30 مرة نقول يا تري بتعملي الكله دي ازاي؟ مبدعات مصر القمرات شهر ذو القعده 1432

بنات بليييييييييييييز
عايزة اعرف سمك المكرونة دة حلو ولا اية نظامة عشان ادبست فية ومش عارفة بيبق حلو ولا لا ؟؟ وبيتعمل ازاى ياريت

س2: كيلو السمك البورى بكام بردو ؟؟ وياريت طريقة جديدة لية غير الصينية

ومعلش طلب اخير رز السمك عايزاة يطلع غامق مووووووووت اعمل اية ؟؟

حلاوتى زايدة حتة;15677697:
بناات انا نزلت امبارح اجيب لازانيا ملقتش ف كارفور غير نوعين بسسس واحد ب 21 جنية 500 جم والتانى ب 22 جنيه و500 جم برضه والاتنين كل الكلام بالايطالى بئينا بندور على اى رقم عشان نعرف دى تكفى كام فرد:lol::lol::lol:

احنا لازم نبدأ فى تصنيع اللازانيا محليا:confused::confused: يعنى لازانيا ب 42 جنيه:confused::confused:

المهم كنت عايزة طريقة سلطة البطاطس

طيب ماتعمليها فى البيت هاتىالماكينه بحوالى 50 جنيه وكلى احلى لازانيااااااااا فريييييييييييييييييش روووووووووووووووووووووعه

سلطة البطاطس بقى

هاتجيبى بطاطس وتقشريها وتقطعيها مكعبات وتسلقيها فى ميه وملح ومعلقة خل واما تستوى صفيها كويس واعملى على جمب خلطة مايونيز مه بقدونس مفروم وتوم بودره وملح وفلفل وكمون ولمون ومعلقة زيت زيتون وممكن مش لازم زيت اصلا وقلبيهم فى بعض ودخليها التلاجه والف هنا
وطبعا تتعمل والبطاطس برده وانا بحب اضيفلها حمص مسلوق بملح وفلفل اممممممممممم

مدام/اشرى;15678452:
بنات بليييييييييييييز
عايزة اعرف سمك المكرونة دة حلو ولا اية نظامة عشان ادبست فية ومش عارفة بيبق حلو ولا لا ؟؟ وبيتعمل ازاى ياريت

س2: السمك البورى بكام بردو ؟؟ وياريت طريقة جديدة لية غير الصينية

ومعلش طلب اخير رز السمك عايزاة يطلع غامق مووووووووت اعمل اية ؟؟

السمك المكطرونه مسكر وجميل وبيبقى حسب نوعه بس هو طالما بلدى بيبقى حلو بس فيه شوك صغنن كتير خصوصا النص بتاع السمكه اللى فوق بس الشوك بتاعه طرى وطريقته الحلو هى القلى بنفس طريقت التنضيف والتتبيل بتاعة البلطى بس ده تقليله الملح شويه لانه بيحدق بسرعه
وياسلام لو قليلتيه بعجيبه من الدقيق زى التمبوره واااااااااااو ولو مش بتعرفى تعمليها بعد التتبيل عفريه بدقبق واقليه وخدى بالك مابيتقلبش كل شويه عشان بيتهرى انت حطيه فى زيتت سخن اوى واما يحمر ويشد اقلبيه مره واحده وبسسسسسسسسسسسسس

البورى اعمليه سنجارى بيبقى جميل اوى

هاتى السمكه وافتحيها نصين زى الكتاب وجهزى حشوه عباره عن
جزر مبشور + طماطم مكعبات+ بقدونس +وفلفل اخضر+ دقة توم(توم وملح وفلفل اخضر وفلفل ااسمر وكمون ولمون )وقلبى كله فى بعضه واعصري بايدك وانت بتدعكيهم وحطيهم بقى فوق السمك ورشى رشة زيت عالوش وفى الصينيه من تحت ودخليه الفرن واما يستوى شغلى الشوايه ياخد وش

الررز بقى هاتعملى الاتى لو مثلا هاتعملى نص كيلو رز تجيبى بصلتين كبار وحلوين كده وتحطى حوالى ربع كوباية صغيره زيت وتسخنيها كويس تنزلى بالبصل المتخرط وياريت يكون فى الكبه ومايتخرطش جامد اوىىىى وتحمى البصله لغاية ماتلاقيها اتحرقت يعنى اما جوز يدخل فاجاءه هايقوللك ايه ده حرقتى الاكل قوليله بكل ثقه اه
اول ماتتحمر لدرجة انك تحسى انها اتحرقت بس طبعا هى مش محروقه تنزلى بجزره مبشوره وتقلبى وتنزلى بجزء من دقة السمك تقليبتين وتنزلى بالميه وتحطى بقى ملح وفلفل وكمون وبهارات ومكعب مرقه لو تحبى واما الميه تغلى انزلى بالرز

