« تجهيزات عرائس ' لــــيبيا ' لشهر شوال 1432 - 2011 م / الجزء : 22 »

تحكمني قناعاتـي;15573772:
رد مخالف:

ملوكتي حبيبتي نحن مش زيكم نهائيااااااااااااااااااااااااا

نحن عندنا يوم لهل العروسه الي هو يوم الحنة وهو تلبس الفيلو اول تخش بيه

بعدين يكلموك هل العريس يقولك رانا في طريق تعدي تجري تغير تلبسي قفطان الحنة

عشان لما يجو يشفوك بقفطان الحنة وطبعا يحنوك يعني حنه بسيطة من ام العريس

وفي الي يعشي فيهم وفي الي يطلعو ع طول وجبوا معاهم ذهب العروسة

واليوم الي بعده او الي بعد بعده ع حسب الحجز الي هو الزفه تلبس بس الفيلو فهمتي حبوبة

سؤال مخالف :

في حاجة مميزة لهدية العريس غير الساعه والعطر وبيجامة ؟؟؟؟

تحكمني قناعاتـي;15573546:
السلام عليكم ورحمه الله وبركاته

رد مخالف لايمي /

نقولك كل الي انتي قتيه انا دايرته وتغليف نحن تشيلوا في سلات كبار ونحطوا فيها الحاجات ويزنن وينحطن في مكان في حوش ,, بارك الله فيك حبوبة

مرج حمام;15573934:
جواب للمخالفة

بالنسبة لهدية العريس عندي فكرة لو تاخدي موبايل يكون هو معنداش منه يكون احسن من التقليديات ويستفيد منه

مرج حمام;15574522:
السلام عليكم
سؤال للمخالفة

بنات نبي نسأل على المنظومة الصدرة كاملة ( خناق + بزوان + وشناقل + وحزام + شنبير ) كم تساوي توة وتكون درجة اولى وخدمة نظيفة نظيفة
ياريت يلي عندها حتى تتعامل معاها وتعرف تقولي ضروري

مرج حمام;15574748:
السلام عليكم
ملوكة نبيها فضة مش ذهب لاكن تكون خدمة نظيفة نظيفةلوجديدة ، وحياتك كان عندك حد تعرفيه قوليلي حبيتي

ملكة في مملكته;15575279:

جواب مخالف لقهيوة :)
متنسيش الوان وكراسات وشوية العاب لصغارك( هداك وتيته في شنطه الصغار ) وكان عندك دي في دي صغير .. الي يقعد 6 ساعات يعرض في رسوم واشري سي ديات رسوم متحركة بش صغار يلهو( حطيت لولدي اي بود ) .. وغيارات ليهم وادوية للطوارئ !! (:thumbs_up:)

وغير المكياج وسماعات حطي تزدات صغيرون فيه ايبر وخيوط وبطم وخلالات للطوااااااري ( اضن الابره والخلاالات ممنوعه في الطايره !)
وتزدان تاني فيه حلوة حارة ومستكة وشكلاطة صغيرونات حتي هما للطوارئ متعرفيش شن يصير بطول المسافة حتي الارهاق ليه دور( كويس خطرتي عليا المستكه )
تزدات للادوية( تو نحط بروفين عن التعب ) ... ترموميتير وكلينكس كحول الصغيرونات ولصقة جرح وحبوب راس وووووالخ
بيروا برضوا متنسيشي ... ولوشن ... وبرفان ...(. والبرفان ممنوع فووق اضن بس اكيد بنحط مزيل عرق)
حاااااااجة مهمة !! كتاب قران لو تقري ف سفر وفرصة حلوة صراحة( اكييد والادكار موجود في التلفون :thumbs_up:)

امممممممممممممم هادم المهمات الي ف بالي توا لو بتحطيهم ف ساكو الي حطيتي صورته
ان شاء الله قدرت انساعدك وكتبت حاجة انسيتيها بش انحس اني درت حاجة :p

صحيتي اكيد درتي حاجه بارك الله فيك

متنسيش تزدان للحمام حشاك .. فوط يومية وقطن نسائي وكلينكس جيب وكلينكس ديتول وجيل بتع البكتيريا ... ( صح صح دكرتيني بالقطن واللدي منوو :thumbs_up:)

وبما ان عندك صغاااااااااااااااااااااار وسفينة وطيارة وحركات متنسيش فيديو والكميرا !!! فكرتي فيهم بيكا راهو :p

( ايه لازم ههههه مع ان مرات الواحد من التعب ماتجيه النيه يصور :hysterical:)

انا قعدت انفكر ف تزدانات الي موتيتهم ههههههههههه !!! وانقولوك متنسيش عدة باديكور كانك مهتمة بالشي هدا .. لاني منستغناش عنهم :D (اكيد لكن مش حنحطهم معاي في الشنطه يقعد لوطا مع العفش :D)

مرج حمام;15573934:
جواب للمخالفة

بالنسبة لهدية العريس عندي فكرة لو تاخدي موبايل يكون هو معنداش منه يكون احسن من التقليديات ويستفيد منه

قهوه الصباح;15573940:
ماشاء الله كويس يعني كملتي تجهيز الحمام

سوءال المخالفه ..

كملتي المطبخ ؟؟
F:

قهوه الصباح;15574219:
:thumbs_up::thumbs_up:

او كان عندك فليسات:$: تاخديله لاب توب :cool:

لان الرجال يحبوا حاجات التكنولوجيا اكتر شي :020:

ملكة في مملكته;15575567:

ســــــــــــــــــــــــؤال مخـــــــــــــــــــــــــــالفة :-
بنات ومدامات
بليز ساااعدوني ف أفكار لزفات واغاني !!!
للحفلة :- هلبة ناس اتقولي مفيش زي دقو المزاهر !! بس اصلا ملقيتش واحده صافية :(