لمتنا السورية اهلا وسهلا فيكم لشهر ذو القعدة 1432

صحي اتزكرت نازلة عالعيد ع سعودية هاد اخر اخباري ..

اهلا وسهلا بعروسة الحلوة انتي بالبال وعم نستناكي كل ما كبرت اللمة صارت احلى
عم نستنى اخبار منك حلوة وان شاء الله تنبسطي بنزلتك عالسعودية بالعيد

شو وينكون ياحلوات

الدمشقية;15646259:
صباح الخير ياحلوات

شامية حبيبة قلبي الله يحمل معك ويبرد على قلبك والله صعبة هالعيشة وبدها صبر ايووووووووووووووووووب
الله يصبرنا يارب
ودخيلك خللي البيوت الها يمكن بتاخدهم على قبرها ...اه على بني ادم مابتملى عينه الا التراب

اي صدقيني جوزي بس يتاخر تاخير مو مايعطيها ,, تاخير فقط )) بخرجية امه على طول بتبرم بوزها وعلى طول بقللي راح اعطيها المصروف حتى تفردها
ياستي الله لا يبلانا ... مامنقدر نقول غير الحمد لله

مو هيك دمشقية على كل حال الله لا يعيزنا الها يعني أختي وزوجها ما قصرو معنا ويلي عملوه معنا ما بنساه كل حياتي
بس أنت التانية حماتك تحفة قال بتقلب خلقتها بركة الواحد متضايق بركة كان عندو دفعات كبيرة متل مدارس الولاد مثلا أو اي شي بركة هالشهر ما توفر معو يعني عايشة وعم تاكل وتشرب ومو ناقصها شي وما بيشتريلك شي الا وبيشتريلها قبلك ما بتموت من الجوع اذا قصر عليها لسبب ما فعلا لا حول ولا قوة الا بالله

سورية وبفتخر;15646893:
الله يسعد صباحكم ياحلويين
شامية هي حماتك غير الله مابيقدر عليها هههههههههههههه
اهلين دمشقية تقبري قلبي ماحلك تشتاقيلي خخخخخخ
اما عن اخباري وصل سلفي اخو زوجي من اليمن وكان قاعد عند ببيت دمشقية يعني عند سته ومبارح اجى لعنا طبعا جاية بفيزة عمل وما بعرف حتكون الاقامة عنا ولا بسكن الشركة هو حرام ماله سئلة ابدا محترم ومذوق واله افضال عليي هو ومرته لما كنت انا باليمن والله يقدرني رد الجميل
وبخصوص سيرة الحب والله مابعرف شو ساوي مبارح اتغدينا عند دمشقية هيه ساوت كباب هندي وجنبه رز ابيض وانا ساويت شيش برك يعني اشتراكية هههههههههههه

مو هيك سورية بس ما فهمت شو صلة القرابة بين سلفك وبين دمشقية

لولية;15647133:

صباح الخيرات يا عسولات حبيباتي والله اشتقتلكن وقلت هيك صبح عليكن قبل ما بلش الركض مع إنه حاسة إنه جسمي كله مكسر بس المشكلة صعب بهالفترة دلل حالي يعني مو وقتها والمشكلة كل هالركض ولهلا ما لقيت فساتين لبناتي كرمال يحضروا خطبة اختهن والله ضايجة وما عارفة شو أعمل بس الحمدلله فستان العروس عو خيطه وفستاني كمان وان شاء الله يطلعو حلوين يارب

