لمتنا السورية اهلا وسهلا فيكم لشهر رمضان 1432

بنات مابعرف يلي رح احكي بيزعلكم ولا ماله تأثير عليكم
بس انا من اول ماصرت ادخل على هالمنتدى وعشات خصوصا وانا بعتبر انه المكان المناسب لفش خلقي وغير جو عن هموم الدنيا وانسى مشاكلي وباوقات كتير كنت لاقي حلول لمشاكلي من خلال كتاباتكم حتى من غير ما اطرح عليكم مشكلتي
وصار هالشات جزء مني بس بصراحة هلق حاسة انه ماعاد متل اول وخصوصي بهالفترة هي يعني كتير صعب حط اصابعي بأذني ومااسمع شو عم يصير ببلادي وضل مكملة حكي عالاكل والشرب واللبس والديكور بهالشات وكل ما نفتح الحديث ما اقدر غير قول الله يفرجها علينا
انحرمت من الاهداءات لاني دافعت عن وطني واهله وناسه
بس حاجة لهون وبيكفي مابدي نكد عليكم خصوصية هالشات ولا غيرلكم حلاوته
مشان هيك رح ودعكم لاني مابلاقي حالي بمكان صعب قول فيه رأي بصراحة
بحب بلدي بحب قائدها معه عالموت هو الصح والباقي كلهم غلط وبيجي يوم وبتتاكدوا من صحة كلامي
وانا على موقفي هاد مهما صار او رح يصير بشار عندي خط احمر وبعترف بهاد الشي يمكن تستغربوا لاني عم اخلط القصص ببعضها بس حب الوطن مابيتجزأعن اي شي بحياتنا
ويمكن تقولوا عاملة فيها وطنية زيادة عن اللزوم وهي مو قاعدة ببلدها اصلا بقلكم ياها مرة وتنين وتلاتة انا صحي بغربة بس مستعدة قدم الغالي والرخيص ولا شوف يصير ببلدي متل ما عم يصير بليبيا او متل ماصار بالعراق
صدقوني عم اكتب ودموعي على خدودي اول شي من حرقة قلبي على كل نقطة دم نزلت باحلى بلد بالدنيا
وتاني شي من الناس يلي تكاتروا علينا لحتى يحرمونا امنا سورية
وتالت شي لاني عم ودعكم لانه انا ماعاد ادخل على المنتدى نهائيا مشان ما ازعج حدا بكلامي ولا انزعج من حدا سواء بالكلام او بالاهداءات يلي مابعرف صاحباتها مين عطاهم الحق انهم يكتبوها
سورية مو بحاجة لدعائهم
سامحوني كلكم بنات ولا حدا يكون في بقلبه شي تجاهي
انا كان بأمكاني الغي اشتراكي بالمنتدى بدون ما خبركم بس بعرفكم مابتنسوا العشرة ولو كانت عشرة نت وبعرف انكم رح تضلوا تسألوا عني مشان هيك قلت بخبركم احسن
تصبحوا على خير وتصبح بلدي على خير وبأذن الله بكرة احلى عليكم وعلى كل سورية
سورية ماهنتي ولا هان ابطالك ولكن هان من حضنته طفلا وعندما كبر نكر افضالك

يسعد مساكم جميييع

هنودة يالله لا تزعلي ولا تحطي ببالك وعديها هالمرة وكل مرة لانك لسى راح تشوفي كتييير بقى طنش تعش تنتعش
ودائما خدي الامورببساطة ولا تكبريها

**********

شامية تسلميلي يااارب والله يفرجها على الجمييع بتفرج قال دوام الحال من المحال
بدنا نسمع كتير ونطنش اكتر والا هالقلب مابعود بيتحمل ماهيك ؟ قبلاتي لسلوومة

&&&&&&&&&&

سورية كيفك ياعمري والله اشتقتلك واشتقت لعبووودي ههههه
الله يحميه يارب مبارح نزلت عالسوق على اساس اشتري بجامات للاولاد وكالعادة ماعجبني شي ورجعت من غير شي هههه
بس اشتريت سكليس ابي الي خخخخخ

