المده الي فاتت كلها احنا في سترس وضغط وعيونا ولت سودا من كتر السهر وتصفح النت والنشره .. :badly:
ومن التخميم وشرب القهوووه ... يعني البشره تعبت ومانحكيلكمش اكيد كلكم نفس الحال:sick: .. ف وخيتكم قهوه قررت عمل
جلسه للبشره بالك يولي ويصيير منها وبالدات بعد ماتطمنت علي الاهل والحمد لله ..:D
اول شي طلعت زي المرا الفالحه وشريت الابره هده
حصلتها من محل البوتس بعشره باوند يعني عشرين جنيه ليبيات
وشريت اله البخار للفيس هده ..
وتوكلنا علي الله
بعد الفتله وتنضيف الحواجب استعملت الاله متاع البخار لمده ربع ساعه لين المسامات تفتحن كويس
وبديت بالابره متاع التنضيف انحي في الحبوب السودا والبيضا والبلاوي المتتلته خخخخ
وحداي كلنكس ونمسح بيه ..
وبعدين استعملت كريم عادي زي النيفيا امتاع زمان خخخ
بعد ماتشربها الوجه حطيت تلج في قطنه ومررت عالفيس كلوو
عشان المسمات تتسكررررر
وبعد ما ارتحت شوي درت قناع طييييين مش عادي للوجه شريته جاهز من محل اسمه (سوبر درق) بس لو تعرفوا الطين
العادي تقدروا تستعملوه غير انا ماعنديش العادي
وبعد عشره دقايق غسلت وجهي وحطيت كريم مرطب عادي الي تلقيه عندك ديريه
والنتيجه كانت ..................... وجه جميل منتعش مرتاح ونضيف F:
ياريت كلكم تجربوها وتدعولي;)