شامية يا عمري شو يدي احكيلك لاحكيلك والله هالراس يا ما مرق عليه بلاوي يعني صدقيني حماتك ولا شي والله خايفة لبلش احكي ما اسكت لك أنا حماتي وبنت حماي بيخربو بيوت وهني حاطيين رجل على رجل وعلى قولة المثل اللي ما بيخاف الله خافي منه بس أنا اتحملت 20 سنة وأنا ساير وساير لحد ما ايجى يوم فقعت معي عالأخير وقلتله لزوجي يا أنا يا هني وطلبت الطلاق وأصريت عليه قلتله يا أما هالبيت إلي وما في جنس واحد منهن بيدخل عليه وبعتبرهن ميتين بالنسبة إلي يا أما كل واحد بطريق فلما شافني هيك قلي الحق معك خلص متل ما بدك وقلتله أنا ما بحرمك عنهن هدول أهلك ولا بمنع بناتي هي صلة رحم المهم صرلي 4 سنين ما بشوفهن غير بخطبات بناتي والسلام فقط بالايد وطبعا بيقعدهن ابنهن بالاوتيل فمتل ما قلتلك ألف عين تبكي ولا عيني تدمع طبعا زوجي بيحاول كل فترة وفترة بس عارف إنه فعلا مستعدة اتركه ولا ارجع حكيهن بس أنا طلعوني عن عرضي وحكوا عليي بالعاطل وأنا انسانة محجبة وبخاف الله وملتزمة وأم بنات طبعا ماحدا بيصدقهن بس ولو أنا أخدت موقفي وخلص

لك ما قلتلك ما تخليني انفتح

طولي بالك لولية والله شكلك قلبك محروق الله لا يسامحهن يارب لا دنيا ولا آخرة وبخصوص انو حكو عليك بعرضك وحماتي كمان ما قصرت بهالموضوع كمان حكت علي وعلى سلفتي بأخلاقنا وبعرضنا كمان الله لا يسامحها يارب

روح عامر;15647282:
صباح الخير والفل والياسمين للكل
شو صايرة هاللمة فشة خلق للجميع الله يعينكون ويصبركون يارب
تقولي هالحموات ما عندون بنات رح يتعذبو كمان
عنجد شي غريب بهالدنيا
شامية _دمشقية _ ولولية الله يهدي حمواتكون
ذكرتوني بأمي وحماتا تصورو ماتت ستي وما بكينا عليا من كتر ماكانت مفظعة مع امي والمشكلة بابا مع امو كان يقسى علينا كرمالا وتوصل معو للضرب عنجد ما فيني قول الله يرحمها من قلبي
والله اخباري الحلوة حجزنا يوم الوقفة و
هلأ عم نجهز حالنا وبتعرفو اول مرة بنزل لازم اتذكر كل وحدة بهدية بس طبعا بس اهلي وبيت حماي
عنجد الهدايا بتوجع الراس والمقاسات الله يعيني
ادعولي تتيسر نزلتي وانبسط فيها

الله يرزقكم ويقويكم الهدايا بدها هز كتاف والله ذكرتيني ومنشان فشة الخلق شو بدنا نساوي منفذنا الوحيد هالشات

عروسة ابراهيم;15650380:
هااااااااااااااااي كيفكن اشتقتووووووولي ماهيك ؟! ايه بعرف مع انو ماحدا عم يسأل بس يلا انا بحبكن من قلبي أشتقتلكن كتير مبروك هند هلأ شفتها كاتبة منيح مانسيتنا وعم تطلطل كنت مشغولة الفترة الماضية وخرب الانترنت من شي اسبوعين يمكن مبارح لأشتغل .. مالحقت أقرأ أخباركن بس ان شاء الله تكونو بخير ... الدمشقية حلو كتير علم سوريا يلي حاطتيه بالفيس بوك باللعبة عم جمع حئو مشان أشتري متلو خخخ

أهلين وسهلين الله يعطيكي العافية بشو مشغولة وشو قصة العلم ما شفتو رايحة شوفو

روح عامر;15651030:
اهلا وسهلا بعروسة الحلوة انتي بالبال وعم نستناكي كل ما كبرت اللمة صارت احلى
عم نستنى اخبار منك حلوة وان شاء الله تنبسطي بنزلتك عالسعودية بالعيد

تسلمي يارب :o

شامية للعظم;15652762:





أهلين وسهلين الله يعطيكي العافية بشو مشغولة وشو قصة العلم ما شفتو رايحة شوفو

ويعافيكي التهيت بالجامعة كتير وكمان مابلاقي غير اليوم خلص وصار وقت النوم عم يضيع وقت كتير ومن فترة انخطبت بنت عمي كمان التهيت فيها شوي ...العلم بلعلبة المزرعة السعيدة حلو كتير طالع

