✿... اللمة الثانية لبنات ليبيا الحرة ...✿

السلام عليكم ورحمة الله وبركاته

تحية لجميع الليبيات
موجودات ومش موجودات

المطر اليوم ما شاء الله
خير علينا باذن الله
وبشارة خير بزوال الغمة عن قريب
سبحان الله تقول معمر كان شاد علينا كل هالخير
وسبحان الله اول سنة ما نسمعش تعفليق الليبيين من المطر والغدران
قبل الكل متعفلق الكل مضايق المية تصب في كل مكان
غدران وما ادراك ما الغدران
خصوصا غدران سوق الجمعة وعرادة
وتحول طرابلس لبندقية ليبيا
واكيد مش طرابلس بس كل المدن الليبية
بس السنة هذي اختلف كل شئ
الليبيين كلهم عندهم اي شئ يهون المهم من غير معمر

ربي يهده وين ما نبت

ومع ان المطر قوي
والطرق مسكرة ما شاء الله
خيط من السمي

لكن مصلي على النبي البزار اليوم زحمـــــــــــــــــــــة
ما عرفتش نخش والله
خليت اختي الصغيرة تبيع في السينابون وروحت جري
الحمد لله

هي تفضلو سبنابوني اليوم سخين مازال



وهذا بعد ما رشيته بشوية لوزيات ،، ضربت على الدولاب لقيته فاضي قلت معليشي لوزتين كفاية هههههه



وربي يدوم الخير على الجميع

ويرزق الحوامل بساعة خلاص تكون ساهلة وخفيفة
تدعولنا فيها بازالة الغمة وحقن دماء الليبيين

مدام روز هو لازم الوردة
شنو بديرها موف حتى هيا

ايه خطرها
حسام الدين التايب الحلقات اللي فاتت
لابس بدلة بذنجالي وقرواطة مووووف
الحق هو بيوضي طالعة عليه تحفة
مع سورية بيضاء
فكري في اللقطة بكشي تاخذي بدلة موف للعريس

وفكرة الشعر حلوة راه
تعجبني لمعة الموف
بس شوفي يطلع عليك او لا
مع اني ما نفضلش الصبغة للعروسة
حلوة العريس يشوف شعرك الحقيقي بعدين غيري ليه زي ما يحب
ربي يوفقك ويهنيك