لمتنا السورية اهلا وسهلا فيكم لشهر رمضان 1432

عروستنا هنودة الله يوفقك يارب ويطلع كل شي متل مابدك واحلى ان شالله
بخصوص الزفات البنات ماقصروا انا قديمة كتير ومارح فيدك بالخصوص ههههههه بس عم تقولي ابوكي مصمم رقصات وغيره واكيد راح يختارلك كل شي
حلو ..... واعتمدي على الاغاني قبل ماحماتي تجيبلك الليستة وتقلك على هدول بترقصي وهدول لاء ههههههه
ياستي منيح اللي الك بيت خاص والا الله يعينك


&&&&&&&&&&&

عروسة ابراهيم نورتينا ياقمر كيف الاجواء بطرابلس وان شالله تاقلمتي على الجو ولا لسى
ويالله بانتظار الصور شوووووقتيني كتيييييييير الله يحميكي وان شالله ربي يرزقك ماتتمني

&&&&&&&&&

روح عامر كيفك وشو اخبار البنوتة معك
صحيح وين ساكنة بالامارات باي امارة ؟؟ وايمتى ناوية تنزلي عالشام ولا مافي نية .............

اهلين حبيبتي سورية انا عم اعمل العوامة يالله اعمليها لنشوف مين رح تظبط معه اكتر خخخخ
والله يستر وفهمك كفااااية ههههههه

صباح الخير والله ياجماعة مابعرف ليش ما أجاني نوم مع أنو الجو حلو كتير ومو شوب بس مدري ليش قلقت ما أجاني نوم بنوب

الدمشقية;15460781:
اهلين شامية لك احكي تؤبشبيني وفشي قلبك نحنا هون لبعض يعني لا لعي ولا شي
بالعكس

وياحبيبة قلبي خليكي واثقة بحالك دائما ومالك بحاجة لمديح حدا منهم في ناس لئيمة والكلمة الحسنة والطيبة صعبة عليهم انها تطلع
بس صدقيني انك ست معدلة وست بيت كاملة ماشالله عنك وهنن عارفين هالشي بس صعب
يحكوه ولو كنتي غير هيك كنتي سمعتي كلام عالطالعة والنازلة بقى الحمد لله سكوتهم هو اكبر مدح الك صدقيني

قلتيلي بتمدح بحالها وبطبخاتها اي قليلها لكن مداح حالو بسلم عليكي :lol:

ياعلى قطاطك الله لا يحملنا مغيبتهم خخخخخخ :lol::cool:
وماشالله الاكلات بتجنن ان شالله هنا وعوافي يارب منيح منك ماشالله والله بدهم تحضير ووقت
كبير الله يقويكي
وياعين ياعين على الكاسيتا مع هالشوبات تحفة عوافي

ياستي أنا الحمد لله واثقة بحالي وما بستنى المديح منها هي تحديدا لأنو بيكفي زوجك يقلك والله ما بتهنى بالأكل الا بالبيت والله بعد ما دقت رزاتك ما عاد عجبني رز أمي والله الملوخية يلي أكلناها اليوم عند ماما ما عجبتني مع أنو كان يطير عقلي فيها قبل ما أتزوجك يعني الى آخره فما بستنى المديح بس بلاحظ تصرفاتها لما بعمل شي أكلة وزوجها وبناتها بيزلو فيها ما شاءلله وهي عم تطلع بطرف عينها وتاكل هيك على جنب بقلها كلي مرة عمو شو ما عجبك ما بتقلي مبلة يسلمو بتقلي عم آكل أو بتسكت أو بتقلي شبعت بالمقابل اذا شي بنت من بناتها ساوت معكرونة بتروح وبتجي وبتسأل واحد واحد طيبة المعرونة نحنا منقلها اي والله يسلمو ايديكي بتقول هي نور عملتها كل الناس بتمدح بمعرونة نور فلانة ما بتحب المعكرونة الا من ايد نور طبعا أنا ما ببخل بالكلمة الحلوة مع أنو كل شي بيكون عادي طبعا هادا المديح يلي بتمدحو ببناتها جزء بسييييييييييييييييييييييييييط جدا من يلي بتمدحو بحالها