مراحب يا بنات ما حسنت ما أفتح وخبركم شو صار معي مبارح معليش تحملوني وتحملو مشاكلي
ياسيدي مبارح طلعنا لبيت سلفي اجو بيت حمايي بالصدفة طبو بدون موعد المهم تفاجأو فينا كتير وتدايقو كتير لأنو رحنا لعندو لازم ما نتحرك ولا حركة بدون علمهم
المهم كل الوقت واحد يروح وواحد يجي ويقللي يييييييي نحفان سالم طيب كان مرضان ما بدو ينحف يعني بعدين سألتني سلفتي ما قالتلك الدكتورة من شو صار مع ابنك هيك قلتلا مبلة من الجبنة البيضا دارت حماتي وشها عليي وقالتلي انت طعميتيه جبنة بيضا قلتلا أنا ما طعميتو يوم الجمعة الماضية انت طعميتيه وفاق الصبح عم يستفرغ انتفضت وانهز بدنها قال الجبنة مغلية ساعة كاملة قلت بقلبي لو مغلية ساعة كاملة حتى لزقت ببعضها وصارت شقفة وحدة بس ما كذبتها سكتت بس انبحتت وقالت الجبنة مغلية ساعة كاملة نسيناها عالغاز ومدري شو المهم دغري لبست ومشيت لا تضيفت ولا شي لسا ما طلعت من البيت فتحت تلفون لزوجي وانبحتو عليه طبعا ما خبرني شو قالولو بس اختصر وقللي قال هنن من عندن ونحنا من عنا يعني ماعاد بدن يانا
بعد شوي بعتتلو امو رسالة قال قلتلك يا ابني لا تاخد هالبنت ما بتناسبك لأنها نورية حاولت ساويها زلمة كتير بس بس النوري بيضل نوري
تخيلو ياجماعة انا شو عملت يخرب بيتها وبعدين انا يلي نورية يالطيف وشو قدمتلي حتى حاولت تساويني انا ما بعرف امانة قولولي في ارزل من هيك

لولية تشتاقلك انوار النبي يارب
الله يقويكي يارب وتلاقي احلى فساتين لبنوتاتك ... ماشالله انتي ام الززووق والله
وماشالله عليكي 20 سنة كتير استحملتي يعني حللك ترتاحي من المجاملات وهزات البدن

*****

روح عامر حبيبة قلبي والله فرحتلك من قلبي على النزلة ان شالله بتنزلي وبتتهني ولا تنسي الجو هناك صار برد وخصوصي على الصغيرة ويالله الله يعينك يارب والله انا متلك كل نزلة لازم اجيب لبيت اهلي امي وابي واخواتي وزواجهم وولادهم واخوات زوجي وولادهم ... بدها ميزانية لحالها
ربك بعين
ومنشان ستك الله يرحمها والله الانسان مو بايده ينسى بسرعة ومر الاسى مابيتنسى وخاصة على امهاتنا مانقدر على زعلهم ابداااا

*********************

اهلين عروسة والله اشتقنالك كيف مامنسئل الله يسامحك والله زكرناكي بالاسم انتي وكل الغايبات
المهم لا تقطعينا ياعسل
شفتي العلم كيف حركاااات خخخخخ يالله جمعي كلهم 5 دينار انا غلطتت وكبست مرتين فشتريت اتنين يالله خليهم نكيد بيهم العزال هههههه

وماشالله عروسة رايحة السعودية ان شالله بتتهني ياااارب وتقضي العيد مع اهلك وتنبسطو
صحيح عروسة بالفيس بوك شفت واحد اسمه طلال العلي رادد على موضوع سبونج بوب ... المهم شو يقربلك طلال؟؟

