البيت الثامن عشر.. لربات البيوت السنعات..لشهر ذي القعدة

صبااااااحكم رواقاااان × روقااان

جوجو.. وش جاك على هالرابط!! علقتي عليه..

ـههههههههـ

___________________

يومياتي..

امس.. الصبح وبعد الروتين الصباحي.. رتبت اليوتلتي..

ومسحت الارض وطلعت اكياس اعادة التدوير للمطبخ..

لأن صاحب البيت بيجي يشوف وش علة الغسالة..

جا وقعد يحوس فيها هو وزوجي واتظح انها خربانة..كان متوقع ان فيه تهريب بسيط وبيصلحه..

طلع الرجال يشتري غسالة جديدة..:03:

جبنا روفة وعالسوبر ماركت..

تقظينا ورجعنا للبيت.. رتبت الاغراض..

وجا راعي البيت ومعه زوجته والغسالة الجديدة..

سويت شاي.. وقدمته لهم وجلست مع سوزان بالكونسيرفتي..

و وريتها الكنب المنشق.. وقلت لها اني كل ما اخيطه ينشق.. ودورت قماش يشبهه بالنت وما لقيت..

قالت: ما عليك اصلا هذا موديل قديم..

قعدو حوالي الساعة.. وخذو الغسالة القديمة..

ووريتها الجدار اللي تظرر من تهريب الماء..

قالت: ما عليكم لا تقلقون.. الموكيت جدا نظيف.. وعادة بعد السكن بالبيت لمدة سنة يكون معدوم..

وانتم حافظتو على نظافته..<< قصدها بما اننا حافظنا على نظافة الموكيت فباقي الاضرار ما راح يحاسبونا عليها..

لأن تنظيف الموكيت هنا جدا مكلف..

المهم.. طلعت اجيب بناتي وعزمت باقي الحريم اللي ما واجهتم قبل..

ورجعت للبيت سويت لبناتي فيش فنقر..

وحطيت دفعتين لبناتي بالغسالة..


من مميزات هالغسالة فيها جرس يعلمني انها خلصت..

وفيها ساعة تبين الوقت اللي بتستغرقة بالغسيل.. وتعد عد تنازلي..



وطبخت عشانا بُرمة لحم..

تعشينا وغسلت المواعين..

واليوم..عصبت على بناتي يالله صباح خير..

قعدت احوس ساعة ادور اللنش بكس حقت لولو.. بالاخير طلعت ناسيتها بالسيارة!!!!!

الله يصلحهم بس ويهديني ويهبطني..

زوجي مشى الله يستر عليه لباث..

يعني اليوم عزوبية..لين الليل..:015:

حطيت كلور بالحمامات.. وفكيت ستارة حمامي والكونسيرفتي وعالغسالة..

وليتني ما غسلتهن.. ما نظفن!!!! قلق عالفاظي..

بقوم افرك الحمامات قبل تطلع رهف..

وقطو..

جداويا \
قصدك قناة فراس بقنه ؟
شفت الفيديو حقهم صاادقين بكل كلمه
وحلوله عقلانيه ومقنعه
الله المستعان


وشوقتيني للتويتر شكلي بسجل فيه



---------

قبل شوي قمت سويت لي زنجبيل مع ليمون وهو ع النار
وسويت جريش سريع سااده
البيت فاضي والميزانيه مضغوطه حبتين ^.^

اليوم بنظف غرفة النوم عميييييق إستعداداً للموكيت
(الشباك - المكيف - الباب - الجدران - والارضيه طبعاً )
بس بعد ما يقومون عيالي


::

الله يرضى عليكم

أبغى تعطوني خبرتكم في
تنويم الأطفال في غرفة لوحده
لأني خلاص قررت أطلعهم من عندي
أول ما تجي غرفة نومي
وتترتب الغرفة اللي بينامون فيها

ابغى تعطوني دفعه لقدام
لأن أكثر اللي حولي معارضيني !!


ابغى خطوات علميه و سلسة
امشي عليها من اول يوم


:::

سبحاااااان الله..

قااادر على كل شئ..

سبحاااااانك يا رب سبحانك..

اليوم الصبح وانا ادخل بناتي للمدرسة.. كان الجو مشمس.. وفيه شوية غيوم..

وجا رش بسيييط.. وطلع ريمبو خفيف..روقت يوم شفته..

وتو طلعت اجيب بنتي.. والشمس كانت بعيني..

يعني الجو مو جو مطر..

واول ما دخلت البيت.. ما امداني اعلق عبايتي الا واسمع صوت المطر اللي يظرب ظرب..

و اروح للكونسيرفتي ادوّر الريمبو<< على كثر ما شفته وصورته بس ما امل منه..:adore:

وفجأة تغير صوت ظرب المطر!! واناظر والا شي صغير ابيض!!!!!!!

بَرَد :023:

قعد يظرب ويظرب بشكل مرررررة قوي..

يالله لو اني ما بعد وصلت البيت!!!! وش بيسير حالي انا وبنيتي!!!!!!!!!!!!:hysterical:

ياربي لك الحمد والشكر..

من جد هنا..تشوفين قدرة الخالق عز وجل.. تشوفين اشياء دايم نشوفها بافلام كرتون ونحسبها خرافة!!!!

يارب انزل على ديرتي الغيث..

كوامن.. ماااااعليك من اللي حولك ابدا ابدا ابدا..

هذي حياتك انت مو حياتهم..

يوم اطلع جود كان عمرها ثلاث سنوات.. والكل كان معارضني ويعتبرني ام قاسية!!!!!!!

يبوني انتظر لين تكبر اختها واطلعهم مع بعض..

فأنت ما عنك مشكلة.. هم اثنين يجسرون بعض..

سوي نفسك غايرة منهم ومن غرفتهم.. اذا هم يفهمون..

كم اعمارهم على فكرة!!!!؟

وادخلي معهم ونوميهم.. ولا تطلعين عنهم الا لين تتاكدين انهم غطسو..

مشغوله حبتين شوي وراجعه ان شا الله

مساءكم ورد

روحي الانشووودة روووعة وفرق كبييييييير في الكلمات

طبعا اليوم غبت ع الدوام فيني كحة مو طبيبعية

وطول الليل وانا اكحكح

وصحيت الظهر

كان في مواعين بالمجلى غسلتها ومسحت الفرن

وكان غدانا رز ابيض وداوود باشا وايدام رجلة من امس

اتغدينا وباقيلي اغسل مواعين الغدا

وفقطووون

ودي للجميع

باك..

جوجو..الريمبو = قوس قزح

بس لأن البعض يقول لا تقول قزح لأنه اسم شيطان و مدري ايش..

اريح راسي واقول اسمه بالانقليزي..

واذا تبين صور تفضلي الفلكر تبعي..

http://go.3roos.com/0j9oynr0lal

________________

يومياتي..

بعد ما كتبت ردي اللي فيه يومياتي..

سكرت الجهاز ولبست قلفز وخذت ليفة وفيري وعالحمام اللي تحت..

فركت الغسالة والكرسي ومسحته بمناديل المطبخ لأنها اثقل من مناديل الحمام..

لمعت كل شي ونظفت الجدار اللي حول مفتاح اللمبة..

ورقيت فوق.. لبست كمامة.. ودخلت حمام بناتي..

فركت المغسلة ونظفت كاس فرش الاسنان..

وشطفتها.. وفركت المروش كنت صابة فيه كلور..وشطفته..

فركت البانيو وليفته وشطفته.. ثم نظفت الكرسي ومسحته بالمناديل..

ومسحت الرف حق الشباك.. والارضية كانت نظيفة طلعت لحمامي..

فركت الغسالة و البااااانيو.. دايم يكتمني لأني اطب وسطة من زود الحماس..

بس هالمرة ما طبيت الشبشب مدري وينه..

وخييييرة..ما انكتمت زي دايم..

شطفت البانيو والجدران ونظفت الكرسي وبسرعة ظفيت العدة..

ونزلت مسكت الستاير اللي ما نظفت وبخيت عليها كلور وطلعت لرهف..

رجعنا للبيت غيرت لبنتي وحطيت الستاير بالغسالة مرة ثانية..

وعطيتها شي تاكله..كاااااااسرة خاطري مرررة.. فطمتها..

وعافت الحليب..جاها ردة فعل يا حبة عيني..

كانت اعطيها الحليب بكاس له حلمة مستطيلة.. يعني كوب مش رضاعة..

لكنها طفشتني دايم تطلبه حتى لو توها شاربه واحد..

اذا عصبت والا تغلقت طلبته..

وقبل امس كان واحد من كاساتها ظايع ولقيناه تحت سيت السيارة..

ومقطن وشكله يقرف..خليتها ترميه بنفسها بالزبالة..

وقلت لها: يكي ديرتي ننّة..

وهي مكشرة وتقول: يث يكي ننّة..

وبعد كذا يوم طلبته قلت لها: بالزبالة ننة يكي..

وصاحت شوي ثم استسلمت وطلبت موية..

والحين كل ما عصبت طلبت موية!!!! يا حياتي..

واذا عطيتها الحليب بكوب عادي تقول: نو نو نو.. وتنحاش..




وش اخر شي قلته من شغلي؟!!

ايه.. حطيت دفعة غسيل ابيض لبناتي بعد ما حطيت الستاير بالنشاف..

ونظفت شباك الكونسيرفتي اللي كانت الستاير عليه..

وعلقت وحدة وبقى ثنتين..

الشغل اللي بقا لي..

ارتب المجلس واكنسه وامسح الطاولات اذا يحتاجن..

اكنس المقلط.. وابخر البيت وهالمرة بحشره..

زوجي وجود من غير شر مو موجودين وباخذ راحتي<<عندهم حسسية بصدرهم

وبلمع مرايات الحمامات..

وقطو..

رووز \\

عمر توأمي سنتين و7شهور تقريباً
ويا قلبي عليهم ما عندهم غرفة خاصه
بفرش لهم في غرفة الحريم لأنها أقرب الغرف لي

وفلكرك رووووووعه يفتح النفس ماشاء الله


----


جداويا \

فعلاً لازم أكون جاده في نقلهم والله يقويني
وأحسهم لسى ما يفهمون ع القصص والأذكار
ولا وش رأيك ؟؟

رووز

شدني توقيعك
وش تعنين بالحملة ؟؟
ممكن نعرف =)

كلمت شكر لكن يااااااااااااا اغلى اعضوات في منتدى عروس
اشكركم واحدة وادعو من الله ان يرزقكم الجنه ونعيمها
استفدت منكم كثيييييييييير جدا جدا
من كل معلومه وضعت هنااا
واستمد النشاط منكم وقد اعدت بناء حياتي من
جديد بعد ان كانت شبه محطمه
والله انا في حاله لا بعلمها الى الله سبحانه وتعالى
وزوجي في حالت يئس بسبب مرض والده
الله يفرج عنا وعنكم وعن المسلمين والمسلمات

ملاحضةــــــــــــــــ
يمكن البعض منكم يشوفني ادخل بس ما احد مشاركه و
ذالك بسبب ادخل من الجوال ولا اقدر احط مشاركه
استمد منكم النشاط واذهب طيران لتنظيف مملكتي الصغيره
واذا جلست الصباح اشوف النظافه والانتعاش
اطلب من الله ييسر اموركم ويحفظكم ويحفظ ازواجكم وعيالكم
وكل غااااااااااااااااالي عليكم
اشكركم @اشكركم @اشكركم
من لم يشكر الناس لم يشكر الله
اشكر لله على هذي النعمه نعمت الصداقه والحب في الله وفي طاعه الله

غدانا اليوم

جريش



كيك شوكولاته بيتي كروكر
اللي سويته و انا سهرانه البارح : )

مسائكم طيب وبخور..

بعدكم.. خذت الممسحة والبخاخ..

ومسحت طاولات المجلس ورف الشباك..

وخذت الشتلات اللي فيها ورق ميت للمطبخ..

وقصصت الورق اليابس.. وبخيتها بماء وسقيتها ورجعتها..

كنست المجلس كنس عميييق.. سحبت الكنب وكنست اللي وراه..

ثم كنست السيب والحمام والمقلط والكونسيرفتي.. والمطبخ..

لمعت الشاشة.. و خذت حبة معمول ببخر.. ولا لقيت المبخرة!!!

وادورها بالمطبخ و اليوتلتي وبغرفتي.. ومالها اثر!!!

تعجبت من اختفائها!!! ورقيت انزل غسيلنا وافتح الدولاب باخذ بجامات زوجي الداخلية..

والقا المبخرة بوسط الدولاب عقب زوجي متبخر وحط الباقي بالدولاب..

نزلت الغسيل والمبخرة.. دخلت اول دفعة وشبيت عالمعمول..

بخرت المجلس مظبوووط..بخرت المخاد والستارة وحطيت المبخرة تحت الكرسي عشان يتشبع بريحتها..

ودرت فيها بالمقلط ورجعتها للمدخل عشان تتشبع الرفوف بريحته..

و حاولت برهف تشرب حليب ولا فيه امل..

وعلقت ستاير الكونسيرفتي..

و قطو..

اللهم لك الحمد
اللهم لك الحمد
اللهم لك الحمد


ابشركم
وأتم الله النعمه
فله وحده المنه
رزقني بمولود
جعله للعين قره.

*شذى الورد*;15672944:
اللهم لك الحمد
اللهم لك الحمد
اللهم لك الحمد


ابشركم
وأتم الله النعمه
فله وحده المنه
رزقني بمولود
جعله للعين قره.

:L::L::L:
الحمد لله على السلامه
والله يخليه لك ويجعله بارا بك وبوالده

شذااوي \

مباااااااااااارك يا قمر
والحمد لله على سلامتك الف الحمد لله

والله يخلي لك صغيرك وتشوفينه هو وأخوانه
من الصالحين المصلحيين يا رب





=)