لمتنا السورية اهلا وسهلا فيكم لشهر ذو القعدة 1432

مرحبا دمشقية وسورية كيفكون وشو أخباركون
شو هالمزارع السعيدة الحلوة أنا علقت بتسميد يلي اسمة زين ومافي زرع بدو تسميد شلون بدي اطلع من مساعدتو مشان احسن ساعدكون
كتير حلوة اللعبة ليل نهار عم العب فيا مشكورين على هاللعبة

اهلين روح عامر الله يسلمك ولوووو نحن بالخدمة انتي ازرعي ونحنا منسمد هههههه
ههههه هاللعبة سوسة بس حلوة كتير منطلع فلاحين على كيف كيفك خخخخ

ياستي مزرعة زين كبيرة وازا النت عندك بطيئ بدها وقت لتطلعي منها انتي اعملي ريفيش للصفحة او اطلعي من المزرعة وفوتي تاني بتظبط ان شالله

****

راجعتلكم صبايا مانسيتكم

صباح النور والسرور كيفكم صبايا وحشتوني سامحوني عم اتأخر عليكم بس لحتى يصحلى فرصة
روح عامر الله يسعده يلي مداوم بالشات ومابيقطع بس شو هالخبرية طلعتي كرارة هههههههههههههههههههههه الله يعينك والله الحق معك انا لما اتزوجت كانت حماتي الله يرحمها بتشتغل وبنت حمايي وزوجي كلهم يطلعوا من البيت وضل انا لحالي بس كان عندي الدمشقية الله يخليلك اخواتك ولما يرجعوا من الشغل يقعدوا يحكوا مع بعضهم وانا متل الاطرش بالزفة هههههههههههه ومتل ماقالولك البنات حاولي تتعرفي على جيرانك وتخليهم يزوروكي وتزوريهم
وشابفة لعبة المزرعة ما احلاها انا بالاول ماكنت مقتنعة فيها هلأ بشتغل بمزرعتي ومزارع زوجي لأنه عنده تنتين خخخخخخخ

شامية الله يصبرك وكل بأجروا عند ربك مابيضيع شي والحلو بالموضوع انه زوجك معك وانتي بدك من هالحزمة عود والباقي تنتعه القرود طمنينا على سلومة كيفه وياستي زوج بنت حماها للدمشقية اليمني بيكون عمي ابو زوجي :confused: هههههههههههههه

شامية للعظم;15665882:
تسلميلي يارب ويخليلك أخواتك وأما بالنسبة لأختي حاليا قبل سنة مارح تجي لأنو سجلت ولادها بالمدرسة هونيك واستقرت وما بترجع لقبل ما تبلش المدارس بسوريا بكم يوم واحتمال تضل سنة تانية الله يفرج يارب

وبخصوص حماتك الله يرزقكم يارب ويعوض عليكم والله يرحم يلي بيرحم حسبي الله ونعم الوكيل بيلي ما بيحس بابنو يعني شو نسيو حالن أكيد مرت عليهم ظروف صعبة

أما عن حماتي والله عم حاكيكي والدمعة بعيني أنا من شو مجبولين هالعالم ما بعرف يمكن من حجر اليوم بعتو خبر لزوجي قال عاوزينو راح لعندن بهدلوه وهو ناسخ على مفاتيح بيوتن بالمزة وعين الفيجة قال هات المفاتيح وما قصرو فيني قلن زوجي اي مرتي نورية اذا شفتوها لا تسلمو عليها واذا اجت لعندكم قلعوها قللي زوجي سكري موبايلك احتمال يتصلو يبهدلوكي قلت اذا اتصلت بدي قلها خلص انت قطعي عنا المصروف وقلعينا من بيتك

أما عن رأي زوجي هو بيعرف البير وغطاه وبيعرف أمو بس بتضل أمو وما بيحب يجرح شعورها ولا بيناقشها ولا بيجادلها ولا بيدافع عني بيسمع وبيسكت وبعد فترة ما بتلاقيه الا عم يركض وراهم بدو يصالحهم وطبعا رح يضغط علي لصالحهم أنا كمان بس أنا خلص اذا الله راد بدي انسى اني زوجي الو أهل متل ما كنت من الأول ما تغير علي شي أنا تزوجتو بلا أهل والله وأريح



اي فهمت عالدمشقية بس يعني اخت زوج الدمشقية زوجها يمني ؟؟

اللهم امين تسلميلي يااارب
يالله الله يكرمكم ببيت ملك انتي وانا وسورية وكل متمني والله يريح بالك يااارب

ياستي الحمد لله على كل حال ازا رضاهم بيشترى بالفلوس صدقيني بتهوووون المهم نريح بالنا من العي لان الواحد مو ناقصة نكد وغربة

ياعليي شامية لا تزعلي الله يوفقك ولا تحطي ببالك ربك كبير والا مايجي يوم تقول ان الله حق
يالله مو معقولة من الحبة عملوا قبة وكمان بدهم يكملوا بهدلة وهزات بدن حسبي الله ونعم الوكيل ... الله يفرجها عليكي ويبعد عنك شرهم وازاهم