شامية للعظم;15652762:
مو هيك دمشقية على كل حال الله لا يعيزنا الها يعني أختي وزوجها ما قصرو معنا ويلي عملوه معنا ما بنساه كل حياتي
بس أنت التانية حماتك تحفة قال بتقلب خلقتها بركة الواحد متضايق بركة كان عندو دفعات كبيرة متل مدارس الولاد مثلا أو اي شي بركة هالشهر ما توفر معو يعني عايشة وعم تاكل وتشرب ومو ناقصها شي وما بيشتريلك شي الا وبيشتريلها قبلك ما بتموت من الجوع اذا قصر عليها لسبب ما فعلا لا حول ولا قوة الا بالله



مو هيك سورية بس ما فهمت شو صلة القرابة بين سلفك وبين دمشقية

اهلين شامية الله يخليلك اختك يارب والله الاخوات حناين الله لا يحرمنا منهم
بس ازا نزلت على سوريا شو بدكم تعملوا

وبخصوص حماتي لا حبيبتي شو مدايق بتسكت اول الشهر واخر الشهر بتلاقيها كنت وبلشت
وياستي مو بركي صدقيني الواحد عيب يحكي بس انا عندي اتنين مدارس خاصة وايجار بيت
اقساط بيت بالشام وماعدا مصروف البيت بدو هم ومع هيك لازم مصروفها ينقام اول باول
هيك اتعودت وهو عودها وقبلو ابوه الله يرحمه بقى انسي انها تتنازل عم شي :|
الله يرزقنا بحسنتها احسن شي ويعينا

سلف سورية بيكون ابن اخت زوجي شو نسيتي انو زوج سورية بكون ابن اخت زوجي
وهو نام وقتها عند سته يعني عرفتي :D

شامية للعظم;15657327:
مراحب يا بنات ما حسنت ما أفتح وخبركم شو صار معي مبارح معليش تحملوني وتحملو مشاكلي
ياسيدي مبارح طلعنا لبيت سلفي اجو بيت حمايي بالصدفة طبو بدون موعد المهم تفاجأو فينا كتير وتدايقو كتير لأنو رحنا لعندو لازم ما نتحرك ولا حركة بدون علمهم
المهم كل الوقت واحد يروح وواحد يجي ويقللي يييييييي نحفان سالم طيب كان مرضان ما بدو ينحف يعني بعدين سألتني سلفتي ما قالتلك الدكتورة من شو صار مع ابنك هيك قلتلا مبلة من الجبنة البيضا دارت حماتي وشها عليي وقالتلي انت طعميتيه جبنة بيضا قلتلا أنا ما طعميتو يوم الجمعة الماضية انت طعميتيه وفاق الصبح عم يستفرغ انتفضت وانهز بدنها قال الجبنة مغلية ساعة كاملة قلت بقلبي لو مغلية ساعة كاملة حتى لزقت ببعضها وصارت شقفة وحدة بس ما كذبتها سكتت بس انبحتت وقالت الجبنة مغلية ساعة كاملة نسيناها عالغاز ومدري شو المهم دغري لبست ومشيت لا تضيفت ولا شي لسا ما طلعت من البيت فتحت تلفون لزوجي وانبحتو عليه طبعا ما خبرني شو قالولو بس اختصر وقللي قال هنن من عندن ونحنا من عنا يعني ماعاد بدن يانا
بعد شوي بعتتلو امو رسالة قال قلتلك يا ابني لا تاخد هالبنت ما بتناسبك لأنها نورية حاولت ساويها زلمة كتير بس بس النوري بيضل نوري
تخيلو ياجماعة انا شو عملت يخرب بيتها وبعدين انا يلي نورية يالطيف وشو قدمتلي حتى حاولت تساويني انا ما بعرف امانة قولولي في ارزل من هيك

يييي ييييي الله يحمل معك ياشيخة شو هاااااد مين النوري بالله
يخرب شيطانها مو طبيعية يعني يااما بتسكتي بالمرة وبتلغي وجودك ورايك يااما بتهب وبتشعل :!!:
اي روحي الله يحمل معك وقولي بقلبك بالناقص اجت منك مااجت مني
دخلك زوجك شو رايه ؟ يعني موافق على المقاطعة ولا بدو ياكي ترطبي الجو وتتعزري :o

