الرئيسية ركن العروس تجهيزات و استفسارات العروس « تجهيزات عرائس ' لــــيبيا ' لشهر شوال 1432 - 2011 م / الجزء : 22 »

« تجهيزات عرائس ' لــــيبيا ' لشهر شوال 1432 - 2011 م / الجزء : 22 »

تحكمني قناعاتـي 11-09-2011 163 رد 2,792 مشاهدة
س
سارة فقط
عروس مبدعة
22-09-2011 | 12:35 PM
ماشاء الله حاجات حلوة ياقناعاتي
ربي يهنيك ويتمم لك بالخير
بس رد بالك تنسي مزيل طلاء الاظافر
مهم جداً
Q
Queen F
عروس مشاركة
22-09-2011 | 01:59 PM
رد مخالف لملوكة
طبعا اني عرسي كان في شهر 4 ولما خشيت للصالة حطولي اغنية اسماء الله الحسنى سامي يوسف (طبعا اني مجهزة الاغاني)
[YOUTUBE]qLB0BThc4Z8[/YOUTUBE]
و بعدين اغنية ليال عبود احلى زفة

طبعا ضروري تخشي على اغنية فيها ذكر لله باش اللي في نفسه حاجة ربي يبطلها

اني المدة اللي فاتت مشيت لعرس العروسة خشت على اغنية محمد عبده ( لا اله الا الله) بصراحة تخلي القلب يخشع والاجواء صار ليها رهبة سبحان الله
[YOUTUBE]2CuKQujHN58[/YOUTUBE]
طبعا العروسة حطتها تامة لانها مدايرة نقل مباشر من لما خشت لباب الصالة الرئيسي وخشت لدارها بعدين خشت علينا وقعدت واقفة مشوار لين تمت وبعدها خشت على ليال عبود

على فكرة اني الدسكة متع عرسي موجودة لو تبي نعطيهالك او نسميلك منها اغاني وانتي نزلي

و ربي يوفقك و يهنيك
M
Mella2
عروس رائعة
22-09-2011 | 02:18 PM
رد مخالف لمورينا ..

أول شي الف الف مبروك يا غالية !! وبالرفاه والبنين ..

بالنسبة للاسماء الله الحسني بتع سامي يوسف طويلة هلبة بتع هشام عباس دقيقتين وحاااجة .. وبالنسبة لا اله الا الله بتع محمد عبده تبي فكرة صاحبتك ... انها نقل مباشر لانها طوووووووووووووووووويلة ... انا نقل مباشر درته ف بياني .. مرة هادي منبيش الحق او بالاحري مزال نفكر ف تكلفته لان شاشة الي نبيها ف صالة كبيرة ومنعرفش كيف الافاري !!! وين بنلقاها وقداش حقها وهكي ... واللهي مانعرف قصه الزفة مودرتني ... لان نبي نخش انا وبابا من جيهة وهو وحد تاني من جيهة تانية !! لان لو تعرفي مرياج فيها دروج مقسومين !! وان بابا يمدني لخطيبي ف اخر دروج وانا وياه انكملوا للكوشة

وصحيتي عل الاهتمام
H
HaNoOoOo
عروس مشرقة
22-09-2011 | 03:21 PM
ملكة في مملكته;15583749:
رد مخالف لمورينا ..



أول شي الف الف مبروك يا غالية !! وبالرفاه والبنين ..


بالنسبة للاسماء الله الحسني بتع سامي يوسف طويلة هلبة بتع هشام عباس دقيقتين وحاااجة .. وبالنسبة لا اله الا الله بتع محمد عبده تبي فكرة صاحبتك ... انها نقل مباشر لانها طوووووووووووووووووويلة ... انا نقل مباشر درته ف بياني .. مرة هادي منبيش الحق او بالاحري مزال نفكر ف تكلفته لان شاشة الي نبيها ف صالة كبيرة ومنعرفش كيف الافاري !!! وين بنلقاها وقداش حقها وهكي ... واللهي مانعرف قصه الزفة مودرتني ... لان نبي نخش انا وبابا من جيهة وهو وحد تاني من جيهة تانية !! لان لو تعرفي مرياج فيها دروج مقسومين !! وان بابا يمدني لخطيبي ف اخر دروج وانا وياه انكملوا للكوشة



