لمتنا السورية اهلا وسهلا فيكم لشهر رمضان 1432

شامية ماشالله سفرة عامرة يخذي العين عنك ووجهك ابيض من يومك ياقمر
الله يقويكي يارب بس ماقلتيلنا شو كان الحلو لانو اهم شي برمضان مع القهوة هههههه

سورية ماسمعت حسك وينك غاااطة عم استناكي بكرا لا تطولي

مرحبا حلوات مشتاقة للكل
كيفك هنودة اشتقنالك كتير بالنسبة للبدلة لاتاكلي هما ابدا وبعدين سكري الصورة الاصلية وحطي ببالك البدلة اكيد رح تكوني حلوة كتير طالما يلي رح يلبسا بنت حلوة وامورة (اسمك هند حلوة الحلوات ) يعني شو ما لبستي رح تكوني قمر
بس لفكرة الكروت ما عندي فكرة بس اخت دمشقية حطتلك افكار روعا عنجد كتير حلوين والله يوفقك يارب ويتمملك عالخير
ايمت عرسك؟

لولية;15456412:

حبيبتي شامية الله يخليكي يا رب بس بتعرفي السن والخبرة وأنا من النوع اللي إلي مراق بهيك أشيا بدور وبتطلع وباخد أفكار وبسأل يعني مثلا بالنسبة للحمامات لفيت بيروت كلها زنقة زنقة لحد ما لقيت اللي عجبني طبعا غير تدويري بالإنترنت وعطيت هالأفكار للمهندس فعملي هيدي الصور وطبعا غيرت وبدلت كتير ولسه عم غير فيها بس أهم شي استقريت على الأشيا الأساسية متل الرخام والدهان والكهربا والجفصين مثلا شفتي غرفة النوم أنا كان كتير جاي عبالي حط مدفأة نار أو شيمينيه فكمان دورت لحد ما لقيت مين عنده وكيف الميكانيكا تبعها وكيف بتنحط ومتل مانك ملاحظة أنا فتحت غرفتين عندي بالبيت يعني عملت متل سويت لحالي فكان طلبي الدفاية يكون إقدر شوفها من الجهتين لو قعدت بغرفة النوم أو لو قعدت بغرفة القعدة فعطونا فكرة الدبل فيس وهكذا

مثلا متل حمام غرفتي بإحدى سفراتي كنت بماليزيا شفت باب غرفة البيكادش كان زجاج وبيطل على غرفة النوم فعجبتني الفكرة ونقلتها للمهندس وعملي اياها
بقى شوفي أنا ماشية بحياتي على مثل بيقول ( أحلى مني الله خلقها أشطر مني دمن فزرا) بعرف مثل عنيف شوي بس كل ما بشوف حدا عمل شي عجبني فورا ببدي إعجابي بهالشي وبهالطريقة اللي قدامك بيكون مبسوط إنه يعلمك هالشي وهيك بتتكون عندك خبرة كبيرة بكلشي

لعيت كتير ماهيك

يا ستي معك كل الحق بس ياما في نسوان أنا بعرفهم منيح وشايفتهم بعيلتي بتلاقي أبسط مثال بتقعد الوحدة جنب زوجها بالسيارة وهو ورا الدريسكيون 30 سنة وما بيخطرلها تتعلم السواقة أو بالأصح مريحة حالها ما بتحب تتعب مخها ولا بتحب تطور حالها وخدي بقى على نسقها في ناس بتشوف من رفقاتها ومن معارفها لك من التلفزيون يلي ممكن كتير يطور الذوق والمعارف وبتلاقيها مكانك راوح سبحان الله وفي بالمقابل نسوان فالحين شو ما شافو بيحبو يتعلمو متلك تمام مابدي أمدح بحالي بس جد أنا مدودة و بتجاكر اذا في شي شغلة صعبت علي وبلقط دغري من الناس والعالم واذا كنت بمكان وحكو فيه بشي شغلة بجهلها بسكت وبتعلم ومافي أحلى من الست يلي متل الزبدية الصيني بس بلاحظلك أنو هدول الناس الفضوليين ويلي بيحبو يتعلمو بيتعبو بحياتن أكتر بحشريتهم من يلي مريحين مخهم لأنو بيدخلو حالهم بكل شي مابعرف اذا الك رأي تاني

