البيت الثامن عشر.. لربات البيوت السنعات..لشهر ذي القعدة

كوامن ،،،

دخلت ع الطبيبه العامه

وهي تحدد التحاليل اللي تحتاجينها ،،،

،،،،،،،،،،،،،

ماقمت الا 11 وربع ماقويت اقوم 10 عيوني مطبببقه

صليت وارسلت لتاج راسي قلت له

ابي أحفظ جب الغدا معك

الله لايحرمك الاجر ، قال اوكي ،،،،فديته ،،

اهداء لجداويا لاني احسها تحب ذا المواضيع


http://go.3roos.com/akrnlwhe4hc

مساكم سعاده

جوجو ربي يعطيك حتى يرضيك ماشاء الله لاقوة الا بالله
يعجبني اصرارك وتطويرك لاسلوبك ربي يحميك

بنت نجد
ياليتني اكرف انا اشتغل حبه حبه
وكمان ماعندنا شغاله وصعبه ما اسوي شي
والحلوات هون عارفيني مره اكون بقمة النشاط ومره على اقل من مهلي
ربي يجمع شملك مع زوجك

كوامن
ربي يشفيك مره حاله هالحساسيه
اليوم صحيت وانا مصدعه واعطس
وكل الروائح تتسلط علي وكمان زايد الضغط على العين مسبب لي هالصداع ~قفلت نور الغرفه واخذت مسكن وصحيت زي الفل الحمدلله

اجر وعافيه بإذن ربي

وكااااات

[YOUTUBE]yEkQtlDmmQU[/YOUTUBE]

بعد آخر رد
ماعاد قدرت أصبر على تعب عيوني والحساسية
قمت قفلت الأبواب وأرسلت لزوجي أني تعبانه إذا جيت صحني
صليت الظهر وحطيت راسي
ما تهجدالحساسية حتى أنسدح مو لازم أنام بس أهم شي أنسدح
والحمد لله عيالي كملو نومهم
وما صحيت إلا على خربشة زوجي
قمت وكأني أشوى الحمد لله خف التعب بس أحس وجهي زي المنفخ
جلست معه شوي ،، قامو عيالي غيرت لهم فطرتهم
وهو قال ما يبغى ياكل
وانا كمان مالي نفسي في شي
طلبته نكمل شغل البيت موكيت كنب وكهرب ولمبات ناقصه -ستاير ووو
أهلي بيجوني شهر 12 ما ودي يجون والبيت مكركب وناقص
وقبلها لازم نعزم أهله مو حلوه نسكن من مدة طويله ولا نعزمهم
والله يسخره لنا ونكمل شغلنا بسرعة

اللحين جالسه عالنت شوي وعيالي ع التي في


::

ياللي كتبتو اهدافكم وتغيركم للأفضل
والله اهنيكم من كل قلبي على سعيكم للأفضل
ماشاء الله عليكم

استمتعت وانا أقرا لكم كلكم بدون إستثناء
والله يكتب أجركم على الفائدة اللي بنستفسدها منكم

=)

كيف تغيرتي عن زمان
واسباب تغيرك
وهل انتي راضيه عن نفسك
وطموحك هالفتره ايش

راح اقولكم الصراحه
من طلعتي للدنيا وانا متحمله مسؤولية بالرغم اني العقده ع قولتهم
وزادت المسؤولية بعد وفاة اخوي الله يرحمه وتفتحت عيوني ع اشياء كثيره وذقت المر من اخوي الكبير الله لايعيد ذيك الايام
عشان كذا تزوجت وانا عارفه كل شي وظنيت اني راح اعيش عند زوجي مثل ماكنت عند اهلي وهالشي
غلط وغلط وغلط وغلط
تحملت المسؤوليه عنه بكل شي حتى لما نبغى نسافر مايدري عن شي والاماكن اللي راح نروح لها حتى الفنادق انا احجزها لاني متعوده عند اهلي ع الطريقه هذي
مابقى شي من المسؤوليات الزوجيه الا تحملت اغلبها ومفتخره جدا بهالشي وغير كذا كنت شكايه بكايه
وبلحظه اكتشفت اخفاقي العنيف
وللاسف كان قبل فتره بسيطه جدا
لكن الحمد لله اللي صحيت لنفسي قبل فوات الاوان
وسبب هالصحوه مشكله بيني وبينه جلست فيها احسب الصح من الغلط 
واكتشفت اني خانقته بقووووه بهالتصرفات وانا اظنها تسعده للاسف
كنت حتى اذا سافر من لحظة مشيته لحد مايوصل وانا اتصل فيه 
وينك باي مكان
انتبه للطريق
انتبه لنفسك
اكلت شربت
مابقى وانتم بكرامه الا اقوله رحت لدورة المياة
وهالشي خلاه يتحداني ببعض التصرفات واعتقد انكم تذكرون متى مايحتاج افتح الجرح وهو انتهى الحمد لله
المهم
انني قررت بعدها اهتم بأنوثتي فقط
انا وبس وبعدها بنتي وبعدين زوجي 
لاتقولون خطأ
بالعكس كذا قدرت اتحكم بعصبيتي وخوفي وقلقي الزائد
وفعلا صرت اهتم كثيييييير بأناقتي ورشاقتي وصحتي واكتشفت انه صار يهتم بعمره لانه شاف اهتمامي
وحطيت لي نقاط وراح امشي عليها بكتبها بوقت اوسع من الحين 
( تصدقون بنات خيره هالفتره ابعدنا شوي عشان نعيد صياغة ذواتنا)

حتى المصاريف الماليه او مثل مااسميها وزارة الماليه انسحبت نهااااااائيا منها لاني يوم حشرت نفسي صار يحملني مسؤولية المصاريف
ومازلت في طور التغيير
وفي داخلي
( لا للتشكي ولا للعصبيه ) وبرضو حطيت نقاط لزوجي بالذات ( اهتم فيه بس مااتدخل بشؤونه المنزليه نهاااائيا الا اذا طلب مشورتي  وبرضو لو يطلع اليوم كله مااسئله ابد بس استودعه ربي وادعي له واثق بربي انه ماطلع لمكان سوء
اما بنتي للاسف عجزت اعرف التعامل الصح معها ( انا مرررررره اتنافض عليها حتى لو ابعد دقيقه اخاف صاير لها شي ) عشان كذا البنت تعلقت فيني مرررره 
المهم ان بنتي للحين ماعرف كيف اتعامل معها للاسف واحتاج مشورة اصحاب الخبره 
ماودي ادلعها يخرب طبعها وتفشلني عند الناس

اما رضاي عن نفسي فأنا راضيه جدا الحمد لله لكن مو عاجبني الفراغ اللي انا فيه لازم اشغل نفسي شوي
بنات تصدقون من رجعت من ألمانيا ماطلعت الا للاسواق
اكتشفت ان مالي معارف كثير
خصوصا ان اقاربنا حبتين ونص 
عشان كذا برضو من الاهداف اتعرف ع صديقات جدد


عزيزاتي
تصدقون وربي استفدت منكم باشياء كثييير ونصائحكم مازلت احفظها
ومانسى فضل دانه وجوجو وخوخه لما كانو يرسلون لي
وحتى اللي خففوا عني هنا
والله اعتبر معرفتكم هنا بالمنتدى بحد ذاتها نعمه من الله
الله يجمعنا يارب بالجنه

تصدقون نفسي اشوفكم ونجتمع ويصير لنا اجتمااع شهري وااااااو لييييت والله
سبحان اللي جمعنا مع اختلاف المناطق والمدن
الله لايفرقنا 
 
 

http://go.3roos.com/86n77x3uw92


اجيكم بالوقت الضايع
جوجو الحمدلله ياقلبي من زمان وانا اشوفك تتتغيرين من احسن لاحسن الله يديمه يارب اذا تبي تعرفي نفسك لفين وصلتي بالتغير ارجعي لحواء وهو يقولك وعقبالك ماتفرحي بنوتاتك وتثبتي ذاتك في حياتك يارب كان ودي اقولك بس سايرين ولا اقول بلاش خلى الى في القلب فيه ولايطلع بس فرحانه لتغيركم كلكم وان شاء الله لاحسن من كذا يارب

الحين بروح بس يمكن ارجعلكم من فتره لفتره ابدااااااااا ماانساكم لو نسيتوني

لان حاجه فيني كل ماشفتها على طول جيتوا على بالى احبككككككككككككككم لابعدمدى طبعا في الله مو شي ثانى لا يروح فكركم بعيد يالله ماطول عليكم بروح افطر لاني صايمه

استودعكم الله التى لاتضيع ودائعه

روز
انا عصبيه لكن صرت اسوي تمارين اليوقا ترا تخفف الضغط النفسي والعصبيه
ومن ناحيه الحوسه انا مثلك ماتحمل بنتي تخرب او تشمخط لكن باديه اعود نفسي على ريلاكس
واشوفها تحوس ملابسها وشعرها وتخبص بس خلاص عاااادي واذا خلصت خابصه اروشها او اغسل لها وابدل ملابسها
ماودي تصير تخاف مني عشان حرصي الزايد
مصيرها تكبر وتفهم
لكن برضو احس نفسي للحين ماعرف اتصرف معها وقت الخطأ ماودي اضربها اخاف اتعود وبكره قدامي المستقبل اخاف تتعقد

كوامن
يوووووه الحساسيه لاعبه فيني بس ماجربتي كلارينيز روووووعه للحساسيه

جوجو
الله يطمن قلبك
اشتقنا لفوفو مررره الله يرجعهم لنا بالسلامه ويرزقهم الامن والامان

لي عوده ان شاء الله

بس باقول لانثى انا اقصد

بنات بسألكم
تحبون تلبسون الذهب حتى بالبيت يعني تعليقه ناعمه ودبله وكذا والا ماتلبسونه الا بالمناسبات ؟؟؟

اتمنى احد يجاوبني
لو وحده منكم عشان اعطيكم معلومه عنه

انثى ،،،

الموضوع خطير ، يبي له روااااق ،،،

راجعه بإذن الله اكتب اللي في خاطري ،،،

بنت نجد ،،،

اذا رجعت من مناسبه

اخليه علي كذا يوم بعدين

اشيله ، احب البسه كل فتره وفتره

خاصة الناعمات تعطي شكل حلو ،،، 

جداوايا لا مو لازم قراءاتها كل يوم
ابدا ولافي حديث يلزم
قرائتها كل يوم فهمت عليك انا


انا البس دبله يابنت نجد
مااشيلها من يدى ابدا


هذا الرابط حلو مره
http://go.3roos.com/mrqsveg9554

حلو خوخه
ماشاء الله عليك

انوثه
انا مثلك الدبله اغلب الوقت ماانزلها

المهم ابحط المعلومه لاني بطلع من النت واخاف اتأخر بالرد






السلام عليكم ورحمة الله وبركاته...
كلنا نعرف ان هرمون الاستروجين
(هرمون الانوثة)

هو أهم ما يميز المرأة في سن الإنجاب،
فهذا الهرمون هو المسؤول عن انوثة المرأة اي بمعنى آخر الدورة الشهرية ووظائف الاعضاء
التناسلية، كما انه مهم للبشرة لدى السيدات ولتكوين العظام والمحافظة على قوتها
وكثير من النساء يعانون من انخفاض شديد لهرمون الانوثه يعني تتلخبط الدوره عندهم او تقل الخصوبه
يعني في حريم وايد يتزوجون ويطولون على ما يحملون هذا معناه ان هرمون الانوثة منخفض عندها.
حتى في بعض الحريم يحملون و بعدين يتعبون فيروحون حق الطبيب ويعطيهم ابر الثبيت للبيبي..وهذي الابر
فيها هرمون الاستروجين(هرمون الانوثه)
حتى الملامح الانثويه في جسم المرأة هذا الهرمون هو اللي يبرزها
والكل طبعا يبحث عن شي او بالاحرى علاج يزيد من هرمون الانوثه!!
واهوا بصراحة موجود عندنا ...

الا وهو
((الذهب))

سبحان الله ...
الرسول صلى الله عليه وسلم قال:
"حرم لباس الحرير والذهب على ذكور أمتي وأحل لإناثهم"
مااعظمك ياديننا

و حسب دراسات علمية وجد ان الذهب يصدر اشعاع يزيد من هرمون الانوثة بالجسم
عشان كذا الرسول عليه الصلاة والسلام حرم لباس الذهب على الرجال لانه يزيد هرمون الانوثه
عندهم

يله عاد كل وحده تقوم تلبس الذهب اللي عندها
هههههههههه

اشوفكم على خير