لمتنا السورية اهلا وسهلا فيكم لشهر ذو القعدة 1432

رحمة الله على سمو الامير سلطان .... الله يتغمد روحه الجنة وانا لله وانا اليه راجعون

يسعد صباحكم ياحلوات

لولية الله يبيض وجهك ويكون بعونك يااارب .... وهي ساعات وبتمضى الله الله المستعان
عم ننتظر الصور ياقمر

روح عامر يالله قرب السفر الله يوصللك بالسلامة وان شالله بتنبسطي يااارب

عروسة ابراهيم شايفة بالله خخخخخخخخ يمكن تطلعي اختي بالرضاعة وانا مو عارفة هههههههه
لا تطولي علينا صايرة عم تغطي كتييير

لولو الدوحة نورتينا شو هالغيبة هي
الحمد لله على عودتك وانك بخير يارب دووووم كيف الحلوين ولادك والدلوعة بنوتك

مساكم خير وورد كيكفم وكيف مزارعكم ان شالله بيصير عنكم مزارع عن جد كلكم والله أنا لعبت بهاللعبة باليمن بس هون بسوريا تركتا لأنو النت بطئ كتير كتير سلسة

لولية ألف مبروك وبانتظار الصور وأكيد حلوين متل ما تعودنا

دمشقية كيفك وكيف المدارس معك والله أنا أيام بجي من الشغل بقرف هالمهنة وأيام عادي شي بيعل القلب وبيجلط التعامل مع ولاد أو مراهقين بعمر طلابي شو آخر أخبار طبخاتك ماعاد شفنا صور والله أنا ما بنزل للأسف ماعندي وقت صور عالموبايل ونزل
سوريا شدي الهمة على مزرعتك ياستي نحنا بمزرعتنا كنا مربيين بقر وجاج وزرعنا كل شي بيخطر على بالك يمكن كلو اتخرب والشجر يبس والبقرات والجاجات ماتو ياحرام

روح عامر كيفا بنوتتك ان شالله خف تعبها وعذابها وصارت تنام وصارت ترضع متل الأول وقديش صار عمرها دخلتيلا شي تاني غير حليبك

كاتي الله يقومك بالسلامة يارب

آسفة على الاختصار لأني فارطة من النعس معليش لو عيبتو عليي وقلتو متل الجاج مقبولة منكم لأنو فعلا متل الجاج هههههههههه

الله يسعد مساكم وكل اوقاتكم يارب
روح عامر والله معك حق العطلة متلها متل اي يوم ولا واحيانا بتكون اسوأ نحنا كنا معزومين عالغدا عند بنت عم زوجي وبعدين لحقنا الدمشقية وزوجها عالمول اتمشينا ورجعنا
شو اخبار تجهيزاتك للسفر والهدايا ولا مالك فاضية قاعدة عالمزرعةخخخخخخخخخ
عروسة وين عم تغطي وحشتينا
لولية الف الحمدلله يلي خلصتي على خير وسلامة وطلعت الحفلة حلوة وان شاء الله الف مبروك واكيد عم ننتظر الصور

شامية الله يكون بعونك والله شغلتك متعبة وفيها لعيان قلب ستي الله بعين
وهالمزرعة صايرة سوستنا وتسلايتنا منصحى عليها ومنام عليها هههههههههههه من كتر الفضى يلي نحنا عايشين فيه بوسيلي سلومة

صباح الفل والياسمين للجميع
اي والله يابنات لولا تفكيري بالعطلة والتجهيزات الها لكان طق عقلي بالهلوسة والوساوس عنجد اخر فترة تعبت من الوحدة
الهدايا خلصت الحمد لله بس بقي انا وبنتي ما عم لاقيلا شي مرتب ولا الي ان شاء الله لاقي شي حلو
شامية والله بنوتي بخير والحمد لله صارت احسن من قبل بس لحد هلأ ما بترضع الا ع كيفا يعني احيانا بيعدي عليا 3 او 4ساعات من دون رضاعة بس نامت برضعا وما دخلتلا شي مع الحليب هلأ اسبوع تاني وبيصير عمرا اربع شهور ان شاء الله بصير طعميا مع رضاعتي الاكلات المخصصة لهالشهر وان شاء الله خير
وانتي كيفو ابنك وان شاء الله متعود ع ستو وما عم يعذبا بوسيلي ياه بوسة كبيرة
لولية الحمد لله فرحتيني انو صارت الخطبة حلوة ان شاء الله العرس يصير احلى واحلى وبدون مهدئات