لؤلؤة الشام0;15461143:
سورية حبيبة قلبي الله يسعدك ويحميلك اطافيلك وانت وحشتوني كتير والله

الله يسلمك حبيبتي شايفة كيف طلعتوا جيران انت وشامة
شامةبيتها جنب مسجد الشافعي انت وين قريبة من مطعم بباي شي لانه انا هاد المطعم اكتر شي بعرفه بحرستا هههههههه
هلق رح فضي صندوق الوارد وعم استنا صور سلومة الله يحفظه

أهلين لؤلؤة والله ماعرفت هي المنطقة أنا ما كتير عندي خبرة بحرستا أنا ساكنة بالحدائق جنب جامع عبد الله بن عمر وتكرمي رح ابعتلك الصور حالا

هند حلوة الحلوات;15461677:
شامية اكيد رح نزل الصور


صح بنات ماحدا قلي على الزفة والرقصة يلي بدي ارقص عليها

امانة ادعولي الله يتمم على خير ويصير كلشي متل مابدي في شغلات عم تضايقني كتير وبس بدي مرق هل عرس يعني ماني هيك مبسوطة ابدا انا وعم جهز للعرس امه بتتدخل بكل شي

تخيلو هديك اليوم قالتلي ايمتا بدنا نروح نعمل بروفة قلتلا مشان شو قال لتختاري الاغاني وتدربي على الفوتة قلتللا لا انا هي الشغلة تاركتها لابي بس هو يقرر بروح

افففففففففففففففففففففففففف

ايه صح مشان ماتقولولي شو دخل ابوكي بابا بيعمل اعراس كتير بقا هو رح يجبلي بنات للزفة ورح يسجلي غنية خاصة الي ولخطيبي وهيك يعني بس هي مابنتطاق مفكرة حالها العروس وبدها تتدخل بكل شي

بانتظار الصور هنودة
الله يهدي بالك وييسرلك أمورك يارب ومنشان الأغاني والله يعني حسب الدارج بدك تمشي مابدك أغاني قديمة ومحروقة وأكيد الي جي رح يعطيك خيارات واسعة وأنت بتختاري وبعدين لا تنسي الأهم أنك أنت تحبي الأغاني ويكونو على ذوقك مو على ذوق الناس أنا بعرسي من سنتين عملت ميكس حلو كتير وكانت مولعة غنية نجوى كرم تبع العروس نسيت شوي هي وكانت من بيناتن

سورية وبفتخر;15462002:
يارب جمعة مباركة عالجميع
اشتقتلكم كتير بس والله اولادي مستلطين عالاب توب كل مابيشوفوني فتحته بصير بدهم العاب ماعم يخلولي دور هههههههههههههه
شامية ان شاء الله ربي بيحميلك سالم اسم الله عليه شو حلو اللهم صلي عالنبي ان شاء الله بتشوفيه بأعلى المراتب وبتفرحي فيه وان شاء الله بيتك عامر ومتل ماقالتك الدمشقية بقى لاتزعلي حالك
لولية عم نستنى صور الحمام
روح عامر شو اخبارك مع بنتك لسى عم تعذبك بس متل ماقلتي لقيتي شي تتسلي فيه والله احلا تسلاية
لؤلؤة وانتي كمان ان شاء الله بيتك عامر الله يعينكم شغالين عزايم بس والله مافي احلا من اللمة
دمشقية هيني رجعتلك شميت ريحة الحلا اممممممممم

يحلي أيامك يارب آمين تسلمي على هالدعوات الحلوة ان شالله يارب يطلع مرضي وناجح بحياتو يارب

لؤلؤة شو القصة رد عطاني انو صندوق الرسائل مليان

عروسة ان شاءلله بانتظار الصور ومرة تانية الف مبروك

لولية حياتي الرسام بتلاقيه من ضمن برامج الكمبيوتر روحي على start>>> paint
وممكن تلاقيه بالاكسسوريز والاكسسوريز بتلاقيها من ضمن برامج الكمبيوتر