************

عروسة صحة صحة
كتبتلك رد لقلك ماجاوبتيني عنه شكله العريس لا هيكي كتييير مو هههههه الله يسعدكم يارب

اهلين لولو كلامك على العين والراس وانتي اخت غالية وعزيزة على قلبنا وماهين ابدا انك تتركينا وتروحي

بس يالولو كلنا منحب سورية ومنموت بترابها والله بيعلم بقلب كل وحدة فينا والله بيعلم شو عم يصير فينا من غصات وقهر
وحكينا بهالشات على الاكل والشرب والديكور هو من الحياة اليومية اللي عم نعيشيها يعني احلفك بالله انتي وانا وغيرك ماعم نطبخ ونشتري وننزل على الاسواق بهالشهر ونعزم وننعزم ونروح ونجي هل هالشي معناته انك او اننا نسينا سورية ووجعها !!!! لاء طبعا مانسينا ولا مننسى ولا بتهون علينا ولا بيعني ابدا اننا حطينا ايدينا على اذانا بالعكس ..... الله عالم بالقلوب ... بس نحنا هون عم نغير جو ونحكي ونطلع من اوجاعنا وهمومنا بهالغربة وهمومنا ووجعنا على سوريتنا

ونحن منقول الله يفرجها اي الله يفرجها لاننا ابتلينا بلاء عظيم ومعدنا نعرف شي غير اننا نقول حسبي الله ونعم الوكيل والله يجازي اللي كان السبب وبس .....

واكيد بكرا احلى على سورية وباذن الله بتفرج وبتزول الغمة املنا وثقتنا بربنا كبيييييرة ودوام الحال من المحال

لولو حبيبتي انتي غالية على قلبي والله لا يزعلك ولا يقهرك وانا متفهمة موقفك والله يهدي الاحوال يارب ومتمنى تبقي معنا واذا لاء
فانتي بالقلب والبال راح تبقي دووووم والله يشهد

حبيبتي لؤلؤة مافي حدا فينا ما بيحب وطنو صدقيني كلنا منحب وطننا وهو أغلى شي بهالدنيا ولو
والله لايقدر نوصل لمواصيل ليبيا أو العراق وان شاءالله بوعينامارح نوصل لهيك مرحلة المهم بدك تحطي ببالك شغلة أنو الناس آراء ومافي حدا بيقدر يفرض رأيو عالتاني نحنا بنفس العيلة لما منجتمع مع أهلي أو حتى بيت حمايي بتلاقي المشاكل والصوت بيعلى ناس مع وناس ضد وأنو هدول يقنعو هدول برأين مستحيل يعني وكل ناس عندن أسبابن وصدقيني والله والله بعيلتي في ناس عم تطلع بالمظاهرات وناس عم تطلع بمسيرات التأييد

ههههههههه يعني جد شي بيضحك كل واحد بيحب وطنو على طريقتو وبيفكر طريقتو هي الصح أنا من لما كنت بالجامعة اتعلمت أني بسوريا مالازم أحكي بشغلتين السياسة والدين لأنو هدول الشغلتين مستحيل يقدر الواحد يغير قناعاتو فيهم
أنا بالنسبة الي أنا ضد شغلة وحدة ويلي هي القتل مابدي شوف دم ببلدي وبدي عيش بأمان وبكرامة متل ما كنا وأحسن
بالنهاية نحنا مابدنا نخسرك كرمال الاهداءات
ان شاءلله تفوتي عالشات ولو مرة تشوفي ردودنا وتغيري رأيك وترجعي الشات مو حلو الا نكون كلنا فيه موجودين
صدقيني صدقيني أني بحبك من كل قلبي مع أني ما بعرفك وأني آخدة عنك أحلى فكرة