لولية ان شالله زواجات الدهر وتبقي سالمة وفوق راااسهم
الله يقويكي وايمتى مافضيتي نزلي الصور بانتظارهم ياقمر


88888888888888888

اهلين شامية طل القمر والله طمنيني قبل كل شي شو صار معك مع بيت حماكي وزوجك

والله انا بخير الحمد لله بخير والمدارس عال العال لعية قلب وفيقة بكير بس باقي هالاسبوع وكمان يومين وبعطلوا عطلة العيد شي 15 يوم تقريبا ولحئي عطل
وانتو الله يعينك يارب التدريس لحالو هم ودبلة قلب الله يقويكي

وبخصوص الاكلات والله مافي وقت للتنزيل يادوب عم نزرع ونفلح خخخخخخ بس من عيوووني ولا يهمك

&&&&&&&&&&&&&&&

اهلين سوريتي كيفك اشتقتلك انا
طمنيني عنك وعن طبخاتك وكيف جوجوبالمدرسة

*************

روح عامر يالله برافو اللي خلصتي الهدايا والله بدهم فتلة على كعب وساق ههههه ماعدا بدهم ميزانية لحالها الله يعوض عليكم يااارب
انزلي دبي واشتري من هنيك ملابسك في اشياء بتاااخد العقل بس اعتقد اغلى شوي من عندكم
صحيح شو نظامك بالطلعة بسوريا يعني شو بتلبسي مانطو ولا كاجوال ولا عباية ولا فري

مراحب يابنات كيفكم ما طولت الغيبة عنكم فتحت والله قلت بركة بلاقي أختي ما لاقيتا قلت لحالي بفش قلبي لأخواتي بالشات لأني رح طق هالمرة الشغلة ما بتخص بيت حمايي
ياجماعة من فترة ماما خطبت لأخي بنت على طلبو جامعية وفهمانة وقريبا يمكن تصير دكتورة بالجامعة كمان وواعية وصاحبة دين المهم قال هي أكبر منو بشهر قال أخي منشان شهر مارح فركش الخطبة البنت فهمانة وأهلا أوادم المهم صارلو شهر ونص خاطب مبارح الخانم بتخبرو سر قال شو هي أكبر منو بتلات سنين ونص ياجماعة رح انجلط كيف هالعالم بتكذب هيك كذبة ولك ماما تعرفت عليها بالجامع والله لا حول ولا قوة الا بالله قالت لحالا بطبق الشب وبعد ما يتعلق فيني بخبرو هي وأمها كذبو هالكذبة حسبي الله ونعم الوكيل لا والعالم كلها لما شافو العروس قالو لماما الله يسامحك في فرق كبير كتير كتير بالجمال والطول لأنو أخي ما شالله أحلى واحد بين الشباب بالعيلة كلها والبركة طويل كلنا طوال وصاحب دين عم يدرس شريعة وآدمي والله نص بنات العيلة تمنوه ماما بترد عليهم نحنا خطبناها على أخلاقها وعلمها شو رأيكم ويلي بيهز البدن أنو أخي شفقان عليها وما بدو يتركها شو الله جابرو يتجوزها شفقة منشان ما يكسر بخاطرها لاء والسبب كذبة هي كذبتها أنا ما رضيت اتدخل بس انقهرت عليه لاء وقال أمها مابدها ياه يخبر حدا بدها تقنعو بطريقتها قال بتقلو الله يرضى عليك لا تتركها وتكسر بخاطرها
طبعا أنا مابدو يخبرني بيعرف ردي خبر ماما وقلها لاتقولي لحدا وماما ما بتحسن ما تقللي شو رأيكم بهالعالم ؟؟؟

سورية وبفتخر;15681905:
شامية الله يكون بعونك والله شغلتك متعبة وفيها لعيان قلب ستي الله بعين
وهالمزرعة صايرة سوستنا وتسلايتنا منصحى عليها ومنام عليها هههههههههههه من كتر الفضى يلي نحنا عايشين فيه بوسيلي سلومة

اي والله يا سورية شي بيلعي القلب لاء وصايرة هالمهنة لا قدر ولا قيمة بهالقوانين الجديدة يللي طلعت على زمان هالجيل
ومنشان المزرعة الله يعطيك العافية شدي الهمة تقبشيني وبوسة سلومة وصلت تكرمي