زوجك معزور بضلوا اهلو والواحد برضى الاهل ويادوبك ماشية احواله كيف بقى ازا غضبوا عليه لا قدر الله
وانتي بدك تطولي بالك عطي حالك فترة وبعدين ازا اتصالحتوا بيبقى الصلح خير وكرمة لعين تكرم مرج عيون بس وقتها خليكي معهم عالطويل الطويل

الله يعينك ويفرج همك والله حاسة فيكي بس بتفرج دوام الحال من المحال

شامية شبك تؤبشي قلبي يعني ازا زوج سورية يمني فاكيد حماتاها الي هي اخت زوجي اخدة يمني !!!!!!
ههههه هو حق معك عيلتنا كتيير فايتة ببعضها وكملت بزواجي وزواج سورية ههههههههههههه

كيفك دمشقية ايه شو هالمسخن مبارح والله غير شكل الله يسلم دياتك يارب

كاتس ياربي يقيمك مجبورة الخاطر ومتل ماقالت دمشقية لاتحطي شغلة راس الولد ببالك انسيها وبإذن الله بيقلب راسو لتحت يالله هانت راح الكتير وبقي القليل والله يقويك عالمشي واذا عم تمشي انتي وتالا اكيد المشي حكيون ممتع سلامنا لزهرة

CATS_ANGEL;15666135:

حبيباتي تسلميلي دمشقية و سورية و شامية و كلكن كلكن و كترولي من دعواتكن حبيباتي :adore:
هلأ رجعت من عند الدكتور و بعدو راسو فوق يعني يا ريت على جنب متل يلي واقف 8o| و بصراحة الدكتور ما ريحني كتير لاحظت من كلامو انو صعب ينزل بهالفترة واعطاني كمان 10 ايام يعني تقريبا لاخر الشهر سالتو اذا المشي ممكن ينزل الراس كمان حكالي اذا ولا بد ممكن السجود لفترة طويلة تقريبا ساعة باليوم ممكن يفيد و انا رح حاول بالجهتين مشي و سجود ان شاء الله و الجنين الحمدلله كل امورو تمام و اهم شي يجي سليم و بصحة منيحة وما بدي شي تاني :thumbs_up:
هيدي اخر مستجداتي هههههههههههه لا تنسوني من دعواتكن :L:

يالله لا تفكري صللي الفروض وطولي بالسجود ولا تنسي السنن والنوافل والتراويح صليه قضى خخخخخ F:
ان شالله يقلب المهم انتي ريحي نفسيتك والاهم انو البيبي عال العال الحمد لله يارب تولدي بخير وسلامة وتشوفيه جنبك منور عليكم F:F:
قلبنا عندك وربي يسهل امورك

اهلين سورية يسعد صباحك
تؤبشي قلبي ... بعدين المسخن انتي وزوجك اللي عملتوه يعني انا يادوب حطيت ايدي ... ياستي ان شالله هنا وعوااافي شو راح تعملي اليوم

مراحب للجميع
يسلمولي الاخوات يلي مستلمين الشات
سورية صعبة القعدة لحالك بس الله يخليلك اختك
المشكلة انو رفقات زوجي كلون ب دبي ونحن بأبو ظبي وفي ساعتين بين الامارتين
الله بيعيني
بكرا لما بنزل ع سوريا بستلم الحديث وما بعود بسكت
اناطبعي كرارة وهلأ قعدت لحالي (زادت الطينة بلة )
دمشقية الله يعطيكي العافية عالمسخن (بس شو هو المسخن)
اذا زوج بنت حماك يمني يعني حماها لسورية يمني وزوجا يمني
حماتا وزوجك شو يمنية كمان
الله يخليكون لبعض ويسعدكون
انا ولدت عند دكتورة يمنية الله يعطيها العافية ويجزيها كل الخير
بالنسبة للمزرعة انا دخلت على مزرعة زين وعطوني ست كياس سماد مشان ساعدو وما عم لاقي زرع بدو مساعدة ومافيني ساعدكون ان ما خلصت من ست الكياس يلي عندو شو أعمل ؟

اهلا ب لولية الله يعطيكي العافية
والله يقويكي وان شاء الله تلاقي طلبك بالبدلات وتكون بنتك منورة خطبتا
الله يعينك ويساعدك يارب
ايمت الخطبة بالظبط (نحن معزومين مو هيك)
اهم الشي تكون بنتك مبسوطة مع خطيبا

CATS_ANGEL;15665137:

مرحباااااااااااا انا لسى ما ولدت هههههههههههه

الحمد لله خلصت كل تجهيزاتي الي و للبيبي و لتالا كمان اشتريتلها للعيد لاني ما بعرف شو رح تكون ظروفي و التوزيعات خلصتهن و ضل كم شغلة للصينية بصورلكن اياهن هاليومين ان شاء الله:thumbs_up:
و كل يوم عم اشتغلي شغلة بالبيت من شبابيك و سجاد و تعزيل و غير مع هيك راس البيبي بعدو ما نزل مش عارفة شو اعمل معو :'(
يوم السبت مو يلي اجى يلي قبلو قضيتو بالمستشفى ارتفع ضغطي و البيبي تعب معي و ضليت تحت المراقبة لحتى استقر الوضع الحمد لله وموعدي مع الدكتور اليوم ان شاء الله خير :(
قرات كل اخباركن ما رح اعرف رد عليكن اهم شي انو الكل بخير وصحة و اطمنت عنكن:adore:

هلأ موعد المشي انا و تالا :D

مرحبا يا حلوات

صار لي فوق الشهرين قاطعه عن المنتدى
ولساتني راجعه الووو
كيفكن




كاتي حبيبة البي
طولي بالسجود وانتي متاكده انو راح ينزل الراس لتحت ..
وعندك وضعيه الحبي
بتحبي مثل البيبي كمان بتساعد
وشي ثالث
عندك الحمامات الله يعزك ويكرمكم كلياتكن
اغسلي الحيط بحركه دائريه وانتي واقفه ..سمعت انه كمان بتفيد ..
الله يسهل عليكي يارب
ويرزقك الولاده السهله




اسمحوا لي
انا فتت هيك وقريت اقتباس لردها في اخر صفحه قلت لازم ارد عليها






ان شالله تكونوا كلكن بخير وصحه

أهلا وسهلا ب لولوة الدوحة أنا ما بعرفك عرفينا عن حالك

شو وينكون يابنات بشو مشغوليين

الله يسعد اوقاتكم يارب
لولية ست الكل الله يكون بعونك ويساعدك ويحمل معك وشك دائما ابيض لا تخافي بإذن الله بتطلع الحفلة متل مابدك واحلى وانا رأيي بلاها حبة المهدئ جيبي مية حبة بيبسي وضلك طوال الحفلة اشربي منهم بلكي بتقدري تهضميهم :lol:هههههه (تقيلة دم انا صح )
وياستي هاد زوجي عنده حسابين عشان هيك ساوا مزرعتين وهو ماعم يفضى يدخل على مزارعه فاانبليت انا وياستي سيط غنى خخخخخخ

روح عامر الله يسعدك يارب ويخليلك اخواتك والله كلنا كرارين اذا انفتحت سيرة مامنعود بنسكت وايه تؤبشيني بس تنزلي على سوريا طفشيهم من كتر الحكي ههههههههههههههههه
هلأ زوج دمشقية واخته يلي هيه حماتي الله يرحمها فلسطينية وعمي زوج حماتي يمني يعني شو يعني زوجي يمني وزوج دمشقية فلسطيني بس انا زوجي من مواليد السعودية وعاش بالسعودية اليمن ماراحها الا مرتين
وبالنسبة للمزرعة ياستي مزرعة زين مابتقدري تسمديها لأنها مافيها شي يتسمد بس انتي لازم تدخلي عليها وتعملي موافق انك تساعديه لأنه بتزيد الخبرة عندك وبعدين انتقلي لمزرعة تانية ولازم كل يوم هيك افتهمتي هههههههههههههه كيفها سنها الحلوة الله يحميها عم تعذبك

اهلا وسهلا بسورية الحلوة
الله يخليكون لبعض انتي ودمشقية وأزواجكن تسلميلي شو بتحبي المزح وانا كمان بحب المزح
مشان المزرعة افتهمت
بتعرفيني جديدة بالمصلحة مزارعة جديدة شوي شوي بتعلم
شورأيك اعطيكي مزرعتي كمان لما بدي انزل ع سوريا :thumbs_up:

كيفكم ياحلوات وكيف قضيتوا العطلة ان شاء الله الكل انبسط
روح عامر والله منمزح عشان نخفف على حالنا مافي احلى من الضحك مو هيك :D
وايواااااااااااااااااااااا هاد يلي كان ناقصني مزرعتك وزادنا في الطنبور نغما خخخخخخخخخخخخخخ

هاااي ههههه دمشقية خياالك وااااسع بس عن جد خرج قصة فيلم هندي واللعبة ماضل حدا الا مسجل فيها حلوة كتير وحطيت العلم اكيدشفتيه هلأ عم جمع 35 الف لوسع المزرعة فكرة اعمل لزوجي وحدة بس انا بمزرعتي ومو ملحقة هلكت فلاااحة خخخخخ

كاتي تقومي بالسلااامة .. لولية الله ييسر امورك ... وتطلع حفلة حلوة ...

سلاامي للجميع

مراحب للجميع
والله العطلة ياسورية حلوة كتير مع انها متلا متل اي يوم
شايفة ياعروسة على هاللعبة صايرة بفيق فورا عالمزرعة شو اسمك عروسة عالفيس بوك ممكن تبعتيلي اضافة انا اسمي ramosh amore
سلامي للجميع

رحمة الله عليك ياصاحب الابتسامه الجميله
رحمة الله عليك ياسلطان الخير
تعزيه في صاحب سمو الملكي الامير سلطان بن عبدالعزيز