✿... اللمة الثانية لبنات ليبيا الحرة ...✿

هاي عليكم يا صبايا الحوش

مشيت درت دورة وجيت

ربي يفتح عليكم كلكم
وعلى قولة العيلة كلها المليح يبطا
على فكرة كرهتها الكلمة لين خلاص
استغفر الله العظيم

ربي يسخر الحال
والحمد لله



السينابون زمان خاطري فيه وبنهبل عليه وندور على طرق وتبهدلت
واخيرا لقيت طريقة درتها اول مرة زي ما هيا مكتوبة
بعدين غيرت وبدلت زي ما اني نبي
مرات في طرق ما تمشيش معاي

يلا من غير تطويل سيرة

الطريقة

كيلو دقيق
كاشيك ونص كبير خميرة
رشة ملح
رشة قرفة
ظرف بكينج باودر

المواد السايلة
ناخذ مالقي متاع كيلو او لتر
اني نستخدم في مالقي العيار الشفاف
المهم متاع لتر
نحط فيه حكة ونص حليب مركز (حكة صغيرة)
ثلث ارباع طاسة سكر عادي
ظرفين فانيليا (سكر)
ثلث ارباع كوب زبدة
وللسبر نحطو ربع كوب زيت

وناخذ المالقي نصب عليه المية السخونة لين يولي لتر كااااااااااااامل
نخلط كويس لين يذوب السكر
نخلط المقادير الجافة ونصب عليهم خلطة المالقي بالشوية بالشوية ونبدا نعجن
اعجني كويس كويس كويس
العجينة تجي رطبة
لو حسيتي انها يابسة رشي عليها شوية امية واعجني

بعد الدعك والسبك والعجن لين تولي ناعمة
غطيها بنايلو وخليها تخمر لسساعة وبس
بعدين اكسريها وخليها تخمر ثاني لين تولي اربعة خمسة اضعافها
في حدود الساعتين

بعدين خوذي الجزء الاول من العجينة
اني نقسم فيها ثلاثة اقسام
وكل قسم يطلع ليا 16 طرف

حلي العجينة وخليها مستطيل كبير
ادهني بالزبدة
وبعدين رشيها بمزيج من السكر والقرفة
وابدي لفي
ولفي
ولفي
وسكري كويس
بعدين قصيها
وستفيها في طاجين مدهون بالزبدة ومرشوش بالدقيق

خليها ترتاح متاع ربع ساعة
بعدين حطيها في كوشة سخونة

الصوص متاعه تلقيه في اللنك هذا

http://go.3roos.com/mkrg8si4x42
طبعا مش حيطلع اللنلك
ديري سيرش في القوقل على

صوص الكراميل لسيابون لذيذ وخفيف .. من مطبخ الاء

وان شاء الله تلقيه ويطلعلك

صحتين وعافية
واسفة على الاطالة وكثرة الكلام