روح عامر;15682624:
صباح الفل والياسمين للجميع
اي والله يابنات لولا تفكيري بالعطلة والتجهيزات الها لكان طق عقلي بالهلوسة والوساوس عنجد اخر فترة تعبت من الوحدة
الهدايا خلصت الحمد لله بس بقي انا وبنتي ما عم لاقيلا شي مرتب ولا الي ان شاء الله لاقي شي حلو
شامية والله بنوتي بخير والحمد لله صارت احسن من قبل بس لحد هلأ ما بترضع الا ع كيفا يعني احيانا بيعدي عليا 3 او 4ساعات من دون رضاعة بس نامت برضعا وما دخلتلا شي مع الحليب هلأ اسبوع تاني وبيصير عمرا اربع شهور ان شاء الله بصير طعميا مع رضاعتي الاكلات المخصصة لهالشهر وان شاء الله خير
وانتي كيفو ابنك وان شاء الله متعود ع ستو وما عم يعذبا بوسيلي ياه بوسة كبيرة
لولية الحمد لله فرحتيني انو صارت الخطبة حلوة ان شاء الله العرس يصير احلى واحلى وبدون مهدئات

اي الحمد لله برافو عليكي وطالما عم تشبع بنوتتك منك خليكي لنهاية الخمس شهور عم ترضعيها مافي أحسن من الرضاعة الطبيعية وكل ما غبت منك حليب أكتر وبتاخد مناعة وصحة أكتر لأنو كل وجبة رح تطعميها ياها رح تكون محل رضعة
سلومة بخير الحمد لله وبيحب ماما كتير بس أكتر شي متعود على أختي لما بتكون موجودة أنا حتى مالي لزوم

الدمشقية;15683964:


88888888888888888

اهلين شامية طل القمر والله طمنيني قبل كل شي شو صار معك مع بيت حماكي وزوجك

والله انا بخير الحمد لله بخير والمدارس عال العال لعية قلب وفيقة بكير بس باقي هالاسبوع وكمان يومين وبعطلوا عطلة العيد شي 15 يوم تقريبا ولحئي عطل
وانتو الله يعينك يارب التدريس لحالو هم ودبلة قلب الله يقويكي

وبخصوص الاكلات والله مافي وقت للتنزيل يادوب عم نزرع ونفلح خخخخخخ بس من عيوووني ولا يهمك

&&&&&&&&&&

تسلميلي يارب والله يزيد ويبارك ازرعي وفلحي لو كانت حماتي بتعرفك كانت قالت عنك فلاحة خخخخخخخخخخخخخ لأنو سلفتي مو برزاوية مسميتها الفلاحة وأنا ما عرفت شو بدها تسميني لأني من الشام بما أنهم هنن الأكابر ومافي من بعدن أكابرية سمتني النورية وبغيابي وما بتقول عني الا هي كنتي النورية الله لا يسامحها يارب المشكلة انو شفناها وشفنا الأكابرية تبعها مابدي احكي غير الله لا يسامحها

المهم انتو ياها الأهالي بتزعلو عالعطل ونحنا منفرح كتييييير
وعن أخبار حماتي حاليا ما بعرف الأخبار عن سلفي وسلفتي بس ما شفناهم بعد يوم الجمعة لأنو طلعو سوا مع حماتي

الله يسعد اوقاتكم جمييييييييع
تعالوا اتحلوا بالسينابون وقولولي رأيكم شغل ايدي اتفضلواااااااااا




وهي زوووووووووووووووم

اهلين شامية والله فعلا ناس غريبة يعني صاحبين دين ويكذبوا والله مابعرف شو قلك بس اكيد هالشي بيرجع لأخوكي يعني اذا هو حاببها وعاجبته ومابتفرق معه فرق العمر يضل معها واذا مخليها شفقان عليها وعشان مايكسر خاطرها لأ يتركها من هلأ احسن من بعدين هنن لسى عالبر وربك بيكرموا وبيكرمها بأحسن

مرحباااااا بنات سوريا الاحرار
رحبو فيه بينكن ل انه حبيت ندخل ونشوف لمتكم الحلوه؟

اهلين سوريه كيفك؟

سلم توو مشيه لمتنااا بيش تفضلوووووو لمة ليبيا الحرةهههههه

سلاااااااااااااام ياحلويين
في قلب ليبيا اهلا وسهلا فيكي نورتينا والف مبرووووووووووووووك الكم ولليبيا وان اشاء الله الايام الجاية تكون احلى واحلى وضلك زورينا