مرحبا صبايا كيفكون شو اخباركن ؟ وينكون ؟؟ اممم نسيت انو هلاء صيام وكلكن بالمطبخ حاليا ههههههه
الله يسهل عالجميع ويتقبل منا ومنكون
وسفره دايمه عالجميع وخاصه دمشقيه عن جد اكلاتك كتير طيبه
استني عليي شي يوم بدي صور لك اكلات من تحت ايديي هههههه بس لا تدققي كتير فيها ههههه اكيد مو بمستوى اكلاتك ماشاء الله عليكي . لك نيال جوزك هههههه



هنوده عن جد متل ماقالوا الصبايا الاولى احلا بكتير وهيك بتحفري اسمك واسم خطيبك وتحطي عبارات ظريفه جنبها
عن جد كتير حلوه الفكره الله يسهل اموركـ
ومشان قصه البدله اكيييد امه اختارتها وهو عرفان انك مابتحبي تكون بيضا ماحب يزعلك .
مشكله خطيبك انو محتار بيناتكون انتي وامه مين بدو يراضي ومين بدو يزعل
وامه واصح انها زودتها وبدها تتحكم خايفه انك تسرقي لها ابنها
بس بدك تسايري هلاء وبكرا بعد الجواز راح تقدري تغيريه .. خاصه انك ببيت لحالك يعني هيك امه مانها معكون بالبيت
وماراح تعرف كل صغيره وكبيره بعكس هلاء

والله يسهل اموركـ





لؤلؤه : كلنا منحب سوريا ومنحب بلدنا الغالي واهلها ..
واذا حدا دعا لنا بالخير كلياتنا منفرح من قلوبنا لان الامه الاسلاميه جسد واحد اذا اشتكى منه جزء تداعى له سائر الجسد بالسهر والحمى
وانا كتير متضايقه من يالي عم يصير باهلنا بسوريا وبصراحه يؤسفني انك مو فهمانه شي مع انك سوريه
انو بشار قائدنا ...ومابعرف شووو ؟؟ الله ينتقم منو

سوريا لاهلها وناسها وبدنا نرجع لها قريب ان شاء الله لنستقر فيها ونعيش بين اهلنا احلا عيشه
بكرامتنا وحريتنا ..
وبإذن الله بكرا احلا وانا كتيييييييييييييير متفائله
ولا تيئسوا من روح الله انه لا ييئس من روح الله الا القوم الكافرون

وكل واحد حر برأيه

وبتضلي اخت عزيزه وغاليه ...
وازا حدا خالفك بالراي مو معناتها تتضايقي وتتركي المكان ياللي حبيتيه وفيه اخواتك من بلدك ياللي تقاسموا معك الفرح والحزن ..

وانا ياما سمعت اشياء بتضايقني ومافيه احلا من التطنيش ..


والله يفرجها على اهلنا بسوريا عن جد كلياتنا عم نحترق معهون
وخاصه اهل اللادقيه هلاء الله يكون معهون .. ويفرجها علينا اجمعين
وانا كل يوم مخصصه دعوه الفطر لاهلنا بسوريا


ومتل ماقلت لك احتلاف الرأي لا يفسد في الود قضيه
ومابدنا نخسركـ مشان اختلاف آراء

اهلييييييييييين شاميه كيفك ؟
عن جد كلامك عين العقل ...
يسلم هالتم ..

الله يسعد اوقاتكم يارب
شامية ريتك تؤبشي قلبي ياحق انتي الدرر بذات نفسها
دمشقية يعني عادتك ولا رح تشتريها خخخخخخخخخخخخ عم امزح بس والله ماعم تلاقي شي حلو
عروسه صحة على قلبك بعدين شو احم عم نستنى الصور وينن
اميرة الامورة انتي يلي غاطة مو مبينه لا تطولي الغيبة علينا

لؤلؤة مافيني قول اكتر من يلي قالوه البنات ومو طالع بايدنا غير انه نلتجأ لرب العالمين وندعي الله يحفظ سوريا واهلها ويجعلها بلد آمن ومستقر
وبعدين هيك منهون عليكي تتركينا وانتي بتعرفي غلاوتك عنا

صباح الخير يا بنات كيفكم شو بو الشات نايم ولا ليكون مرشحين متلي لأنو مافي أغلظ من الرشح بالصيف وخصوصي مع الصيام مممممم تحفة
دمشقية وصلت بوساتك لسلومة والله يصبرك لا تنسي انو كلو بثوابو ياستي من شان هيك هالايام ماعاد ولا بنت عم ترضى تتزوج الا ببيت مستقل لأنو يلي متلك بيحملو كل هالضغط النفسي والجسدي قلال

أميرة تسلمي انتي خبرينا شو آخر أخبارك أنت بصراحة انا ما بعرف انت وين مقيمة واذا كنت متزوجة أو لاء

سوريا هاتي خبرينا شو آخر أخبار طبخاتك برمضان ذكرونا ياجماعة وخصوصي المقبلات لأنو الطبخات الرئيسية بيلاقي الواحد خيار قدامو بس المقبلات أنا بحب المقبلات كتير

اهلين شامية سلامتك من الرشح ولي عليه شو غليظ ههههههههههههه ربي يشفيك انتبهي تعدي سلومة
ياستي نحنا كل رمضان منقضيه على شوربة و سمبوسة باللحم والجبنة البيضة والجبنة التشيدر والفتوش او التبولة يعني على الفطور مامنطبخ طبخ ممكن نطبخ على السحور ومو دائما
بس عندك الفطاير بالسبانخ والعجة وكمان فيكي تسلقي بطاطا منيح وتهرسيهم منيح وتساويها عجينة وتبهريها وتعمليها كور صغيرة وتحشيها جبنة موزريلا وزبدة او اي جبنة كتير طيبة والله الاكل بيحير
دمشقية وينك اليوم حبيبتي مو طالع حسك
سلامي لكل البنات

صباح الخير صبايا مع انو عندي الضهر بس هلأ صحيت ما عاد نمنا غير بعد ادان الفجر كل اوقاتي ملخبطة و مع انو النهار بقولو طويل بس انا ما عم حس فيه الحمدلله
بعرف دايما بتعرفو ظروفي ولا كان بنطلكم دايما ههههههههههه مع كرشي كمان هههههههههه دخلت بنص السابع و حاسة انو بلش الجد وما عم اخلص من الاوجاع و قبل كم يوم رحت على الاسعاف قالولي انو جسمي ما عم يتحمل التقل و ما لازم وقف كتير او امشي كتير او عصب كتير لانو كل هيدا بزيد الوضع سوءا هههههههه بالفصحى
حبيباتي يا حلوين اشتقتلكن موووووووووووت وما لحقت شوف الردود لاستغل الوقت بالكتابة لانو تالا متل امها بعدها نايمة طمنوني كيف رمضان معكن شو جهزتو لاطافيلكن للعيد مين راح مين اجى مين مو صايم اليوم ههههههههههههه انا الحمد لله رح صومو كلو و اليوم معزومة عند سلفتي ادعولي :D
مبارح نزلت اشتريت لتالا للعيد يا ويلي شو هلكتني و اخر شي غمضت و اشتريتلها فستان و لبسة تانية بلوزة مع فيزون و كمان لبسة بلوزة مع برمودا غير الشوزات بتعرفو الصغار في العيد ما الهن امان 8o|
اعطيكن فطوري اخر كم يوم لحتى عوض انقطاعاتي و تقولو منيح يلي ما بتيجي كل يوم :lol:
عملت مرة ورق عنب و محشي كوسا و قبل يومين فريكة مفلفلة مع سلطة خيار بلبن و يلي قبل مقلوبة باتنجان و بطاطا و مرة جاج تندر مع بطاطا مقلية و شوربة شو كمان غير العزايم طبعا اما الحلو فما عملت شي حتى قطايف ما جبنا لهلأ بس كنت اكلو بالعزومة حبة وخلص او يجيب جوزي حلويات جاهزة لانو ما الي نفس على الحلو ابدا يعني عملت اول يومين طبقات الشوكلاتة اكلت انا و تالا صحن صغير و الباقي بقي متا ما هو :thumbs_down:
هيدي اخباري و اموري و برجع بتأسفلكن كتير كتير F:F:F:

كيفك حبيباتي والله اشتقتالكم من قلبي وكل عام وانتو بالف خير وان شالله بينعاد عليكم وانتو بالف خير اعذروني ع الانقطاع بس اذا عرفتوا أني ولدت وخلصت فلم الرعب أكيد بتعذروني والله هلكت بهالولاده جايتكم بالتفاصيل:'(:'(

يسعدلي مساكم يارب

شامية حبيبتي على الحمد لله الله بيبلي وبعين والله يقدرنا نعين الناس حتى الله يعيني بكبرتي اذا ربي عطاني عمر
بخصوص الاكل والشرب متل ماقالت سورية ماكتير منطبخ برمضان منقضيها مقبلات وتساقي اكتر شي
اليوم والله كانت عندي سورية انا عملت بيتزا وفتوش وشوربة وهي عملت تبولة وفطاير يمنية باخمري اذا بتعرفيها وسمبوسك لحمة وجبنة
والحمد لله الله يكتر الخير على الجمييع يارب

انتي شو اخر اخبارك وعزايمك والي منوووو ....



888888888

بنوتة الشام ولا مدام الشام الف الف مبروووك البيبي الجديد يتربى بعزك يارب
عم نستنى التفاصيل ياحبوبة


88888888888888

اميرة الامورة مية اهلا وسهلا فيكي وتسلميلي والله هذا من زوووقك عم استنى اكلاتك انا كمان يالله صوري وورجينا
واكيد كل شي طيب تسلم الايادي ياااارب
طمنينا عنك وشو اخر اخبارك هاتي لنشوووف

اهلين كاتي طل القمر والله
الله يقومك بالسلامة يارب وان شالله ولادتك تكون ميسرة وسهلة على خير يااارب
كلنا والله منام على بعد الفجر ومنصى الضهريات اصلا مع الصوم والشوبات صاير نهارنا ليل وليلنا نهار

مباركيين الملابس لتالا تلبسهم بالهنا يارب والله انا محمود وشام اشترينالهم وخلصنا باقي اشياء خفيفة وانا مابدي شي عندي عباية جديدة
وملابس مانلبسوا يعني مااعتقد اني راح اشتري شي واصلا لا عندنا احد يجينا ولا احد نروحله يعني انا وبيت اختي وبس

سلميلنا على زهرة وحشتنا وان شالله تكوني انتي وهي بالف خير دوووم يارب

يالله اتفضلوا اليوم اليالنجي من ايدين سورية بيجنننننننن خاص للموحمات وللبنات كمان هههههه





والحلا من ايديني شخصيا هههه كلاج على كيف كيفكم

السلام عليكم جميعا
شايفة اليوم الشات للغياب ههههههههه اهلين كاتس خانم كيفك صمصومة قلبي والله الك وحشة وسلامة قلبك امانة انتبهي على حالك ربي يقيمك بالسلامة
وان شاء الله مباركين ملابس تالا العسل ملبوس الهنا يارب والله انا لسى عم قضي ماخلصت
ابقي طلي علينا وسلامنا الحاااااااااااااااار لزهرة

اهلين بنوتة الحمدلله على سلامتك وان شاء الله البيبية بتتربى بعزك وعز ابوها يارب شو سميتيها ؟

سلام عالحلويين كلهم والغايبين ان شاء الله الجميع يكون بخير وصحة وعافية

اهلين سورية كيفك اليوم
تعالي بما انو مافي غيري وغيرك تعالي نعزل هالشات صارت الغبرةعليه هالللللللقد ههههه
المهم ان شالله الكل يكون بخير والله يتقبل منكم يارب وان شالله ربي يعود عليكم رمضان بالخير ,,, عم يضبضب اغراضه ياحسرة علينا

يالله اتفضلوا مافي شي من واجبكم

تسقية محبوبة جوزي ههههه



فطاير جبنة



وفطاير لجمة وسبانخ



والحلا هو كنافة بالقشطة على كيف كيفكم اعملتها بالمقلاية الصغيرة هههههه بس طلعت جناااان



وهي اول قطعة الكم