور الف مليون مبروك على الجواز ولو انها متاخره جدااااااااااا بس كل تاخيره
رورو عامله ايه وحشانى قوووووووووووووى واخبار بنوتاتك ايه والف مليون سلامه على جاسى وربنا يحفظها من كل سؤ وتسلم ايدك على التورته الجامده دى

محبتش ارجعلكم وايدى فاضيه التصوير مش قد كده لانه بالموبايل



[QUOTE=salad;15685657]تسلمى يا ام بودى ده بعض ما عندكم بس بجد كان طعمها توحفه وريحتها وااااااااااااو


اشرى الاكل شكله محصلش ايه الجمال ده وقولى طريقه الرز

الفراخ بتاعتك بجد خراااااااااااافة والتصوير حلو يا بت
الرز بقى بجد طلع خطيييييييير
بصى انا جبت بصلتين عشان جوزى بيحب البصل اووى وقطعتة نونو مش بشرتة تمام وبتة يتحمر اووووووووووى لحد ما جوزى دخل عليا قالى اية دة حرقتى الاكل قولتة اة حرقتة بكل فخر هههههههههههههه بجد سبتة يتحرق كل مرة مكنش بيجيلى قلب احرق بس المرة دى سبتة يولع وبعدين طفيتةب المية وحطيت كل التوابل بتاعتى واهمها الثوم البودر وكمون بقى وملح وفلفل وسبت المية تغلى كويس وبعدين نزلت بالارز واول ما غلى وطيت وشكرااا

فراشة الإيمان;15688035:
وحشتونى ياقمرات

اشرى تسلم ايدك الاكل شكله يفتح النفس عايزة طريقه السنجارى

سالاد الفراخ شكلها يجوع واختك هفتانه اليومين دول اظرفينى صدر ههههههههههههههههههههه

رورو حبيبه قلبى

تسلم ايدك ياقمر شكلها جميييييييييييييييييييييييييييييييييييل تسلم ايدك وعقبال ماتعملى تورته زفافها وفعلا التورته شكلها مميز وملفت

على كل اللى كنت عاملااه فى عيد ميلاد زيزو لكن دى اللى لفتت الانظار والكل كان بيسأل ايه دى واول ماقولهم قلعه يضحكوا اصل انا ساكنه جمب القلعه وبتبقى باينه من الشباك ههههههههههههههه

وكويس ان فكره الشيكولاته البيضاء نفعت لاحسن بالجيلى والكريمه كانت يييييييييييييييع

الف هنا وشفا ياقمر كان نفسى اقيمك

متنسينيش من دعائك لاحسن محتاجاه قوووووووووووووووووى اليومين دووووووووووول


نانو الف سلامه على اخوكى شفاه الله وعافاه والله زعلت علشان ربنا يطمنكم عليه

شيرى بنفسها عايزة طريقة السنجارى مش مصدقة نفسى

أم مازن*;15689275:
اه تخزين الجوافه شيلى منها البذر ورشى سكر عليها ودخليها الفريزر

طب لو شيلت الجوافة بالبذر يحصل حاجة؟؟؟؟؟؟؟؟؟؟؟

حلاوتى زايدة حتة;15691071:
بصى انا شاطرة جدااااا فىالكيكات بس بوتجازى كان مجننى فضلت سنة وشهرين لحد ماعرفت اظبطه الاسبوع اللى فات بس:D دى حاجة فأنا عرفت ان ظبطته فى النص على درجة 150
تانى حاجة دبيتى السكينة فى الصينية واتأكدتى انها استوت
ثالث حاجة متفتحيش على الكيكة خاااالص غير لما تشمى ريحتها تحطى اسكينة تعملى تست استوت ولا لاا وبسرعة تقفلى الفرن تانى




انا من القاهرة وفتح الله اللى فتح هنا مش ف طريقة خخخخاااااااللللللصصصص:|:|بس للأمانة عجينة نضيفة جدا جدا جدا جدا ولا عجنت واستوت مفيش 3 دقايق فعلا وخفيفة جدا مش منشية كدا زى المكرونة المصرى:confused: اهى علقة تفووت



بصراحة بتهرجى جدا ماشاء الله الاكل شكله تحفة ،،طريقة السنجارى ياقندم عشان البوى فرند بتاعى نفسه ف سمك:worn_out:


ماشاء الله ممكن طريقة الفراخ دى؟؟

احم احم
الطريقة بقى بتاعت السنجارى





فى الواااااااااااقع








وفى الحقيقة













هههههههههههههههههههههه
اصلى مش مصدقة نفسى انة عجبكوا وكمان عايزين الطريقة والله مبسوطة اووى
المهم بقى عملت تتبيلة للسمك العادية الى هى توم كتير وكمون وشطة وملح ودقتهم مع بعض كويس ودعكت بيهم السمك من جوة وجبت بقى البورى عشان كان ما شاء الله تخين كدة وحلو فتحتة من النص كويس اووى وخلى بالك الحتة الى من عند الراس بتبق جامدة فحاولى تفتحى بقوة وبراحة بردو عشان مش شكلها يبوظ
المهم دعكت السمكة كويس من جوة اووى وعملت بقى تتبيلة على جمب عبارة عن فلفل الوان مقطع ومكنش عندى اخضر لاسف وقطعت طماطم وبصل قطع نونو وحطيت معلقة زيت وملح فلفل كمون توم بودر وبصل بودر ولمون وقلبت كووووووووويس وحطيت كل دة على وش السمكة وهى مفتوحة وفرشت ورق فويل فى ارضية الصينة دة مهم اووى وغطيتها بردو بفويل وسبتها فى الفرن بتاع تلت كدة ولما استوت فتحت الشواية ولما جيت اشيلها بشيلها بورق الفويل بس كدة

واة كمان فى افتكاسة جديدة كنت عملاها فى السمك وانا بقلية حطيت على الدقيق بيكنج بودر وكيس فيجتار وطلع حلو اووووووووووووووى والوش بتاعة جميل

أم مازن*;15689272:
مالك ياشرىىى ومابتدخليش ليه؟


بصى انا جربت التسبيك وجربت انى اقشرها بانى انزلها فى ميه مغليه واكون عامله شق طولى فى قشرة الطماطم لمددقيقه واخرجها اقشرها واضربها فى الخلاط واحطها فى اكياس عالفريزر لاقيت ان الطريقه دى احسن وطعمها فريش اكتر

نانو الف سلامه عليكى وربنا يرفع عنه ياااااااااااااااااااااااااااااارب ويشفيه شفاء لا يغادر سقما

مشمش قصدك انى مش اسبكها خالص

حد يقولى اعمل الحمام ازااى؟؟

salad;15694612:
مشمش قصدك انى مش اسبكها خالص

فى الطريقه التانيه اه من غير تسبيك

عسولة عمرو;15696396:
حد يقولى اعمل الحمام ازااى؟؟

ra_tamima;15692608:
ازيكم يابنات
نانو................الف سلامه على اخوكى ياحبيبتى ربنا يقومه بالسلامه
بصو بقى يابنات انا عندى عزومه جت على غفله كده يوم الجمعه
عايزه منكم منيو حلو وحلويات كمان علشان عيد جوزاى تانى يوم ف بفكر احتفل بيه ف العزومه واخلص ههههههه اصلهم خالاتى منى وعليا بقى ههههههه
بصو انا عندى بانيه كتير
فرختين للحشو بس مش ضغيرين اوى
لازانيا
انا بفكر اعمل صنيه بطاطس ولسان عصفور وسلطه وصنيتين لازانيا وياما بانيه يا اما الفرختين ؟؟؟؟؟انتو ايه رايكو

الحلو عايزه ااعمل رز بالبن علشان عجب جوزى اوى وكيكه النسكافيه وبيبسى
ايه رايكو ف المنيو ده ؟؟؟؟؟عايزه افكار بقى

البانيه اعمليه رولات بالموتزاريلا بتاعة ام بودى
وممكن لازانيا بس مش مع بطاطس لا لازانيا وملوخيه وفراخ محشيه وجلاش ببحشوة البيتزا ولسان عصفور مثلا والحلو اعملى رز بلبن او بسبوسه او تورتايه بالمره

صباحكم زي العسل والجمال كللللللله
وحشتوني قوووووووووووووي جداااااااااااا

عسولة عمرو;15687504:
ياحبيبتى ربنا يصبره ياااااااااارب ويشفيه ويجعله فى ميزان حسناته

انا هنا بس كنت مشغوووووله اليومين اللى فاتو اصل جوزى ساعات بيبات فى الشغ ف بروح عند ماما شويه حماتى شويه
وايه ده انتى متجوزه يوم 6-9 زىى:D ومين قالك اننا نفس اليوووم :)
انا عايزه طريقة الطحينه مش السلطه

لا يا جميل انا يوم 7-9 وعرفت من التيكر الي انتي حاطاه
بس كده انتي كاتبة التاريخ غلط ولا ايه المفروض انتي ازيد مني بيوم اتاكدي بقى وعدليه ههههههه
بصي يا جميل الطحينة اخدتها من ام بودي وجربتها وعملت منها برطمان وكانت جميلة والله جداااا زي الجااهزة بالضبط واحلى كمان
كوب سمسم ابيض + نص كوب زيت + كوب دقيق
دي مقادير ام بودي بس انا معرفش ليه احتاجت كبايتين دقيق لما جيت اشتغل

هتدفي السمسم في طاسة عشان الرطوبة تروح منه بس متحمريش ، ولما يبرد تطحنيه في المطحنة ناعم جداااااااااااااا ، وحاولي لما تفتحي الغطا متقربيش وشك عشان ريحة السمسم عالية قوووووي وهتضايقك
لما تتطحن حلو انقليها في كباية الخلاط وحطي الزيت والدقيق واضربي كتييير واطفي الخلاط وتضربي وتطفي لحد ما تتكون عندك عجينة وتحفظيها في التلاجة

&pinky tears&;15687741:


نوووووور وحشاااانى وحاضر المره الجايه هحط تنين ههههههههه عقبال ماتجيبى ننه حلوة وتعملهالها بجد مميزة اوى وعجبت الكل جدا:thumbs_up: ممكن اعرف مكرونة حمرا يعنى ايه ؟يعنى بالصلصه؟

شيررررررررررررى ؟؟؟؟محدش معاه رقم تلفونها ؟

اه وماله هاعمل تورتة مليانة تنانين وخرتيت وديناصورات وناكلوها في اي غابة هههههههههههههههههههههه
والله وانتي كمان وحشاااني
مكرونة حمرا يعني بصلصة بس معرفش ليه قولت عليها حمرا اول مرة اقولها اصلا هههههههههههه

salad;15688095:

نور بجد انا زعلانه من نفسى انى اتاخرت فى مباركتى ليكى بس كان عندى ظروف رخمه

عاوزه بقى طريقه الصلصه اللى اقدر افرزنها عندى طماطم عاوزه اصلصلها وافرزنها

اخص عليكي يا بنتي ليه بتقولي كده والله كفاية كلمتك الحلوة ودعوتك الاحلى يا بنتي دي كفاية عندي بالدنيا، بعدين انا عارفة اللي في قلبك يا جميل
وربنا يفرج كربك ويبدل كل ضيق عندك بفرح وسعادة :adore:
الصلصة زي ما شيمو قالتلك بالضبط
بصي امي الله يرحمها في الاول كانت بتخزنها ازاي
تضرب في الخلاط وفي حلة تحط زيت لما يسخن تنزل بالطماطم وسنة فلفل اسمر وتسيبها تتسبك وتحط في اكياس على قد الطبخة

بعد كده عملت زي شيمو في حلة ترص الطماطم تعمل صف واحد وتحط مية لحد نص الطماطم وترش سنة ملح وبس وتغطي ولما تغلي والطماطم تطرى حبة تشيلها كده بحالها برضه كل 2 طماطم في كيسة بس مكانتش بتقشرها

لما جينا بقى مصر عملت حركة جديدة خالص، كل ما يتبقى طماطم في درج التلاجة تروح حدفاها في الفريزر ههههههههههههه على اخر الاسبوع تلاقي كور كور طماطم متلجة زي الطوبة تطلع منها تفك وفي الخلاط وتشتغل بقى

تـيـولـيـب;15688276:

بنات عملت رز بلبن بس طلع مش ماسك نفسه خالص انا عملت كوبايه رز اللي هي كوبايه بريزيدون وعليها كيلو لبن ومعلقتين نشا العيب في ايه

كان محتاج نشا يا جميل تروحي مزودة بقى معلقة اكل نشا متدوبين في ربع كباية لبن او مية وتقلبي ويغلي وتشوفي لو احتاج تاني يبقى برضه ربع كباية مية فيها نشا تاني وهكذا
بس متكتريش عن ربع كباية لو هتعملي مية عشان ميخفش منك

LdayDo;15690135:

هتعملو اكل ايه
انا عملت لانشون لحمه بنفس طريقة الفراخ بس طلع عامل زى البلوبيف :lol:

طبعا سؤالك ده امبارح بس انا صاحية انهرده اهو مش عارفة اعمل ايه وكل اللي موجود خضار ومش جايلنا نفس للطبيخ
انتي بقيتي مدمنة لانشون ههههههههههههههه
انا جبت من 4 ايام مرقة دجاج مكعبين في السرقة عشان عندي مش بيحب المرقة وقولت لما اجيب بانيه اعملها، استعملت المرقة اول امبارح في المحشي وامبارح جبت البانية ومجبتش الماجي هههههههههههههه

حلاوتى زايدة حتة;15691071:
بصى انا شاطرة جدااااا فىالكيكات بس بوتجازى كان مجننى فضلت سنة وشهرين لحد ماعرفت اظبطه الاسبوع اللى فات بس:D دى حاجة فأنا عرفت ان ظبطته فى النص على درجة 150
تانى حاجة دبيتى السكينة فى الصينية واتأكدتى انها استوت
ثالث حاجة متفتحيش على الكيكة خاااالص غير لما تشمى ريحتها تحطى اسكينة تعملى تست استوت ولا لاا وبسرعة تقفلى الفرن تانى

الله يبشرك بالخير يعني هقد سنة معملش حاجة هههههههههههه
اهو انا عملت بسبوسة شيمو وماشاء الله طلعت ناجحة وجميلة، انا بختي في الكيكة او شكلي اخدت فيها عين من واحدة كده هنا
اول كيكة فشلت مني تاني واحدة عملتها بالبرتقال اتجننو عليها ومن ساعتها معملتش كيكة عدلة ، واي حلويات تانية بتنجح ماشاء الله
انا هاعمل كيكة مخصوص عشان اخليها تجربة واطبق كل النصائح دي

ra_tamima;15692608:
ازيكم يابنات
نانو................الف سلامه على اخوكى ياحبيبتى ربنا يقومه بالسلامه
بصو بقى يابنات انا عندى عزومه جت على غفله كده يوم الجمعه
عايزه منكم منيو حلو وحلويات كمان علشان عيد جوزاى تانى يوم ف بفكر احتفل بيه ف العزومه واخلص ههههههه اصلهم خالاتى منى وعليا بقى ههههههه
بصو انا عندى بانيه كتير
فرختين للحشو بس مش ضغيرين اوى
لازانيا
انا بفكر اعمل صنيه بطاطس ولسان عصفور وسلطه وصنيتين لازانيا وياما بانيه يا اما الفرختين ؟؟؟؟؟انتو ايه رايكو

الحلو عايزه ااعمل رز بالبن علشان عجب جوزى اوى وكيكه النسكافيه وبيبسى
ايه رايكو ف المنيو ده ؟؟؟؟؟عايزه افكار بقى

اعملي اللازانيا واعملي الفراخ مشوية في الفرن واعملي البانيه بحيث اللي ياخد نايب من الفرخة ينوع بقى في البانيه لان حجمهم صغير مش كده؟؟ فدي انسب فكرة
ولو اللازانيا مش هتعمل صينيتين حلوين تكفي العدد اعملي بقى مكرونة بشاميل معاها واهو كله خلطة واحدة
واعملي جمبها سلطة كولسلو وبطاطس محمرة او شيبسي

الحلو بقى انتي اعملي بسبوسة او صينية جلاش بالمكسرات او بالكاستر وهاتي تورتاية لعيد جوازكم وبيبسي وممكن تعملي جمبها اكلير او باستا فلورا

ra_tamima;15694044:
بنات عايزه طريقه سلطه الكول سلو

هتجيبي جزراية كبيرة + حوالي 5 ورقات من قلب الكرنب اللي هو الورق الابيض
تبشري الجزرة وتقطعي الورق شرائح زي ما بتشوفيها بره كده وحاولي وازني كمية الكرنب مع الجزر يكونو قد بعض
هاتي بقى 2م.ك مايونيز + 1م.ص سكر + ربع معلقة صغيرة ملح + لبن
تخلطي السكر بالمايونيز بالملح وتصبي بقى اللبن حبة حبة وتقلبي لحد ما تلاقي الخليط ولا منه سايب قوي ولا متماسك زي ما بتاكليها بره هتعرفي توازني اكيد واخلطي كله على بعضه وحطيها في التلاجة على الاقل ساعة او ساعتين عشان الجزر والكرنب ياخدو من طعم الصوص
بصي هو المفروض ميكونش في ملح بس انا عملتها امبارح في العشا وحطيت حبة ملح بسيط عشان يوازن الطعم ويظهر طعم السكر اكتر ويبقى قوي

mam to be;15695252:

السلام عليكم يا بنات
انا كنت عايزه اسال على طريقه حاجه حلوه و تكون سهله ي اوى ؟؟؟؟؟؟ظ حد ممكن يساعدنى

عايزة تسالي عن ايه يا جميل ونجاوبوكي
يعني في حاجة حلوة معينة عايزة تستفسري عنها ولا بتطلبي نساعدك في اي حاجة حلوة سهلة ;)

عسولة عمرو;15696396:
حد يقولى اعمل الحمام ازااى؟؟

بتنضفي الحمام كويس وتدعكيه بملح ولمون ودقيق وتسيبيه 10 دقايق كده وتغسلي وتصفي
هتجيبي مثلا كباية رز ماشي وبصلاية وسط مبشورة او متخرطة
في حبة زيت على سمنة او زبدة تشوحي البصلة ولما تدبل ويادوب لسه هتدخل على الاصفرار انزلي بنص جزرة مبشورة ولما يدبل انزلي بمعلقة زبيب ولما ينفخ انزلي بكباية الرز والفلفل الاسمر وربع معلقة صغيرة قرفة وقلبي كله على بعضه وحطي نص كباية مية (يعني كباية الرز = نص كباية مية) ويغلي بس انقلي على العين الصغيرة وربع ساعة واطفي عليه
(ممكن تستغني عن الجزر والزبيب والقرفة وتعملي باقي الخطوات عادي لو مش عايزة الاضافات دي بس بجد هيخلو الطعم خطير)

لما الرز يبرد احشي بيه الحمام وفي اخر البطن لما تحشي حطي القنصة واحشي من عند الرقبة ولما تخلصي اقفليها بالكبدة وهكذا في كل حمامة وخيطيها وكتفي الرجلين والجناح على ورى واسلقي كانك بتسلقي فرخة عادي وشوربة وحبهان وورق لوري وملح وفلفل اسمر
بتاخد في السلق ربع ساعة تقريبا مش اكتر تطلعيها تصفي ولما تهدى تشيلي الخيط منها وتحمريها في سمنة او زيت بس اوتدخليها الفرن تتحمر زي ما تحبي وترشي على الوش ملح وفلفل اسمر
وهنيا يا جميل ;)

بناااات عندي سؤالين بقى ساعدوني فيهم
انا جبت امبارح حبتين افوكادو قد الكمترى الوسط يعني مش كبيرة وناشفة انا هاسيبهم في الكيس يستوو حلو كده، واخليهم يستوو ازاي واعرف ازاي انهم مستويين؟؟
اعمل بقى بيهم ايه :D

وعندي 5 شرائح بيف باستري ادوني افكار ليهم مش عايزة حشو وكده انا جربت كل الحشو بيهم عملت حشو جبنة وعصاج ومربى عايزة افكار تانية

بيرق أمل;15696581:
بناااات عندي سؤالين بقى ساعدوني فيهم
انا جبت امبارح حبتين افوكادو قد الكمترى الوسط يعني مش كبيرة وناشفة انا هاسيبهم في الكيس يستوو حلو كده، واخليهم يستوو ازاي واعرف ازاي انهم مستويين؟؟
اعمل بقى بيهم ايه :D

وعندي 5 شرائح بيف باستري ادوني افكار ليهم مش عايزة حشو وكده انا جربت كل الحشو بيهم عملت حشو جبنة وعصاج ومربى عايزة افكار تانية

http://forums.3roos.com/showthread.php?p=12373655#post12373655
شوفى كدا الرابط دا نانى الله يمسيها بالخير:) كانت عاملة بالبف بسترى حشوة تفاح وحطاها ف صينية الكب كيك وكدا شكلها جاااامد:thumbs_up:

حلاوتى زايدة حتة;15696695:
http://forums.3roos.com/showthread.php?p=12373655#post12373655
شوفى كدا الرابط دا نانى الله يمسيها بالخير:) كانت عاملة بالبف بسترى حشوة تفاح وحطاها ف صينية الكب كيك وكدا شكلها جاااامد:thumbs_up:

يارب يسعدها ويمسيها ويصبحها بالف خير تصدقي وحشاني جدااااااااااا
طيب بقولك ايه افتحي انتي الرابط كده انتي متاكده ان فيه الطريقة ولا انا الي مش شايفة ههههههههههههه
وبالمناسبة انتي اسمك كده من زمان ولا كان ليكي اسم تاني وغيرتيه؟؟ :D

نووووووووووور جربي تعملي فطيره الهوت دوج بيها أو فطيره التفاح جميله و سهله حتجيبي تفاح اخضر و تقطعيه حتت و تحطيها علي النار و ترشي عليها سكر و قرفه و شويه ميه و تسيبيه تغلي غلوتين كده و ميتها تتقل ماسي تنزلي بشويه زيبيب و تحشي بيها البف باستري يا جميل و زي ابل باي كده فاهماني؟ و تدهني الوش بالبيض عليه فانيللا و تدخليها الفرن و بس

الحمام المحشى بعد غسيله هاتجيبى الكبد والقوانص بتاعة الحمام وتقطعيها قطع وتكونى مجزه بصل بتاع 3 بصلت مثلا تنزلى الاول بسمنه او زبده تسخن وبعد كده تنزلى بالبصب المفروم فرم خشن يغير لونه تنزلى بالكبد والقوانص وعليه بقى فلفل اسمر بزياده شويه وبهارات وقرفه وتشوحى لغاية مالحاجات دى تدبل تنزلى بجزر مبشوروتشوحى برده وبعد كده تنزلى بالرز المغسول والملح تشوحىوتنزلى بالميه والميه نفس مقدار الرز او اقل كمان يعنى ال 3 كوبايات رز يبقى حطى كوبايتين ونص ميه مثلا واما بغلى هدى النار لغاية اما يبقى استوى بنسبه 80 فى الميه تسيبيه يهدى وتحشى بيه الحمام من البطن ومن الزور وماتكبسيهوش اوى عشان مايفرقعش لو الرز زاد وتغلى ميه وملح وفلفل وبهارات وبصله وطماطم واما تغلى اسقطى الحمام ونص ساعه وبصى عليه امسى رجله دوسى عليها لو اللحم اتقطه بسهوله يبقى استوى والف هنا

mam to be;15698222:

جماعه بالنسبه للحمام المحشى انا كنت بعمل حاجه حلوه اوى بغلى مياه فى البويلار او فى حله كبيره شويه و لما بخلص حشوه الحمام برسه فى الحله و بحط عليه المياه المغليه و هيلم الحلد و هيتقفل فى ثوانى و هيتشد بحيث ان انو يتقفل اوى و مش يقع منو الرز جربوها و يا رب تعجبكم

دي طريقه ماما الله يرحمها كده الحمام مش يفك خالص و لا يتشقق كمان

mam to be;15698222:

جماعه بالنسبه للحمام المحشى انا كنت بعمل حاجه حلوه اوى بغلى مياه فى البويلار او فى حله كبيره شويه و لما بخلص حشوه الحمام برسه فى الحله و بحط عليه المياه المغليه و هيلم الحلد و هيتقفل فى ثوانى و هيتشد بحيث ان انو يتقفل اوى و مش يقع منو الرز جربوها و يا رب تعجبكم

تصدقي طريقة جديدة وباذن الله هجربها احسن من الزهق بتاع الخياطة
طيب قوليلي المية اللي اصبها عليه اكبهاه بعد كده ولا اخليها مية السلق بتاعه بقى؟
ولو فراخ محشية ينفع الموضوع ده معاها؟

تـيـولـيـب;15698677:

السلام عليكم ورحمة الله وبركاته
كل سنة وانتوا طيبين يابنات بكرة اول ذي الحجة ان شاء الله
متنسوش بقى الصيام وبالله عليكوا وانتوا بتفطروا ادعولي ربنا يرزقني بالذرية الصالحة
المهم بقة بالرغم من ان كل مرة اعمل حاجة حلوة وتبوظ مني الا ان عندي اصرار غريب على مواصلة الفشل النهاردة حبيت اعمل حاجة سهلة قولت اعمل لقمة القاضي قعدت ساعتين استنى تنفش شوية ابدا قولت ازود خميرة ولا حياة لمن تنادي وفي الاخر زعلت اوي على كوبايه الدقيق اللي راحت هدر

ربنا يرزقني وإياكي الذريية الصالحة يااااارب عاجلا غير آجل
بصي كده الخميرة بقى هي اللي بايظة
انتي حطيتي الخميرة ازاي معلقة كبيرة في ربع كباية مية دافية ومعلقة صغيرة مسح سكر؟
لو عملتي كده ومجابتش نتيجة يبقى الخميرة بقى بايظة