اهلين كاتس صمصومة قلبي ههههههههههههه لسى مابضتي يالله الله يحمل معك ويقيمك بالسلامة وماقصرتي رحتي وتمشيتي وغيرت جو وعشات تالا ومتل ماقالت امك الله يخليلك ياها لتستوي الطبخة هههههههههه
انا واطافيلي الحمدلله بخير ومشوار المدرسة والله متعبني بردت همتي خخخخخخخخ الله بعين
كاتس ادعيلي وانتي عم تولدي الله يسرلي اقامتي اذا تذكرتي

مرحبا للجميع
اي هاي اللمة الحلوة يلي فيا الكل
دمشقية اهلا بالحلوة عم نستنا صور لأكلاتك الطيبة بالنسبة لأسلوب طلعتي انا بطلع بمانطو بس بالامارات بلبس عباية اخف وابرد ويمكن لما انزل ابقا بالعباية لانو لهلا ما عم يلبسني شي من جهازي زعلانة كتير :(لأنو مالبست شي منون الحمد لله بنوتي عم تنسيني شوي السمنة يلي صابتني
اي شو هالسينابون يا سورية الحلوة صحة وهنا كلي عنا وعنك عن كل وحدة كلي اربع قطع :lol:
اهلا وسهلا شامية والله قصة اخوكي صعبة وخاصة بعد ما تعلق فيا بس لازم تقولولو اذا هلأ كذبت عليه واعتبرالموضوع عادي يعتبر كل حياتو معا كلا كذب يعني مالا ثقة ابدا بركي لما بيفكر بهالطريقة يتركا الله يسرلو الخير ويبعد عنو الشر
والله بيعينك بحماتك الله يهديها
كاتس الله يقومك بالسلامة وان شاء الله مع اول طلقة بيفتل فورا انا سمعت في دكتورات بيفتلو بايدون وشفتو عالنت اسألي اذا في بمنطقتك هيك دكتورات وانشاء الله خير

صباح الخير ياحلوات وياموجودات ويا طشطنات ههههه وياغايبات وحشتووني والله

لولية الله يبيض وجهك وعقبال فرحتك بولادهم واكيد بانتظار الصور الله يقويكي يااارب

&&&&&&&&&&&&&

سوريتي تؤبشي قلبي والله سال لعابي شهيتيني على السينابون
ان شالله هنا وعوااافي يااارب .... لك اشتقتلك شو هالسئالة تبعك ليش ماعم تجو ؟؟؟

************

شامية اهلين فيكي حبيبة قلبي والله يديم المحبة بينا يارب ويخليلك اخواتك ان شالله

الصراحة القصة اللي صارت مع اخوكي قصصصصصصصصة والله ولي على هالعالم مو معقولة يعني بيعرفوا هالكذبة مارح تبقى مخباية شلون اجتهم الجرئة!!!!!
بس والله ياشامية رايي متل باقي البنات الموضوع بيرجع لاخوكي اذا هو حاببها وبدو تضل معه او لاء
ومع هيك هالقصة عملت شرخ كبير برايي وبعد هالقصة مارح يكون عنده ثقة فيها ... والله يكتبله الخير يااارب

وبخصوص اخر طبخاتي والله ماعم صور لاني مشغولة بالمزرعة والفلاحة هههههه
يحرء حريشها حماتك مو معقولة لكن كان سمتني فلاحة متل سلفتك خخخخخخ اي ياريت والله على الاقل بيكون عندي ارض وبكون نشيطة خخخخ بس انا وين والحب وين

وانتي سمتك نورية ...... اي من غيرتها حبيبة قلبي وكل اناء بمافيه ينضح يالطيف شوهالعالم

والله ياشامية منزعل على العطل لانو نحنا بمدارس خاصة وعم نكع دم قلبنا فياريتهم بيدرسوا على قد مابتدفعي بلا مؤاخذة وياكتر عطلهم هون
على عطلة العيد وعطلة الحج وعطلة رمضان وعطلة الربيع وعدي اذا بتعدي .........

اهلين فيكي بنت ليبيا منتشرف فيكي ياااقمر نورتينا والله
انا رحت ليبيا السنة الماضية وجلست كم يوم بطرابلس ... وانتو كتيير طيبين ماشالله عنكم