أنا هالمرة لعيت كتير مو ؟

الدمشقية;15458142:
شامية ماشالله سفرة عامرة يخذي العين عنك ووجهك ابيض من يومك ياقمر
الله يقويكي يارب بس ماقلتيلنا شو كان الحلو لانو اهم شي برمضان مع القهوة هههههه

تسلميلي يارب دمشقية بس كل هالتعب بتعرفي أنا لحالي وعندي صغير بالبيت وما بتسمعي كلمة يسلمو ايديكي والله ياستي صرت عازمة بيت حمايي مدري كم مرة وبنات حمايي بيطير عقلن لما بعزمهم بيحبو أكلي بس حماتي ولا مرة قالت تسلم ايدك يعني ما شالله بيبين أنو حبو الأكل من خلال الكمية يلي عاملتيها والكمية يلي زادت لأنو ماشالله عاملة أكل كتير ومن كل أكلة مازاد شي بسيط والنقارش والسلطة والبرك والعصاير ماشالله انمسحت الصحون نهائيا البركة يعني الواحد بينسبط لما بيتعب وبيلاقي الناس أكلت واتهنت بس حماتي ما بتعترفلك أنو أكلك طيب أبدا ولا بتطلع منها كلمة مديح بنوب وسهرو يومها عندي لنص الليل وانبسطو وحملت حالها وطلعت طبعا أنا تعودت على هالشي مرة ساويت على طلبهن بيتزا يمكن قلتلكن والله البركة زاد قطعتين بس بعد ساعة من العشا اتخانقوا عليهم بنات حماي وسلفي ومرة ساويت كبسة تشكيلة مع طبخاتها بتصدقي والله والله طبختها ما حدا داقها بنوب غير عمي والكبسة انمسحت مسح ولك وكلمة شكرا ما بتطلع منها بينما هي بتضل بتمدح بطبخاتها وبأكلها وأنها شاطرة وفالحة ونضيفة وتعبانة بحياتها وبتحكي وبتحكي وبتمدح بحالها لدرجة أنها بتحرق حالها لأنك عالحكي بتتوقعي تشوفي شي خارق بتلاقي شي عادي جدا

فعلا لعيت كتير مو هههههههه كل هالحكي وما جاوبت على سؤالك عن الحلويات ياستي عملت كيك ومازاد معي وقت لغير هيك فجاب زوجي حلو جاهز مع الكيك وكاسيتا مممم غير شكل

شامية للعظم;15458593:




تسلميلي يارب دمشقية بس كل هالتعب بتعرفي أنا لحالي وعندي صغير بالبيت وما بتسمعي كلمة يسلمو ايديكي والله ياستي صرت عازمة بيت حمايي مدري كم مرة وبنات حمايي بيطير عقلن لما بعزمهم بيحبو أكلي بس حماتي ولا مرة قالت تسلم ايدك يعني ما شالله بيبين أنو حبو الأكل من خلال الكمية يلي عاملتيها والكمية يلي زادت لأنو ماشالله عاملة أكل كتير ومن كل أكلة مازاد شي بسيط والنقارش والسلطة والبرك والعصاير ماشالله انمسحت الصحون نهائيا البركة يعني الواحد بينسبط لما بيتعب وبيلاقي الناس أكلت واتهنت بس حماتي ما بتعترفلك أنو أكلك طيب أبدا ولا بتطلع منها كلمة مديح بنوب وسهرو يومها عندي لنص الليل وانبسطو وحملت حالها وطلعت طبعا أنا تعودت على هالشي مرة ساويت على طلبهن بيتزا يمكن قلتلكن والله البركة زاد قطعتين بس بعد ساعة من العشا اتخانقوا عليهم بنات حماي وسلفي ومرة ساويت كبسة تشكيلة مع طبخاتها بتصدقي والله والله طبختها ما حدا داقها بنوب غير عمي والكبسة انمسحت مسح ولك وكلمة شكرا ما بتطلع منها بينما هي بتضل بتمدح بطبخاتها وبأكلها وأنها شاطرة وفالحة ونضيفة وتعبانة بحياتها وبتحكي وبتحكي وبتمدح بحالها لدرجة أنها بتحرق حالها لأنك عالحكي بتتوقعي تشوفي شي خارق بتلاقي شي عادي جدا