وكلامى ده موجود بالصور فى موقع ام بودى لو عايزه تشوفى اللون بالظبط

والف هنا

ام بوووودي ولييييييييدي
انا خلاص اتعقدت بعمل اللي بتقولو عليه والله منا مش اول مرة اعمل كيكة :(
هو البوتاجاز عندي فيرست ده وحش ولا انا اللي مش عارفة اضبط الحلويات عليه؟؟؟

حلاوتى زايدة حتة;15677697:
بناات انا نزلت امبارح اجيب لازانيا ملقتش ف كارفور غير نوعين بسسس واحد ب 21 جنية 500 جم والتانى ب 22 جنيه و500 جم برضه والاتنين كل الكلام بالايطالى بئينا بندور على اى رقم عشان نعرف دى تكفى كام فرد:lol::lol::lol:

احنا لازم نبدأ فى تصنيع اللازانيا محليا:confused::confused: يعنى كيلو لازانيا ب 42 جنيه:confused::confused:

المهم كنت عايزة طريقة سلطة البطاطس

مهو ده السبب اللي خلاني معملتش اللازانيا لحد دلوقتي ههههههههههههههههه ادفع 42 في مكرونة ده انا اضيف عليهم واجيب مشاوي احسن وابقى شهرزاد زماني :lol:

مدام/اشرى;15678452:
بنات بليييييييييييييز
عايزة اعرف سمك المكرونة دة حلو ولا اية نظامة عشان ادبست فية ومش عارفة بيبق حلو ولا لا ؟؟ وبيتعمل ازاى ياريت

س2: كيلو السمك البورى بكام بردو ؟؟ وياريت طريقة جديدة لية غير الصينية

ومعلش طلب اخير رز السمك عايزاة يطلع غامق مووووووووت اعمل اية ؟؟

سمك المكرونة ده جميييييييل يا اشري وطعمه كانك بتاكلي جمبري او كابوريا واحلى حاجة ليه القلي زييه زي اي سمك تاني

بالنسبة للبوري ملوش الا صينية او سنجاري او مشوي بالردة او بزيت ولمون المقلي وحش جدااا مينفعش

رحمة الله عليك ياصاحب الابتسامه الجميله
رحمة الله عليك ياسلطان الخير
تعزيه في صاحب سمو الملكي الامير سلطان بن عبدالعزيز

أم مازن*;15679529:
طيب ماتعمليها فى البيت هاتىالماكينه بحوالى 50 جنيه وكلى احلى لازانيااااااااا فريييييييييييييييييش روووووووووووووووووووووعه

سلطة البطاطس بقى

هاتجيبى بطاطس وتقشريها وتقطعيها مكعبات وتسلقيها فى ميه وملح ومعلقة خل واما تستوى صفيها كويس واعملى على جمب خلطة مايونيز مه بقدونس مفروم وتوم بودره وملح وفلفل وكمون ولمون ومعلقة زيت زيتون وممكن مش لازم زيت اصلا وقلبيهم فى بعض ودخليها التلاجه والف هنا
وطبعا تتعمل والبطاطس برده وانا بحب اضيفلها حمص مسلوق بملح وفلفل اممممممممممم



السمك المكطرونه مسكر وجميل وبيبقى حسب نوعه بس هو طالما بلدى بيبقى حلو بس فيه شوك صغنن كتير خصوصا النص بتاع السمكه اللى فوق بس الشوك بتاعه طرى وطريقته الحلو هى القلى بنفس طريقت التنضيف والتتبيل بتاعة البلطى بس ده تقليله الملح شويه لانه بيحدق بسرعه
وياسلام لو قليلتيه بعجيبه من الدقيق زى التمبوره واااااااااااو ولو مش بتعرفى تعمليها بعد التتبيل عفريه بدقبق واقليه وخدى بالك مابيتقلبش كل شويه عشان بيتهرى انت حطيه فى زيتت سخن اوى واما يحمر ويشد اقلبيه مره واحده وبسسسسسسسسسسسسس

البورى اعمليه سنجارى بيبقى جميل اوى

هاتى السمكه وافتحيها نصين زى الكتاب وجهزى حشوه عباره عن
جزر مبشور + طماطم مكعبات+ بقدونس +وفلفل اخضر+ دقة توم(توم وملح وفلفل اخضر وفلفل ااسمر وكمون ولمون )وقلبى كله فى بعضه واعصري بايدك وانت بتدعكيهم وحطيهم بقى فوق السمك ورشى رشة زيت عالوش وفى الصينيه من تحت ودخليه الفرن واما يستوى شغلى الشوايه ياخد وش