ياحلوات راجعتلكم بس اروح شوية وراجعة هههههه

مرحبا بنات

قريت كل الردود تبعكم
بس اانا هلق مقهورة كتير وطاقة من البكي خطيبي طول النهار لااتصل فيي ولاعلملي وهلق من ساعة دقلي وقال راح الصبح هو وامه واشترتله بدلة العرس وانا كل هاد الشهر عم قله ايمت بدنا نروح انا وياك ونشتري بدلتك

لك حتا ماتصل فيي

يقطع عمر كل الامهات يلي متلها بدها تتدخل بكل شي مفكرة حالها العروس

ليكو بنات هدون القطعتين عجبوني بدل بطاقات العرس بس الكوخ اغلى وبينحفر عليهن الاسماء وشو مابدي







اي الاحلى

شامية للعظم;15466999:
صباح الخير والله ياجماعة مابعرف ليش ما أجاني نوم مع أنو الجو حلو كتير ومو شوب بس مدري ليش قلقت ما أجاني نوم بنوب



ياستي أنا الحمد لله واثقة بحالي وما بستنى المديح منها هي تحديدا لأنو بيكفي زوجك يقلك والله ما بتهنى بالأكل الا بالبيت والله بعد ما دقت رزاتك ما عاد عجبني رز أمي والله الملوخية يلي أكلناها اليوم عند ماما ما عجبتني مع أنو كان يطير عقلي فيها قبل ما أتزوجك يعني الى آخره فما بستنى المديح بس بلاحظ تصرفاتها لما بعمل شي أكلة وزوجها وبناتها بيزلو فيها ما شاءلله وهي عم تطلع بطرف عينها وتاكل هيك على جنب بقلها كلي مرة عمو شو ما عجبك ما بتقلي مبلة يسلمو بتقلي عم آكل أو بتسكت أو بتقلي شبعت بالمقابل اذا شي بنت من بناتها ساوت معكرونة بتروح وبتجي وبتسأل واحد واحد طيبة المعرونة نحنا منقلها اي والله يسلمو ايديكي بتقول هي نور عملتها كل الناس بتمدح بمعرونة نور فلانة ما بتحب المعكرونة الا من ايد نور طبعا أنا ما ببخل بالكلمة الحلوة مع أنو كل شي بيكون عادي طبعا هادا المديح يلي بتمدحو ببناتها جزء بسييييييييييييييييييييييييييط جدا من يلي بتمدحو بحالها

والله كلنا عم نقلق ياشامية خليها على الله بس

اي الحمد لله اهم شي زوجك عاجبه اكلك وكل شي فيكي :adore: الله يخليكم لبعض يااارب
ودخيلك يعني اكيد بدها تمدح بحالها وببناتها ولا تنسي انك انتي من الاول مو على مزاجها
يعني قولي الحمد لله يامخلوقة اللي ها اعترفت فيكي وصار في زيارات وكذا مزاااا ;)

وصدقيني انها بتحبك بس بدها وقت لتحكي وتعترف ... هنن الحموات تقاااال يااختي تقال
يحرء حريشهم لك تقولي ماكانوا كناين وماكانو يزعلوا وتحز بقلبهم شغلات كتيرة متلنا

لك ااااااااااااااااااه يامخلوقة الله خليني ساكتة واحمدي ربك مية مرة والف كرة انك ساكنة ومستقلة بحالك انتي وزوجك الله يديمها عليكي نعمة ياااااارب ويهدي الحال والاحوال:thumbs_down:

هنودة حبيبة قلبي لا تزعلي ولا تحطي ببالك الهم عندك وحدة اكيد صح ؟؟؟ ههههه

وهلأ ريحي نفسيتك بدنا ياكي بتجنني على الكوشة بقى لا تحطي ببالك ياقمر

انا عجبتني الاولى احلى بكتير من الكوخ الكوخ حسيته عاادي ومافيه فخامة الصورة هيك مبينته
وعلى قولة المتل خود راي اللي اكبر منك واللي اصغر منك وارجع لرايك

تزعل دني ترضى دني بدنا نضل نحبك هيك ياجبين مابينحني حامل سورية بعينيك
تزعل دني ترضى دني بدنا نضل نحبك هيك يا اسد مابينحني حامل سورية بعينيك
يا ابن الغالي يا كبير بنحبك بشار كتير مهما يصير اللي بده يصير بنضل سيوف حواليك
مهما يصير اللي بده يصير بدنا نضل نحبك هيك
انت النا رفيق وخي وعالحضارة مودينا
متل الشمس ومتل الفي حبك ماتغير فينا
انت اللي مابتشبه حدا صامد بوجه العدا نادينا وعند الندا عالموت منقلك لبيك

ههههه هند يحرء حريشك منيح مارحتي معو انا خطيبي قلتلو التوووووووبة ماعاد انزل معك هلكني:(أنا رأيي من رأي الدمشقية الأولى أحلى من الكوخ يمكن لانو لونها متقلها

كيفكم ياحلويين
هند ياحبيبتي بدك تطنشي كتييييييييييييييييييير وتسايري كتيييييييييييييييييييير
والا بتتعبي كتييييييييييييييييييير :lol:كله خديه بروح مرحة وهيك يلي حوليك هنن بيتعبوا لأنه مو قادرين يغيظوكي
وانا كمان رايي من رأي البنات القطعة الاولى احلى من الكوخ وربي يفوقك

لؤلؤة شو هالصوت الحلو مايبلى بنصحك تشتركي بالبرنامج الجديد تبع احلام وراغب ههههههههه اشتقنالك وينك انتي سلامنا لشامة

طيب الاولى حبيتوها اكتر من الكوخ

انا هلق مضايقة اكتر من مبارح لانو مبارح بعد ماقلي هيك طفيت موبايلي وقام على السحور اتصل على الارضي وقلي انزل لعندو انا فكرت رح يورجيني البدلة وقام طلع بس بدو يشوفني ولمن قلتلو ورجيني البدلة قلي لساتها عند الخياط بدو يقصرها ولمن طلعت على البيت حكيت معو وقلي انو جابها بيضا وقمت صرت اتخانق معو ساعة كانلة وقلتلو نازلة فيقو بكير لنروح نبدلها طبعا هو قلي مستحيل ومابعرف شو وقال انا مقتنع فيها

المهم نزلت اليوم فيقو وقبل مافيقو فتت على غرفة امو لشوف ابن اخته الصغير وقمت لقيت البدلة يلي اششتراها مبارح نقهرت كتير وفيقتو وصرت ابكي قال مابيعرف ليش كذب عليي وحاول يراضيني كتير بس انا مارضيت وطول النهار طافية موبايلي ومن ساعتين فتحتو بس مالو سائل

انا كتير مضايقة اشتراها هو وامه لحالن وفوقها كذب عليي مشان مايورجيني ياها اكيد قاسها قدام اخواتو وفررجاهن ياها انا كرهانتو ومضايقة كتير كتير

هنودة والله مابعرف شو بدي قلك بس يمكن هو مابدو ياكي تشوفي البدلة عشان تكون مفاجأة الك بيوم العرس وتطلعله بهجة للزلمة قدامك ههههههههههههه قلتلك طنشي وريحي حالك حاولي

مين متخفي ياترى اظهر وبان عليك الامان هههههههههههههه

هند حلوة الحلوات;15468671:
مرحبا بنات

قريت كل الردود تبعكم
بس اانا هلق مقهورة كتير وطاقة من البكي خطيبي طول النهار لااتصل فيي ولاعلملي وهلق من ساعة دقلي وقال راح الصبح هو وامه واشترتله بدلة العرس وانا كل هاد الشهر عم قله ايمت بدنا نروح انا وياك ونشتري بدلتك

لك حتا ماتصل فيي

يقطع عمر كل الامهات يلي متلها بدها تتدخل بكل شي مفكرة حالها العروس

شوفي حبيبتي مافي داعي للزعل بنوب أصلا جرت العادة عنا بالشام أنو العريس ما يورجي بدلتو لعروستو والعروس ما تورجي فستانها لعريسها منشان تكون مفاجاة للتنين حتى ما بيشوفو بعض قبل بفترة منيحة يعني العروس بتبطل تهتم بحالها وما بتظبط حواجبها والعريس وبيطول دقنو منشان يوم العرس يطلعو غير شكل طبعا هالعادات بلشت تنقرض بس لسا في ناس متمسكة فيها بقى بركة هو يخليلك ياها مفاجأة أكيد هادا هو السبب ولما كذب عليك مو لأنو حابب يكذب هو مصر ما تشوفيها بدو تشوفيها عليه وصدقيني مافي داعي للقهر بنوب