الله يسعدلي مساكم جميعا
اشتقتلكم كتير كلياتكم كلياتكم
لولية منيح يلي قطعتيهم لبيت حماكي والله كل فصولهم كوم وانه يحكوا بشغلة العرض والشرف كوم تاني يالطيف

اهلين عروسة والله وحشتينا ويالله شدي حيلك بالجامعة واكيد كل السعودية حتنور لما تجي بالعيد

روح عامر الله يحمل معكم بشغلة الهداياوالله باب مابيتسكر

ربي يكون بعونك ياشامية على هيك بلوة ياعليها شو قوية ويالله لاتزعلي والله اجت منهم قليلها وحيات خبزك وملحك حرابك احسن من صلحك وهيه لاتخافي جاييها يوم الها ولبناتها والله ربك بيمهل ولايهمل

وبخصوص سلفي هي دمشقية وضحتلك

والله اشتقنا لزهرة وكاتس الله يقيمها بالسلامة يااااااااااااااااااااااااااارب

مراحب كيف الجميع

الله يعينك ياشامية على هالبلوة
المهم انتي وزوجك
هو شو موقفو من هالشي
ومتل ما قالو اخواتي اجت منها مو منك
الله يبعدا ويبعدا
رب العالمين كبير ومابنسى حدا
الله يصبرك ويعينك

فشة خلق
(انا صايرة كتير نقاقة
وزوجي عطول بيعصب مني
بس والله مو بأيدي طول اليوم قاعدة بالبيت انا وهالبنت وما منحكي ابدا هو بيجي عالبيت وانا ببدا كر وحكي
انا طبعي كرارة ع طول زعلانة ومتخانقة مع زوجي ما عم صدق ايمت انزل ع سوريا واحكييييييييييييي حتى ينشف ريقي من الحكي)

اهلين سورية كيف هيك قدرتي وزبقتي وفتي على النت ههههه
يالله الله يقويكي يارب اكيد هلأ نااايمة لكن اجا مين ينيمك غصب هههههه

*******************

اهلين روح عامر والله حاسة فيكي الله يكون بعونك هلا اصبري هالكم يوم وبس تنزلي سوريا طلعي الفرق ههههه
ولازم بس ترجعي تتعرفيلك على جيران يونسوكي او تطلعي على حديقة مول او حتى نادي رياضي
يعني تغيري من هالروتين اللي انتي فيه

الدمشقية;15658162:



*********************

اهلين عروسة والله اشتقنالك كيف مامنسئل الله يسامحك والله زكرناكي بالاسم انتي وكل الغايبات
المهم لا تقطعينا ياعسل
شفتي العلم كيف حركاااات خخخخخ يالله جمعي كلهم 5 دينار انا غلطتت وكبست مرتين فشتريت اتنين يالله خليهم نكيد بيهم العزال هههههه

وماشالله عروسة رايحة السعودية ان شالله بتتهني ياااارب وتقضي العيد مع اهلك وتنبسطو
صحيح عروسة بالفيس بوك شفت واحد اسمه طلال العلي رادد على موضوع سبونج بوب ... المهم شو يقربلك طلال؟؟

وانا أكتر بيني وبينك ماقرأت يلي قبل خخخخ حبيت العلم باقيلي دينار هلأ بعدي المرحلة بيعطوني ياه ...

والله ياقلبي طلال العلي اول مرة بسمع فيه مابيقربني بس هوي من اصدقائك ولما انا عملتلك اشارة للصورة صار فيهن يعلقو عليها وحتى كمان في وحدة اسمها ميرا الشيخة مكتوب جنبن Talal Alali · أصدقاء مع غالية محمد

لولية ان شاء الله تلاقيلهن بأسرع وقت مافي اصعب من التدوير على فساتين .. وماشاء الله عن جد صبرتي 20 سنة الحمد الله انا بيت عمي بيجننو مافي منهن بيعاملوني متل بنتهن :L:

الله يعينك روح عامر والله صعبة انا مابقدر ضل ساكتة وقت طويل بجن مانك نقاقة بس هوي لازم يتفهم الوضع .. اتعرفي ع شي جارة رفيقة حدا تتسلي معهن

