✿... اللمة الثانية لبنات ليبيا الحرة ...✿

السلام عليكم ورحمة الله وبركاته
كيف حالكم يا صبايا الحوش

ما شاء الله هذا كله هدرزة
والله مش قادرة نلحق ونقرا

اليوم جمعة عاد نشاط وحيوية
ومشيت لبزار المعرض
عجبني على الاخر
الجو مش طبيعي
في منتهى الروعة والجمال

ايه نسيت نقول حاجة
الشعب الليبي تبدل تبديل

معاش يفننصو ويعاكسو
زعمة اني شينت او هما معاش يعاكسو
ابصر شنو صاير :D

من انا

القفطان الحق عجبني
اني نحب الموديل اللي نطلعه اني مش هو اللي يطلعني
يعني مع تسريحة ومكياج ومنكير وصندل وشنطة وتاكم يطلع تحفة
وطبعا من وجهك واضاءته وضحكتك اكيد يبدا ماليشي حل

بالنسبة للالوان العرايسية تبي اي شئ فاقع وهادي خخخخ
معادلة صعبة
تعرفي ماما بتقتلني بكلمة هذا مش لون عرايسي

عندك الاحمر والفلفلي والبودرا والوردي والفيروزي والاخضر والموف
هذا كله عرايس
حتى الفضي والذهبي والسماوي

بس انا براي اي حاجة طلعت عليك حلوة اكيد عرايسية
وان شاء الله بالصحة عليك

اللطف يا ربي
شنو ان حضرت الشياطين هربت الملائكة
وينكم مغكسين
ما علينا

نبي نسال
Diamond

هو انتي زوارية
لو انتي زوارية معناها عرفتك :p
ان شاء الله تكوني انتي مش نقصقصك على جماعة مصر
وربي ينوضك بالسلامة
وتي روحك راه الكل توة يجيبو قبل مواعيدهم من عمايل المشفشف
ربي يورينا فيه يوم
وينصر ولادنا في الجبهاااات

الله اكبر ولله الحمد

كيف حالكم يا بنات اللي مش معدلين عليا بكل

:'(:'(:'(:'(:'(

اني هني مش معدلين عليا
كنت نقرا في التشبيهات الفظيعة اللي كاتبتيها

حالة وخلاص تقول علينا عايشين في زريبة
بس سبحان الله تفكينا من عيلة كاملة

الحمد لله
الله اكبر

شوفو يا بنات
بعد دراسة مستفيضة بين صفحات النت
للتطريز بشرائط الستان
واخيرا نفذت اول عمل
سليلة فيها الخيوط واليباري ودبابيس والمقص لمنزل الزوجية



ودرت حتى الفط (( مناشف))
اني حمامي ابيض كله
فخذيت الفط متاعي بودرا وطرزتهم بالفستقي
وفط العريس فستقيات وطرزتهم بودرا
ودرت عليهم حتى حروف مش زعميتك ما نتلخبطوش خخخخخ

وفط الضيوف خذيتهم على الابيض وطرزتهم وردات بودرا وفستقي
وخديت طقم الحمام (مناشف وارواب- زوجي) على اللون الابيض وفيهم دنتيل بودرا وفستقي سبحان الله كانهم مفصلات على اللي في راسي
وفرشات الحمام خذيتهم بودريات فيهم لمعة على الابيض
وشنو ثااااني ممممممم
يعني والحاجات الثانية متاعي على البودرا وحاجاته على الفستقي

نبي رايكم في ستار الروشن شن يكون شكله
نحس روحي دخت
خاطري فيه بودرا بس ماما مش عاجبها البودرا قالت ديريه ابيض وطرزيه بالبودرا والفستقي زي فط الضيوف

هي قولو رايكم

هموسة ربي يخليلك بنوتك الحلوة
اني طبعا متاكدة انها حلوة
ماهو على اسمي خخخ قصدي طالعة لميمتها حلوة

اني نسحاب المنتدى مافيشي متزوجات
طلعتو ما شاء الله بصغويرتكم
ربي يحفظكم
عندي نية نحصل على متزوجة نتعلم منها
ماهو في حاجات مش اي حد يقولها
ومش اي حد يقدر يجاوب عليها
ما شاء الله حسيت هني في خبراااااات
الله اكبر