وصحيتي عل الاهتمام



ملوكه انى خشيت علي اسماء الله متاع سامي يوسف وبعدين دخلت عليه احلى بنات الدار متاع الجسمي بعدين دوقو مزاهر لعبدالمجيد عبدالله وطبعا كلها مجهودات اختى وهي تحكمت في الوقت متاع الزفه

بالنسبه لشاشة انى خديتها من بعره وكانت ب600 مع البروجكتر
M
Mella2
عروس رائعة
22-09-2011 | 03:29 PM
HaNoOoOo;15583912:
ملوكه انى خشيت علي اسماء الله متاع سامي يوسف وبعدين دخلت عليه احلى بنات الدار متاع الجسمي بعدين دوقو مزاهر لعبدالمجيد عبدالله وطبعا كلها مجهودات اختى وهي تحكمت في الوقت متاع الزفه

بالنسبه لشاشة انى خديتها من بعره وكانت ب600 مع البروجكتر



انتي الايف جارد بتاعي :) !! انا بروجيكتر خدمته بروحي !! بهاء بعرة الله اعلم يعطيهالي بروحها او لا !!!
H
HaNoOoOo
عروس مشرقة
22-09-2011 | 03:35 PM
تقريبا ضروري تاخدي منه التصوير باش تقدري تاخديها
لكن تاكدي منه
ت
تحكمني قناعاتـي
مشرفة سابقة
22-09-2011 | 03:43 PM
رد مخالف :

سارة بارك الله فيك ايه حبوبة مانسيتيش وتوه ذكرتني ناخذ اخر معايا

ملوكة حبوبة بس هوم سويت هوم الفرش الي عنده قطع وحدة من نادر تحصلي كم قطعه

يعني نحن عندنا الفرع هنا الي متوفر الي زي مكرونة وطرف يعني فرشة مستطيلة

هلي الي انتي تقولي عليه عندكم متاكده باذن الله نلقي خيرات وصحيتي سموحة
ق
قهوه الصباح
عروس رائعة
22-09-2011 | 03:45 PM
ملكه.......... انا توا بس كيف سمعتهن الزوز اسماء الله الحسني تبي الحق متاع سامي اليوسف احلي

وكانك علي طوول الوقت انا حسيتها حلووه لو تولعيها وماتخشيش وتبدا االانضار كلها عالدرووج الي انت

بتنزلي منهن وتبدا دائره الاضاءه علي هداك المكان الي بتطلعي منه وبعد يقوول الله اكبر تقريبا في الدقيقه 2 و52
تطلعي انت ,, جو تشويق هههه هكي تخايلتها حلوه وانت ادري

وحتا متاع محمد عبده تهههبل غير طويله مشكلتها

مورينا الف مبروك يا عروووسه :adore:
H
HaNoOoOo
عروس مشرقة
22-09-2011 | 03:47 PM
ملكة في مملكته;15583749:
رد مخالف لمورينا ..



أول شي الف الف مبروك يا غالية !! وبالرفاه والبنين ..


بالنسبة للاسماء الله الحسني بتع سامي يوسف طويلة هلبة بتع هشام عباس دقيقتين وحاااجة .. وبالنسبة لا اله الا الله بتع محمد عبده تبي فكرة صاحبتك ... انها نقل مباشر لانها طوووووووووووووووووويلة ... انا نقل مباشر درته ف بياني .. مرة هادي منبيش الحق او بالاحري مزال نفكر ف تكلفته لان شاشة الي نبيها ف صالة كبيرة ومنعرفش كيف الافاري !!! وين بنلقاها وقداش حقها وهكي ... واللهي مانعرف قصه الزفة مودرتني ... لان نبي نخش انا وبابا من جيهة وهو وحد تاني من جيهة تانية !! لان لو تعرفي مرياج فيها دروج مقسومين !! وان بابا يمدني لخطيبي ف اخر دروج وانا وياه انكملوا للكوشة



وصحيتي عل الاهتمام



تحكمني قناعاتـي;15583964:
رد مخالف :

سارة بارك الله فيك ايه حبوبة مانسيتيش وتوه ذكرتني ناخذ اخر معايا

ملوكة حبوبة بس هوم سويت هوم الفرش الي عنده قطع وحدة من نادر تحصلي كم قطعه

يعني نحن عندنا الفرع هنا الي متوفر الي زي مكرونة وطرف يعني فرشة مستطيلة

هلي الي انتي تقولي عليه عندكم متاكده باذن الله نلقي خيرات وصحيتي سموحة



حبيبتي تقولك علي محل تاني اسمه تاج محل حتى هو يجيب في حاجات حلوه هلبا
انى اخر مرة مشيت قبل رمضان وكان عنده حاجات وتوا اكيد رح يجيب تاني
ت
تحكمني قناعاتـي
مشرفة سابقة
22-09-2011 | 03:53 PM
رد مخالف لهنو :

حبوبة تاج محل وين يجي ؟ وهل عنده فرش حمام

شوفي نحن عندنا هنا فرع بس كله اثاث وفي مفروشات بس عمري ماشفت فرش حمام

انا نبي احمر في اسود ... ردمادي في اسود .... ابيض في احمر ... ابيض في اسود

ازرق ف ابيض ... ازرق سادة يعني الوان هكي فهمتني
M
Mella2
عروس رائعة
22-09-2011 | 04:21 PM
قهوه الصباح;15583966:
ملكه.......... انا توا بس كيف سمعتهن الزوز اسماء الله الحسني تبي الحق متاع سامي اليوسف احلي

وكانك علي طوول الوقت انا حسيتها حلووه لو تولعيها وماتخشيش وتبدا االانضار كلها عالدرووج الي انت

بتنزلي منهن وتبدا دائره الاضاءه علي هداك المكان الي بتطلعي منه وبعد يقوول الله اكبر تقريبا في الدقيقه 2 و52
تطلعي انت ,, جو تشويق هههه هكي تخايلتها حلوه وانت ادري

وحتا متاع محمد عبده تهههبل غير طويله مشكلتها

مورينا الف مبروك يا عروووسه :adore:



حلوووووووووووووووووووووووووووووووة الفكرة !!! صحيتي :) بتع الله أكبر :adore::adore:

ف 2:52 دقايق اتجي اللقطة لكن بعدين بنقصها ف 3:41
شنو رايك
وبعدين ندير دقو المزاهر ولا تاتيتتتت الي قلتيلي عليها

تعرفي عجبتني الفكرة :) صحيتي


ماما توا سمعت هادي حتي هي عجبتها ..
ترا اسمعيها قهيوة :- ديري بحث ف يوتيوب عل نفس جمله هادي
كليب سامى يوسف " معلم "


ح
حتي صوته ما انخلق مثله ابد
عروس برونزية
22-09-2011 | 05:06 PM
سؤال مخالف: ملكة متي زواجك
وابي اسأل عن انتو اهل العريس مسويين محضر
ولو مسووين فستانك من وين خديتيه
M
Mella2
عروس رائعة
22-09-2011 | 08:14 PM
حتي صوته ما انخلق مثله ابد;15584111:
سؤال مخالف: ملكة متي زواجك
وابي اسأل عن انتو اهل العريس مسويين محضر
ولو مسووين فستانك من وين خديتيه


جواب مخالف
اي مسوين محضر وجايبة فستاني من برا !! وزواجي مزال ماحددتش بس ان شاء الله بعد عيد الكبيرة
ر
روزة اكرم
عروس متألقة
23-09-2011 | 11:17 PM
جواب مخالف :