فعلا لعيت كتير مو هههههههه كل هالحكي وما جاوبت على سؤالك عن الحلويات ياستي عملت كيك ومازاد معي وقت لغير هيك فجاب زوجي حلو جاهز مع الكيك وكاسيتا مممم غير شكل

اهلين شامية لك احكي تؤبشبيني وفشي قلبك نحنا هون لبعض يعني لا لعي ولا شي
بالعكس

وياحبيبة قلبي خليكي واثقة بحالك دائما ومالك بحاجة لمديح حدا منهم في ناس لئيمة والكلمة الحسنة والطيبة صعبة عليهم انها تطلع
بس صدقيني انك ست معدلة وست بيت كاملة ماشالله عنك وهنن عارفين هالشي بس صعب
يحكوه ولو كنتي غير هيك كنتي سمعتي كلام عالطالعة والنازلة بقى الحمد لله سكوتهم هو اكبر مدح الك صدقيني

قلتيلي بتمدح بحالها وبطبخاتها اي قليلها لكن مداح حالو بسلم عليكي :lol:

ياعلى قطاطك الله لا يحملنا مغيبتهم خخخخخخ :lol::cool:
وماشالله الاكلات بتجنن ان شالله هنا وعوافي يارب منيح منك ماشالله والله بدهم تحضير ووقت
كبير الله يقويكي
وياعين ياعين على الكاسيتا مع هالشوبات تحفة عوافي

يالله اتفضلوووو

كيفكم بنات يسعدلي مساكم جميع اسفة عم طول الغيبة بس بتعرفوا ركض رمضان وحماتي عندي بقا صعب افتح نت كتير

الدمشقية;15447926:
مية اهلين بنووووووووووووور العين لولو خانم الف الحمد لله على سلامتك ياقمر والله نور الشات واشتقنالك اكتر اي والله

انبسطلك كتير بهالنزلة والحمد لله اللي شامة بخير الله يحميها يارب هي وشامية بمنطقة حساسة الله يفرجها على الجميييع يارب
اه يالولو والله قلوبنا هنيك وعقلنا ماعاد يتحمل اللي عم نسمعه ونشوفه بقى الله يصطفل بللي كان السبب وحسبي الله ونعم الوكيل
احسن شي

وتسلميلي يالولو يالله انا كمان عم استنى اكلاتك الطيبين ماشالله عنك نفسك بالاكل حلو وهالشي واضح وباين من كل الصور والاكلات اللي كنتي تحطيهم بقى لا تخافي وجهك ابيض حبيبة قلبي والله يقويكي على طول بلشتي عزايم المفروض هنن يعزموكي اول
ولييييييييي على قطاطهم (( حاسة حالي متل زهزهان ولي شو بلعي خخخخخ ))

اي تؤبشي قلبي الكرابيج ياكربوجة مقاديرها كالتالي

بتحطي عيار الطحين اللي بدك ياه وملعقة صغيررررررررررررررة خميرة شي بسيط يعني وملعقة صغيرة سكر وشوية مي وشوية زيت يعني سلامة عرفك
انها تصير عجينة ظريفة وناعمة وبتحطيلها قدر ملعقة صغيرة محلب وملعقة صغيرة يانسون والاتنين بدهم يكونوا ناعميييين كتير حتى ييمتزجوا مع العجينة تمام وممكن تحطيلها حبة البركة ازا بتحبي
وبس تتركيها خمس دقائق مو اكتر وبتبلشي تقطعي قطع صغيرة وتشكليها على المصفاية من برا حتى تاخد شكل الكرابيج
وبتقليها بزيت عميق وحامي وبس تتحمر متل العوامة بتحطيها بالقطر وصحتين وعاااااااااااافية

الله يسلمك حبيبة قلبي
هنن عزموني وانا بس تركنت قلت لرد العزيمة دغري وبتعرفي سفرة رمضان حلوة باللمة
وهاد من زؤقك والله لانه انت حلوة بتشوفي كلشي حلو
ياستي عملت كباب هندي ورز واوزي ولبن بخيار ومعكرونة صدف وفتوش وفتة جاج وشوربة كويكر وسلطة خضر مسلوقة بالمايونيز وفطاير سبانخ وسمبوسة لحمة وجبنة والحلو ترماسو بس ماقدرت صور مع العجقة البركة خيرها بغيرها
يسلموا يديكي عالوصفة بدي جربها اذا الله راد

