✿... اللمة الثانية لبنات ليبيا الحرة ...✿

مهما يقول هالخريف بيندبح يعني حيندبح

كل سنة وانتم طيبيين مقدما

على فكرة بكشي حد خاطره في الحج ويبي يمشي

السنة هذي الحج لاسر الشهداء
طبعا حياخذو شخص واحد من الاسرة حيكون الاقرب للشهيد
وحيكون الحج مجاني ان شاء الله

في تشاركية اسمها الانجاز
فاتحين باب الحج حتى هما لاي ليبي يبي يحج
المهم يدفع 10.000 وبعدين يديرو الاجراء ليه ويحج
تاشيرة وتذكرة واقامة
وهذي الوكالة الوحيدة اللي شادة الحج السنة هذي بالنسبة للسياحية

وفي هذه المناسبة ما ننساش نقول انه هالتشاركية زي الزفت
اني جربتها وقعدت 37 ساعة في مدينة الحجاج بجدة
لا ماكلة لا شراب لا حمام حاشاكم
مع معاملة سيئة
كله بسبب حجوزاتهم

المهم حبيت نبلغ هالمعلومة لانهم فتحو امس بس

بكشي حد يدور عليها

وكل سنة وانتم طيبيين

اهلا بيك من انا

يلا قولي ليا شن قصة الموف معاك
نبي نفهم
خاطري نفهم الحق :(

هموسة ربي يحفظك
صحيتي على نصيحة

اكيد في هلبة اسئلة
اول شئ اني مش هامني المواضيع الخاصة نحسها كل عريس وعروسة مخالفين لاي عروسة وعريس في مكان ثاني
مش عارفة يعني كل واحد وشخصيته واسلوبه وحياته وظروفه وتفاصيله
ولهذا نبي ننصدم بالواقع اللي قدامي من غير ما ناخذ فكرة على اي شئ
وندبر راسي بعدين

اكثر شئ حاليا نسال عليه موضوع الحوايج
في اللي يقول اشري هلبة
وفي اللي يقول لا متكثريش
وهلبة كلام

في شئ ثاني
بيجامة العريس
اني مش مقتنعة ببجامة الستان نحس فيها مش حتلتبس
فخذيت بيجامة ترقال على الحرير
ناعمة على الاخر موديلها زي الستان بس اكيد ما تلمعش
وخذيت بيجامة قطنية حتى هي نعومية حلوة
وبيجامة شتوية ،، مش عارفة امتى العرس فاهو في اي وقت نكون جاهزة وخلاص
المهم في اللي قالو ليا لازم بيجامة الستان

هل لازم او لا ؟؟؟؟؟؟؟؟

توة كملو الاسئلة

مع الايام توة تجيك الاسئلة على العزوزة والحماوات ما تخافيش مش حنسيبكم

ربي يهده دنيا واخرة


هموسة في ناس هلبة ادور على الحج

كانك عليا حتى عرس ما نبيشي
والله من اول الاحداث نقنع في ماما انها تلغي فكرة العرس
البلاد محتاجة للفلوس اكثر
بس هيا تقول كل شئ بالتساخير
وان شاء الله البلاد حتنبنى بناسها وقريشاتها
وربي يشفي الجرحى ويعوض اهالي الشهداء كل خير

حلوة الفكرة على الاخر
بس شفت الورد الموف في الصورة
وقريت على الكندرة الموف
قلت البنت شكلها مجنونة موف زيني
ماهو عندي معاه قصة قلت شكلها زيني

يخليك ليا يا هموسة
به واليرغان

كل العرايس ياخذو في اليرغان الايطالي
متاع الصندوق الكبير
اللي بالجوبير والارقانزاا
اني ما حبيتاش بكل مش عارفة علاش

قبل واخذة يرغان هندي اخضر زرعي ومطرز كله بالذهبي والاحمر زي قمجة البدلة الصغيرة
وخذيت يرغان بيج مطرز بالتريكو
واليرغان العادي متاع كل يوم

توة ينقرزو عليا يقولو ليا امالي العريس يقولو خيرها مش جايبة يرغان زي العرايس متاع الصندوق الكبير

زعمة ناخذه او لا

اني كثرت بس والله هالتبضيع هبلني


من انا نشوف فيهم يقولولك مدام روز
اهلا وسهلا بيك
الحق الموف لون فخم وحلو
ربي يهنيك بيه وبيومك الموفي

اهو حتى اني نستنى فيك
حملي براحتك


اسكتي يا هموسة شفت تعليقك متاع دار صغارك على الموف
قلت روز دارت صغار او شنو
نسحاب روز خخخخ طلعت غبية اخر حااااجة خخخخخ

مدام روز اني خاشة على 30

هموسة اني قصتي قصة مع الموف
خصوصا الداكن (البذنجالي)

زمان كنت نحبه واني طفلة صغيرة جميلة
كل بدلة عيد بذنجالي
مشي ماما معاش شرت ليا خلاص
ونسيت القصة وضاعت مع الزمن
ولما انخطبت
مرة جي عمك الراجل واني كنت لابسة فانيليا موف
اول مرة الحق نلبس فانليا قبل ديما عبايات
بس هذاك اليوم هبلت قلت خلي نغير
مشي عمك الراجل قالي حلو اللون
هو مسكين يقصد اني لابسة شئ جديد فحب يجاملني
وطبعا عمي الراجل اول مرة يعلق على لبسة ليا ما عمره ما جبد سيرة لبسي او علق على شكلي ابدا
مشي اني فرحت ودرت عرس خخخخخخخخ
وبعدها كل ما نشري حاجة ناخذها موووووووووووف
المدة اللي فاتت طلعت خذيت ليه زوز سواري وحدة موف هادي ووحدة بيج مخططة بالموف
ماما تعيط تقولي بيهرب من الموف متاعك وانتي ما صدقتي حد رجع ذكريات الموف معاك