مساك فل ملكة فى مملكته طبعا فكرتك نشبه فكرتي بس الاختلاف اني انا بيدخلنى خوي وبنحط اغنية جوزيف عطية كل الدني وبنعدل فيها الاغنية بنقصها لاني نبيها قصيرونة بعدين فى نهاية الدروج يكون خطيبي يراجي فيا يسلمني خوي لخطيبي بعدين حنحط اغنية دقوا المزاهر او اتمخطري ياحلوة لانه بصراحة هادم الاغاني لايعلو عليهم انا لمه نسمعهم ونشوف عروسة خاشة حتي لو مانعرفهاش واللهي دموعي ينزلوا هههههه وربي يهنينا كلنا يارب :p
M
Mella2
عروس رائعة
24-09-2011 | 01:28 AM
روزة اكرم;15587040:
جواب مخالف :

مساك فل ملكة فى مملكته طبعا فكرتك نشبه فكرتي بس الاختلاف اني انا بيدخلنى خوي وبنحط اغنية جوزيف عطية كل الدني وبنعدل فيها الاغنية بنقصها لاني نبيها قصيرونة بعدين فى نهاية الدروج يكون خطيبي يراجي فيا يسلمني خوي لخطيبي بعدين حنحط اغنية دقوا المزاهر او اتمخطري ياحلوة لانه بصراحة هادم الاغاني لايعلو عليهم انا لمه نسمعهم ونشوف عروسة خاشة حتي لو مانعرفهاش واللهي دموعي ينزلوا هههههه وربي يهنينا كلنا يارب :p


سؤال مخالفة !!!

يعني راجلك بيخش قبلك للصالة ؟؟!!! وبيستناك لين تنزلي؟
ت
تحكمني قناعاتـي
مشرفة سابقة
24-09-2011 | 10:06 AM
السلام عليكم ورحمه الله وبركاته

سؤال مخالف : لبنات الشرق والغرب طبعا كل منطقة ولها عاداتها

ممكن نعرف يعني عرب بنغازي شنو يديروا في يوم الحنة الصغيرة الي في الحوش من اول للاخر؟؟

ونبي نعرف حتي هل طرابلس شنو يدروا لما تلبسوا البودري وشنو تديروا بزبط ؟؟

في امان الله
M
Mella2
عروس رائعة
24-09-2011 | 12:07 PM
تحكمني قناعاتـي السلام عليكم ورحمه الله وبركاته
ونبي نعرف حتي هل طرابلس شنو يدروا لما تلبسوا البودري وشنو تديروا بزبط ؟؟


[BACKGROUND="70 #99FF00"]جواب مخالف
بنعطيك العرس الطرابلسي بالتحديد !! وطبعا لا تختلف عن كل منطقة وسبرها او طريقتها لكن بالمجمل هدا الي يصير بش تفهمي القصة كلها :p وطبعا هي منقولة من احد المنتديات



[COLOR=purple]يوم المستادنات
بعد تحديد موعد الفرح تبدأ الاستعدادات الجادة له ، وعادة الأفراح الليبية
قديماً كلها تبدأ يوم الخميس وتستمر اسبوع
فيسمى الخميس الأول يوم المستأذنات والخميس الثاني يوم الدخول وآخر يوم
يسمى المحضر
والمستادنات نساء وظيفتهن دعوة النسوة لحضور الفرح، وتكون عادةً الدعوة
للنساء الكبار شفوياً
وللمتزوجات أي الشابات الصغار والبنات يتم توزيع بطاقات الفرح بأسمائهن
....

وخلال هذا الأسبوع ايضاَ تبدأ صناعة الحلويات بالبيت ونذكر على سبيل المثال
اهم الحلويات الليبية وهي:
البقلاوة ... المقروض ... الغربية ... الكعك الحو والمالح ...

ولا تخلو طبعاَ من اضافةَ الحلويات الجديدة كنوع من التغيير ومواكبة التطور
، ولكن تبقى الحلويات الأصلية هي الأساس بكل عرس


ومن هنا تبدأ مراسم وطقوس العرس الليبي الفعلية

ليلة السهرية
بعد توزيع الدعوة للأهل والأصدقاء يبدأ الاحتفال يوم الأحد مساءً ويسمي في
طرابلس " بليلة سهرية القفة "
وهي بمثابة اعلان عن بدء العرس يجتمع فيها أهل العروسة وأصدقائها وجيرانها
على انغام الدف والدربوكة والزغاريت والأغاني الشعبية.

يوم الحمام
صباح يوم الأثنين تذهب العروس مع اقاربها واصدقائها للحمام الكبير وهو حمام
عام تغتسل فيه العروس
بطريقة تقليدية في الدلك والتنظيف وايضاً من معها يقمن بنفس الشي وتلبس " البدلة البودرة "
وهي بدلة العروسة خلال اسبوع العرس كله عبارة عن زي تقليدي من الحرير يكون
كاملاً باللون البودرة ( الزهري )
ولا تضع أي مساحيق تجميل علي وجهها وعند الرجوع يتغذون في بيت العروسة أكلة
ليبية صرفة اسمها ( رشتة امبكبة )


يوم القفة
قبيل المغرب يأتين نسوة من عائلة العريس وعادة ما تكون نسوة كبيرة بالعمر
وبعدد محدود لبيت العروسة
مع كل ما اتفق علية سابقاً بيوم الفضانية ( لبس ... ذهب ... حرير ... عطور
وبخور ... حنة ... مواد غذائية ... أغنام )
تصاحبهم ( النوبة ) وهي فلكلور شعبي بنغمات وكلمات طرابلسية صرفة مع
آلتي المزمار والطبل الكبير.
وتخرج لهم العروس مغطاة الوجه تمسكها اثنان من النساء المقربين وبلبس
تقليدي جميل عبارة عن رداء حريري

وسط التهليل والترحيب بأهل العريس وما أتى به من جهاز وذهب لحبيبته العروسة
ويقولون
آهو جي اللي يبيها ... آهو جي جاب كساويها
ويبقون تقريباً ساعتين ثم يرجعون الى بيتهم ليجتمعون فيما بعد في سهرية
جميلة كالليلة السابقة.
وهنا يبداء دور " الزمزمات " وهن نسوة
يقمن بعملية العزف والغناء بطريقة شعبية تقليدية خاصة بمدينة طرابلس
لتستمر اسبوع العرس بالكامل، أما اليوم فلا نرى لهم حضور قوي بالأفراح
نظراً لأرتفاع تكلفتهم.
بينما نجد المقابل لهذه النسوة في المنطقة الشرقية لليبيا " الدربوكات "
ويقمن بنفس الأداء ولكن بطريقة أهل الشرق


يوم الحنة الصغيرة

وهو يوم الثلاثاء وبالعشية ( بعد العصر ) حيث تجتمع النسوة الكبيرة بالعائلة ويفتحون جهاز العروسة وخاصة العطور

حيث يصنعون منه اغراض للعروس مثل ما يعرف بـ ” الزليزية ” وهي تضع زينة كالحناء رائحتها جميلة

و ” العرضاوي ” وهو بخور جميل … ويتم توزيع جزء من العطورات على الموجودين بالبيت

وخلال هذا الوقت يقيمون بعض الأسر حفلة خاصة بالبنات الصغار تقريباً لسن العاشرة وتيمنناَ بأنهم ربيع الحياة

سمى بحفل الربيع

حيث يلبسن الزي الشعبي او فستان العروسة الأبيض ويوزعون عليهم الحلوى وكل ما يقدم للكبار خلال العرس

واحياناً يوزعون عليهم الألعاب في نهاية الحفل

وعندما تسوي العروس يوم الربيع يعني تنبيه لطيف للأم بأن تمسك أبنائها باقي أيام العرس ليبقى مرتب لا تعمة فوضى الصغار


وفي المساء ومتأخراً يجتمعون نسوة اهل العروسة في سهرية جميلة ويحنون العروسة حنه عرايسية خاصة ليست به نقش

وفي الوقت الراهن صارت الكثير من العرائس لا تحبها تقليدية بل بنقوش جدابة وجميلة

مع نغمات الزمزمات وبكلمات تخص بوصف ومحاسن العروسة نذكر منها …

مدي ايدك للحنة … نحنيها صغيرة ونفرح بيها

مدي ايدك نحنيها … لا تخافي يا أم القد الوافي

وتقوم “الزيانة” وهي امرأة متخصصة في التجميل بتخضيب العروسة واقاربها

وفي صباج يوم الأربعاء تعقد الوليمة الرئيسية للمعازيم من رجال العروسة حيث تعد العدة من الصباح الباكر ( الفجر )

لتنتهي ظهراَ بفترة الغذاء واشهر ما يقدم بها هو الأكلة الليبية المشهورة ( البازين ) ولكن حالياً صار يقدم الكسكسي أكثر منه

ليلة النجمة


يوم الأربعاء مساءً حيث يأتون عائلة العريس لبيت العروسة وهذا اليوم مخصص تقريباً للمتزوجات الشابات (متوسطي العمر)

ويكونوا اغلبهم مرتدين اللبس التقليدي وهو عبارة عن رداء حريربطول اربعة متر مع قميص مشغول من الفضة وبنطال مع حلى الدهب

فيجلسون قرابة الساعتان مع تقديم الضيافة التامة لهم ثم تخرج لهم العروسة مرتدية رداء الحرير ومغطاة الوجه

وتأخذ والدة العريس قليلاً من الحنة وتضعها في يدها وسط الزغاريد والتهليل وتعطيها هديتها

إما ” شنبير ” وهو يضع على الرأس بمثابة التاج، وإما ” خناق ” وهو عقداً كبيراً من الذهب يزن احياناً كيلو جرام

ثم تهم النسوة للمغادرة فور ذلك تاركين أهل العروسة للقيام بطقوس أخرى تسمى ” السرير “

حيث تخرج العروسة ووجهها مغطى وبيدها سكين كبيرة ترافقها نساء وبنات عائلتها لأخذ ” النجمة ” كناية على انها نجمة العرس

فتكشف وجهها سبع مرات وتنظر إلى السماء موجهة السكين نحو اجمل نجمة مضاءة فتلتقطها في حركة رمزية وتعود إلى مكان الحفل

بينما تمسك يمسكن صديقاتها مرآتها وعليها إناء فيه فتيل زيت ويشعلن فيه النار ثم يكشفن رأس العروس ويضعن على شعرها قليلاً منه

ويأخذن حنة العروسة من يديها ثم يوزّعن البقية على العازبات ليأتينهن النصيب لاحقاً وتتواصل النجمة بالرقص والغناء حتى الفجر

ونذكر على سبيل المثال أحلى أبيات النجمة وهي كلمات وداع تقال للعروسة تحرك مشاعرها وتجعلها تبكي …

ودعي امك وخواتك … صحباتك … خالاتك وعماتك

ودعوها يا جيران … يا قبيلة … ما تبات غير الليلة

صبية حوش بوها ، يبو يرفعوها ، تعالو وادعوها

يوم الحفلة

يوم الخميس هو يوم الحفل الرسمي للعروسة ويتم عادةَ بالشكل المألوف في معظم الدول العربية،

حيث تحتفل العروسة مع كل صديقاتها وأقاربها وتلبس فيه الفستان الأبيض وتتجمل وتظهر بأبهى شكل

وتصاحب الفرحة الطرب والرقص مع أنغام الزمزمات

وليلاً يلتقي العريس بعروسته حيث تأتي نساء أهل العريس لأخذ العروس من بيت أبيها إلي بيت زوجها وتسمى ( الدخول )

وحين تدخل لبيت العريس يهللون بها ويغنون لها بأبيات جميلة منها …

مرحبا يا لافيه مرحبا يا لافيه بخشوش العافية

مرحبا يا مرة خوي يا معمرة حوش بوي

وبعد ” المولد ” وهو حفل العريس الرجالي … ومن بعدة ” التدريجة ” وهي اهازيج وموشحات دينية

تحيّها فرقة المالوف والنوبة ومشياً بصحبة أصدقائه واقاربه وجيرانه حتى يوصلانه الى مكان العروسة.

حيث ترمى قلة ملئه بالماء يكسرها العريس عند دخوله البيت دلالة على كسر العزوبية ودخول قفص الزوجية

يوم المحضر

وهو يوم الجمعة ويعتبر الليلة الختامية للعرس وهي حفلة تقيمها والدة العريس ترحيباً بكنتها الجديدة، ولا يختلف كثيراً عن الحفلة

ففيه تبدّل العروسة ملابسها مرتين او أكثر، حسب ما أتى به العريس من فساتين كبيرة وجميلة ثم بعد ذلك تستبدله بـ ” الصدرة “

وهو زي المتزوجات التقليدي ولكن لا تربط حزام الرداء الا بعد اسبوع وتضع عليها كل ما أحضره لها العريس من حلي وذهب

وأخيراً، تلبس بدلة ” الجلوة ” وهي بدلة مشغولة بالخرز الذهبي او الفضي على قطيفة حمراء خاصة بأهل مدينة طرابلس فقط

الصورة تحاكي يوم المحضر 100% ومنظر العروسة ببدلة الجلوة وخلفها صدرات بالزي الطرابلسي الأًصيل بألوانة المختلفة

لتصعد العروسة فيما بعد علي طاولة كبيرة بينما تديرها الزيانة 7 دورات ، ويصاحب ذلك الغناء والتمني لها بحياة سعيدة وتبقي بهذا الحال

كفيها مقابل وجهها كما في حال الدعاء لله وتجعلهم يتداخلان 7 مرات بحكات متقاطعة.وبعدها تنزل وتجلس مع الأخريات .

بيما تقابل العروسة الطرابلسية بالباس … عروسة أهل البدو بلباسها التقليدي والذي ايضاَ بنفس المواصفات ولكن مع مصوغات من فضة

وبهده الطقوس تكون المراسم الفعلية للعرس الطرابلسي اختتمت ليبدأ العروسان حياة جديدة معا مليئة بالحب والهناء

وما تبقى قوله إن العرس الليبي بقدر غناه بالتقاليد التي جمعت بين قيم البداوة الأصيلة وقيم الحضر،

يعتمد في إقامته على هذا النحو امكانيات وظروف العريس المادية وربما غنى النفسية أيضاً!

وهذا ما علق علية كبير فناني الكاركتير الليبي العميد محمد الزواوي الفاضل اطال الله بعمرة ، حيث رسمة بموقف مضحك

يعبر عن فرحة والد بابنه في اقامة فرح لا مثيل له امام بيته وفي وسط الشارع العام وحلف يمين قوي بأن لا يتم سوى هنا …








وان شاء الله تكون وضحت الصورةF:[/COLOR][/BACKGROUND]
ت
تحكمني قناعاتـي
مشرفة سابقة
24-09-2011 | 12:14 PM
رد مخالف / تسلمي حبوبة

بس نحن يوم الحنة يعني الي نذكرة ان اولا مش شرط تلبس بودري عادي حتي بجامة ستان حلوة بودرية او موف او دمية وحنولك يديك وكرعيك ويحطوك ع فرشة ويرفهوها بيك وطبعا يكونوا العيلة واصحاب ملتمين وتوزي الحنة
هذا الي نذكره ... بس في اختلاف كبير بين العادات هو صاح كله زي بعض بس في لمسات يختلفن

بارك الله فيك حبوبة
M
Mella2
عروس رائعة
24-09-2011 | 03:01 PM

[BACKGROUND="70 #99FF00"]سؤال مخالفة شنو رايكم ف الميك اب هدا للعروس :P[/BACKGROUND]




H
HaNoOoOo
عروس مشرقة
24-09-2011 | 03:26 PM
رد مخالف
تحكمني قناعتي اسفة مارديتش عليك بخصوص تاج محل
مكانه في السياحية مش بعيد علي مانغو في زنقة يقولولها زنقة ابن بطوطة
بالنسبة لي اللون تبي الحق ماشوفتش عنده طلبك بالك توا يجيب بضاعة جديدة لكن حاضر لو لقيت اللوان لي انتى تبيها قدمي رح نتفكرك ونقولك المكان

رد مخالف ملوكة
ملوكة المكياج حلو بس مش لعروسة انتى امورة وماتبيش غير لمسة بسيطة تطلعي قمر 14 ياعسل
X