هلا عروسة مو مشكلة سامحناكي ههههه ومامنقدر نستغنى عنك ابداااا ياقمر
اهاااا اول مرة بعرف انهم بيقدروا يردوا

قلت لحالي بيقربك وبالاخر منطلع انا وانتي قرايب خخخخخخخخ تقولي فيلم هندي

مية اهلين كاتي خانم سبحان الله مبارح كنت بسيرتك انا وسورية ودعينالك الله يتمم حملك وولادتك على خير وسلامة يااارب
عم ننتظر الصور ولا تفكري براس البيبي سبحان الله في نسوان مع المشي انقلب الراس وفي مع الطلق قولي يااارب
وان شالله بتولدي بالسلامة
لاتنسي تطمنينا عنك شو صار معك اليوم بموعد الدكتور والف لا باس عليكي انا هيك صار معي بشام
اهم شي النفسية وربي يسهل عليكي

الدمشقية;15658295:
اهلين شامية الله يخليلك اختك يارب والله الاخوات حناين الله لا يحرمنا منهم
بس ازا نزلت على سوريا شو بدكم تعملوا

وبخصوص حماتي لا حبيبتي شو مدايق بتسكت اول الشهر واخر الشهر بتلاقيها كنت وبلشت
وياستي مو بركي صدقيني الواحد عيب يحكي بس انا عندي اتنين مدارس خاصة وايجار بيت
اقساط بيت بالشام وماعدا مصروف البيت بدو هم ومع هيك لازم مصروفها ينقام اول باول
هيك اتعودت وهو عودها وقبلو ابوه الله يرحمه بقى انسي انها تتنازل عم شي :|
الله يرزقنا بحسنتها احسن شي ويعينا

سلف سورية بيكون ابن اخت زوجي شو نسيتي انو زوج سورية بكون ابن اخت زوجي
وهو نام وقتها عند سته يعني عرفتي :D




يييي ييييي الله يحمل معك ياشيخة شو هاااااد مين النوري بالله
يخرب شيطانها مو طبيعية يعني يااما بتسكتي بالمرة وبتلغي وجودك ورايك يااما بتهب وبتشعل :!!:
اي روحي الله يحمل معك وقولي بقلبك بالناقص اجت منك مااجت مني
دخلك زوجك شو رايه ؟ يعني موافق على المقاطعة ولا بدو ياكي ترطبي الجو وتتعزري :o

تسلميلي يارب ويخليلك أخواتك وأما بالنسبة لأختي حاليا قبل سنة مارح تجي لأنو سجلت ولادها بالمدرسة هونيك واستقرت وما بترجع لقبل ما تبلش المدارس بسوريا بكم يوم واحتمال تضل سنة تانية الله يفرج يارب

وبخصوص حماتك الله يرزقكم يارب ويعوض عليكم والله يرحم يلي بيرحم حسبي الله ونعم الوكيل بيلي ما بيحس بابنو يعني شو نسيو حالن أكيد مرت عليهم ظروف صعبة

أما عن حماتي والله عم حاكيكي والدمعة بعيني أنا من شو مجبولين هالعالم ما بعرف يمكن من حجر اليوم بعتو خبر لزوجي قال عاوزينو راح لعندن بهدلوه وهو ناسخ على مفاتيح بيوتن بالمزة وعين الفيجة قال هات المفاتيح وما قصرو فيني قلن زوجي اي مرتي نورية اذا شفتوها لا تسلمو عليها واذا اجت لعندكم قلعوها قللي زوجي سكري موبايلك احتمال يتصلو يبهدلوكي قلت اذا اتصلت بدي قلها خلص انت قطعي عنا المصروف وقلعينا من بيتك

أما عن رأي زوجي هو بيعرف البير وغطاه وبيعرف أمو بس بتضل أمو وما بيحب يجرح شعورها ولا بيناقشها ولا بيجادلها ولا بيدافع عني بيسمع وبيسكت وبعد فترة ما بتلاقيه الا عم يركض وراهم بدو يصالحهم وطبعا رح يضغط علي لصالحهم أنا كمان بس أنا خلص اذا الله راد بدي انسى اني زوجي الو أهل متل ما كنت من الأول ما تغير علي شي أنا تزوجتو بلا أهل والله وأريح

