البيت الثامن عشر.. لربات البيوت السنعات..لشهر ذي القعدة

كيف تغيرتي عن زمان
واسباب تغيرك
وهل انتي راضيه عن نفسك
وطموحك هالفتره ايش

في بيت اهلي..مثلي مثل اي بنت.. معززة مكرمة..

و امي كانت من فترة للثانية تدخلني المطبخ تعلمني اساسيات الطبخ..

كنت اظبط الكبسة.. اعرف كل شغل البيت العميق .. السطحي ما كان له وجود عندي..

وجا نصيبي.. وكل شي كان بسرعة.. قبل حتى ما استوعب اني انخطبت!!!

بين ملكتي وزواجي شهر واحد فقط.. وياااادوووووب جهزت..

كل يوم سوق سوق سوق..

ما فيه وقت لاشياء ثانية..

تزوجت وانتقلت لمنطقة ثانية بعيدة عن اهلي..

مليت من شغل البيت.. مليت من الطبخ..

كنت اعرف لهن..بس مو متعودة عليهم..

يعني ما انصدمت بالواجبات نفسها كثر ما انصدمت بانها مطولة معي!!!!

كنت استحي.. استحي اطلب من زوجي اللي خاطري فيه..

واقعد المح.. واذا ما فهم يظيق صدري وتجيني حالة كآبة..

احس اني مسكينة ومدري ايش.. وخرابيط <<مدري كيف كنت افكر!!!!!

زوجي مع العشرة عرفت له.. لكن ما فهمته الا من بلقيس..

وطبعا هالموقع ما عرفته الا منكم الله لا يخليني..

وبصراحة وبدون مبالغة.. بديت اشعر بالسعادة واني محظوظة..

بعد ما فهمت الشمالي اكثر.. فهمت ان لغته لغة جسد مو كلام..

وانه لما يجيب اغراض البيت فهو يقصد فيها " أحبك ولا يمكن اخلي شي ينقص عليك"

وعرفت انه ما يحب التلميح.. ويحب اللي تدلع نفسها وتطلب..

من بعدها وانا مبسوطة.. لأني كنت كاتمة نفسي بخجلي البايخ..





كنت احس اني محجورة بين اربع جدران واني زي الخدامة اكرف بالبيت..

لين طحت عالملف وشفت اخواتي اللي مثلي يكرفن..

وحسيت اني مو وحيدة.. وان وضعي طبيعي جدا..

نفسيتي تغيرت لما اصبحت اكثر سيطرة على نظافة وترتيب البيت..


واهم شي تعلمته من بلقيس.. ان الشمالي لما يزعل..

اعاملة طبيعي ولا كان شي حصل.. وهالشي ريحني كثيييييير..

ومن بعدها حسيت ان فيه امور كثيره كانت اتفه من اننا نزعل عليها..

كبرنا ومدرسة الحياة علمتنا..

لكن لا يزال وضعي مع بناتي قيد التطوير.. متى ما تحكمت باعصابي راح احقق هدفي معهم..

واكون صديقتهم اللي يعلمونها اسرارهم.. ويلجؤن لها ويشتكون وما يخافون من اللوم والعتاب..





هدفي الان..اني اقرأ..

نفسي القراءة تكون احد هواياتي..

وراح اعطي عقلي الباطن رسائل توهمه اني احب القراءة..

واهم كتاب راح اقراه بشكل يومي.. القرآن..



احس كلامي خرابيط.. في داخلي اشياء صعب اسطرها بحروف..

بنت نجد..

هالمعلومة اعرفها.. لكن ما كنت اعرف ان لها دخل بالحمل!!!

ولا قد جا عل بالي انها بتزيد من انوثتي..

كنت اعرف سبب تحريمها عالرجال.. وليه الاجانب ناعمين باشكالهم..من الذهب..


الحمد لله عندي تعليقة ذهب خفييييييفة وفيها دنقة الماس..

خفيفة لدرجة اتروش فيها انسى افكها من خفها..

ودايم علي..

بنت نجد ،،،

سبحان الله توي اعرف

هالشي ، انا دايم دبلتي علي / نسيت اقولها

اجل اذا نويت احمل بلبس طقم العرس خخخخ

،،،،،،،،،،،
كيف تغيرتي عن زمان
واسباب تغيرك
وهل انتي راضيه عن نفسك
وطموحك هالفتره ايش

الحمد لله كل فتره من فترات عمري

انتقل فيها للافضل / الدعوى موب مدح لكن حديث عن نعمة ربي

من بعد فترة المراهقه اللي اعتبرها

اسوأ مراحل عمري من ناحية اهتماماتي وفوضويتي

بديت اكتشف ذاتي اللي ربي

انعم به علي ،

يعني فيني مميزات من قبل بس

ماكنت احس فيها او ماكنت احس انها

مميزات ،،

منها ثقافه عامه ، كانوا يختاروني

صديقاتي في المسابقات الصفيه ،

وخط جميل وصوت جهوري عشان كذا

كنت دايم مرشحه لتقديم حفلات المدرسه ،،،

ومن ناحية شخصيتي كان عندي

قلة ثقه في نفسي واحس اني دايم غلط

حتى الجمال ماعندي ثقه بالرغم اني

املك مقومات الجمال واذا تزينت طلعت اهبل

/الله يعافي المكياج خخخخخخ

بس صرت اذا شفت عمري في المرايه

اقول وش هالملح ههه ، حتى زوجي

دايم اقوله يابختك فيني ملح وقبله ،،هههه

ابي من كلامي له يقتنع غصب عنه ،،،

اما السنع وما أدراك ماالسنع

امي جعلها تسلم معروفه بسنعها عند

حريم العايله والكل يشهد بس ليه

ماطلعت عليها مدري :(

على انها مربيتني صح في

الكرف ، نقعد احيانا كم شهر

بدون شغاله وتكرفني لاني البكر

طبخ وتنظيف حتى مفرش سريرها

كنت انا أساعدها ،

تزوجت وانصدمت ان الشغل كله علي

الكوي عمري ماكويت ثوب

حومت كبد الرجال وقعد يوريني شلون خخخ

ودولاب ملابسه يصفففر مافيه شي

لان الغسيل متكوم ، ومواعين المطبخ عسى

ماتطلع من كثرها ، / احيانا اقول يمكن

لاني من تزوجت حملت ولا ارتحت ابد الا عقب

ماجبت حمودي ،،،

دخلت هالملف لاني كنت احس

بتأنيب الضمير على حالتي ،

حتى رجلي طفش ، يقول عمتي خابرها سنعه

ورا ماصرتي مثلها :!!:

وصرت اتابع اليوميات واتحمس معهم

واقول فلانه بيتها الحين نظيف ومبخر

وانا فوضى وحوسه ،، وسنه ورا سنه

صرت ماااأتحمل اشوف حوسه وفوضى وملابس

مبعثره وشي مغبر ،،،

اما الطبخ ولله الحمد اتقنه من كنت عند اهلي

خاصة الكبسات والمكرونه والحلويات ،

اما المعجنات كنت دمار فيها وضبطت معي أخيييرا ،،،

من الناحية الدينيه نشأت في بيت التزام

ولله الحمد ، وتزوجت رجل صالح يعيني واعينه

بالرغم من حالات الفتور اللي تمر علي

الا ان كل شي عندي يهووون الا تأخير الصلاة

عن وقتها بحجة النوم وغيره ،، احمدك ياربي واشكرك

اللهم ثبتنا ،،،

مابعد خلصت هذرتي تحملوني (؛

من ناحية زوجي

شمالي الطبع يكره الاهمال

تعبت معه واتعبته والحمد لله عرفت

كيف اكسب رضاه وبنفس الوقت

اكون راضيه عن نفسي ،،،

قبل اذا تزاعلنا اسهر طول الليل

ودموعي تصب ، وصرت عقب

اشغل نفسي واحاااول اطنش

واخليها فترة نقاهه التفت فيها لبيتي

،،،،،

عيالي ،،

للاسف انا عكسكم كنت قبل اهدأ من الحين

واعصصصب واحرق نفسي بنفسي لاني

ماأضرب ، بس اسب واشتم ،،،

ولي فتره استعمل معهم طريقة التشجيع

مثلا محمد عمره &#1635; سنوات ولد فيه عناد ينرررفز

لو قلت له رجع الكاس للمطبخ

قام يتبسم ويركض بعيييد عني

وصرت اقوله صح انت حبيبي وبترجعه بسررررعه

مثل الحصان للمطبخ يقوم بكل بساطه يرجعه

ويجي يبوسني ،

الحمد لله بناتي متميزات عن اللي حولنا

بتربيتهم الدينيه وتفكيرهم اكبر من سنهم

لاننا نكلمهم كانهم اصدقاء وابوهم متميز في هالشي

ويضم اكثر مني ، ويتغزل في بناته

ياعسل ياغزال ياقمر احلى وحده

يبي يعوضها ويشبع غريزة المدح عندهم ،،،

وسلامتكم :032:



 

مساءكم ورد ياعسولات

جوجو مركز الاحياء هو مركز للتجمع الاحباب والاصدقاء

فيه نادي رياضي "اشتراك شهري" ومسبح "اشتراك يومي او شهري"

طبعا تقدري تروحي حتى لو مابدك شي من هالاشياء اللي ذكرتها يعني لو بس للتجمع والتسلية

طبعا بيعملو في احتفالات

زي حفلات النجاح والاعياد وغيرها

بيعملو فيها ليالي سمر "حجازية . نجدية . جنوبية .... وغيرها"

اوقات بيكون فيه محاضرات

فيه لقاءات للفتيات بايام معينة بالاسبوع

بيعملو بازارات

يعني حلووو

والله يطمنك زي ما طمنتينا ع فوفو

والله ينصرهم ويفرج عنهم



طبعا اليوم صحيت الفجر لقيت الشهرية مشرفة اخدت شور ولبست وروحت للمدرسة

كنت تعباااااانة ومشيت حالي بالطول والعرض

رجعت البيت سخنت الغدا اللي من امس

لانو ماما راحت بيت جدتي تنظفو مع خدامة جدتي

لانو بكرة رح يوصلو جدي وجدتي من السفر

اتغدينا انا وبابا واختي الصغيرة

التانية كانت بالجامعة ما تطلع الا العصر

اتغدا بابا وراح جابها

وانا غسلت المواعين وروحت نمت

صحيت المغرب

طلعت شوي لجارتي

ورجعت 9

جا بابا وقلتو اسويلك قهوة قال لا

جلس شوي وراح ينام

وانا دخلت للمنتدى

وفقطووون

ودي للجميع

هلابكم
مادري وش اكتب لكم
بس من عرفتك تعلمت السنع وكيف اكون منظمه في
بيتي
صح في اشياء ماقدرت اتعلمهاا بس باذن الله راح اتعلمهاا منكم
اليوم مزاجي زفت وماعندي اي ذره ان اكتب اي شي
باتمنى منكم تسامحوني
اذا احد تضايق مني او زعل علي
والله انه بدون قصد وغصب عني
انا بترك المنتدى وبرتاح
اعذروني ماقدر اكتب لكم تفاصيل
الله لايحرمكم السعااده ويكتب لكم الخير
كونو بحب
دانة بقلبه كانت هناااا

http://go.3roos.com/j3ar6a3bjh9

ماشاء الله عليكم يا بنات
الله يحميكم
مدري ليه ما عرفت أكتب في موضوع النقاش
هل لأني الذاكرة مو مرتبه
ولا لأن ما فيه شي يستاهل ينذكر !!

لازم أعيد ترتيب حساباتي

وأعجبتني طريقتك يا أنوثه في تحديد أهدافك
حلوه ولذيذة وسهله =)

جداويا يا ابويا;15666412:

انا اكثر وحده طلعني من طوري هي دودي ليش؟

لانها ما تسكت ، مثلاً جات و شافتني جهز اكل
تقول زيعانه زيعانه زيعانه زيعانه لما تجلس تاكل!!
تبغى مويه تقول مويه مويه مويه لما تشرب المويه
و هذا الشي فيها ا استحمله..

وربي وربي نفس بنتي
كنت أتوقع اني لوحدي فهالمشكلة !!

تجلس تزن وتردد الكلمة مليييون مره
يعني مثلاً جالسه أكوي ملابس لأبوها
تبدأ موالها : بابا .. بابا .. هذا بابا ..بابا بابا .....
وانا أيوه حبيبي هذا حق بابا .. شطورة بنتي ..
ايوه صح حق بابا وووو
وهي ماسكه خط بابا بابا بابا وبكل نبرات الصوت

وأكثر الوقت ما أقدر أجاريها وأضربها ضرب يوجع:(
وبعدين أندم
صوتها يصن الأذن والله
الله يصلحهم يا رب

جداوية ياقلبي عليها دودي
ههههههههههههههههههههه
لو اني معك كان يوم سوت كذا خذتها وضميتها
فيني ميزة احب الاطفال الاشقياء خخخخخخخخخ
المشاغبين المشاكسين
لأنه في اعتقادي لو كانوا طول وقتهم هاديين
ماراح تظل لهم ذكريات حلوة
بوسي لي اياها
كيف تغيرتي عن زمان
واسباب تغيرك
وهل انتي راضيه عن نفسك
وطموحك هالفتره ايش
انا عن نفسي الحمد لله راضية تمام الرضى
يمكن التغيير اللي جاني اني بديت افهم الحياة اكثر
اما ناحية مسئولية البيت فالحمد لله من كنت بثاني متوسط
وانا اساهم ببيت اهلي وتعلمت الطبخ والتنظيف
يمكن كنت احب الطبخ ع غسيل الاواني
والكوي وغسيل الملابس
بعد الزواج لازم غسيل مو ما كنت اعرف لا اعرف بس كسل ههههه
الحين الحمد لله اغسل واكوي بس كنت الاقي صعوبة بكوي الغترة والشماغ
لين تعلمت الطريقة الصحيحة لها
ولمن اشوف ثياب كثيررررررررررررررررة اهررررررررررررررررب
بس اقول في نفسي وين يا بنت وراك وراك
وارجع لهم واشجع نفسي لغاية ما اخلصهم كلهم
الحمد لله
صحيح معكم صرت اتحمس اكثر للترتيب والتنظيف والتجديد
قبل الزواج ما كنت اضبط العجين الحمد لله الحين صرت اضبطه
طموحي الحين
رضى الله عزوجل
وحفظ القرآن كاااااااااااااااااااااااااااامل نفسي وابي احد يشجعني :)

شلونكم بناات
اني دايم اقره سواليفكم واشوف اشسويتوا من تنظيف وغيره
واريد اسالكم كيف اعرف رجلي هو شمال جنوب شرق غرب ؟؟؟
من سلوكه ولا من شي ثاني؟؟؟

لمسة امي;15665550:
http://go.3roos.com/86n77x3uw92


اجيكم بالوقت الضايع
جوجو الحمدلله ياقلبي من زمان وانا اشوفك تتتغيرين من احسن لاحسن الله يديمه يارب اذا تبي تعرفي نفسك لفين وصلتي بالتغير ارجعي لحواء وهو يقولك وعقبالك ماتفرحي بنوتاتك وتثبتي ذاتك في حياتك يارب كان ودي اقولك بس سايرين ولا اقول بلاش خلى الى في القلب فيه ولايطلع بس فرحانه لتغيركم كلكم وان شاء الله لاحسن من كذا يارب

الحين بروح بس يمكن ارجعلكم من فتره لفتره ابدااااااااا ماانساكم لو نسيتوني

لان حاجه فيني كل ماشفتها على طول جيتوا على بالى احبككككككككككككككم لابعدمدى طبعا في الله مو شي ثانى لا يروح فكركم بعيد يالله ماطول عليكم بروح افطر لاني صايمه

استودعكم الله التى لاتضيع ودائعه

من 1 ونص إلى 2 ونص
وانا في الفراش أبغى اناام راسي مصدع بينفجر
والتوينز المشاكس مافيه النوم
هددت وتوعدت وهدوء ووووو
لكن رفضو ينامون :(
بنتي تسولف مع نفسها وتضرب بالرضاعة في الجدار
وولدي يحاول يطلع الكحه بالغصب !!!
رفعو أبو ضغطي
شليتهم من بجايمهم وبرا أنا وياهم
صكيت علينا في المقلط

وجيتكم

صباحكم رضا وعافيه ،،،

امس مسويه انجاز خطير

نايمه من &#1633;&#1634; ،!!!!! وقمت &#1637; شبعانه نوم

ان شاء الله احاول انام ابكر من كذا ،،،

السهر ماوراه خير ،،،

امممممم مدري وش اقول ،

امس مهنا زود شغل بس طبقت

غسيل قبل امس ، وترتيب سطحي بحت ،،

تمسون على خير :032:

صبااااااااااااااااااااااح الخير على الحلوات


السنعات الالف حقت صبااااح


حقت الكم يوم الي غبتها وماصبحت


عليكم ههههه


الملف صااار ماشاء الله تبارك الله


مشووق مره وحماس


عندي كلاااام وش كثره مدري من وين


ابدا بيوميات ولا ردود ولا اجابات


بكتب الحين الجزء الي مااقدر اصبر


اخليه في وقت ثاني الا وهو سؤال


انوثه القمر
-----------------
على الصعيد الديني والاجتماعي --

مميزه فيها ولله الحمد بشهادتي لنفسي


وشهادة جميييييع من حولي


الديني بتركه بيني وبين الله (اللهم اعنا على


ذكرك وشكرك وحسن عبادتك )


الاجتماعي بشوشه :Dمتعااااونه :thumbs_up:محبوبه


:L:ومخلصه الى ابعد الحدووووود



لدرجة يطغى فيها ايثاري لغيري على


نفسي وزوجي وعيالي وبيتي




^^^ جاااري التعديل لان هالشي


مو عاجبني ابداااااااا



الاسري --

البيت وماادراااك ما البيت سالفه طويله


عريضه كنت اعتبر نفسي ولاشي بالبيت



لامن ناحية السنع ولا الاستقرار ولامعاملتي


مع زوجي وعيالي والاعتراف بالحق



فضيله ماعدا تحمل المسؤليه حتى


بالميزانيه لاني افضل من زوجي من هالناحيه



وعلى قولة روز حبيبة قلبي كنت احسب


اني انا بس الي اكرررف وارحم نفسي



واتذمررررررر صفه سيئه فيني تمت


السيطره عليها بحمد الله



لكن بفضل الله ثم ملف السنعات



يالبى هذاك الملف الي عرفني عليكم


الله يجزا كل من شارك فيه الف خير



تغيرت 180%


خلاني اشتغل بالبيت باستمخاخ وروقان


صار الشغل بالبيت مو هم زي قبل


وشي لاااازم اخلصه صارت العمليه باستمتاع



وهذا نصيحه للي تبي تنجز



اصبحت زوجه ناجحه 50%


وام ناجحه 50% وربة بيت ناجحه 90%


مع مرتبة الشرف



وهذي نتيجة مرضيه الى حد ما بعد الفشل


طبعا وخلال 3 او4 سنوات



والمستقبل يحمل المزيد باذن الله تعالى



شخصيتي --

تغيرت بعض الملامح لها لكن الثوابت


باقيه طبعا وتغيري كان بسبب ان اتماشى



مع الي حولي لاني عجزت اغيرهم فالحل


كان تكيف +تغيير في نفسي اولا




(علمتني الحياة ان لا اكون كالكتاب المفتوح

يقراه كل من اقترب فالبعض لايفهم


مابين السطور والبعض يسئ الفهم

والبعض لايفهم بتاتاااااا !!!)



اهدافي وطموحي في الحياة --

1- رضا الله ثم رضاي عن نفسي ثم رضا زوجي


2- تربية اولادي تربية اسلاميه صحيحه سليمه نفسيا


3- تطوير وتثقيف نفسي من جميع الجوانب وبكل
الطرق


واخيراااا اللهم ادم علينا نعمك وعااافيتك




ههههههه اعذروني حسيت اني اكتب


بحث بس وش اسوي مبطيه عنكم


ومشتاقه اسولف معكم والسؤال مررره


اعجبني شكرا انثى

صباحكم رايق
انوثه اسئلتك روووعه
انا عن نفسي من ناحيه الجانب الديني الحمد لله بس موراضيه عن نفسي احيانا اهفو واغلط يعني تجيني حالات اسمع اغاني وهالشي مايريحني ابدا الله يلعن ابليس
لكن بديت اجاهد نفسي وع طوول قناة القران شغاله ومرتاحه مررره الحمد لله لما اسمعها
بحاول واجاهد نفسي اني اصلي الضحى مايغلبني الا النوم واقوم اليل يارب وفقني
عيالي الحمد لله كنت السنوات الي طافت ماعطيهم وجه خصوصا بدر دايما البكر حقل تجارب ماحب العب معه ماصدق اتمدد وارتاح واهاوشه ابغاه يمشي بالريموت لالا تخرب لاتاخذ وه بس الان الحمد لله تغيرت معاملتي معه ومع اخوه صرت لهم صديقه العب معهم اسمعهم ماهاوشهم الا للشي الي يستاهل احرصهم على الصلاه بس زوجي الله يهديه متهااااون فيها الله يصلحه يارب ويفتح قلبه لانام من يقوومه
من ناحيه بيتي ولله الحمد راضيه عن نفسي 99 %100 نضيفه مرتبه وعيالي نفس الشي
ضيفي اكرمه وابتسم له ع طووول واحاول اخليه يطلع من عندي وهو مبسووط بشوشه ونفس الوقت خجوله زوجي راضي عني من ناحيه البيت والاولاد وكل شي والاهم عندي اني انشى اولادي واربيهم تربيه اسلاميه صالحه ويارب تهديني وتهدي من احب
اهداااااافي
كثيره احاول ماعصب ولا اضرب قد ماقدرفيني طبع مدري زين ولا شين ماعرف اقسم وقتي لا مارتاح وفيه شي محيوووس اقوم ارتبه وارجع ماعرف احط لنفسي جدول مستحيل امشي عليه ماعرف اقسم الشغل كله سوى وهذا غلط ع حساب نفسي
احاول اعطي نفسي لو نص ساعه استرخي واروق
دايما وقتي احسه مو لي لغيري احاول الان اكون ام تزرع في اولادها حب بعض وتعلمهم ع الصدق وقبل كل شي انشئهم دينينا تنشئه سليمه
عني حساااااسه من الدرجه الاولى ودمعتي ع طرف تنزل بسرعه احيانا تحرجني البعض مايستاهل يشوف الدموع احس كلامي ملخبط بس استروا ماواجهتوا اهدي حبي واخلاصي لاحلى بنات بها الملف فتحوا عيوني ع اشياء كثيره ماكنت اعرفها ولو اعرفها ممكن ماكنت احسب لها حساب احبك واتمنى ربي يجمعنا احنا ومن نحب على سرر متقابلين اللهم امييين :L: