لمتنا السورية اهلا وسهلا فيكم لشهر ذو القعدة 1432

هلأ بخصوص الكراوية هلأ الكراوية غير المغلي الكراويةبضيفيها مع رز مطحون بالمي الباردة وبعدين بضلي بتحركي لحتى تغلي وبضيفيلها سكر وبتزينيها بجوز الهند والمكسرات وناس بياكلوها وهيه باردة وناس بياكلوها سخنة نحنا الشوام منحبها سخنة
اما المغلي مابعرف عنه كتير بس هو سوائل يعني بيغلو قرفة ومعها اشياء تانية وبردو بيحطولوا مكسرات

مراحب للجميع
كيفكون وشو اخباركون
الله يهون امور الجميع وان شاء الله الكل يكون مبسوط بحياتو ومتهني
الله يقويكون يارب
ممكن تبعتولي اسماءكون بالفيس بوك برسائل خاصة انا لساتي جديدة عالفيس ومابعرف شي كتير بس حابة يصير عندي صفحة وعملت وحدة وحابة اضيفكون يلي بتحب ادخل ع صفحتا تبعتلي اسما عالخاص
مشان انا ابعتلا اسمي
وشكرا للجميع يا احلى اخوات

بخصوص الكراوية ابسمع بالكراوية بس ولا مرة دقتها وما بعرف شو هيي انشاالله يفيدوكي البنوتات وانشاء الله تقومي بالسلامة وتجيبيلنا ولد حلو متلك

CATS_ANGEL;15628972:

سبحان مغير الاحوال من قهوة لحليب و يا ترى شو السبب :D
يلا شدي حيلك لحتى ما يكون فرق كبير بين البيبي تبعي و البيبي تبعك :cool:

تصدقي لسى ما اشتريت شي بس وصيت على الاكياس و حتى لسى ما وصلوني ما بعرف ليش مبردة دمي كتير :( حتى الي زيارة دكتور قبل اسبوع وما رحت اجلتها للاسبوع الجاي قولتك بلش الاكتئاب قبل ما اولد حتى :'(

الصور كتير حلوين ما كنت مقتنعة بالاكياس اول شي بس هلأ حسيت انو حيكونو حلوين و بدي حطهن بسلة قش و زينها بساتان ازرق و الاكياس جبتهن 3 الوان ابيض و ازرق و سكري لحتى يكون منظرهم حلو بس يكونو جوا السلة ما حبيت جيبهن لون واحد حتى الشوكلاتة وصيت يكون لون الورقة شي ازرق و شي سكري غير السكاكر طبعا لا غنى عنها :thumbs_up: ان شاء الله الاسبوع الجاي بكونو جاهزين و بصورلكن اياهن من عيوني :adore:

و بدنا صور جية سورية ههههههههه لنشوف مين اشطر ;)

اهلين كاتي القمر يالله شدي حيلك قربتي الله يتمم حملك ويسهل ولادتك على خير وسلاااامة يارب

والله مابعرف شو هالتطورالعجيب ههههه بس بحمد ربي اللي كرهت القهوة لان والله كنت ادعي من قلبي ربي يكرهني فيها والحمد لله بعدين صحتنا امانة والله يقدرنا

بخصوص البيبي عم اعمل جهدي والباقي على ربنا هههههههههههه

شو اكتئاب مااكتئاب نحنا مؤمنين والحمد لله هالقصص مابتاثر علينا وانتي لا تفكري لا بولادة ولا باي هم توكلي على ربك وبس
وبس تشوفي وجه البيبي بتنسى الدنيا ومافيها ... والله يسهل ولادتك ويجعلها بردا وسلامة ولا تنسي تدعي لسورية بتيسير الامور والاقامة اذا تذكرتي
وياستي ان شالله بتلحئي كل امورك انتي اقضي غرض غرض وبتلاقي حالك خلصتي واكيد الاكياس راح يكونوا بجننوا دام انهم ذووقك
والوانهم روووعة وعم ننتظر الصور بس تخلصيهم وتسلملي عيونك

والله ماصورت شي لما اجت سورية ياستي عملت كيكة شكلها ابدا مو حلو ههههه بس المهم انها طيبة يعني متل الكوكيز تبعك ههههه
وعشيتهم فول بالطحينة هههه وتاني يوم رحنا مع بعض على الالعاب المائية حتى الاولاد يلعبو ويغيروا جو ورجعنا اتعشينا شاورما عربي شامية على كيف كيفك
والحمد لله على كل حااااال

