30 مرة نقول يا تري بتعملي الكله دي ازاي؟ مبدعات مصر القمرات شهر ذو القعده 1432

كل سنه وانتم طيبين
انا عملت النهارده دبابيس فراخ بطريقه ام بودى وفطيره عجينه البف باسترى بس حطيت بدل المشروم بسله ومحطتش هوت دوج لاننا مش بنحبه وبصراحه الاكل طلع روووووووووووووووووووعه الدبابيس خرافه خرافه بجد والله يابنات تجنن انا صورت كل الاكل بس مش لاقيه على الموبايل غير صوره الفطيره مش عارفه ليه هنزلها اهو
بس ده على قدى
عايزه بقى استفسار مهم جدااااااااااااااا
انا كل معمل اكلير بطريقه شيرى يتنفخ فى الفرن اوى ويبقى تحفه واطفى الفرن واسيبه جواه وثوانى والاقيه هبط جداااااااااااااااااااا وبقى نايم على بعضه ايه السبب

noor1984;15700887:
انا كل معمل اكلير بطريقه شيرى يتنفخ فى الفرن اوى ويبقى تحفه واطفى الفرن واسيبه جواه وثوانى والاقيه هبط جداااااااااااااااااااا وبقى نايم على بعضه ايه السبب

ماشاء الله تسلم ايدك

بالنسبه للاكلير لما يعلى اصبرى عليه شويه متطفيش على طول وبعدين تولعى الشوايه ياخد لون دهبى من فوق بس متغيبيش عليه لا يتحرق واما يحمر سنه من فوق كده طلعيه عااااااااااااااادى من الفرن بس ميكونش شباك المطبخ مفتوح يعنى ميتعرضش لهوا

وتمسكيه وهو سخن كده تشقيه علشان الحشو وبكده مش هايهبط منك

وهايعجبك باذن الله

دعوااااااااااااااااااااااااتك

بيرق أمل;15699578:

ربنا يرزقني وإياكي الذريية الصالحة يااااارب عاجلا غير آجل
بصي كده الخميرة بقى هي اللي بايظة
انتي حطيتي الخميرة ازاي معلقة كبيرة في ربع كباية مية دافية ومعلقة صغيرة مسح سكر؟
لو عملتي كده ومجابتش نتيجة يبقى الخميرة بقى بايظة

أم مازن*;15696844:
الحمام المحشى بعد غسيله هاتجيبى الكبد والقوانص بتاعة الحمام وتقطعيها قطع وتكونى مجزه بصل بتاع 3 بصلت مثلا تنزلى الاول بسمنه او زبده تسخن وبعد كده تنزلى بالبصب المفروم فرم خشن يغير لونه تنزلى بالكبد والقوانص وعليه بقى فلفل اسمر بزياده شويه وبهارات وقرفه وتشوحى لغاية مالحاجات دى تدبل تنزلى بجزر مبشوروتشوحى برده وبعد كده تنزلى بالرز المغسول والملح تشوحىوتنزلى بالميه والميه نفس مقدار الرز او اقل كمان يعنى ال 3 كوبايات رز يبقى حطى كوبايتين ونص ميه مثلا واما بغلى هدى النار لغاية اما يبقى استوى بنسبه 80 فى الميه تسيبيه يهدى وتحشى بيه الحمام من البطن ومن الزور وماتكبسيهوش اوى عشان مايفرقعش لو الرز زاد وتغلى ميه وملح وفلفل وبهارات وبصله وطماطم واما تغلى اسقطى الحمام ونص ساعه وبصى عليه امسى رجله دوسى عليها لو اللحم اتقطه بسهوله يبقى استوى والف هنا

شكرااا ليكى

تـيـولـيـب;15698677:

السلام عليكم ورحمة الله وبركاته
كل سنة وانتوا طيبين يابنات بكرة اول ذي الحجة ان شاء الله
متنسوش بقى الصيام وبالله عليكوا وانتوا بتفطروا ادعولي ربنا يرزقني بالذرية الصالحة
المهم بقة بالرغم من ان كل مرة اعمل حاجة حلوة وتبوظ مني الا ان عندي اصرار غريب على مواصلة الفشل النهاردة حبيت اعمل حاجة سهلة قولت اعمل لقمة القاضي قعدت ساعتين استنى تنفش شوية ابدا قولت ازود خميرة ولا حياة لمن تنادي وفي الاخر زعلت اوي على كوبايه الدقيق اللي راحت هدر

حصل معايا قبل كده كنت بعمل بيتزل تقريبا الخميره الفوريه دى ساعات بتكون بايظه
انا اتصرفت وحطيت عليها كيس بورد وطلعت حلوه زى الخميره ولقمة القاضى ماما بتعلها علكول بالبكينج بودر وبتطلع حلوه

بيرق أمل;15696542:
صباحكم زي العسل والجمال كللللللله
وحشتوني قوووووووووووووي جداااااااااااا



لا يا جميل انا يوم 7-9 وعرفت من التيكر الي انتي حاطاه
بس كده انتي كاتبة التاريخ غلط ولا ايه المفروض انتي ازيد مني بيوم اتاكدي بقى وعدليه ههههههه

لا انا متاكده انى حاطه التاريخ صح مافرقتش بقى يوووم:D
بصي يا جميل الطحينة اخدتها من ام بودي وجربتها وعملت منها برطمان وكانت جميلة والله جداااا زي الجااهزة بالضبط واحلى كمان
كوب سمسم ابيض + نص كوب زيت + كوب دقيق
دي مقادير ام بودي بس انا معرفش ليه احتاجت كبايتين دقيق لما جيت اشتغل

هتدفي السمسم في طاسة عشان الرطوبة تروح منه بس متحمريش ، ولما يبرد تطحنيه في المطحنة ناعم جداااااااااااااا ، وحاولي لما تفتحي الغطا متقربيش وشك عشان ريحة السمسم عالية قوووووي وهتضايقك
لما تتطحن حلو انقليها في كباية الخلاط وحطي الزيت والدقيق واضربي كتييير واطفي الخلاط وتضربي وتطفي لحد ما تتكون عندك عجينة وتحفظيها في التلاجة


هجربها نااااااااااو واقولك بس انتى حيرتينى كوباية دقيق ولا كوبايتين؟؟





بتنضفي الحمام كويس وتدعكيه بملح ولمون ودقيق وتسيبيه 10 دقايق كده وتغسلي وتصفي
هتجيبي مثلا كباية رز ماشي وبصلاية وسط مبشورة او متخرطة
في حبة زيت على سمنة او زبدة تشوحي البصلة ولما تدبل ويادوب لسه هتدخل على الاصفرار انزلي بنص جزرة مبشورة ولما يدبل انزلي بمعلقة زبيب ولما ينفخ انزلي بكباية الرز والفلفل الاسمر وربع معلقة صغيرة قرفة وقلبي كله على بعضه وحطي نص كباية مية (يعني كباية الرز = نص كباية مية) ويغلي بس انقلي على العين الصغيرة وربع ساعة واطفي عليه
(ممكن تستغني عن الجزر والزبيب والقرفة وتعملي باقي الخطوات عادي لو مش عايزة الاضافات دي بس بجد هيخلو الطعم خطير)

لما الرز يبرد احشي بيه الحمام وفي اخر البطن لما تحشي حطي القنصة واحشي من عند الرقبة ولما تخلصي اقفليها بالكبدة وهكذا في كل حمامة وخيطيها وكتفي الرجلين والجناح على ورى واسلقي كانك بتسلقي فرخة عادي وشوربة وحبهان وورق لوري وملح وفلفل اسمر
بتاخد في السلق ربع ساعة تقريبا مش اكتر تطلعيها تصفي ولما تهدى تشيلي الخيط منها وتحمريها في سمنة او زيت بس اوتدخليها الفرن تتحمر زي ما تحبي وترشي على الوش ملح وفلفل اسمر
وهنيا يا جميل ;)

شكرااااااااااااااااا

بالنسبه للى بتقول انها بتنزل عالحمام بالميه المغليه دا مش محتاج اخيييط كده لانى مش عايزه اخييطه دى خااالص

عايزه طريقه حلوه للرز بلبن او الرز المعمر عشان هودى منه لحماتى فا عايزه حاجه تشرفنى :)

ازيكم يا بنات عاملين اية هنزلكم بعض اطباقى

ما شاء الله يا سوسو تسلم ايدك بجد السندوتشات شكلها يفتج النفس

ربنا يخليكى يا اشرى

http://forums.3roos.com/showthread.php?t=639649

الجزء الجديد