سورية وبفتخر;15658643:
ربي يكون بعونك ياشامية على هيك بلوة ياعليها شو قوية ويالله لاتزعلي والله اجت منهم قليلها وحيات خبزك وملحك حرابك احسن من صلحك وهيه لاتخافي جاييها يوم الها ولبناتها والله ربك بيمهل ولايهمل

وبخصوص سلفي هي دمشقية وضحتلك

والله اشتقنا لزهرة وكاتس الله يقيمها بالسلامة يااااااااااااااااااااااااااارب

اي فهمت عالدمشقية بس يعني اخت زوج الدمشقية زوجها يمني ؟؟

روح عامر;15659097:
مراحب كيف الجميع

الله يعينك ياشامية على هالبلوة
المهم انتي وزوجك
هو شو موقفو من هالشي
ومتل ما قالو اخواتي اجت منها مو منك
الله يبعدا ويبعدا
رب العالمين كبير ومابنسى حدا
الله يصبرك ويعينك

أنا كتبت الرد على سؤالك مع الدمشقية والله يفرج يارب

CATS_ANGEL;15665137:

مرحباااااااااااا انا لسى ما ولدت هههههههههههه

الحمد لله خلصت كل تجهيزاتي الي و للبيبي و لتالا كمان اشتريتلها للعيد لاني ما بعرف شو رح تكون ظروفي و التوزيعات خلصتهن و ضل كم شغلة للصينية بصورلكن اياهن هاليومين ان شاء الله:thumbs_up:
و كل يوم عم اشتغلي شغلة بالبيت من شبابيك و سجاد و تعزيل و غير مع هيك راس البيبي بعدو ما نزل مش عارفة شو اعمل معو :'(
يوم السبت مو يلي اجى يلي قبلو قضيتو بالمستشفى ارتفع ضغطي و البيبي تعب معي و ضليت تحت المراقبة لحتى استقر الوضع الحمد لله وموعدي مع الدكتور اليوم ان شاء الله خير :(
قرات كل اخباركن ما رح اعرف رد عليكن اهم شي انو الكل بخير وصحة و اطمنت عنكن:adore:

هلأ موعد المشي انا و تالا :D

الله يقومك بالسلامة يارب وييسرلك شدي الهمة الله يهون عليك ابقي طمنينا عنك أمانة

الدمشقية;15665595:
مية اهلين كاتي خانم سبحان الله مبارح كنت بسيرتك انا وسورية ودعينالك الله يتمم حملك وولادتك على خير وسلامة يااارب
عم ننتظر الصور ولا تفكري براس البيبي سبحان الله في نسوان مع المشي انقلب الراس وفي مع الطلق قولي يااارب
وان شالله بتولدي بالسلامة
لاتنسي تطمنينا عنك شو صار معك اليوم بموعد الدكتور والف لا باس عليكي انا هيك صار معي بشام
اهم شي النفسية وربي يسهل عليكي

شامية للعظم;15665882:

الله يقومك بالسلامة يارب وييسرلك شدي الهمة الله يهون عليك ابقي طمنينا عنك أمانة

مراحب للجميع
شامية الله يعينك ويصبرك المهم انتي تتعاملي بطيبة قلب
وما في شي بيضيع عند رب العالمين أهم شي رضا زوجك
كاتي الله يقومك بالسلامة ذكرتيني بمعاناتي بالولادة وبالشهر الاخير وبالمشي متل ما قلك الدكتور المشي والسجود
انا قريت بالنت انو تمشي وبعدين فورا تسجدي بيمشي الحال
وكمان احكي مع ابنك قوليلو يلف سمعت انو بيسمع كلامك
واهم الشي تدعي وتصلي كتير كتير ورب العالمين كريم
الله يقومك بالسلامة وتتيسر ولادتك وتتهون كل امورك
وما تحسي بالولادة ابدا فورا تشوفي ابنك بحضنك وتالا جنبك