CATS_ANGEL;15629060:

حبيباتي دايما بغلبكن بس ما الي غيركن اسالو بدي استفسر عن الكراوية او في ناس بقولولها المغلي قرات عنها بالنت كاتبين عدة طرق و كاتبين انها بتتقدم سخنة بس انا يلي بعرفو غير هيك بعرف انو بيعملو كميات بصحون قبل بيوم هيك بتزكر او يمكن يلي بالصحون شي تاني ؟؟؟
متل الصورة هيدي

بدي طريقة مجربة و مقادير بالزبط اذا ما فيها غلبة و المقادير كم صحن بتعمل حبيباتي انتو

لا غلبة ولا شي من عنوووونا :adore:
ياستي الكراوية غير المغلي متل ماقالت سورية
الكراوية بتجيبي من البزورية او العصرونية مابعرف شو بتقولها :D المهم كراوية نااااعمة ورز ناعم تبع الكراوية ومكسرات مشكلة
وطبخها كتيير سهل كل كاسة كراوية بدها 3 ارباع من الكاسة رز مطحون
وبدوبيهم اول بمي عادية يعني مو سخنة حتى مايجبلو وبعدين بتنوصي الغاز وبتحركيها كل شوي وبس تغلي وتسمك بتحطيلها السكر على حسب مابتحبيها حلوة او دلعة

ملاحظة اذا شفتيها سميكة كتير بتقدري تضيفيلها مي قد مابدك بس لا تكتري لان مو طيبة سايطة وكمان ممكن تضيفيلها ملعقة مسطحة صغيررررة قرفة ويانسون مطحون للنكهة هذا اختياري


وبس نحنا الشوام منحبها سخنة بدفي بالشتا وطعمها رااائع وبماان ولادتك بالشتا فكتير منيح فيكي تطبخيها قبل بوقت وبس يجوا الضيوف بتسخنيها و بتسكبيها بالاكواب او الزبادي وهي سخننننة وبتزينيها بجوز الهند والفستق والكاجو واللوز واللذي منه وبتقدميها

وممكن تقدميها باردة انا جارتي اردنية بيعملوها وبحطوها بالتلاجة بس انا برايي البارد مو كتير طيبة متل السخنة وكمان الباردة منيحة بالصيف بس بالشتا ابدا مو مقبووولة

المغلي حبيبة قلبي هي الفلسطينية بيعملوها بيغلو قرفة وبصبوها بكاسات الشاي وبزينوها بالمكسرات كمان طيبة بس مو متل الكراووية :thumbs_up:

كيفك سورية ان شالله تمااام وكيفها جودي تعبانة ولا اليوم احسن
والله كلنا منفرح بالعطلة حتى ننااااااااام ههههه ... رجع جوزك ؟

***********

روح عامر كيفك ياقمر اليوم ان شالله بخير
واكيد بحب اضيفك على الفيس انا اسمي غالية محمد وعم انتظر اضافتك

مسا الخير عالجميع
اهلين روح عامر الله يسعدك يارب وتسلمي عالدعاوي الحلوة ان شاء الله والقايل
وانا من جديد والله سجلت بالفيس بوك واسمي زينب محمد كمان ضيفيني
اهلين وسهلين بدمشقية خانم الحمدلله جودي مافيها شي وانا بفرح بالعطلة لأنه برتاح من مشوار المدرسة خخخخخخخخخخ
جوزي باقيلوا ساعة وبيوصل مكة على الله

ياعيني ياعيني عالكراوية ايمتى رح تشتي لناكلها ؟؟؟؟؟؟؟
صباح الخير كيفكم أنا بخير والحمد لله صحيح 3 أيام اجازة بس إجازة بتهوي الله وكيلكم لأنو حماتي بتفكر ماعنا غيرها وبدا تشغلنا كل أيام الاجازة الخميس تعو نامو عنا والجمعة منطلع على عين الفيجة طارت العطلة وما اشتغلت شي لاء وكملت الجمعة طعمتلي ابني جبنة بيضاوأنا اذا مالي واثقة من غليها تمام ما بطعميها ياها وأنا بعرفهم بيغطوها بالمي السخنة شلون ماكان وخلصت القصة المهم منشان هيك باخدلو جبنة لافاش كيري معي وهي بتشوفني ما بدي طعميه من جبناتها بتصر أكتر بدها تطعميه قلتلها مغليين منيح قال اي المهم فاق الولد الصبح على استفراغ واسهال وييييي علي لا من تمو ولا من كمو وأنا ما ضل عندي شرشف ولا مسبل ولا قطعة تياب الا وغسلتها وقبل هالمرة نفس هالجرثومة اجتو لأنها طعمتو نخاع تخيلو ابن 9 شهور ياكل نخاع
لما بتشوفني ما بدي طعميه أكلة بدها تمشي كلمتها وتطعميه جكارة فيني كأنو لاقت فرصة وهي هالولد لتستفزنا وتجاكرنا مبارح أخدو عالدكتورة دغري عطتو ابرة للاستفراغ ووصفتلي دوا وحمية لو تشوفوني مبارح اركض اركض ما ألحق وروح وأجي وأدعي عليها تخيلو اذا شافتني ملبستو تياب كتير وكولون مثلا بنشلحو وبتقليي مافي برد ليش هيك ملبستيه واذا لبستو نص كم بتقللي برد عليه أنا بخاف عليه والله والله حيرتني حتكون خايفة عليه أكتر من أمو اذا أمو ملبستو نص كم حتى تضرو يعني ؟؟؟؟؟؟؟ لك الله يبعتلنا شي سفرة ويريحنا من خلقتها يارب

المهم كاتي لازم تجربي الكراوية على طريقتنا لأنو تحفة ومفيدو كتير وبتدر الحليب كمان للمرضع بس أهم شي ديري بالك الكراوية احفظيها بالتلاجة وبعلبة أو كيس محكم لأنو طعمتها بتتغير دغير وبتاخد طعمة البهار أو الأكل يلي حاططتيه جنبها

مراحب للجميع شكرا دمشقية وسورية ان شاء الله رح ضيفكون عندي انا اسمي رموش عموري
شامية الله يعينك وانا مع لولية كل شي الا ابنك بكل سايريها الا ابنك
اختي صار معا هالشي حماتا شربت ابنها حليب بس حماتا ع جهل مو ع جكر بس اختي قومت الدنيا وقعدتا وصار معو متل ابنك الله يحميلكون ولادكون
يعني لا تسكتي والله يقويكي يارب والله يهدي حماتك ويكبر عقلا
لولية لا تعصبي هدي حالك شو كني تذكرتي حماتك بشي فصل
انا قبل ما اتزوج شفتلي كم فصل بعدين جيت عالامارات يعني بتعاملني ك ضيفة والله يستر من نزلتي
سلاااامي للجميع

اختي دمشقية وسورية في كتير اسماءهون متل اسماءكون كيف بدي اعرف انهم انتو يا حلوات
انا اسمي ramosh amore

الله يسعد اوقاتكم يارب
شامية روحي ربي يعينك على مابلاكي والف سلامة عليه لسلومة ربي يحميه من عيون وشر سته
لولية كيفك وشو اخبار ترتيباتك الله يقويك

روح عامر انا حدور على اسمك

يسعد صباحكم يارب

شامية سلااامة قلبه لسالم حياتي ماعلى قلبه شر يارب واااه من الحموات لااازم يتدخلوا بترباية الصغار ويقاهروا فينا
تقولي ماكانو متلنا كناين ولا شو القصة مابعرف ستي احمدي ربك اللي ساكنة ببيت لحالك

**********

اهلين لولية شو اخر اخبارك وتجهيزاتك


********

روح عامر راح اعملك اضافة ياعسل
وبخصوص بيت احماكي لا تخافي بتبقي ضيفة لانك متلنا متغربة بقى لا تفكري انزلي وانبسطي وطنشي

*******

شو سورية شايفتك فايقة قومي نامي وراكي مدرسة

حبيبات قلبي الله يبارك فيكن وهلق مستعجلة وخلص رح اعمل يلي قلتلولي عليه مشان امي مع انها جننتني كتير بتعتب

ومو عاجبها شي

ومشان الصور يارب بس افضى بورجيكن الكن ولكل بنات المنتدى بنزله مموضوع

باي باي

الله يسعد اوقاتكم
اهلين هنودة الله يسعدك يارب وايه الله يحن عليك سايريها لأمك لاتزعليها ونحنا بانتظار الصور
سلامي وقبلاتي للجميييييييييييييييييييع

مرحبا صبايا كيفكم

لولية;15636015:

صباح الخيرات والليرات يا رب

شامية يا الله كتير اتضايقت على ابنك شو هي حماتك معقولة ليكي مافي غير زوجك اللي بيحسن يوقفها يروح لعندها ويقلها هيك هيك صار بصراحة ما لازم تسكتي ولا تجاملي بأي شي بخصوص ابنك واللي بدو يزعل يزعل وينفلق كمان ايه مية عين تبكي ولا عيني تدمع عنجد كتير اتجاكرت منها الله يعينك

بنوتاتي الياقيين برجعلكن لحتى اهدى شوي لإنه نجد كتير عصبت من حماة شامية

تقبشي قلبي لولية والله معك حق تعصبي لك أحيانا وقت بشوفها ملهوفة عالولد بقول معقول كلو هاد تمثيل مو معقول بس وقت بشوفها كيف بتجاكرنا فيه وبدها تمشي كلمتها بقول يلي بيحب التاني ما بيضرو والله قبل هالمرة صار معو التهاب مصارين من الجبنة أنا حماتي عنيدة كتير كتير وبدها تفرض رأيها حتى لو حست أنو غلط بتقعد بتقنعك بأسلوب دكتاتوري وبصوتها العالي جدا جدا جدا أنت بتلاقيها ما بتتناقش منشان هيك بس بدك تسكتيها وتخلصي منها بتضطري تقوليلها متل ما بدك لأنها بتنفعل بسرعة وما بتتقبل النقد أو الرأي المغاير لرأيها وطبعا آرائها كلها بناتها يلي بيشورو عليها يعني باختصار كلمة البنات يلي ماشية طبعا يلي بيناقشها بتحكي عليه ومو هيك والله ما بقى الا تطلع على مادنة الجامع لتسمع الدنيا كلها أنا حضرتلها كم حفلة لما كانت تحكي على سلفتي وعرفت كيف مخها وكيف بتبالغ بالحكي وبتحكي نص القصة لتفهم الناس انها مظلومة الله يعنها ويعينا عليها

روح عامر;15636121:
مراحب للجميع شكرا دمشقية وسورية ان شاء الله رح ضيفكون عندي انا اسمي رموش عموري
شامية الله يعينك وانا مع لولية كل شي الا ابنك بكل سايريها الا ابنك
اختي صار معا هالشي حماتا شربت ابنها حليب بس حماتا ع جهل مو ع جكر بس اختي قومت الدنيا وقعدتا وصار معو متل ابنك الله يحميلكون ولادكون
يعني لا تسكتي والله يقويكي يارب والله يهدي حماتك ويكبر عقلا
لولية لا تعصبي هدي حالك شو كني تذكرتي حماتك بشي فصل
انا قبل ما اتزوج شفتلي كم فصل بعدين جيت عالامارات يعني بتعاملني ك ضيفة والله يستر من نزلتي
سلاااامي للجميع

آخ الله لا يبليك متل ما بلاني لأني والله ما بشتهيها لا لعدو ولا لصديق اقرأي ردي للولية لتعرفي مين هي حماتي ويلي كتبتو ماهو الا جزء بسيط من طبيعتها ومخها الأعوج

سورية وبفتخر;15638884:
الله يسعد اوقاتكم يارب
شامية روحي ربي يعينك على مابلاكي والف سلامة عليه لسلومة ربي يحميه من عيون وشر سته
لولية كيفك وشو اخبار ترتيباتك الله يقويك

روح عامر انا حدور على اسمك

\

الله يسلمك يارب وما تشوفي شر لا انت ولا ولادك

الدمشقية;15638955:
يسعد صباحكم يارب

شامية سلااامة قلبه لسالم حياتي ماعلى قلبه شر يارب واااه من الحموات لااازم يتدخلوا بترباية الصغار ويقاهروا فينا
تقولي ماكانو متلنا كناين ولا شو القصة مابعرف ستي احمدي ربك اللي ساكنة ببيت لحالك

**********

اي والله ألف الحمد لله بس حماتي بخيلة وأنانية مستحيل تسكنا عندها اسمعي يا ستي
وقت رجعنا من اليمن قعدنا عندا فترة وهي لا عطتنا غرفة لحالنا ولا شي ليش يا حزرك ؟؟؟؟؟منشان ما نسترطب ونضل عندها المهم زوجي مل وبدو ياخد راحتو بالمشرمحي لأنو محروم من حقوقو الزوجية المهم قلها عطينا مفتاح بيت عين الفيجة لنطلع كم يوم والله طلعنا وضللينا شي 15 يوم وخلالهم اجو هنن مدري كم مرة احزري شو قال من كم يوم طلعت فواتير الكهربا قام قال هي الفاتورة عليكم أنتو كنتو قاعدين وقت هي الفاتورة وهي الدورة لشهرين ونحنا قعدنا أقل من 15 يوم تخيلي البخل والله مو منشان الفاتورة بس نحنا اعتزناهم كم يوم لعمة في اهل بالدنيا كلها هيك انانيين وبخلا على ولادن لك أنا شايفة أهلي رح يبيعو تيابن ليشترو لأخواتي بيوت ويزوجوهم مافيني قول الا لا حول ولا قوة الا بالله

هند حلوة الحلوات;15642675:
حبيبات قلبي الله يبارك فيكن وهلق مستعجلة وخلص رح اعمل يلي قلتلولي عليه مشان امي مع انها جننتني كتير بتعتب

ومو عاجبها شي

ومشان الصور يارب بس افضى بورجيكن الكن ولكل بنات المنتدى بنزله مموضوع

باي باي

يا ستي أمك بتضل امك لو شو ماصار اي انا حماتي عم اتحملها مع انو مالها علي لا رضا ولا غضب

صباح الخير ياحلوات

هنووودة بس تفضي طللي علينا ولا تنسي الصور مو تعشمينا على الفاضي

************

سورية شو اخبارك ههههههه وحشتيني خخخخ

**************

روح عامر وينك غايبة طللي علينا

***************


شامية حبيبة قلبي الله يحمل معك ويبرد على قلبك والله صعبة هالعيشة وبدها صبر ايووووووووووووووووووب
الله يصبرنا يارب
ودخيلك خللي البيوت الها يمكن بتاخدهم على قبرها ...اه على بني ادم مابتملى عينه الا التراب

اي صدقيني جوزي بس يتاخر تاخير مو مايعطيها ,, تاخير فقط )) بخرجية امه على طول بتبرم بوزها وعلى طول بقللي راح اعطيها المصروف حتى تفردها
ياستي الله لا يبلانا ... مامنقدر نقول غير الحمد لله

الله يسعد صباحكم ياحلويين
شامية هي حماتك غير الله مابيقدر عليها هههههههههههههه
اهلين دمشقية تقبري قلبي ماحلك تشتاقيلي خخخخخخ
اما عن اخباري وصل سلفي اخو زوجي من اليمن وكان قاعد عند ببيت دمشقية يعني عند سته ومبارح اجى لعنا طبعا جاية بفيزة عمل وما بعرف حتكون الاقامة عنا ولا بسكن الشركة هو حرام ماله سئلة ابدا محترم ومذوق واله افضال عليي هو ومرته لما كنت انا باليمن والله يقدرني رد الجميل
وبخصوص سيرة الحب والله مابعرف شو ساوي مبارح اتغدينا عند دمشقية هيه ساوت كباب هندي وجنبه رز ابيض وانا ساويت شيش برك يعني اشتراكية هههههههههههه

صباح الخير والفل والياسمين للكل
شو صايرة هاللمة فشة خلق للجميع الله يعينكون ويصبركون يارب
تقولي هالحموات ما عندون بنات رح يتعذبو كمان
عنجد شي غريب بهالدنيا
شامية _دمشقية _ ولولية الله يهدي حمواتكون
ذكرتوني بأمي وحماتا تصورو ماتت ستي وما بكينا عليا من كتر ماكانت مفظعة مع امي والمشكلة بابا مع امو كان يقسى علينا كرمالا وتوصل معو للضرب عنجد ما فيني قول الله يرحمها من قلبي
والله اخباري الحلوة حجزنا يوم الوقفة و
هلأ عم نجهز حالنا وبتعرفو اول مرة بنزل لازم اتذكر كل وحدة بهدية بس طبعا بس اهلي وبيت حماي
عنجد الهدايا بتوجع الراس والمقاسات الله يعيني
ادعولي تتيسر نزلتي وانبسط فيها

هااااااااااااااااي كيفكن اشتقتووووووولي ماهيك ؟! ايه بعرف مع انو ماحدا عم يسأل بس يلا انا بحبكن من قلبي أشتقتلكن كتير مبروك هند هلأ شفتها كاتبة منيح مانسيتنا وعم تطلطل كنت مشغولة الفترة الماضية وخرب الانترنت من شي اسبوعين يمكن مبارح لأشتغل .. مالحقت أقرأ أخباركن بس ان شاء الله تكونو بخير ... الدمشقية حلو كتير علم سوريا يلي حاطتيه بالفيس بوك باللعبة عم جمع حئو مشان أشتري متلو خخخ