سورية وبفتخر;15448252:
الله يسعد اوقاكم يارب
روح عامر الله يهون عليكي وعلينا هالغربة يارب
لك مية اهلا ومية سهلا بلؤلؤة خانم الحمدلله عى سلامتك وحشتينا كتير
الحمدلله يلي ماكتبلك تشوفي شي وكانت رحلتك حلوة الله يحمي سوريا يارب ويحمي اهلها
وامانة سلمي على شامة وقليلها تطل علينا
دمشقية حبيبة قلبي الله يسلم هالديات ياحق ويسلم ايدين ابو محمود لساكي ممغوصة طمنيني
اهلين لولية ست الكل وانتي وبناتك بالف خير وصحة وعافية يارب
وغرفتك بسم الله ماشاء الله بتجنن هادية ورايقة ياعمي انتي ام الذوق ان شاء الله بتتهني يارب

سورية حبيبة قلبي الله يسعدك ويحميلك اطافيلك وانت وحشتوني كتير والله

شامية للعظم;15449774:
ياصباح الخير رجعت ومالاقيت حدا رد بغيابي كيفكم ؟ كل عام وأنتو بخير جميع
أول شي ألف ألف مبروك لعروتنا وبانتظار مواضيعك الخاصة عن ترتيبات عرسك بما أنك كنت معيشتينا بالجو كملي معنا ورجينا الباقي

لؤلؤة ألف الحمد لله على سلامتك والحمد لله يلي انبسطتي برحلتك بس طلعت شامة جارتنا بحرستا خبريني وين ساكنة أختك بأي مكان ؟؟ ومنشان سلومة رح ابعتلك الصور يلي بعتن للبنات

دمشقية تسلم ايديك شو هالأكل الظريف صحتين وعافية أنا بكرا جاية لعندي بيت حماي وبيت سلفي واليوم بدي حضر عالخفيف كم شغلة
سورية كيف رمضان معك طمنيني وكيف هدى عالفطام ان شالله ماعم تضوج عالرضاعة

لولية يسعدلي أوقاتك كيفن عرايسك وبالنسبة لغرفتك ما اشء الله كتير كتير رايقة وحلوة ياستي شو بدنا بالحكي فعلا متل ما قالت سورية انت أم الذوق بكل شي تياب ومكياج وديكور وأكيد لسا في مواهب مخباية الله يهنيك يارب

روح عامر كيفا بنوتك طمنيني ومشان سهرلك الليالي أنا عانيت تلات شهور من المغص تبع ابني بشهادة البنات ماخليت دوا ولا وصفة ما جربتا بس عالشهر الرابع استقرت أمورو الحمد لله

الله يسلمك حبيبتي شايفة كيف طلعتوا جيران انت وشامة
شامةبيتها جنب مسجد الشافعي انت وين قريبة من مطعم بباي شي لانه انا هاد المطعم اكتر شي بعرفه بحرستا هههههههه
هلق رح فضي صندوق الوارد وعم استنا صور سلومة الله يحفظه

حبيبة قلبي دودي هلق الصور يلي حطيتيهم ماعلقت عليهم لانو كلون منزلتن هههههههههههههههه يعني عندي ياهن

يلا ومتل ماقلتي رح انزل على السوق وشوف واكيد رح ورجيكم البدلة لتخلص بخاف ورجيكم ياها هلق قبل الحبكة وقبل الشك تتفاجأو وتنصدمو خخخخخخخخخخخخخ



روح عامر حبيبتي خجلتيني خلص اكيد رح حط صورتها بس تخلص عرسي مبين قديش بقي له بالمؤشر عرسي ب11/9/2011 حلو مو انهيار امريكا خخخخخخخخخخخخخخخخ

طبعا اذا الله راد

شامية اكيد رح نزل الصور


صح بنات ماحدا قلي على الزفة والرقصة يلي بدي ارقص عليها

امانة ادعولي الله يتمم على خير ويصير كلشي متل مابدي في شغلات عم تضايقني كتير وبس بدي مرق هل عرس يعني ماني هيك مبسوطة ابدا انا وعم جهز للعرس امه بتتدخل بكل شي

تخيلو هديك اليوم قالتلي ايمتا بدنا نروح نعمل بروفة قلتلا مشان شو قال لتختاري الاغاني وتدربي على الفوتة قلتللا لا انا هي الشغلة تاركتها لابي بس هو يقرر بروح

افففففففففففففففففففففففففف

ايه صح مشان ماتقولولي شو دخل ابوكي بابا بيعمل اعراس كتير بقا هو رح يجبلي بنات للزفة ورح يسجلي غنية خاصة الي ولخطيبي وهيك يعني بس هي مابنتطاق مفكرة حالها العروس وبدها تتدخل بكل شي

صحيح بدي اسئلكم سؤال
هلق عنجد غنية رامي عياش بغنيلا وبدقلا قال مصورها لامه مدري مع امه

يعني مو لحبيبته

يارب جمعة مباركة عالجميع
اشتقتلكم كتير بس والله اولادي مستلطين عالاب توب كل مابيشوفوني فتحته بصير بدهم العاب ماعم يخلولي دور هههههههههههههه
شامية ان شاء الله ربي بيحميلك سالم اسم الله عليه شو حلو اللهم صلي عالنبي ان شاء الله بتشوفيه بأعلى المراتب وبتفرحي فيه وان شاء الله بيتك عامر ومتل ماقالتك الدمشقية بقى لاتزعلي حالك
لولية عم نستنى صور الحمام
روح عامر شو اخبارك مع بنتك لسى عم تعذبك بس متل ماقلتي لقيتي شي تتسلي فيه والله احلا تسلاية
لؤلؤة وانتي كمان ان شاء الله بيتك عامر الله يعينكم شغالين عزايم بس والله مافي احلا من اللمة
دمشقية هيني رجعتلك شميت ريحة الحلا اممممممممم

اهلين هنودة ان شاء الله يارب كل شي بيكون متل مابدك واحسن يارب
هلأ بالنسبة للزفة والله انا مابعرف شو الدارج هلأ بس انا بعرسي دخلت على اسماء الله الحسنى كانت كتير حلوة والها رهبة وفي عندك غنية ماجدة الرومي طلي بالابيض طلي كمان كتير حلوة واغنية ترقصي عليها في جاية وايدي على قلبي ليارا واغاني رقصة السلو في بتحدى العالم لصابر الرباعي يعني انا عم حاول اساعدك وذكرك شوي هههههههههه
بس انتي شو بدك باغنية رامي عياش صارت قديمة كتير ومابعرف والله اذا لأمه ولا حبيبته

هااااااااااااااي كيفكن أشتقتلكن كتير كان عبالي فوت أقرأ أخباركن وحدة وحدة بس قلت بالأول بحط رد وبسلم عليكن بعدين بقرأ لأني كل ماأفتح المنتدى بيجي جوزي بقوم بطفيه وبضبو خخخ

أنا بخير ومو حاسة برمضان بنوب بدي نزل صور عرسي بس بدن سهرة مرتبة ...


هند الغنية لأمه وكل عيد أم بيحطوها وكتير قديمة أنا عرسي نسق الأغاني المطعم عندن دي جي ومرتب كتير طلع حلو بس أخترت غنية رقصة سلو

لولية;15448013:

يسعد مساكن يا أحلى صبايا وكل عام وإتو بألف خير يا رب ورمضان كريم والله كتير كتير مشتاقتلكن بس بتعرفوا رمضان ومشاغله
أول شي ألف مبروك لعروسة ابراهيم وان شاء الله ربي يسعدك يا رب وأمانة بس تيجي على بيروت تحكيني خلينا نتعرف على بعض ورح ابعتلك رقمي على الخاص وليكي اعتبريني متل أمك حبيبتي بعرف الغربة صعبة الله لا يدوقها لحدا
الصبايا كلهن حبيباتي الحمدلله كلكن بخير

وعليكي يارب الله يبارك فيكي تسلمي مابتقصري وانا ناطرة رقمك . الغرفة كتير مرتبة وراااااااايقة انا روح قلبي الرواق تتهني فيها .

شامية للعظم;15449774:
ياصباح الخير رجعت ومالاقيت حدا رد بغيابي كيفكم ؟ كل عام وأنتو بخير جميع
أول شي ألف ألف مبروك لعروتنا وبانتظار مواضيعك الخاصة عن ترتيبات عرسك بما أنك كنت معيشتينا بالجو كملي معنا ورجينا الباقي

الله يبااارك فيكي ان شاء الله كله رح زببطو ونزلو ..

هند حلوة الحلوات;15454582:
رحبا ياحلوين كل عام وانتو بخير عروسة مبرووووووووووووك عالززواج الف مبروك شو كيف الزواج لقيتيه مابيخوف اول يوم

وكيف كان عرسك بدي اعرف صار كل شي متل مابدك انا كتير متوترة وخايفة ولسا ناقصني خير الله شغلات

وبدلة العرس بس يخلص رح ورجيكم ياه اكيد حبيبايت لانو ماطلع متل الصورة بس الكل قالولي حلو بس الصورة احلى ياربي

بدو شي اسبوع وبيخلص وبورجيكم ياه اوكي والبيت اه من البيت يمكن اسكن ولسا ناقص الف شغلة دوبو يخلص كسوة لهلق حتا خلص الطيان بقي بلاط ودهان وسيراميك

ليو انا اشتريت صندوق اكسسوار بس المكياج وين بدي حطه جاي عبايل جبلو شنتاية

ادعولي حبيباتي

بالتوفيق الله يبارك فيكي هههه بالنسبة للخوف مافي شي بخوف كله هين

ترتيبات العرس كلها كانت متل مابدي الحمد الله وراح التوتر باللحظة يلي فتت فيها على المطعم .. انا جبت فرقة زفتني وحطو وانا فايتة احلى زفة ليال عبود وصلوني لعند عريسي ورقصت سلو على زورو i want to spend my lifetime loving you ورقصت على غنية تانية بس مابعرف شو كان اسمها ان شاء الله بتتيسر أمورك عرسك وبيصير متل مابدك ..

بعتزر ازا نسيت حدا او ماأنتبهت ع شي رد موجه إلي ..

سلامة بنات كيفكم وشو اخباركم
شو هادا هنودة فرحي وفرحك بيوم واحد
انا كان عرسي 11\9 يعني نفس اليوم
بس كان يوم حلو كتير وبتتيسر كل امورك ;)
الله يتمملك على الخير ويهنيكي ويسعدك طول العمر وتتيسر عليكي كل الامور ويكون يوم عرسك يوم مميز وكلو فرح
بالنسبة للغنية (بغنيلا وبدقلا) حتى لو كانت للام حلوة للرقص
عندي غنيتن حلوين للرقص
وحدة لحالك ( هي بتتغنج عالكل حلوة وبتشوف بحالا) طوني كيوان
والتانية يكون عريسك بالصالة وترقصيلو ياها وهو عم يصفقلك(من بين الكل اخترتك) رولا سعد

مسا الخير عالحاضرين والغايبين
حبيت فوت واسلم عشان ماتسجلوني غياب

لؤلؤة الشام0;15461110:
الله يسلمك حبيبة قلبي
هنن عزموني وانا بس تركنت قلت لرد العزيمة دغري وبتعرفي سفرة رمضان حلوة باللمة
وهاد من زؤقك والله لانه انت حلوة بتشوفي كلشي حلو
ياستي عملت كباب هندي ورز واوزي ولبن بخيار ومعكرونة صدف وفتوش وفتة جاج وشوربة كويكر وسلطة خضر مسلوقة بالمايونيز وفطاير سبانخ وسمبوسة لحمة وجبنة والحلو ترماسو بس ماقدرت صور مع العجقة البركة خيرها بغيرها
يسلموا يديكي عالوصفة بدي جربها اذا الله راد

اهلين لولو الله يقويكي يارب ويكون بعونك ان شالله
اي بس مو تتحججي بحماتك ونبطل نشوفك :)
اي والله رمضان حلو باللمة والجمعة الله يعيده علينا جميع بالخير والمسرات وصدقيني مو مجاملة بس انتي ماشالله عنك دهب معتق

وماشالله سفرة عاااامرة يخذي العين عنك انا والله بتلبك كتيير بالعزايم وبتلاقيني عم لاطش ملاطشة بين هنا وهناااك:confused:

لولو مرة عطيتيني عجينة البرك بس والله راحت عن بالي ممكن لو سمحتي تعيديلي ياها
الله يذكرها بالخير مونو مرة حكت عنها بس انا نسيت :cool: