البيت الثامن عشر.. لربات البيوت السنعات..لشهر ذي القعدة

يومياتي


صحيت الساعه 11 من بناتي غيرت لهم

و فطرنا كورن فليكس و حليب و صحي

زوجي على 12 و كنا ما شبعنا من فطورنا

فعملت ساندويشات بيض و بعده جلست عالايباد دقايق

و طلبت من زوجي اروح لاختي بتجيها مرة خالي

و صاحبتها ما رضي ( ما ناقشته لانه متضايق جداً

من مدرسته) بس طفشت قمت مسكت بناتي و مسكت

كراسه و الوان و جلسنا نرسم و بعدها ارتحت و جلست

عالايباد لما العصر و قمت عملت كيكة شوكليت و غسلت

النحاس و و دهنت وجه الكيكه بمربى توت بعد ما خففته

بمويه و دخلتها الفريزر تبرد شوي و جهزت كابتشينو

و حلينا عالكيكه و عالعشا زوجي كان ياخذ البنات

يتمشوا قالي تجي قلت ايوه و تجهزنا سريع

و خرجنا ،، نسيت جوالي تذكرته بالدرج بس قلت

خلاص ماله داعي و اخذنا شوكليت و شيبس و هيك

شي و رحنا عند الاندلس جلسنا برا و جننتنا سوسو

الله يهديها و جلست امشي و غيرت جو شفت السماء

لي فتره ما شفتها من غير عوازل ههههه و فجأه تجي

سياره و ما تشوف رصيف و تتعلق عليه ورط

ماهو قادر يمشي قدام و لا ورى

راح زوجي له و يوم كثروا اللي حوله جاء زوجي

و مشينا و هو باقي متعلق وصلنا البيت على 10

روشت جوجو و دودي و تروشت و نشرت

شراشف كانت بالغساله و روشت سوسو

و حطيت ملابس بناتي بالغساله و لميت الزبايل

و حطيت ديتول بسلة الحفايظ و كبيت كلوركس

على صفاية المجلى و فركتها و مسكت ايبادي و جيتكم..