الدمشقية;15469226:
والله كلنا عم نقلق ياشامية خليها على الله بس

اي الحمد لله اهم شي زوجك عاجبه اكلك وكل شي فيكي :adore: الله يخليكم لبعض يااارب
ودخيلك يعني اكيد بدها تمدح بحالها وببناتها ولا تنسي انك انتي من الاول مو على مزاجها
يعني قولي الحمد لله يامخلوقة اللي ها اعترفت فيكي وصار في زيارات وكذا مزاااا ;)

وصدقيني انها بتحبك بس بدها وقت لتحكي وتعترف ... هنن الحموات تقاااال يااختي تقال
يحرء حريشهم لك تقولي ماكانوا كناين وماكانو يزعلوا وتحز بقلبهم شغلات كتيرة متلنا

لك ااااااااااااااااااه يامخلوقة الله خليني ساكتة واحمدي ربك مية مرة والف كرة انك ساكنة ومستقلة بحالك انتي وزوجك الله يديمها عليكي نعمة ياااااارب ويهدي الحال والاحوال:thumbs_down:

صح كلامك بس هي مو راضية تعترف أنها كانت غلطانة برفضها الي وحاولت تثبت أنها على حق وأني مو منيحة بس ماعم تلاقي مبررات ومظبوط كلامك والله ما منعرف كيف رح نصير لما رح نكبر ان شالله يارب ما نوقع بنفس أخطائن يارب ونعامل بنات الناس متل ما عاملونا

والله حاسة فيكي وما بقدر قلك الا الله يفرج عليكي يارب

سورية وبفتخر;15470785:
كيفكم ياحلويين
هند ياحبيبتي بدك تطنشي كتييييييييييييييييييير وتسايري كتيييييييييييييييييييير
والا بتتعبي كتييييييييييييييييييير :lol:كله خديه بروح مرحة وهيك يلي حوليك هنن بيتعبوا لأنه مو قادرين يغيظوكي
وانا كمان رايي من رأي البنات القطعة الاولى احلى من الكوخ وربي يفوقك

معك كل الحق ولو عم تحكي درر سورية خانم

هند حلوة الحلوات;15472176:
طيب الاولى حبيتوها اكتر من الكوخ

انا هلق مضايقة اكتر من مبارح لانو مبارح بعد ماقلي هيك طفيت موبايلي وقام على السحور اتصل على الارضي وقلي انزل لعندو انا فكرت رح يورجيني البدلة وقام طلع بس بدو يشوفني ولمن قلتلو ورجيني البدلة قلي لساتها عند الخياط بدو يقصرها ولمن طلعت على البيت حكيت معو وقلي انو جابها بيضا وقمت صرت اتخانق معو ساعة كانلة وقلتلو نازلة فيقو بكير لنروح نبدلها طبعا هو قلي مستحيل ومابعرف شو وقال انا مقتنع فيها

المهم نزلت اليوم فيقو وقبل مافيقو فتت على غرفة امو لشوف ابن اخته الصغير وقمت لقيت البدلة يلي اششتراها مبارح نقهرت كتير وفيقتو وصرت ابكي قال مابيعرف ليش كذب عليي وحاول يراضيني كتير بس انا مارضيت وطول النهار طافية موبايلي ومن ساعتين فتحتو بس مالو سائل

انا كتير مضايقة اشتراها هو وامه لحالن وفوقها كذب عليي مشان مايورجيني ياها اكيد قاسها قدام اخواتو وفررجاهن ياها انا كرهانتو ومضايقة كتير كتير

اسمعي مني ولا تزعلي ومتل ما قلتلك هو جد نيتو صافية وكل يلي عملو انو بدو يخليلك ياها مفاجأة

أحم احم