الررز بقى هاتعملى الاتى لو مثلا هاتعملى نص رز تجيبى بصلتين كبار وحلوين كده وتحطى حوالى ربع كوباية صغيره زيت وتسخنيها كويس تنزلى بالبصل المتخرط وياريت يكون فى الكبه ومايتخرطش جامد اوىىىى وتحمى البصله لغاية ماتلاقيها اتحرقت يعنى اما جوز يدخل فاجاءه هايقوللك ايه ده حرقتى الاكل قوليله بكل ثقه اه
اول ماتتحمر لدرجة انك تحسى انها اتحرقت بس طبعا هى مش محروقه تنزلى بجزره مبشوره وتقلبى وتنزلى بجزء من دقة السمك تقليبتين وتنزلى بالميه وتحطى بقى ملح وفلفل وكمون وبهارات ومكعب مرقه لو تحبى واما الميه تغلى انزلى بالرز

وكلامى ده موجود بالصور فى موقع ام بودى لو عايزه تشوفى اللون بالظبط

والف هنا

شكرا يا شيمو ربنا يخليكى ياااااااااااااااارب عجبتنى حوار لو جوزى دخل عليا دة هههههههههههه عسل
انا هعملة النهاردة ان شاء الله وابق افرجكم على الصور بس يارب افتكر

بيرق أمل;15679570:
ام بوووودي ولييييييييدي
انا خلاص اتعقدت بعمل اللي بتقولو عليه والله منا مش اول مرة اعمل كيكة :(
هو البوتاجاز عندي فيرست ده وحش ولا انا اللي مش عارفة اضبط الحلويات عليه؟؟؟


مهو ده السبب اللي خلاني معملتش اللازانيا لحد دلوقتي ههههههههههههههههه ادفع 42 في مكرونة ده انا اضيف عليهم واجيب مشاوي احسن وابقى شهرزاد زماني :lol:

سمك المكرونة ده جميييييييل يا اشري وطعمه كانك بتاكلي جمبري او كابوريا واحلى حاجة ليه القلي زييه زي اي سمك تاني

بالنسبة للبوري ملوش الا صينية او سنجاري او مشوي بالردة او بزيت ولمون المقلي وحش جدااا مينفعش

ميرسى يا نونو اصل الست بتاعت السمك دبستنى فية عشان كدة حسيت انة ممكن يبق مش حلو

بنات عايزه طريقه طاجن الباميه
علما بانى عمرى ماطبخت ف الطاجن ولا اعرف اى حاجه عنه هههههه

لسه كان الشيف يسرى امبارح جايب عجينه الازنيا ازاى بتتعمل والماكينه بتاعتها
وطريقتها وكله اعملى سيرش وشوفيها ع اليوتيوب

شوشو الباسترى كريم بتاعك رووووووووووووووووعه مبدعه كالعادة ربنا يحبك

نوووور ماتياسيش معلش حاااولى هتتعودى على نظامه


شيرى مابتدخليش ليه ؟طمنينا عليكى ؟

ra_tamima;15680306:
بنات عايزه طريقه طاجن الباميه
علما بانى عمرى ماطبخت ف الطاجن ولا اعرف اى حاجه عنه هههههه

طاجن الباميه ياستى هاتجيبى بصله وتشوحيها فى معلقتين زبده او سمنه واما تدبل تنزلى باللحمه وتقلبى لونها يتغير تكونى ضاربه فى الخلاط طماطم مع جزره واحده تضربيهم كويس اوى وتنزلى بيهم على اللحمه وتسيبيها تتسبك وحطى معاها فلفل اسمر وبهارات ورشة بسيطه سكر واما تتسبك زودى كوباية ميه واحده ولما تبقى اللحمه نص سوا كده حطى الباميه واظبطى الملح وتكونى عامله دقه مكونه من(توم وفلفل اخضر )تحطيهم مع الباميه وتعصرى نص لمونه وتقلبى اول ماتغلى الباميه حطيها فى الطاجن ودخليها الفرن تكمل تسويه وبس اهم حاجه اوعى تمسكى الطاجن وهو سخن بقماشه مبلوله وكمان اما تخرجيه حطيه على حامل خشب اوعى تحطيه عالرخامه وهى ساقعه

manafola;15680439:

طب دلوقتي عرفناه طريقه عجينه اللازانيا و عملناها في الماكينه بتتعمل بقي في الصينيه ع طول و لا بنسويها في الفرن الاول عشان تنشف و لا ايه يعني تتحط عجين في الصنينه مع البشاميل و اللحمه المعصجه و لا ايه

لالالالالالالالالالالالالالالا
انت تغلى ميه وفيها ملح ونقطة زيت وتكون فى حله كبيره وانزلى بالازانيا هاتلاقيها تحت فى قعر الحله اما اللازانيا ترتفع وتطفوا على وش الميه سيبيها مثلا دقيقتين كماان وهى عالوش وشيليها حطيها فى ميه متلجه وبعد كده صفيها واعمليها بقى فى صينيه وكملى عادى

&pinky tears&;15680889:
شوشو الباسترى كريم بتاعك رووووووووووووووووعه مبدعه كالعادة ربنا يحبك

نوووور ماتياسيش معلش حاااولى هتتعودى على نظامه


شيرى مابتدخليش ليه ؟طمنينا عليكى ؟

ربنا يخليكى يارورو ياحبى انا مبسوطه انه عجبك بس قوليلى حشيتى بيه ايه؟

غدانا النهاردة سمك بلطى وسمك بورى بطريقة السنجارى ورز وسلطة خضرا وسلطة طحينة واوعى وشششششششششششك


البورى الى مستهبل عامل سنجارى عن قرب

تسلم ايدك يا قمر بالهنا و الشفا بس نوووووووووووووووووووووور غلطانة انك تقولي البوري مقلي وحش !!! ده حلو جدا يا قمر جربتيه؟


انا بجيب لازنيا عجينة من فتح اللله مصري ب 8 جنيه

مدام/اشرى;15682121:
غدانا النهاردة سمك بلطى وسمك بورى بطريقة السنجارى ورز وسلطة خضرا وسلطة طحينة واوعى وشششششششششششك


البورى الى مستهبل عامل سنجارى عن قرب

:thumbs_up::thumbs_up::thumbs_up::thumbs_up::thumbs_up::thumbs_up:
ماشاء الله رووووووووووووووووووعه

ra_tamima;15680306:
بنات عايزه طريقه طاجن الباميه
علما بانى عمرى ماطبخت ف الطاجن ولا اعرف اى حاجه عنه هههههه

رشا على فكرة احلى اكل اللي في الطاجن جميييييييييييييييل ماشاء الله احلى من الحلل بكتيييييييير
انا كنت بستنى رمضان ايام ماما الله يرحمها عشان بتعملنا كل الاكل في الطواجن

انتي اعملي تسبيكة الطماطم تشوحي بصلة محترمة ولما تدبل انزلي باللحمة ورشي فلفل اسمر وشوحي من جميع الجهات لما يتغير لونها وروحي انزلي بعصير الطماطم وحطي صلصة معلقة لو الطماطم مش حمرة اصل الطماطم هنا معدومة ولونها ابيض بعيد عنك بس في مصر اكيد حلوة، وارمي معاها قرن فلفل اخضر وحطي تاني فلفل اسمر وفص توم كبير متخرط على سن السكينة، وحطي مية سخنة وسيبي اللحمة بقى لحد ما تبقى نص سوا وتتسبك الطماطم حلو قوي زودي بقى مية على قد كمية البامية بتاعتك زي ما انتي بتطبخي واضبطي الملح ولما تغلي انزلي بالبامية ودقي فص توم وارميه معاه وسيبيه يغلي غلوتين بس فضيه بقى في الطاجن وحطيه تاني على النار عشان تسخني الطاجن بسرعة ولما تلاقي اللي فيه بدأ يغلي غطيه بفويل ودخليه الفرن (الكلام ده لو طاجن فخار) بس لو بايركس حطي فيه الخليط وعلى الفرن على طول
ويا سلام لو تعملي رز معمر معاه اوعى وششششششششك
والف هنا يا جميل

اشرررررررررري
ماشاء الله السمك جمييييييييييييل الف هنا يا حبيبتي
انا بقالي يومين جمعة وسبت سمك وجمبري ومش بشبع من السمك بصراحة وعندي استعداد اكل تاني انهرده، انا قطة :D
بالنسبة لسمك المكرونة والست دبستك فيه شمي كده ريحة السمكة يا اشري طازة ولا ايه نظامها لاني افتكرت حركات البياعين اللي كانو بيعملوها فيا :thumbs_down:

شيموووو
ايه مقادير اللازانيا عجينة لو عايزة نص كيلو قوليلي، انا اصلا عايزة الطريقة كلها

ام بووووووودي
تصدقي والله عمري ما دوقت البوري مقلي، بس ماما الله يرحمها كنت قولتلها مرة نقلي البوري قالتلي لا ده وحش في القلي واللحم بينشف، امبارح برضه جوزي بيشتري السمك وجبنا بوري مشوي قولتله مرة نجرب نقليه قالي لا يا شيخة ده وحش قوي مقلي
بس انا مش باخد على كلام جوزي اصلا لانه بيحب اي حاجة مشوية ردة حتى السنجاري مش بيحبه فمش واخداه مقياس هههههههههههههههه

ميرسى يابنات انا الحمد لله عملت طاجن الباميه وطلع تحفه تحفه كان نفسى اصوره والحمد لله عجب جوزى اوى لانه اصلا مش ليه ف الباميه علشان كده كنت قولت اجربه ف الطاجن

نور.....قوليلى بقى كل الاكلات اللى تنفع ف الطاجن لانى عجبنى الاكل فيه حسيته ليه طعم تانى خالص وصحى اكتر انا اللى عندى طاجن فخار
اشرى.........نجمه يابنتى الله ينور عليكى ماتنزلى بالطريقه بقى بتاعت السنجارى دى علشان بفكر اعملها شكلها مغرى

ماشاء الله ياشيرى الاكل رووووعه تسلم ايديكى بالف هنا

شوشو حشيت بيه اكلير كان جميييل اوى زى ام بودى .شوشو جوزك مش بيعملك زياره وتروحيله ليه؟؟؟ بدل قعدتك لواحدك

دى بقى تورتة نوووجتى حبيبتى المفروض ف يوم ميلادها بس طبعا الظروف ماكانتش تسمح واتبسطتت بيهااااااوى ولحسن الحظ يوم ماعملتها اختى وجوزها جم عندى عشان يشوفونى ويتطمنو على نوجى بجد اتبسطت اوى ان اختى جت واحتفلو معانا وجابولها هديه واتبسطتت اكتر لانها لعبت مع بنت اختى
التورته فكرة شيرى وابدااااع كالعاده اللى هيا كاستل كيك عجبتنى فكرتها وحاولت اطبقها بالظبط وطبعا كانت تحفه ف الطعم وعملت معاها حاجات كتيرمنهم الاكلير نصف كريمه ونصف كريم باتسير والاكل كله خلص بفضل الله وكان يوم حلو لبنتى واختى كانت مبهوره بيا بشكل غرييييب هههههههه مصدقتش خالص انى اللى عملاها هههههههه
اهى بس هيا اتشققت شويه لانها فضلت ف التلاجه مده طويله بس مااثرتش ع الطعم الحمد لله





محدش يتريق بعد كده هظبطها اكتر لكن الفكره حلوة اوى والله والصنيه طبعا مسحتها قبل مااقدمها لانى طبعا كنت بزوقها فوقيها من غير ماااحط حاجه تحتها فمحدش يتريق ؟


حبيت احطلكم الصوره عشان شيرى تشوف تطبيقى وطبعا نصحتنى بنصيحه كتر خيرها انى ادهن الايس كريم شوكولاته بيضه وبعديها كريمه حمرا وده صح جدا جدا جدا كان مقرمش ورووووعه وقعدنا نقرقش فيه بدل الست كانت عملاه بالجيلى كان هيبقى ميه وكده
ربنا يبعد عنك كل مكروه ياشيرى ويريح بالك جزاكى الله خيرا

ماشاء الله يارورووووووووووووووووو ابدااااااااااااااااااع تسلم ايديك ياحبى
ماشاء الله ولا حول ولا قوة الا بالله

رورو مابيعمليش زياره عشان هو الفيزا بتاعته عامل

السمك ريحتة حلوة يا نور والسمك شكلة جميل انا اقصد الطعم يا ترى حلو ولا لا لانى مش جربتة قبل كدة

وحشتوووووووووووووونى جداااااااااااا مع انكم مسالتوش عليا خالص خالص

نور الف مليون مبروك على الجواز ولو انها متاخره جدااااااااااا بس كل تاخيره
رورو عامله ايه وحشانى قوووووووووووووى واخبار بنوتاتك ايه والف مليون سلامه على جاسى وربنا يحفظها من كل سؤ وتسلم ايدك على التورته الجامده دى

محبتش ارجعلكم وايدى فاضيه التصوير مش قد كده لانه بالموبايل

كل سنة و هيا طيبه يا قمر و ربنا يحميها يا رب و فعلا التورته روعه تسلم ايدك

الفراخ جامده جدا يا ام زياد