الرئيسية ركن العروس تجهيزات و استفسارات العروس « تجهيزات عرائس ' لــــيبيا ' لشهر شوال 1432 - 2011 م / الجزء : 22 »

« تجهيزات عرائس ' لــــيبيا ' لشهر شوال 1432 - 2011 م / الجزء : 22 »

تحكمني قناعاتـي 11-09-2011 163 رد 2,792 مشاهدة
ق
قهوه الصباح
عروس رائعة
20-09-2011 | 02:43 PM
**ام انس**;15575359:
سؤال المخالفة
مني تعرف كم سعر الولادة في عيادة الامل(نادي الاتحاد)؟غر نتصل بيهم يضرب ما يردش



والله حبوبه ماعندي فكره ربي يقومك بالسلامه بس بنقولك مدام تتصلي ومايردووش

ليش ماتمشيلهم شخصيا وبالمره تشوفي المكان وهكي حتا نفسيا كووويس للحامل

تحس روحها تهيئات نفسيا وبالمره تستفسري منهم مرات لما تمشي مايعجبك المكان

وتغيريه ,, ننصحك تمشيلهم قبل F:وربي يتمم بالخير وتجيبي احلا بيبي يارب:L:
ق
قهوه الصباح
عروس رائعة
20-09-2011 | 02:52 PM
المده الي فاتت كنت نفكر نصمم قفطان بعلم الاستقلال ,, مجرد رسم طبعا لا بنخيطه ولا بنلبسه بس هكي خربــــــــشااااااات علي الورق :082:

ودرت قفطان حلوووو خخخخ

امبكري نقلب في النت لقيت هالتصميم

انا شخصيا ماعجبني مشرشح:thumbs_down: لكــــــــــــن حبيت تشوفوه معاي :025:



ح
حتي صوته ما انخلق مثله ابد
عروس برونزية
20-09-2011 | 05:56 PM
قهوة الصباح حبيبتي
هالصورة تقريبا مو فستان بالمعني اللي نعرفه
بس مثل ما اعرف انه في محلات الاقمشة يلفون انوع القماش اللي عندهم علي المانيكان كأنه فستان ويتبتونه بدبابيس
انا شفت هالشئ في محلات الاقمشة في دبي وفي اسطنبول وتقريبا كان في محل اقمشه في بن عاشور مسوي نفس الشئ

وبالنسبة لتفكيرك لفستان بعلم الاستقلال حلوو
تدرين عمري ما حسيت بانتماء لعلم الطاغية بس الحين غير

سؤال مخالف:
امس جدتي تقولي شرايك نسوي الوان البدلة الصغيرة .. الحرير .. الوان علم الاستقلال
هاااااا شرايكم بنات
ق
قهوه الصباح
عروس رائعة
20-09-2011 | 08:12 PM
حتي صوته ,,, والله درت تصميم حلووو بالعلم ههههه مركز رفع الملفات عندي ممتلئ كان هدا صورته وريته ليكم خخخخ

وحتا انا قلت هكي قلت اكيد لافين قماش .

جواب المخالفه ,, انا اخر وحده نقدر نفيدك لاني ليا مده عن الرداوات شوفي باقي البنات بالك تستفيدي منهم بس نقول حلو

لان الوان العلم مع بعضها قنينه وديري الرشقه متاع الردي نجمه وهلال تطلع نايس ههههه
*
**ام انس**
عروس نشيطة
20-09-2011 | 09:37 PM
قهوه الصباح;15577358:
والله حبوبه ماعندي فكره ربي يقومك بالسلامه بس بنقولك مدام تتصلي ومايردووش

ليش ماتمشيلهم شخصيا وبالمره تشوفي المكان وهكي حتا نفسيا كووويس للحامل

تحس روحها تهيئات نفسيا وبالمره تستفسري منهم مرات لما تمشي مايعجبك المكان

وتغيريه ,, ننصحك تمشيلهم قبل F:وربي يتمم بالخير وتجيبي احلا بيبي يارب:L:


رد المخالفة
سلمك وصحيتي علي الرد اني نعرفها العيادة الحق اني نبي عيادة المراة لاكن
الصراحة غلو فيها نبي نعرف فرق الاسعار وبارك الله فيك:L:
M
Mella2
عروس رائعة
21-09-2011 | 01:18 AM
سؤال مخالفة :-

ف طرابلس اي عرس نخشله لازم ايحطوا اسماء الله الحسني قبل الزفة الاصلية ..

زعما انديرها ولا مش لازم ؟
ح
حتي صوته ما انخلق مثله ابد
عروس برونزية
21-09-2011 | 01:49 AM
جواب مخالف:

ملكة حبيبتي بصراحة بما ان كل صديقاتي تقريبا خليجيات فهم يهتمون بالزفات واجد
انتظري علي يومين واجمع لك افكار زفاتهم وان شاء الله اقدر افيدك
A
Angel heart 114
عروس مشرقة
21-09-2011 | 02:04 AM
رد مخالف/

ملكة ،،،،، نحس فيها شئ اساسي اسماء الله حسنى قبل خشة عروسة حتى لما نسمعها في مكان تاني نتفكر عرس طول
او ديري اسماء الله حسنى امتع اغنية سامي يوسف (حلوة هلبة ) وبالنسبة للزفة انتي شنو اكثر زفة تحبيها وتستريحلها
اختاريها تكون دخلتك ،،،،
ق
قهوه الصباح
عروس رائعة
21-09-2011 | 11:00 AM
ملوكه ,, مع اني مسمعتهاش لكن مافيش احسن من دكر الله ,,, حتي عن العين ;)
ا
اميرة عرائس ليبيا
عروس فضية
22-09-2011 | 07:27 AM
سؤال مخالف:بنات بنغازى نبى نسالكم عن المكياج قبل فترة نقص الى عندها فكرة عن محلات فيها كل الانواع؟؟
ت
تحكمني قناعاتـي
مشرفة سابقة
22-09-2011 | 07:34 AM
رد مخالف /

امورة شوفي في لينة عمو عصمان في الحدائق يجي في صفت روز سابقا وهو اي حاجة تبيها توصيه وباذن الله يوفرها لك
وماعليشي يافطة لاصق في محل متاع الرداه وعربي وجنبه محل بطاقات الذهبية

وفي محل جديد حتي هو من فترة حسيت عنده مكياج نزيك مش ديمة متوفر ليته عنده جنب بشاشة الي في صفة مستشفي المروة

وعندك دولار استور هذا فتح بعد الثورة في بضاعه امريكية هما اسبوع الجاي يبوا يجيبوا عندهم مكياج امريكي وقلوسات نايس بكل امشي دري برمه هو في نهاية طريق النهر قبل ماتلفي ع الفويهات

وقالولي الفواح جايب بضاعه حتي هو الي في شارع جمال

بس حبوبة هذوما الي نعرفهم انا مش اصحاب انا والمكياج فلي مرات نمر عليهم هذوما

عروسة ممكن تساعدك .....
ا
اميرة عرائس ليبيا
عروس فضية
22-09-2011 | 08:58 AM
تسلمى يا قدورة توا نشوف
باهى سؤال اخر من الى جربت الكريمات الى خاصة بتفتيح الجسم مش الوجه الجسم؟؟
ت
تحكمني قناعاتـي
مشرفة سابقة
22-09-2011 | 09:08 AM
رد مخالف: فكك منهم الكريمات مضرات اكثر من انهم نافعات

شوفي احسن حاجة صابون مغربي خلطي معاه ماء ورد وملح وكركم وزيت لوز وبيكربونات الصودا

وحطي ع جسمك وبعد ساعه او لو ماتبيش خلي نص ساعه مش اكثر واستمري كل اسبوع مرة

وباذن الله حيتوحد بس مع تكرار مش مرة ومرة لا
ت
تحكمني قناعاتـي
مشرفة سابقة
22-09-2011 | 10:13 AM
صور من حاجاتي الي شايلتهم في جهازي باذن الله
بما اني كنت حايسة في قصة حاجات النظافة وهكي فحبيت نفيد البنوتات ونوريكم مقططفاتي
وياربي نكون افدت بنوتات مانبيش الا دعوة من قلب ربي يسر امور زواجي ويفرجها علينا يارب
ويهنيني ويفرحنا وكل حاجة تمشي احسن مانبي
ويدعي لخويا ربي يرحمه ويغفرله:L:



كريم جليسوليد ... كريم جونسن اليومي... لوشن جونسون ... ملح اليوكو الحليب... وملح اليوكو الحليب بالياغورت او زبادي ..... غسول يومي للوجة من كليراسيل... مقشر وجه وجسم باليمون ... مزيل عرق طبي....زيت بيبي بالافندر جونسون .... فازلين



تونك وجه بصبار ... فرشة شعر ... قطن للوجة ... مضمضة فم ... مناديل مزيل المكياج ... ليفة مغربية ... قطن للوجه دائري... صبونات وردة .... عبوتين قليد للبخاخ



مزيل عرق من بودي شوب .... كريم يد من نيتروجينا ... كريم للرجل من افون ... كريم يد من كاميل ... بخاخ قليد اوتمتكلي .. صابون كركم ... مزي عرف من اس في ار ... فرشة الرجل ... الي حولوا بيها الوبر ... الي نظفوا بيها لسان



شامبو ....غسول وجه وجسم ....لوشن جسم ... صابون كلها منتجات سيباميد



اقنعه وجه .... بانبو ... روز .... ارز



اقنعه وجه



معطر انهار للملابس... زيوت من بدي شوب ... خلالات ... مساسيك... ملمح حذاء ... صبغة حذاء... الي يحطوهم في كندرة من جوه



ست لتنظيف الرجل ... ست لطب رسمات ع اظافر ...ست عناية بالاظافر ... دبوسات
لستيكات شعر ... قصاصة لاظافر الرجل ... مرطب فم






عشقي وغرامي مناكير طبعا في صور طارن بس الحمد الله اكويسات هذينا:rolleyes:

حبوبات اي حاجة ناقصة ياريت تقولولي عليها

في امان الله

ع
عروسة ليبيا
مشرفة سابقة
22-09-2011 | 10:50 AM
اميرة عرائس ليبيا;15583015:
سؤال مخالف:بنات بنغازى نبى نسالكم عن المكياج قبل فترة نقص الى عندها فكرة عن محلات فيها كل الانواع؟؟



الله غالب امورة فعلا ف نقص وتلفي مرات بش تحصلي حاجتك

عموما لينا كويس الي قالت عليه قنوعه هو فف صفة محل روز للديكور ف حدائق

وننصحك بمحلات شارع عشرين في محل يجي اول ما تخشي شارع ع اليسار بتاع خربش واكسسوارات الصراحه كل حاجه فيه وحلو واسعاره كويسه

ووبخصوص ال نقص عشان الحضر والجمرك توا قريبا يفتحو المواني كلها وتنحل هالقصه ;)
ق
قهوه الصباح
عروس رائعة
22-09-2011 | 11:14 AM
قناعتي تجهيزاتك حلووه الخربش الصغير هدا قصته قصه هههه بس بنسالك عن هدا




جربتيه والا مزال ؟ وشن جوه ؟


وخديتي المكياج والا مزال ؟

وربي يرحم خوك زيغفرله ويصبركم ويتتملك علي خير يارب
ا
اميرة عرائس ليبيا
عروس فضية
22-09-2011 | 11:15 AM
ماشاء الله ع حاجاتك يا قدورة انحس فيها كلها كاملة
سؤال المخالفة نبى نسالك من طقم الشامبو سيماسيد؟
عروسة ليبيا امين
ت
تحكمني قناعاتـي
مشرفة سابقة
22-09-2011 | 11:36 AM
رد مخالف لايمي الغالية : اللهم امين يارب العالمين

ايه حبوبة نستعمل فيهم من زمان يعني ممكن من اعدادي ونزيكات ع اخر

وكل وحده يعني لها تخصصها انا خذيت مجموعه هذي للجهاز وعندي مجموعة نستعمل فيها حاليا

يعني هو مرة في اسبوع اي نوع من الي قاعدات بصراحة رووعة بس في انواع تتحسس منهم بشره

مرات بشرتك متتحمليش الفراولة وانواع هكي فخوذي الي انتي تتريحي عليه

ومكياجي الحمد الله خذيته كله من ماك وباذن الله حنزله بس بكرة مكياجي

رد مخالف لامورة الحلوة : بنسبة لسباميد خذيتهم من تونس
ت
تحكمني قناعاتـي
مشرفة سابقة
22-09-2011 | 11:50 AM
سؤال مخالف لبنات طرابلس :

سالت ع محل فرش الحمام يكون مميز ويكون عنده تشكيله يعني الوان وهكي ؟؟؟
M
Mella2
عروس رائعة
22-09-2011 | 12:21 PM
تحكمني قناعاتـي;15583482:
سؤال مخالف لبنات طرابلس :

سالت ع محل فرش الحمام يكون مميز ويكون عنده تشكيله يعني الوان وهكي ؟؟؟



HOME SWEET HOME
وبجدااااااااااارة وعنده فروع ف قرقرارش وسياحية وفشلوم وبن عاشور
X